ئه‌ڤرۆ نیوز:
یانا به‌رشه‌لۆنا ماوه‌كێ درێژه‌ چاڤدێریا هێرشبه‌رێ ئه‌رژه‌نتینى و یانا ئه‌نتر میلان لاوتارو مارتینێز دكه‌ت بوو ده‌ستڤه‌ ئینانا ئه‌وى یاریزانێ گه‌نچ كو وه‌كو پێگوهورێ هێرشبه‌رێ ئه‌وان یێ ئورگوایى لویس سوارێز بیت ل چه‌ند سالێن بهێت ل یانێ ژبه‌ركو نوكه‌ ژیێ سوارێز گه‌هشتى یه‌ 33 سال و دخوازن پێگوهوره‌كێ باش هه‌بیت بۆ چه‌ند سالێن دى یێ به‌رده‌وام بیت ل گه‌ل پێكهاتیێ یانێ .
رۆژناما سپورت یا ئیسپانى دیاركریه‌ به‌رپرسێن یانا به‌رشه‌لۆنا دخوازن ل هاڤینا بهێت دو ستێرێن خوه‌ بفروشن داكو مارتینێز ب ده‌ستخوڤه‌ بینن ئه‌وژى هه‌ر ئێك ژ یاریزانان ئیڤان راكیتچ و ئه‌رتورو ڤیدال .
هه‌ردیسان وێ رۆژنامێ دیاركریه‌ ژى به‌رپرسێن به‌رشه‌لۆنا د به‌رهه‌ڤن گوهورینه‌كێ ل گه‌ل ئه‌نتر میلان بكه‌ن ئه‌وژى هه‌ردو یاریزانێن خوه‌ بده‌نه‌ وێ یانێ به‌رامبه‌ر وى ستێرا گه‌نچ یا ئه‌رژه‌نتینى لاوتارو مارتینێز .

ئه‌ڤرۆ نیوز:
پشتى ئێكه‌تیا ته‌پا پێ یا ئیسپانیا رازیبوو ل سه‌ر داخوازیا یانا به‌رشه‌لۆنا بۆ ئیمزاكرنا یاریزانه‌كێ نوو ل جهێ هێرشبه‌رێ خوه‌ یێ فره‌نسى دێمبیلى پشتى ئه‌و یاریزانێ ناڤبرى توشى هنگافتنێ بووى هه‌تا دووماهیا ڤى وه‌رزى ژ یاریگه‌هان دوركه‌فتى و به‌رپرسێن یانا به‌رشه‌لۆنا گه‌هشتنه‌ رێككه‌فتنێ ل گه‌ل هێرشبه‌رێ نه‌رویجى و یانا لیگانیس مارتین برایسوایت وه‌كو پێگوهورێ دێمبیلى ل ماوێ بهێت.
رۆژناما سپورت یا ئیسپانى دیاركریه‌ یانا به‌رشه‌لۆنا بریار دایه‌ بهایێ هه‌لوه‌شاندنا یاریزانێ نه‌رویجى برایسوایت 18 ملیون یورۆیا بده‌ته‌ یانا لیگانیس پشتى راهێنه‌رێ یانا به‌رشه‌لۆنا كیكى سیتین داخوازى ژ به‌رپرسێن وێ یانێ كرى هه‌ڤبه‌ستێ ل گه‌ل وى هێرشبه‌رى ئیمزا بكه‌ن .
یانا به‌رشه‌لۆنا هه‌ڤبه‌ستا وى هێرشبه‌رێ نه‌رویجى دێ بوو ماوێ سێ سال و نیڤا ئیمزا كه‌ت هه‌تا هاڤینا 2023 .
مارتین برایسوایت یێ 28 سالى ده‌ستپێكا خوه‌ یا پیشه‌كارى ل گه‌ل یانا ئه‌سبیجرگ یا نه‌رویجى ده‌ستپێكر ژ 2009 هه‌تا 2013 ل گه‌ل وێ یانێ 97 یارى كربوون و شیابوو 19 گولان توماربكه‌ت و ژ 2013 هه‌تا 2017 یارى ل یانا تولوز یا فره‌نسى كر و ل گه‌ل وێ یانێ ژى د 140 یاریان دا شیابوو 40 گولان توماربكه‌ت و ل 2017 یارى ل یانا میدلسبره یا ئنگلیزى كر د 40 یاریان دا شیابوو 9 گولان ل گه‌ل وێ یانێ توماربكه‌ت و ل 2018 ب شێوه‌یێ خواستن یارى ل یانا بوردو یا فره‌نسى كر د 14 یاریان دا 4 گول ل گه‌ل وێ یانێ توماركربوون و ل 2019 هه‌تا نوكه‌ یارى ل یانا لیگانیس كر ل گه‌ل وێ یانێ ژى هه‌تا نوكه‌ 48 یارى كرینه‌ و شیایه‌ 13 گولان توماربكه‌ت كو هه‌شت گول ل وه‌رزێ ئه‌ڤ ساله‌ توماركرینه‌ ل گه‌ل هه‌لبژارتیێ نه‌رویج ژى 39 یاریێن ده‌وله‌تى هه‌نه‌ شیایه‌ 7 گولان توماربكه‌ت