ئەڤرۆ نیوز:
نێچیرڤان بارزانی سەرۆکێ هەرێما کوردستانێ پێشوازی ل هانس ئاکەربووم کونسولێ گشتی یێ وەلاتێ هۆلەندا ل هەرێما کوردستانێ کر و نێچیرڤان بارزانی راگەهاند کو هەرێما کوردستانێ دشێت مفای ژ ئەزموونا سەرکەفتی یا وەلاتێ هۆلەندا د بیاڤێ چاندنیێ دا وەربگریت، و ل هەمبەر دا کونسولێ گشتی یێ وەلاتێ هۆلەندا ژی راگەهاند کو نها پەیوەندیێن هۆلەندا و هەرێما کوردستانێ د ئاستەکێ باش دانە و هۆلەندا بەرهەڤە پەیوەندیێن خوە ل گەل هەرێما کوردستانێ د هەموو بیاڤان دا باشتر لێ بکەت.
ئەڤرۆ نیوز، زنار تۆڤی:
ل سپێدەهیا ئه‌ڤرۆ ئێکشەمبی، 25/10/2020، (کاکە مەم فەخری سامی) یێ ناسیار ب كاكه مه‌م بۆتانی، سه‌رۆكێ ئێكەتیا نڤیسه‌رێن كوردستانێ وەغەر كر، ئەڤرۆ پشتی نیڤرۆ د ل گۆرستانا شێخ ئه‌حمه‌دی ل هه‌ولێرێ هێتە ڤەشارتن.
كاكه مه‌م بۆتانی، ل 10-1-1937 ل باژێرێ (کۆیە) ژ دایک بوویە، قۆناغێن خواندنا سه‌ره‌تایی ل گوندی هه‌رته‌لی خۆشناوه‌تی و باژێرێ كۆیێ و سلێمانیێ ته‌مام كرینه، خواندنا دویێ ناڤنجی ل كه‌ركووكێ خواندیە، خواندنا بلند ژی ل به‌غدا ته‌مام كریه.
كاكه‌مه‌م بۆتانی، ئێکەم چیرۆکا خوە ل سالا (1957) بەلاڤەکریە، ل سالا (1968) ب هاریکاریا هندەک ئەدیبێن کورد ل بەغدا، مژوولی دروستکرنا رێکخراوەکا ئەدەبی بوو، هەتا ل (10-2-1970) ب شێوەکێ فەرمی ئێکەتیا نڤیسەرێن کورد دامەزراند.
ل گەل چار ئەدیبێن گەنج بانگەوازیا (روانگە) بەلاڤکر، کو وەک رێبازەکا نوو یا ئەدەبێ کوردی دهێتە دیتن.
ل سالا (1971) دا ل گەل (30) ئەدیبان، دژی بیروباوەریا کەڤنەپەرست راوەستیان و پشگیریا سەربەستیا ژنان کر، بانگەوازیا (ئەی قەلەمێن نەترس ئێکبگرن ) بەلاڤکریه،
ل (1993) هەتا (2000) بۆ دەمێ حەفت سالان راوێژکارێ رووناکبیری بوو ل وەزارەتا رەوشەنبیری یا حوکمەتا هەرێما کوردستانێ.
ل سالا (2000) حوکمەتا (سوید) ئیقامە دا بوویێ، کاکەمەم سەرۆکێ ئێکەتیا نڤیسەرێن کورد و ئەندامێ ئێکەتیا ئەدیبێن سویدێ بوویە.
ئەڤرۆ نیوز:
بەری دەمەکێ د روودانەکا گرتنا کارەبێ دا ل سەنتەرێ ناحیا دێرەلۆکێ کەسەکێ گیانێ خوە ژ دەستدا.
ژێدەرەکێ ل نەخۆشخانا ئامێدیێ، بۆ ئەڤرۆ نیوز دیار کر: بەری دەمەکێ کەسەک گەهاندیە نەخۆشخانێ کو ژ ئەنجامێ گرتنا کارەبێ گیانێ خوە ژ دەست دایە و دیار کر: ناڤێ وی محەمەدە و ژ دایکبوویێ سالا ١٩٩٨٠ یە، ئاکنجیێ سەنتەرێ ناحیا دێرەلۆکێ یە.
ئاشکرا کر ژی: پشتی ڤەکۆلینێن دەستپێکی بۆ نۆشداریا داد ل ئامێدیێ هاتیە شاندن و تەرمێ وی رادەستی کەس و کارێن وی هاتیە کرن.
لدووڤ وان زانیاریێن ب دەست ئەڤرۆ نیوز کەفتین، ل دەمێ کارکرنێ ل سەر ئاڤاهیەکێ دو قاتی کارەبێ گرتیە و پشتی هنگێ د وی ئاڤاهیێ دوقات دا کەفتیە خوارێ و گیانێ خوە ژ دەست دایە.
ئەڤرۆ نیوز:
قەلەوترین کەسە ل بریتانیا، پشتی نەخۆش بووی ب رێیا كرێنەكێ ژ مالا وی هاتە دەرخستن بۆ نەخۆشخانێ، داكو چارەسەریا وی بهێتە كرن.
جیسۆن هۆلتۆن، گەنجەكێ بریتانیە و د ژیێ 30 سالیێ دایە، کێشا وی 318 كیلۆگرامە و ژ بەر قەلەویا خوە یا زێدە، پێنج سالە ژ مال دەرنەكەفتیە.
جێسۆن دبێژیت: گەلەك حەز ژ خوارنێن وەكی سەندەویچ و جبس و كێك و پسكێت و ڤەخوارنێن غازی دكەم.
میدیایێن بریتانی دیار دکەن: دەمێ جیسۆن ژ مالا وی ڤەگوهاستی، پەنجەرا مالا وی هاتیە دەرخستن و ب بلندكەرێ ژ نهۆمێ سێیێ ئینایە خوارێ و پاشی بۆ نەخۆشخانێ هاتیە ڤەگوهاستن.
بەرهەڤکرن، زنار تۆڤی:
دەمێ ژ مال دەرخستی جیسۆنی گۆت: بۆ من گەلەك خۆش بوو، پشتی پێنج سالان بۆ جارا ئێكێ شیام هەوایێ پاقژ هەلبكێشم.
ئەڤرۆ نیوز:
نیکۆل پاشینیان سەرۆک وەزیرێن ئەرمەنستانێ راگەهاند کو مخابن هەلویستێ روسیا ل دۆر شەرێ نها د ناڤبەرا وان و ئازەربایجانێ دا گەلەک خرابە و گۆت: (ئێدی مە چو هێڤی ب روسیا نەماینە و ژ بلی روسیا ژی چو وەلاتەکێ دی هاریکاریا مە ناکەت).
سەرۆک وەزیرێن ئەرمەنستانێ ئەو یەک ژی دیار کر کو وەلاتێ وی ئەو شیان هەنە بشێت ل هەمبەر هێرشێن ئازەربایجانێ بەرخوەدانیێ بکەت و داخواز ژ گەلێ ئەرمەنستانێ ژی کر کو خوەدان ژ وەلات و ئاخا خوە دەرکەڤن.
ئەڤرۆ نیوز:
رێڤەبەریا خوەسەر یا رۆژئاڤایێ کوردستانێ د داخۆیانیەکێ دا راگەهاند د دەمەکێ دا کو ل هەموو جیهانێ بابەتێ کۆرۆنایێ بوویە ئاریشەکا مەزن و مەترسیێن وێ ل سەر مرۆڤاتیێ رۆژ ب رۆژێ زێدەتر لێ دهێن، تورکیا و هێزێن سەر ب وێ ب چەکێن گران هێرشی خەلکێ سڤیل یێ رۆژئاڤایی کوردستانێ ل عەین عیسا و دەوروبەرێن وێ دکەن.
رێڤەبەریا خوەسەر داخواز ژ جڤاکێ نێڤدەولەتی دکەت کو ل هەمبەر هێرشێن تورکیا و هێزێن سەر ب وێ ڤە بێدەنگ نەمینن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٨٦٠ کەسێن دی ل هەرێما کوردستانێ تووشی کۆرۆنایێ بووینە و ٢٦ نەخوش ژی مرینە.
ل گۆر ئامارا وەزارەتا ساخلەمیێ ٤٥٤ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ٣٨٣ کەسێن دی تووشی کۆرۆنایێ بووینە و ١١ نەخوش ژی مرینە، هەروەسا ٢٥٨ نەخوشێن کۆرۆنایێ ژی ل پارێزگەها دهۆکێ چارەسەر بووینە.
ئەڤرۆ نيوز. زنار تۆڤی:
رێڤەبەریا به‌ره‌ڤانيا باژێری ل پارێزگه‌ها دهۆكێ بۆ ئەڤرۆ نيوز دیار کر: ئه‌ڤرۆ شەمبیێ، گه‌نجه‌كێ 15 سالى د رووبارێ خابیری دا ل زاخۆ خه‌ندقى.
بێوار عه‌بدولعه‌زيز، به‌رپرسێ راگه‌هاندنا به‌ره‌ڤانيا باژێرى زێدەتر ئاشکرا کر: سنێلەک ب ناڤێ (ع، خ، ع)، كو خه‌لكێ زاخۆيه كه‌فتیە د ئاڤا پرۆژێ زاخۆ دا، د ناڤبه‌را جه‌م سيرمۆ و پرۆژه‌يى دا و خه‌ندقیە.
ئەڤرۆ نیوز:
دەزگەهێن راگەهاندنا ئیسرائیلێ دیار دکەن کو پشتی سودانێ راگەهاندی وان دڤێت پەیوەندیێن خوە ل گەل ئیسرائیلێ ئاسایی بکەن نها ژی ٥ وەلاتێن دی یێن عەرەبی بریار داینە کو پەیوەندیێن خوە ل گەل ئیسرائیلێ ئاسایی بکەن کو ئێک ژ وان ژی سعوودیێ یە.
لێ هەتا نها ژ بلی سعوودیێ ناڤێ چار وەلاتێن دی یێن عەرەبی نەهاتیە راگەهاندن.
ئەو یەک د دەمەکێ دایە کو هەتا نها ئیمارات، بەحرێن، ئوردن، سودان و مسرێ پەیوەندیێن خوە ل گەل ئیسرائیلێ ئاسایی کرینە.
نيشاندان