ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ل باژێرێ میونشن د چارچۆڤێ کۆنفرانسێ جیهانی یێ ئاسایشێ دا ل گەل وەزیرێ دەرڤە یێ ئیرانێ محەمەد جەواد زەریف کۆمبوو.
د کۆمبوونێ دا بەحسێ رەوشا عیراقێ و دەڤەرێ ب گشتی هاتە کرن و هەر دو ئالیان دیار کرن کو دڤێت ئاریشێن ل عیراقێ بهێنە چارەسەرکرن و وەزیرێ دەرڤە یێ ئیرانێ راگەهاند کو وان دڤێت پەیوەندیێن خوە ل گەل هەرێما کوردستانێ باشتر بکەن.
ئه‌ڤرۆ نیوز، عه‌لی حاجی :
ل بن چاڤدێریا سه‌وركێ زانكویا زاخۆ و پشكداریا چه‌ندین په‌رتوكخانه و ناڤه‌ندێن چاپێ و راگه‌هاندنێ ئێكه‌مین پێشانگه‌ها په‌رته‌كان یا سالانه ل زانكویا زاخۆ هاته ڤه‌كرن .
دكتور هوگر تاهر راگرێ ڤه‌كولتیا زانستێن مروڤایه‌تی ل زانكویا زاخۆ بۆ ئه‌ڤرۆ نیوز گوت: (ب ڤه‌كرنا ڤێ پێشانگه‌هێ مه ئه‌ند ئارمانجه‌ك هه‌بوون و ژ گرنگترین ئارمانجێن مه ئه‌و بوو كو په‌یوه‌ندیا زانكویا زاخۆ دگه‌ل جڤاك و خه‌لكێ ژدره‌ڤه‌ی زانكویێ باشتر لێ بكه‌ین و بۆ وێ چه‌ندێ ژی دو ترومبێلێن تایبه‌ت هات بونه ده‌ست نیشان كرن خه‌لكێ دناڤ سه‌نته‌رێ باژێری دا بێ به‌رامبه‌ر ڤه‌گوهێزنه دناڤ زانكویێ دا ب مه‌ره‌ما پشكداریكرنا وان كه‌سان دناڤ پێشانگه‌ها سالانه دا و هه‌ر دیسان مه پلان دانایه بۆ سالا بهێت هه‌ژماره‌كا زێده‌تر یا په‌رتوكخانه و ناڤه‌ندێن چاپێ و راگه‌هاندنێ ل پارێزگه‌هێن هه‌ولێرێ و سلێمانیێ پشكداری پێشانگه‌هێ بكه‌ین) .
زێده‌تر ناڤهاتی گوت ژی د پێشانگه‌ها ئه‌ڤساله دا زێده‌تر هه‌شت په‌رتووكخانه و چه‌ندین ده‌زگه‌هێن چاپێ و راگه‌هاندنێ یێ سه‌ر ب وه‌زاره‌تا ره‌وشه‌نبیری و هونه‌ری ڤه یا حكومه‌تا هه‌رێما كوردستانێ و چه‌ندین ده‌زگه‌هێن دیتر ب زێده‌تری 15 هزار په‌رتوكان پشكداری ڤێ پێشانگه‌هێ بوون و هه‌ر دیسان قوتابیان ژی ب رێژه‌یه‌كا باش پێشوازی لێكر و بریاره بۆ ماوه‌یێ سێ حه‌فتیان ئه‌و پێشانگه‌ه یا به‌رده‌وام بیت .
ئه‌ڤرۆ نیوز:
ئه‌ڤرۆ حكومه‌تا چینێ ئاماره‌كا نوو یا نه‌خوشێن كورونایێ راگه‌هاند.
لگۆری ئه‌وێ ئامارێ هژمارا ئه‌و كه‌سین مرین ب ئه‌گه‌رێ ڤایرۆسێ كورونا بلند بوویه بۆ هه‌زار و 669 كه‌سان، كه‌سێن تووشبویی ب ڤایرۆسێ كورونا بۆ 79 هه‌زار و 268 كه‌سان بلند بوویه.
دهی زیده‌تری 140 كه‌سان گیانێ خو ژ ده‌ست دایه و زێده‌تری 2 هزار كه‌سین دی تووشی ئه‌ڤێ ڤایرۆسی بوون.
هه‌روه‌سا دهی كه‌سی ئیكێ یێ توشبوی ب نه‌خوشیا ڤایرۆشێ كورونا ل فه‌ره‌نسا گیانێ خو ژ ده‌ستدا.
حكومه‌تا مسرێ ژی راگه‌هاند ئێكه‌م كه‌س ل مسرێ كۆ كه‌سه‌كێ بیانی بۆ تووشی ڤایرۆسێ كورونا بوویه.
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا بۆردێ كارۆبارێن مرۆڤایه‌تی ل پارێزگه‌ها دهۆكێ ئه‌و ده‌نگۆیه ره‌تكرن د ڤێ سه‌رمایا زڤستانێ دا هیچ ئاواره و په‌نابه‌ره‌كی ژ سه‌رمادا گیانێ خوه ژ ده‌ست دابیت و ئاشكرا كر كو به‌ری هاتنا سارمایێ به‌رهه‌ڤی هاتبوونه كرن و ئاواره و په‌نابه‌ر هاتبوونه پاراستن.
سالم سه‌عید، به‌رپرسێ راگه‌هاندنا بۆردێ كارۆبارێن مرۆڤایه‌تی ل پارێزگه‌ها دهۆكێ بۆ ئه‌ڤرۆ نیۆز دیار كر، د سۆشیال میدیایێ دا و هنده‌ك ده‌زگه‌هێن راگه‌هاندنێ دا هۆسا به‌لاڤببوو كو د ڤێ سه‌رمایا حه‌فتیا بۆری دا ب سه‌ر پارێزگه‌ها دهۆكێ دا هاتی، هنده‌ك په‌نابه‌ر یان ئاواره‌یان ژ سه‌رمادا گیانێ خوه ژ ده‌ست دایه، به‌لێ ئه‌م دووپات دكه‌ین كو چو راستی بۆ وان ئاخفتنان نینن و ب تنێ گۆتگۆتكن و به‌ری هاتنا به‌فرێ و سه‌رمایێ هه‌موو به‌رهه‌ڤیێن سڕ و سارمایێ هاتبوونه كرن.
ئاشكرا ژی كر كو ب دوو قۆناغان نه‌فتا سپی ل سه‌ر ئاواره‌یان هاتبوو دابه‌شكرن و خیڤه‌تێن هه‌موو ئاواره‌یان هاتبوونه گوهۆرین و 480 دۆلار بۆ هه‌ر خێزانه‌كا په‌نابه‌ر و 200 دۆلار بۆ هه‌ر خێزانه‌كا ئاواره هاتبوونه دان بۆ هندێ بشێن وه‌رزێ زڤستانێ ب سلامه‌تی ده‌ربازبكه‌ن.
ئەڤرۆنیوز، سەباح زوھێر زێباری:
عبدالواحد جەمیل زێباری بەرپرسێ زێرەڤانیا ساخلەمیا ئاکرێ ددەتە دیارکرن کو مە تیمێن ساخلەمیێ ھەنە رۆژانە دەردکەڤن ل سپێدە و ئێڤاریان و سەرەدانا جھێن جودا جودا دناڤ بازاری دا دکەن بۆ وێ چەندێ کو بزانین مەرجێن ساخلەمیێ دناڤ وان جھادا ھەنە یان ژی نینە، ڤان جھان بەردەوام چاڤدێرێ و دیفچوون ل سەر دھێتەکرن، داکو پاقژیا وان جھان یا پاراستی بیت و ساخلەمیا خەلکی ژی یا پاراستی بیت.
بەرپرسێ زێرەڤانیا ساخلەمیا ئاکرێ گۆت ژی پشتی مە سەرەدانا کارگەهێن بەرهەمئینانا سپیاتیان ل کومەلگەها خەلیلکان کری دو کارگەهان پاقژیان وان وەکو پێدڤی نەبوو،تێدا(۳٥۰)کیلۆیێن شیری و (٦۰)کیلۆیێن پەنیری و ژاژی هاتنە ژناڤبرن،ژبەر پیسی و خرابوونا وان بەرهەمان و نەبوونا مەرجێن ساخلەمیێ هەردوو کارگەهێن ناڤبری هاتنە سزادان هەر ئێک ب کوژمێ(٥۰۰)هزاردیناران، هەروەسا هەر ئێک ژوان بۆ ماوێ ۷رۆژان هاتنە گرتن وەکۆ سزادانەک بۆ وان.
ئاماژە دا وێ چەندێ ژی ئارمانجا مە ژ دووفچوون و چاڤدێریا ڤان جهان ب گشتی بۆ ئەوێ چه‌ندێیه کو ساخلەمیا خەلکی بپارێزین.
ئه‌ڤرۆ نیوز:
ئالان حه‌مه ره‌شید وه‌زیرێ په‌روه‌رده‌یا حكومه‌تا هه‌رێما كوردستانێ د پرێس كۆنفرانسه‌كی دا راگه‌هاند: بۆ هه‌رتمی بوونا مامۆستایێن گرێبه‌ست، كار ته‌مابوویه و نڤیسار بۆ وه‌زاره‌تا دارایی هاتیه ڤه‌گه‌راندن و پشتی ده‌مه‌كێ دی دێ زڤریته‌ڤه ئه‌و نڤیسار.
وه‌زیرێ په‌روه‌ده‌یا حوكمه‌تا هه‌رێما كوردستانێ دیاركر بابه‌تێ ڤه‌گه‌راندنا پاشه‌كه‌وتێ مووچه‌یێ فه‌رمانبه‌ران، په‌رله‌مانی بریارا خودایه و ل یاسایا ژماره 2 یا چاكسازیێ دا هاتیه جیگیركرن كۆ ڤه‌كرنا ژماره‌یا به‌نكی بۆ فه‌رمانبه‌ران كۆ ئه‌و پاشه‌كه‌وت بچیته سه‌ر و بهێته‌ڤه‌كرن.
ئالان حه‌مه ره‌شید وه‌زیرێ په‌روه‌رده‌یا حكومه‌تا هه‌رێما كوردستانێ ئه‌و چه‌نده ژی دیاركر كۆ نوكه مژیلی دروستكرنا داتابه‌یسه‌كێنه بۆ هه‌مو مامۆستایێن وانه بێژ و هه‌رده‌مێ ره‌وشا دارایی یا حكومه‌تێ گۆنجای بیت مامۆستایێن وانه‌بێژ دێ ل پێشیێ بن بۆ دامه‌زراندنێ، سوپاسیا ئه‌وان ژی دكه‌ین یێن رۆلێ كاریگه‌ر هه‌بوینه.
وه‌زیرێ په‌روه‌رده‌یا حكومه‌تا هه‌رێما كوردستانێ دازانین د هه‌رێما كوردستانێ دا 114 قوتابخانه‌یێن نه ته‌مامكری هه‌نه كۆ ته‌مامكرنا وان پێدڤی ب زێده‌تری 139 ملیار دیناران هه‌یه، ئه‌ڤ چه‌نده ل گه‌ل سه‌رۆكێ حكومه‌تێ ژی هاتیه كرن، كو كۆمه‌كا قوتابخانه‌یان ئێخستینه د پرۆژه‌یێن 2020 تاكو بهێنه ته‌مامكرن، بۆ دروستكرنا قوتابخانه‌یێن نوو ژی پرۆژه‌یه‌كێ به‌رهه‌ڤكری مه هه‌یه تاكۆ بزانین چه‌وا دێ دڤێ كابینه‌یێ دا قوتابخانه‌یین نو دروست كه‌ین.
ئه‌ڤرۆ نیوز:
وه‌زاره‌تا بازرگانیا ئه‌مریكا 45 رۆژ دانه هواوی بۆ موله‌تا گشتی و ده‌مكی بۆ ئه‌وێ چه‌ندێ هاریكاریێ ل گه‌ل كۆمپانیێن ئه‌مریكا بكه‌ت.
وه‌زاره‌تا بازرگانیا ئه‌مریكا راگه‌هاند كۆ 45 رۆژێن دی یێن زێده داینه كۆمپانیا ته‌كنولوجی یا چینێ هواوی بۆ موله‌تا گشتی یا ده‌مكی كۆ هه‌ڤكاریكرنێ ل گه‌ل كۆمپانیین ئه‌مریكی ده‌ست پێ بكه‌ت، ئه‌ڤ ده‌مێ نوو هاتیه دان ب هواوییێ بۆ موله‌تێن ده‌مكی كۆ خۆ ژ كارۆبارێن وه‌ك هنارتنا به‌رهه‌م و ڤه‌گۆهاستنیی دا دبینیت.
كۆمپانیا هواوی ئاسایشا نیشتمانی یا ئه‌مریكا ئێخست بو دمه‌ترسیێ دا ژلایێ واشنتونێ ڤه سزا ب سه‌ر دا هاتبوو سه‌پاند، ل 19 هه‌یڤا ئاب ژلایی وه‌زاره‌تا بازرگانیا ئه‌مریكا سێ هه‌یڤ موله‌تا ده‌مكی دابو هواویی پاشی ل 17 تشرینا دێ بۆ ماوه‌یێ 90 رۆژان هاته درێژكرن، پاشی وه‌زاره‌تێ د بریاره‌كا نودا 45 رۆژێن دی ده‌م درێژكر كۆ هواوی و كۆمپانیێن سه‌ر ب هواوی ڤه هه‌ڤكاریێ لگه‌ل كۆمپانیێن ئه‌مریكی بكه‌ن.
دهۆك، له‌زگین جوقی:
رێڤه‌به‌رێ سامانێ ئاژه‌لی ل پارێزگه‌ها دهۆكێ دیاركركو هه‌یڤانه هه‌تا سێ هزار گۆلكا ژ ده‌رڤه‌ی وه‌لاتی دهێنه دناڤ سنۆری پارێزگه‌ها دهۆكێ دا ئه‌ڤ ژی هه‌موو بۆ گوشتی دهێن پشتی ب ریێن نوژداری دهێته سه‌رژێكرن ئه‌و گوشت بۆ ناڤ بازاری دهێته ره‌وانه‌كرن لێ ئه‌ڤ هژمارا گۆلكا هه‌موو بۆ دهۆكێ نامینن.
رێدیر سدقی شه‌ریف، رێڤه‌به‌رێ سامانێ ئاژه‌لی ل پارێزگه‌ها دهۆكێ بۆ ئه‌ڤرۆ نیوز دیاركركو گوشتێ سۆر ژ ده‌رڤه‌ی وه‌لاتی بۆ دهۆكێ دهێته هاوه‌رده‌كرن پتریا گوشتێ سۆر ریێا ئاژه‌لێ ساخ دهێت یێ جه‌مد گرتی زۆر یێ كێمه چونكو خه‌لك حه‌ز ژ خارنا گوشتێ جه‌مد گرتی نینه لێ گوشتێ سۆر یێ ئاژه‌لی ساخ دهێت سالا بۆرێدا 50 هه‌تا 60 هزار گۆلكان هاتینه ناڤ بازاری دا ئه‌ڤه پتر دناڤ بازارێ مه دا نامینیت وگه‌له‌ك ژی بۆ بازارێن پارێزگه‌هێن عێراقی دهێنه ره‌وانه‌كرن چونكو بازار یێ ڤه‌كریه .
ئاشكه‌را كركو ئه‌م هه‌ولده‌ن پتر پشته‌ڤانیێ ل جۆتیاری مه بهێته كرن بۆ خۆدانكرنا هه‌موو جۆرێن ئاژه‌لی نوكه مه پرۆژه ژی به‌رهه‌ڤكرینه داكو به‌رهه‌مێ خۆمالی باشتر بكه‌ین.
ئەڤرۆ نیوز، زنار تۆڤی:
خانما سترانبێژ هۆنیا كه‌مال، نووترین ڤیدیۆ كلیپا خوە یا ب ناڤێ (ئه‌م دله‌ی من) ، بەلاڤە كریە، کو ژ پەیڤێن ئاوات حەمە سەعیدە و ژ دەرهێنانا رێباز رەئۆف یە.
جهێ ئاماژە پێدانێ یە، ئه‌ڤ كچا سترانبێژه ب رێیا به‌رنامێ (كورد ئایدل) هاتیە نیاسین، پاشی وێ خانمێ ڤیدیۆ كلیپەکا دویت ل گه‌ل سترانبێژ ئاریاس جه‌وان چێکریە، ب ناڤێ (من و تۆ)، ب رێیا ڤێ کلیپێ شیا ناڤودەنگیەکا باش بۆ خوە ل تۆرێن جڤاکی پەیدا بکەت.
ئه‌ڤرۆ نیوز، مه‌حمود نهێلى:
ده‌زگه‌هێ خێرخوازى یێ بارزانى گازا سپى ب سه‌ر هند هه‌ژار و كێم ده‌رامه‌تێن سنورێ ناحیا دێره‌لۆك دا دابه‌ش دكه‌ت ئه‌ڤه دده‌مه‌كى دا نوكه سرۆ سه‌ره‌مایه‌كا زۆر كه‌فتیه ده‌ڤه‌رێ.
شه‌ڤگه‌ر چێیی نوونه‌رێ ده‌زگه‌هێ خێرخوازى یێ بارزانى بۆ ئه‌ڤرۆ نیوز دیاركر، ژ به‌ر هه‌بوونا سرۆ سه‌رمایه‌كا زۆر ل ده‌ڤه‌رێ وان فه‌ردیت گازا سپى ب سه‌ر هند خێزانا دا به‌لاڤ بكه‌ن كو نه‌شێن بو خوه گازێ دابین بكه‌ن و زارۆیێن خوه ژ سرۆ سه‌رمایێ ب پارێزن و گۆت: ئه‌ڤ خێزانێن گاز ب سه‌ر دا هاتیه دابه‌شكرن دورێن 170 خێزانان بوون ل سنورێ ناحیێن دێره‌لۆك و شێلادزێ و كومه‌لگه‌ها سیریێ.
ناڤهاتى ئاشكرا كر، كو بۆ هه‌ر خێزانه‌كێ 40 لترێن گازێ هاتینه دابینكرن .
نيشاندان