ئەڤرۆ نیوز:
بەشار ئەسەد سەرۆکێ رژێما سووریێ راگەهاند کو ل ئدلبێ و حەلەبێ هێزێن وان شیاینە گەلەک دەڤەران ژ دەستێ هێزێن سەر ب تورکیا دەربخینن و ئەو یەک ژی سەرکەفتنەکا مەزنە و گۆت: (شەرێ مە ل دژی تیرۆرستان و هێزێن سەر ب تورکیا دێ بەردەوام بیت، ئەنجامێن نها بدەستڤە هاتی ژی دووماهی شەری نینە و دڤێت هەموو هێزێن سەر ب تورکیا ژ ئاخا سووریێ دەربخینین).
بەشاری ئەو یەک ژی دیار کر کو دەم یێ هاتی هەموو ئاخا سووریێ ژ تیرۆرستان بهێتە پاقژکرن.
ئەڤرۆ نیوز، له‌زگین جوقی:
رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو ئه‌ڤرۆ 18/2/2020 نوونه‌رێ رێكخراوا ساخله‌میا جیهانێ به‌رێز د. ئه‌دهه‌م ره‌شاد ئیسماعیل ژ به‌غدا هاتیه دهۆكێ دگه‌ل مه دا سه‌نته‌رێ چاره‌سه‌ریا سرۆشتی وشیاندنا نۆژداری ڤه‌كه‌ت.
د. نزار عسمه‌ت رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو ب پشته‌ڤانیا ساخله‌میا جیهانێ رێكخراوا هیڤی نازدار ل دهۆكێ دگه‌ل ساخله‌میا دهۆكێ چه‌ندێن ده‌ستكه‌فتین باش ده‌ست مه ڤه هاتینه بۆ خزمه‌تكرنا ساخله‌میی وئه‌ڤرۆكه ژی بۆ جارا ئێكی ل قه‌زا سێمیلی ل كۆمه‌لگه‌ها ته‌ناهیی ده‌زگه‌هێ چاره‌سه‌ریا سرۆشتی هاته ڤه‌كرن ئه‌ڤ ده‌زگه‌ه یێ تایبه‌ت بۆ كه‌سین په‌لكه‌ڤتی ئه‌ڤ ئاڤاهیی یێ ساخله‌میا دهۆكێ بوو لێ چ كار تێدا نه‌دهاتنه كرن ب سوپاسیڤه رێكخراوا هێڤی ئازدار شیا پرۆژه‌كێ پێشكیشی ساخله‌میا جیهانێ بكه‌ت وشیان جاره‌كا دێ ڤێ بنگه‌هێ دروست بكه‌ن نێزیكی 300 هزار دولارێن ئه‌مریكێ ل پرۆژی هاتینه مه‌زاختن ب شێوازه‌كێ گه‌له‌ك پشكه‌ڤتی هاتیه چێكرن وهه‌موو ئامیره تێدا هاتینه دابینكرن ئه‌م هێڤدارن رێكخراو پتر هه‌ڤكاربن داكو بشین خزمه‌تا بۆ هه‌موو تاخێن جڤاكێ په‌ێدابن ب تایبه‌تی ژی یێن پێدڤی چاره‌سه‌ریا سرۆشتی هه‌بن.
د. ئه‌دهه‌م ره‌شاد ئیسماعیل، نوونه‌رێ رێكخراوا ساخله‌میا جیهانێ دیاركركو ئه‌ڤ ده‌زگه‌هێ چاره‌سه‌ریا سرۆشتی بۆ هه‌موو تاخ و چینین جڤاكێ هاتیه دروستكرن خه‌لكێ خوه جهێ دهۆكێ دگه‌ل ئاواره وپه‌نابه‌ران دێ مفایێ ژی وه‌رگرن ئه‌ڤ ده‌زگه‌هێ چاره‌سه‌ریا سرۆشتی نه كیمتر ژ ده‌زگه‌هێن ئوروپی هه‌موو ئامیره و خزمه‌ت تێدا هه‌نه دێ شیت خزمه‌ته‌كا باش پێشكیشی وه‌لاتیان كه‌ت یێن پێدڤی ڤێ ده‌زگه‌هێ دبن .
د. بها‌و الدین به‌رپرسێ كه‌رتی ساخله‌میێ ل قه‌زا سێمیلێ دیاركركو ئه‌ڤه بۆ جارا ئیكی یه ل قه‌زا سێمیلێ ده‌زگه‌هه‌كێ وه‌سا باش یێ چاره‌سه‌ریا سرۆشتی دهێته چێكرن دێ مفایێ گه‌هینته خه‌لكێ ده‌ڤه‌رێ كو هژماره‌كا زۆر ئاواره وپه‌نابه‌ران ل سێمیلێ هه‌نه ئه‌م دخوازێن پتر رێكخراو هه‌ڤكاریا مه بكه‌ن واری ساخله‌میێ دا بتایبه‌تی ژی بۆ چێكرنا بنگه‌ه و نه‌خۆشخانه‌یان ودابینكرنا ئامیرێن نۆژداری داكو باشتر خزمه‌تا خه‌لكێ سێمیلی بهێته كرن.
ئەڤرۆ نیوز:
پەیام باقری سەرۆکێ سەندیکا پێشەسازیا کارەبێ ل ئیرانێ راگەهاند کو بەری نها وان رێککەفتنەکا کارەبێ ل گەل عیراقێ ئیمزا کربوون، پشکەک ژ وێ رێککەفتنێ بەری نها هاتبوو بجهئینان، لێ ژ بەر گوهۆرینا رەوشا سیاسی و ئابووری نها ئەو رێککەفتن هاتیە راگرتن.
ناڤهاتی ئەو یەک ژی دیار کر کو جارێ دیار نینە کا دێ چارەنڤیسێ رێککەفتنا وان ل گەل عیراقێ بەر ب کیڤە بچیت، لێ وان دڤێت عیراق ل گۆر رێککەفتنێ کار بکەت و خالێن رێککەفتنێ ژی بجه بینیت.
ئەڤرۆ نیوز:
فەهیم تاشتەکین بسپۆرێ کاروبارێن سیاسی یێن سووریێ راگەهاند کو هەتا نها گەلەک دەڤەرێن سەر ب ئدلبێ ژ ئالیێ هێزێن سووریێ ڤە هاتینە کۆنترۆلکرن و ئەردۆگانی بەری نها گەلەک جاران گەف ل رژێما بەشاری کرن لێ نەشیایە بەرسڤا هێرشێن سووریێ بدەت.
ناڤهاتی دیار دکەت کو روسیا چەندین جاران هۆشداری دایە ئەردۆگانی و تشتێ نها دیار دبیت تورکیا ژ ترسا روسیا نەوێریت بەرسڤا هێرشێن هێزێن سووریێ ژی بدەت.
ئەڤرۆ نیوز:
بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ فەرماندارێ گشتی یێ یەپەگێ دیار کریە کو د رەوشا نها یا ئالۆز ل سووریێ دا نابیت ب چو رەنگەکێ ئەو هێرشی هێزێن تورکیا بکەن، چونکو هەکە شەرەک د ناڤبەرا وان و تورکیا دا دەرکەڤیت ئەمریکا بەرەڤانیێ ژ یەپەگێ ناکەت.
هەمان بەرپرسێ ئەمریکا دیار کریە کو نابیت یەپەگە ئالۆزیێن د ناڤبەرا تورکیا و روسیا دا وەکو دەلیڤە بۆ خوە ببینیت و هێرشی هێزێن تورکیا بکەت.
ئەڤرۆ نیوز:
ب هه‌لكه‌فتا ده‌ربازبونا 67 سالا ل سه‌ر دامه‌زراندنا ئێكه‌تیا قوتابیان وئێكه‌تیا لاوێن دیموكراتا كوردستانێ ئه‌ڤرو سپێدێ 18/ 2/2020 به‌رێز فه‌رهاد ئه‌مین ئه‌تروشى پارێزگه‌رێ دهوكێ سه‌را كوربه‌ندێ ئێكه‌تیا قوتابیێن كوردستانێ دا ، ژلایێ به‌رپرس وئه‌ندامێن ئێكه‌تیا قوتابیان وئێكه‌تیا لاوێن دیموكراتا كوردستانێ پێشوازى لێ هاته كرن.
بڤێ هه‌لكه‌فتێ پارێزگه‌رێ دهوكێ 67سالیا دامه‌زراندنا ئێكه‌تیا قوتابى ولاوان پیروز كر وسه‌ركه‌فتن بو ئه‌ندامێن هه‌ردوو رێكخراوا خواست و رولێ هه‌ر دو رێكخراوا دخه‌بات و پێشڤه‌چوونێ دا به‌رز نرخاند.
ئەڤرۆ نیوز:
سەرۆک مەسعود بارزانی پێشوازی ل جێمز جێفری نوونەرێ تایبەت یێ ئەمریکا بۆ کاروبارێن سووریێ کر و د روونشتنەکێ دا سەرۆک بارزانی راگەهاند کو نابیت ب چو رەنگەکێ زۆرداری ل سووریێ ل کوردان بهێتە کرن و دڤێت مافێن کوردان بهێتە پاراستن.
سەرۆک بارزانی ئەو یەک ژی دیار کر کو نابیت ئەمریکا و وەلاتێن رۆژئاڤا رێ بدەن کو دیموگرافیا رۆژئاڤایێ کوردستانێ بهێتە گوهۆرین، چونکو ئەو یەک دێ کارتێکرنەکا خراب ل کوردان کەت و دێ بیتە ئەگەرێ هندێ کو قەیرانا سووریێ ژی بەردەوام بیت.
ئەڤرۆنیوز، سەباح زوهێر زێباری:
ئەڤرۆ ب مەرەما ٦۷ سالیادا دامەزراندنا هەردوو رێکخراوێن ئێکەتیاقوتابیێن کوردستانێ وئێکەتیالاوێن دیموکراتا کوردستانێ چەند چالاکیێن جورا و جور ل ئاکرێ هاتنە ساخکرن.
دلدار فارس بەرپرسێ ئێکەتیا قوتابیێن کوردستانێ ل ئاکرێ بۆ ئەڤرۆ نیوز دا دیارکرن کو مە مەرەما ٦۷سالیاداهەردوو رێکخراوێن ئێکەتیا قوتابیێن کوردستانێ و لاوێن دیموکراتا کوردستانێ کو دو رێکخراوێن پری خزمەتن دتێکوشان و خەباتا رزگاری خوازا گەلێ کوردا کو چەندەها کەسێن بسپۆر وخودان دەستهەلات ئەدامێن ڤێ رێکخراوێ بووینەل سەر دەمێ رێبەرێ نەتەوا کور (بارزانیێ نەمر) هەتا نوکە بەردەوام شیایە کادرێن ژێهاتی بەرهەم بینیت،لەوا مە فەر زانی ژبەر خزمەتا ڤان هەردوو رێکخراوان دسالێن بوریدا خزمەتا ڤان رێکخراوان دیارکەین.
گۆت ژی ژبەر خزمەتا ڤان هەردوو زێکخراوان چەند چالاکیێن جورا و جور گێران ل ئاکرێ دناڤ قوتابخانە و چەند جهێن دی دا و هەروەسا مە فەر زانی پێشانگەهەکا تایبەت یا پەرتۆکان ڤەکەین و دناڤ هولا کونفرانساندا بۆ ماوێ چەند روژان و دێ چالاکیێن مە دبەدەوام بن و ئەڤرۆ ل هولا کونفرانسادا پێشوازیا تەڤایا مێهڤانێن ناڤەندێن حکومی و حزبی کریە ب هەلکەفتا سالیادا هەر دو رێکخراوێن ناڤبری.
ئەڤرۆ نیوز، عەلی حاجی :
دو ئاهەنگێن جودا دا ل باژێرێ زاخۆ ب هەلکەڤتا ٦٧ە مین سالیادا دامەزراندنا ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ هاتنە گێران.
حکمەت محەمەد نوری بەرپرسێ ناڤەندا بالا ل زاخۆ بۆ ئەڤرۆ نیوز گوت : د ژیێ ٦٧ سالیا خوە دا ئێکەتیا لاوێن دیموکراتا کوردستانێ خەبات و خزمەتاک درێژ هەیە بۆ تەخا لاوان لەورا د ژیێ خوەیێ نوو دا وەکو ناڤەندا زاخۆ دێ بەرنامەیەکێ رێک و پێک دانین دا کو زێدەتر بشێن خزمەتا تەخا لاوان بکەن ل باژێرێ زاخۆ، هەر دیسان ب هەلکەڤتا ١٨ی شوباتێ د بەرنامەیەکێ رێک و پێک دا مە چەندین چالاکی ئەنجام دان و دێ ئەڤ چالاکی یە د ماوەیێ ڤێ هەیڤێ دا د بەردەوام بن،هەر دیسان گەرمترین پیروزباهیان ژی ل تەڤایا لاوێن کوردستانێ دکەین و بلا هەمی لاوا ناڤەندێن سەر ب ئێکەتیا لاوێن دیموکراتا کوردستانێ ڤە ب مالا خوە بزانن .
ژلایێ خوەڤە ئەحمەد سەعید بەرپرسێ لقا زاخۆ یق ( ئ.ق.ک ) گوت: (ماوەیێ دو روژایە مژوولی گێرانا ئاهەنگانە ب هەلکەڤتا ١٨ی شوباتێ و ئێکەتیامە پێخەمەتی ب وێ ب ئارمانجا هاتیە دامەزراندن چەندین شەهید د وێ پێناڤێ داینە لەورا دێ هەلگرێ وێ ئارمانجێ بین داکو زێدەتر تەخا قوتابیان بکەین و دێ بەردەوام بین د چالاکیێن روژانە دا و مە بەرنامەیەکێ باش ژی بۆ ڤێ چەندێ دانایە).
ئەڤرۆ نیوز،عەلی حاجی :
ل گورەی راگەهاندنەکا وەزاره‌تا کاره‌بێ یا حکومەتا هەرێما کوردستانێ هاتیە دیار کرن ب مەرەما راکێشانا هێلەکا دیتر یا کارەبێ ژ وێستگەها کواشێ بۆ وێستگەها تلکەبەرێ ل زاخۆ دو کۆمپانی دێ ب كارێ راکێشانا وێ رابن .
هەر ل گورەی وێ راگەهاندنێ ل وەزارەتا کارەبێ دوهی رۆژا دو شەمبێ ب ئامادەبوونا وەزیرێ کارەبێ گرێبەستا راکێشانا هێلا ١٣٢ کەی ڤی ل وێستگەها کارەبێ ل کواشێ بۆ وێستگەها کارەبێ ل تلکەبەرێ دگەل کۆمپانیێن ستێر و شاندز هاتە گرێدان و بریارە ب کوژمێ نەهـ ملیۆن شەش سەد و بیست هزار دۆلاران ئەو هێلە بهێتە راکێشان و بریارە ئەڤ پرۆژەیە د ماوەیێ ١٨٠ رۆژان دا بهێتە راکێشان و بێ گیرو بین دا کو ب شێوەیەکێ باش کار ل سەر راکێشانا وێ هێلێ ب دوماهی بهێت ژبەرکو زاخۆ بتنێ ل سەر ئێک هێلێ یە و راکێشانا وێ هێلێ دێ خزمەتەکا باش بۆ باژێرێ زاخۆ کەت و ئەڤ چەندە پشتی وێ یەکێ هات ب بریارەکا مەسرور بارزانی ئەڤ هێلە بۆ باژێرێ زاخۆ بهێتە راکێشان .
دیسان هاتیە دیار کرن کو وەزیرێ راگەهاندی یە باژێرێ زاخۆ بەرەڤ مەزن بوونێ ڤە چوویە و ئەڤ پرۆژەیە دێ ژ پرۆژێن گرنگ بن بو وی باژێری زاخۆ و دبەرنامەیێ وەزارەتێ دایە هەمی ئاریشەیێن ڤەگوهاستنا ووزەیا کارەبێ و گرێدانا وێستگەهێن ڤەگوهاستنا کارەبێ ب کاربئێخستنا وان چارەسەر بکەت .
نيشاندان