ئەڤرۆ نیوز:
سوبەهی ئەینیێ 21.2.2020 دێ وەلاتیێن ئیرانێ ب مەرەما هەلبژارتنێن پەرلەمانی بەرەف سندوقێن دەنگدانێ ڤەچن.
سوبەهی دێ هەلبژارتنێن خولا ١١ یا پەرلەمانێ ئیرانی برێڤە چن، وەلاتیێن ئیرانی دێ دەمژمێر ٨ سپێدی دێ چنە سەر سندوقێن دەنگدانێ هەتا دەمژمێر ٦ ئێڤاری دێ بەردەوام بن، د دەمەکێ دا کو بانگەشا هەلبژارتنان ل وى ولاتی دەمێ ١٣ رۆژانە دەست پێکریە.
هەر ل گەل هەلبژارتنێن خولا ١١ یێن پەرلەمانێ ئیرانێ دی هەلبژارتنا ناڤەندێن جڤاتێن باژێرڤانیان بۆ خولا پێنجێ ژی برێڤەچن.
ئەڤرۆ نیوز:
دەمێ زەلام حەز ژنەکێ دکەن، پەیڤ و ده‌ربرینێن جۆدا بۆ هه‌ستێن وان ب كار دئینن، به‌لێ هەڤشێوێ خانمان زەلام ژی حەز دكهن ئه‌ڤان ده‌ربرینان ژ خانمان ب بهیزن.
. تۆ كه‌سەکێ ب هێزی و ئەز دشێم پشتا خوە ب تە گرێ بدەم:
هەموو زەلام حەز دكهن و بۆ وان خۆشه ره‌گه‌زێ به‌رامبه‌ر وه‌سفا وان بكەت، ب‌تایبه‌ت هەکە خۆشتڤیا وی یان هەڤژینا وی بیت و ب ڤێ ده‌ربرینێ دێ هه‌ست ب زەلامینیا خوە کەت.
. تۆ گەلەکێ بەرێزی:
ره‌نگه ل دەف ژنان وەسا بیت، کو ڤێ پەیڤێ چ گرنگیا خوە ل دەف زەلامان نینە، بەلێ د راستیدا ئه‌ڤه ئێكه ژ وان ده‌ربربنێن كو زەلام حەز ژێ دكهن، کو هەڤژینا وی بێژیتێ و ئەڤە بهایەکێ د دەتە زەلامی و بۆ وی گەلەک یا گرنگه.
. ئەز عاشقێ تە مە:
هەکە تە بڤێت هەردەم حەز ژ تە بکەت به‌رده‌وام حەز ژێکرنا خوە بۆ وی دوپات بكه و بێژێ ئەز عاشقێ تەمە.
. نامێن پری هه‌ست و سۆز بۆ بهنێره:
خانم ب هندێ دلخۆش دبن، دەمێ هەڤژینێ وێ نامه‌کا پری ئەڤینی بگەهیتنیە دەستێ وێ، تۆ ژی یا دلنیابه ئه‌و ژی ب هه‌مان شێوه حەز دکەت نامە و پەیڤێن پری ئەڤینی بۆ وی ڤرێکەی.
. ئه‌ڤه گەلەک یا تایبه‌ت بوو، سوپاسیا تە د‌كه‌م:
دەمێ دیاریه‌كێ د دەتە تە، یان كارەکێ بۆ تە دکەت، سوپاسیا خوە بۆ وی ده‌رببره، ئه‌ڤه دێ نرخ و بهایێ تە زێدە کەت و دێ حەز ژێکرنا تە د دلێ وی دا ب هێزتر لێ کەت.
ئەڤرۆ نیوز:
پشتى تۆمارکرنا پێنج حالەتێن تووشبوون ب ڤایرۆسێ کۆرۆنایێ و گیان ژ دەستدانا دو کەسان ل باژێرێ قوم یێ ئیرانی، وەزارەتا نافخۆ یا عێراقێ بریارا پێدانا ڤیزا راستەوخۆ ل خالێن سنوری ب گەشتیاران بۆ وى ولاتی هەلوەشاند.
وەزراەتا نافخۆ یا عیراقێ راگەهاند، بریارا پێدانا ڤیزێ ب گەشتیاران کو ب ئاوایەکێ راستەوخۆ ل خالا سنوری ب گەشتیارێن ئیرانی ددان هەلوەشاند، ئێدی ب ئاوایەکێ راستەوخۆ ڤیزا گەشتیاری ل خالێن سنوری یێن وی ولاتی نادەن.
هەروەسا ب ئەگەرێ بەلاڤبوونا ڤایرۆسێ کۆرۆنا حوکمەتا عیراقێ بریار دا دەرگەهێ سنوری یێ شیب ل پارێزگەها میسان ل گەل یئرانێ بدائێخیت.
هەڤدەم وەزارەتا ساخلەمیا عێراقێ نڤیسارەکا فەرمى بۆ جڤاتا وەزیران هنارتیە، داخوازا قەدەغەکرن و هاتنا هەموو کەسان دکەت کو ژ ئیرانێ بهێنە عێراقێ، ژبلی شاندێن سیاسی کو پشکنین بۆ بهێتە کرن.
ئەڤرۆ نیوز، نەوزاد هلۆری:
ب بەرهەڤبوونا وەزیرێ باژێرڤانی و گەشتوگۆزار، رێڤەبەریا گشتی یا باژێرڤانیان ل پارێزگەها دهۆکێ و سەروکاتیا زاژێرڤانیا زاخۆ، کومبوونەکا بەفرەهـ ل هەولێرێ هاتەکرن ل بارا چارەسەکرنا ئاریشا گلێشی ل زاخۆ، ل داویێ چارەسەریا گلێشی زاخۆ هاتەکرن.
کوردۆ شابان، بەرپرسێ راگەهاندنا وەزارەتا باژێرڤانی و گەشتوگۆزار یا حوکمەتا هەرێما کوردستانێ بو ئەڤرۆ نیوز گۆت: (ئەڤرۆ ب ئامادەبوونا ساسان عەونی، وەزیرێ باژێرڤانی و گەشتوگۆزار یا حوکمەتا هەرێما کودستانێ، دیسان ب بەرهەڤبوونا رێڤەبەرێ گشتیێ باژێرڤانیان ل پارێزگەها دهۆکێ و سەروکێ باژێرڤانیا زاخۆ، کومپانیا پەیوەندیدار ب گلێشی ل زاخۆ، کومبوونەکا بەرفرەهـ ل بارا چارەسەرکرنا ئاریشا گلێشی ل زاخۆ هاتەکرن).
زیدەتر گۆت: (د کومبوونێ دا چارەسەریا ئاریشا گلێشی ل زاخۆ هاتەکرن، ب گورەی راسپاردێن وەزیرێ باژێرڤانی دڤێت جهەکێ پەیوەندیدار ل وەزارەتێ و جهێن شولەژێ ب زوترین دەم کارێن خوە تمام بکەن ژبەرکو چارەسەرکڕنا گلێشی ئێکە ژ کارێن بەراهیێ یێن کابینا نوو یا حوکمەتا هەرێما کوردستانێ).
ئەڤرۆ نیوز، نەوزاد هلۆری:
ب بەرهەڤبوونا دکتور هەلو عەسكەرى، سەروكێ دەستەيا پاراستن وچاككرنا ژينگەهێ، كونفرانسا قوتابيان بۆ پاراستنا ژينگەهێ ل هولا رێڤەبەريا گشتى يا باژێرڤانيێن پارێزگەها دهوكێ هاتە ئەنجامدان، کونفرانس ژلایێ رێڤەبەریا گشتی یا پەروەردا پارێزگەها دهۆکێ و فەرمانگەها ژینگەها دهوکێ ب سپونسەریا کومپانیا مەحمود هاتبویە ئەنجامدان و تێدا 25 پروژە هاتنە نیشاندان و قوتابیان ب تێر و تەسەل شروڤەکرن.
ئەڤرۆ نیوز:
ئیمانوێل ماکرۆن سەرۆکێ فرەنسا راگەهاند کو رێ نادەین ل فرەنسا ل ژێر ناڤێن جودا جودا هاریکاری بۆ رێکخراوێن توندرەو بهێتە کۆمکرن و گەلەک حسابێن بەنکی یێن رێکخراوێن توندرەو هاتینە قەپاتکرن و دێ ب هەموو رەنگەکێ شەرێ وان کەسان کەین یێن کو هاریکاریا رێکخراوێن توندرەو دکەن یان ژی پارا بۆ وان کۆم دکەن.
ئەڤرۆ نیوز:
بەرپرسەکێ پۆلیسێن باژێرێ هانائو یێ ئەلمانیا راگەهاند کو د ئەنجام دو هێرشێن چەکداری ل دو جهێن جودا دا ١١ کەسان جانێ خوە ژ دەست داینە.
ل گۆر تۆرێن جڤاکی و زانیاریێن کو هندەک وەلاتیێن کورد بەلاڤکرینە، چەندین کورد ژی هاتینە کوشتن و هەتا نها ژی ڤەکۆلین ل دۆر روودانێ بەردەوام دکەت و پۆلیسان دیار کرینە دێ پاشی زانیاریێن زێدەتر بۆ رایا گشتی ئاشکرا کەن.
ئه‌ڤرۆ نیوز:
یانا یوڤانتوس ل ماوێ چه‌ند حه‌فتیێن بورى ب هێز جاره‌كا دى هاتبوو سه‌ر هێلا ده‌ستڤه ئینانا ستێرا هێلا ناڤینا مانچێسته‌ر یونایتد و هه‌لبژارتیێ فره‌نسا پول پوگبا لێ ژێده‌رێن نێزیكى یانا مان یونایتد وه‌سا دیاركربوون به‌رپرسێن وێ یانا ئنگلیزى هزر ل فروتنا وى یاریزانى خوه نه‌كریه ب چ شێوه و یانا یوڤانتوس وه‌سا دبینن ده‌ستڤه ئینانا ئه‌وى یاریزانى ل هاڤینا بهێت دێ یا ب زه‌حمه‌ت بیت و ژبه‌ر وێ چه‌ندێ یاریزانه‌كێ دى ده‌ست نیشانكریه ل جهێ پوگباى.
رۆژناما توتو سپورت یا ئیتالى دیاركریه یانا یوڤانتوس یاریزانێ ئیسپانى و یانا بایرن میونیخ تیاگو ئه‌لكانتارا وه‌كو پێگوهور ده‌ست نیشانكریه هه‌كه نه‌شیان پوگباى ب ده‌ستخوڤه بینن ل هاڤینا بهێت دێ هه‌ڤبه‌ستێ ل گه‌ل وى یاریزانێ ئیسپانى ئیمزا كه‌ن .
هه‌ژى گوتنێ یه ل چه‌ند رۆژێن بورى بریكارێ پوگبا دیاركربوو دبیت ل وه‌رزێ بهێت پوگبا یاریێ ل یانا یوڤانتوس بكه‌ت لێ هه‌ر زیكا پاش راهێنه‌رێ یانا مان یونایتد به‌رسڤا بریكارێ پوگباى دا بوو دیاركربوو ئه‌و یاریزان گرێداى هه‌ڤبه‌ستا خوه یه ل گه‌ل مان یونایتد و ماڤێ بریكارێ وى نینه ئه‌وان داخویانیا بده‌ت ژبه‌ركو ئه‌و یاریزان ملكێ یانێ یه نه یێ بریكارى یه.
ئەڤرۆ نیوز:
ناڤەندا چاڤدێریا مافێن مرۆڤی یا سووریێ راگەهاند کو چەند رۆژن تورکیا هندەک هێزێن خوە ژ گرێپسی و تل تەمرێ دەربازی ئدلبێ دکەت دا رێگریێ ل ئۆپەراسیۆنا لەشکرێ سووریێ بکەت.
ل ئالیێ دی دوهی وەزیرێ دەرڤە یێ روسیا سیرگیێ لاڤرۆڤ ژی هۆشداری دا تورکیا کو هەکە هێزێن سەربازی دەربازی ئدلبێ بکەت ئەو یەک دێ بیتە ئەگەرێ هندێ رەوشا هەی پتر ئالۆز بیت و ئەو یەک بۆ تورکیا باش نابیت.
نيشاندان