ئەڤرۆ نیوز:
ئەڤرۆ مەسرۆر بارزانی، سەرۆک وەزیرێن هەرێما کوردستان ل گەل مایک پۆمپیۆ، وەزیرێ دەرڤە یێ ئەمریکا ل پەراوێزا کۆنفرانسێ ئاسایشا میونشن ل ئەلمانیا کۆمبوو.
مەسرۆر بارزانی ل گەل وەزیرێ دەرڤە یێ ئەمریکا کۆمبوو
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سهرهكى Twitter
چ جاران ئەڤان تشتان نەدانە د سەرشوویێ دا
ئەڤرۆ نیوز:
پرانیا مرۆڤان د دەمێ سەرشووشتنێ دا پێدڤیێن خوە ل گەل خوە دبەنە د سەرشوویێ ڤە و ل وێرێ ددانن، وەکی فرچێ ددانا و لیفکی و خاولی و پێدڤیێن دیتر، د دەمەکێ دا ئەڤە کارەکێ شاشە و مەترسیێ ل سەر ساخلەمیا مرۆڤی دروست دکەت.
مالپەرێ Reader,S DigeSt ئاماژە ب وان تشتان کریە یێن کو نابیت د ناڤ سەرشوویێ دا بهێنە دانان، وەک:
. خاوەلی:
خاوەلی ئێکە ژ وان کەرەستێن کو ب رەنگەکێ زێدە بەکتریا ل سەر کۆم دبن، لەوما پێدڤیە هەر ئەندامەکێ خیزانێ خاوەلیا خوە یا تایبەت هەبیت.
. لیفک:
پێدڤیە هەر دو هەیڤان جارەکێ لیفکێ خوە ب گوهۆری، نابیت بهێلیە دناڤ سەرشوویێ دا، چونکی ب تەرى دمینیت و بەکتریا ل سەر زێدە دبن.
. سەتلا جلکان:
نابیت هەموو جلکان د سەتلا جلکان دا بدانن، هەروەسا پێدڤیە خاوەلیان د ناڤ سەتلەکا جۆدا دا د ناڤ سەرشوویێ دا بدانن.
. فرچێ ددانان:
پێدڤیە هەرسێ هەیڤان جارەکێ فرچێ ددانان ب گوهۆری، دیسان پێدڤیە پشتى بکارئینانێ ب ئاڤێ بشوی و پاقژ بکەى، هەروەسا نابیت د سەرشۆیێ دا بهێتە دانان، داکو بەکتریایان نەڤەگوهێزیت.
. شامپۆ:
دەمێ شامپۆ تەمام دبیت پێدڤیە راستەوخۆ بهاڤێژی، ژبەر کو دبیتە ئەگەرێ کۆمکرنا بەکتریان و ڤەگوهاستنا وان بۆ مرۆڤی.
. میکیاژ و ئێکسسوارات:
دانانا ئێکسسواراتان د سەرشۆیێ دا دبیتە ئەگەرێ ژەنگ گرتنێ و توشی ئۆکسانێ دبیت، میکیاژ ژی تێکدچیت و خراب دبیت.
دەمێ دەنگدانا پەرلەمانی ل سەر کابینا عەلاوی هاتە ئاشکرا کرن
ئەڤرۆ نیوز:
سەرۆکێ کوتلا بەیارق ل پەڕلەمانا عێراقێ ڕاگەهاند، محەمەد تەوفیق عەلاوی کابینا حوکمەتا خوە پێکئینایە، هەکە سوبەهی پەڕلەمان کۆم ببیت دێ دەنگی لسەر پێکهائینانا حوکمەتا وی هێتەدان.
محەمەد خالدی، سەرۆکێ کوتلا بەیارق خەیر و نێزیک ژ محەمەد تەوفیق عەلاوی د داخویانیەکێ دا بۆ ڕۆژناما شەرق ئەوسەت ڕاگەهاندیە، نوکە کابینا عەلاوی هاتیە پێکئینان و یا بەرهەڤە پەڕلەمان دەنگی ل سەر ناڤێ وەزیران بدەت.
دیسان هەکە سوبەهی پەڕلەمان کۆم ببیت، دێ پرۆسا دەنگدانێ ل سەر پێکهاتا کابینێ و ناڤێ وەزیران بڕێڤە چیت.
گۆت ژی، هەڤڕکیێن نوکە یێن عێراقێ د ناڤبەرا پێکهاتان دا نینە، بەلکی د ناڤبەرا ئالیێن سیاسی نە بۆ بدەخستنا دەستکەفتێن حزبی و وەرگرتنا پۆستێن حکومی.
دەربارەی میکانیزمێ هەلبژارتنا وەزیران خالیدی گۆت ژی، عەلاوی ناڤێ نێزیکی ١٠٠ کەساتیان ژ پێکهات و ئالیێن جودا بۆ هاتیە و وی ژی ناڤێ ٢٢ کەسان بۆ وەزارەتان پەسەندکریە، دگل گەل وێ یەکێ دا ژی بۆ هندەک وەزارەتان زێدەتر ژ دو کەسان بەرهەڤکریە، ل دەمێ ڕەتکرنا کەسەکی ل پەڕلەمانی، بەربژارەکێ دیتر دێ جهێ وی گریت.
دەمێ رەنگێ موزێ رەش دبیت زیان هەنە یان ساخلەمیە!
ئەڤرۆ نیوز:
ل دەستپێکا گەهشتنا موزێ، رەنگێ وێ یێ کەسکە و پاشی بۆ رەنگێ زەر دهێتە گوهۆرین و ل دوماهیێ رەش دبیت، تیڤلێ رەشێ ل سەر موزێ نە ب تنێ بێ زیانە بەلکی چەندین مفایێن ساخلەمیى ژى هەنە.
لدووڤ بابەتەکێ مالپەرێ Healthline خوارنا بەشێن رەشبوویێن موزێ ئەڤ مفایە بۆ ساخلەمیێ هەنە:
.مرۆڤێ د پارێزیت و ناهێلیت توشی پەنجەشێرێ ببیت.
. چارەسەریا بەرسوژێ دکەت.
. پەستانا خوینێ رێکدئێخیت.
. خەمۆکیێ کێم دکەت.
. قەفزیێ ناهێلیت.
. هێزەکا زێدە ددەتە مرۆڤی.
. برینا گەدێ کۆئەندامێ هێرانێ چارەسەر دکەت.
. شەری ل گەل کێم خوینیێ دکەت.
. ئێشانا سورا مەهانە (عادێ) کێم دکەت.
ب وێنه 20 باشترین یاریزانان بنیاسه یێن پتر پشكدارى ل گه‌ل ریال مه‌درید كرى
ئه‌ڤرۆ نیوز:
ستێرا به‌رى نوكه یا یانا ریال مه‌درید ره‌ئول گونزالیس ل رێزا ئێكێ دهێت كو پتر پشكدارى ل گه‌ل یانا ریال مه‌درید هه‌بن د مێژویا یانێ دا و گولچیێ به‌رى نوكه یێ یانێ كاسیاس ل رێزا دوێ دهێت و كابتنێ وێ یێ نوكه سێرجیو راموس ل رێزا پێنچێ دهێت .
لیستا ئه‌وان 20 یاریزانێن پتر پشكدارى ل گه‌ل ریال مه‌درید كرى د مێژویا یانێ دا
ره‌ئول گوزالیس ل رێزا ئێكێ دهێت بـ 741 یاریان.
ئیكر كاسیاس ل رێزا دوێ دهێت بـ 725 یاریان .
مانولو سانتیچ ل رێزا سێ دهێت ب 710 یاریان .
كارلوس سانتیانا ل رێزا چارێ دهێت بـ 645 یاریان.
سێرجیو راموس ل رێزا پێنچێ دهێت 606 یاریان .
باكو خینتو ل رێزا شه‌شێ 601 یاریان .
فرناندو هییرو ل رێزا حه‌فتێ ب هه‌مان هژمارا خینتو ب 601 یاریان .
ئه‌نتونیو كاماتشو ل رێزا حه‌فتێ ب 577 یاریان .
مارتینێز «بیری» ل رێزا نه‌هێ 561 یاریان .
میشیل ال رێزا ده‌هێ دهێت ب 559 یاریان.
گوتی رێزا یازدێ ب 542 یاریان .
روبێرتو كارلوس 12 دهێت ب 527 یاریان .
ل رێزا 13مارسێلو دهێت ب 513 یاریان .
ل رێزا 14 تشیندو ب 497 یاریان.
هێرشبه‌رێ فره‌نسى كه‌ریم بن زیما ل رێزا 15 دهێت ب 495 یاریان .
ئه‌مانسیو ل رێزا 16 دهێت ب 471 یاریان.
بوتراگینیو ل رێزا 17 دهێت ب 463 یاریان .
ل رێزا 18 باكو بویو ب 454 یاریان .
سێرا پورتوگالى رونالدو ل رێزا 19 دهێت ب 438 یاریان
ل رێزا 20 زوكو ب 434 یاریان.
چار یانێن به‌رنیاس هه‌ڤركیێ ل سه‌ر ده‌ستڤه ئینانا وى دكه‌ن
ئه‌ڤرۆ نیوز:
چاڤه‌رێ دهێـته‌كرن وه‌رزێ ئه‌ڤ ساله دووماهیى وه‌رزێ به‌ره‌ڤانێ سینگالى و یانا ناپولى یا ئیتالى كولیبالى بیت ل گه‌ل وێ یانا ئیتالى و به‌ر ب خۆلا ئیسپانیا یان ئنگلته‌را بچیت ل وه‌رزێ بهێت.
راپورتێن رۆژنامه‌ڤانى یێن ئیتالى دیاركرینه هژماره‌كا مه‌زن یا یانێن مه‌زن ل سه‌ر ئاستێ ئورۆپا هه‌ڤركیا ب ده‌ستڤه ئینانا ستێرا هێلا به‌ره‌ڤانیا ناپولى كولیبالى دكه‌ن لێ هه‌ر ئێك ژ یانێن ریال مه‌درید یا ئیسپانى و پاریس سانجێرمان یا فره‌نسى و هه‌ردو یانێن مان یونایتد و مان سیتى یێن ئنگلیزى بهێزترین به‌ربژارن بۆ ده‌ستڤه ئینانا ئه‌وى یاریزانێ سینگالى هه‌ر چه‌نده یانا به‌رشه‌لۆنا ژى ده‌ست ب لڤینا كریه بۆ ده‌ستڤه ئینانا ئه‌وى یاریزانى.
دبیت ئه‌ڤ یاریزانه بیته ئه‌گه‌رێ چوونا مودرێچ ل ریال مه‌درید
ئه‌ڤرۆ نیوز:
راپورتێن رۆژنامه‌ڤانى ل ئیسپانیا وه‌سا داینه دیاركرن یانا ریال مه‌درید هزر ل ڤه‌گه‌راندنا یاریزانێ خوه یێ گه‌نچ مارتن ئودیگارد یێ نه‌رویجى كریه ئه‌وێ نوكه ب شێوه‌یێ خواستن یاریێ ل یانا ریال سوسیداد دكه‌ت .
رۆژناما موندو دیپورتیڤو یا ئیسپانى دیاركریه دبیت ل ڤه‌گوهاستنێن هاڤینا بهێت مودریچ پێكهاتیێ یانا ریال مه‌درید ب جه بهێلت هه‌كه ئودیگارد ڤه‌گه‌ریا دناڤا پێكهاتیێ یانێ ژبه‌ركو راهێنه‌رێ یانا ریال مه‌درید هزر ل ڤه‌گه‌راندنا وى یاریزانى كریه .
هه‌ردیسان وێ رۆژنامێ دیاركریه ژى راهێنه‌رێ یانا ریال مه‌درید زێدان دخوازیت ل وه‌رزێ بهێت ئودیگارد ڤه‌گه‌رینته دناڤا پێكهاتیێ یانێ دا و پشت به‌ستنێ ل سه‌ر شیانێن ئه‌وى بكه‌ت تایبه‌ت پشتى وى ئاستێ بلند ل گه‌ل ریال سوسیداد پێشكێشكرى .
ئه‌و چه‌نده ژى هاتیه دیاركرن یانا ریال مه‌درید دخوازیت ل هاڤینا بهێت ده‌ستا ژ یاریزانێ خوه مودریچ به‌رده‌ت و پشت به‌ستنێ ل سه‌ر ئودیگارد بكه‌ت ژبه‌ركو چاڤه‌رێ دهێته‌كرن ل هاڤینا 2021 هه‌ڤبه‌ستا مودریچ ب دووماهیى بهێت و به‌رپرسێن ریال دخوازن به‌رى ب دووماهیى هاتنا هه‌ڤبه‌ستا وى یاریزانێ كرواتى ده‌ستا ژێ به‌رده‌ت داكو ژ چوونا وى یاریزانى یا مفاداربیت .
فڕاكسیۆنه‌كانی ئه‌نجوومه‌نی پارێزگای سلێمانی پێشوازی له بڕیاری مه‌سروور بارزانی تایبه‌ت به شه‌قامی 100 مه‌تری دەکەن
ئه‌ڤرۆ نیۆز، عه‌زیز هه‌ورامی
ئه‌مڕۆ 13/2/2020 نوسینگه‌ی سه‌رۆك وه‌زیران مه‌سروور بارزانی له ڕاگه‌یه‌ندراوێكدا ده‌ڵێ، شەقامی سەد مەتریی سلێمانی لە لایەن بەرێز سەرۆکوەزیرانەوە بە هەمان دیزاینی خۆی ڕەزامەندیی لەسەر دراوە و لەم نزیکانە و دوای گونجاوبوونی کەش و هەوا و ئامادەکارییە بەراییەکان، دەست بە جێبەجێکردنی دەکرێت.
ئه‌ندامانی ئه‌نجوومه‌نی پارێزگای سلێمانی ده‌ستخۆشی له سه‌رۆك وه‌زیران مه‌سروور بارزانی ده‌كه‌ن به ده‌ركردنی فه‌رمانی جێبه‌جێ كردنی پڕۆژه‌ی شه‌قامیی 100 مه‌تری سلێمانی.
زیاد كاكه ڕه‌زا سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی، به ئه‌ڤرۆ نیۆزی گوت:” شه‌قامیی 100 مه‌تری زۆر بۆ سلێمانی گرنگه و به‌جێبه‌جێ كردنی ئه‌و پڕۆژه نه‌ك ته‌نها به‌شاری سلێمانی خزمه‌ت به ئیداره‌كانی گه‌رمیان و ڕاپه‌ڕین و هه‌ڵه‌بجه ده‌كات، جێگه‌ی ده‌ست خۆشییه بۆ سه‌رۆك وه‌زیران مه‌سروور بارزانی، بڕیاری جێبه‌جێ كردنی پڕۆژه‌كه‌ی داوه.
ناوبراو ده‌ڵێ، داوا ده‌كه‌ین به‌زووترین كات پڕۆژه‌ی شه‌قامیی 100 مه‌تری سلێمانی كاركردن تێدا ده‌ست پێبكات، له ساڵی 2013 به‌ردی بناغه‌ی داندراوه به‌ڵام كاركردن تێدا ده‌ستی پێنه‌كرد، به‌هۆی قه‌یرانی دارایی و شه‌ڕی تیرۆرستانی داعش، تێچووی پڕۆژه‌كه زیاتر له 469 ملیار دینار ده‌بێت.
خه‌دیجه عه‌بدولجه‌بار ئه‌ندامی فڕاكسیۆنی خزمه‌ت له ئه‌نجوومه‌نی پارێزگای سلێمانی، به ئه‌ڤرۆ نیۆزی ڕاگه‌یاند:” به‌بڕیاره‌كه‌ی سه‌رۆك وه‌زیران مه‌سروور بارزانی به ده‌ستكردن به‌جێبه‌جێ كردنی پڕۆژه‌ی شه‌قامیی 100 مه‌تری سلێمانی خۆشحاڵێن و ده‌ستخۆشی لێده‌كه‌ین و هه‌نگاوێكی ئه‌رێنییه سلێمانی زۆر پێویستی به‌و پڕۆژه‌یه و به‌ته‌واوبوونی خنكاندنی شه‌قامه‌كانی شارنامێنێت، سلێمانی شارێكی زۆر قه‌ره‌باڵخه و ڕێگاوبانه‌كانیشی وه‌ك پێویست نیین و چه‌ندین ناوچه‌ی وه‌ك ئیداره‌كانی گه‌رمیان و ڕاپه‌ڕین و پارێزگای هه‌ڵه‌بجه‌ی له‌سه‌ره.
پڕۆژه‌ی شه‌قامیی 100 مه‌تری سلێمانی له ساڵی 2013 بڕیاری جێبه‌جێ كردنی لێدراوه به‌ڵام تاوه‌كو ئێستا كاركردن له‌و پڕۆژه‌یه ده‌ستی پێنه‌كردووه، به‌بڕیاری سه‌رۆك وه‌زیران مه‌سروور بارزانی به‌هه‌مان دیزاینه‌وه له پاش جێگربوونی كه‌ش و هه‌وا ده‌ست به‌كاركردن له پڕۆژه‌كه ده‌كرێت.
خه‌دیجه عه‌بدوڵڵا، ئاماژه‌ی بۆ ئه‌وه‌كرد، له ساڵی 2018 وه‌ك ئه‌نجمومه‌نی پارێزگای سلێمانی چه‌ندین نوسراومان ئاڕاسته‌ی ئه‌نجوومه‌نی وه‌زیران كردووه بۆ ده‌ستكردن به‌جێبه‌جێ كردنی پڕۆژه‌كه، بڕیاری سه‌رۆكی حكوومه‌ت به‌وه‌ی به‌هه‌مان دیزاین و كوالیت پڕۆژه‌ی شه‌قامیی 100 مه‌تری جێبه‌جێ ده‌كرێت دووجار جێگه‌ی خۆشحاڵییمانه،كابینه‌ی نوێ حكوومه‌ت له‌سه‌ره‌تادایه به‌ڵام موباده‌ره‌ی باشی هه‌یه له نۆژه‌نكردنه‌وه‌ی شه‌قامه‌كانی سلێمانی و جێبه‌جێ كردنی پڕۆژه‌ی شه‌قامیی 100 مه‌تری پێشخستنی ڕێگاوبان ڕه‌گیزه‌ی ئه‌ساسین بۆ پێشكه‌وتنی هه‌روڵاتێك.
لای خۆییه‌وه به‌ناز حمه ڕه‌شید ئه‌ندامی فڕاكسیۆنی بزووتنه‌وه‌ی گۆڕان له ئه‌نجوومه‌نی پارێزگای سلێمانی ده‌ڵی، به‌جێبه‌جێ كردنی پڕۆژه‌ی شه‌قامیی 100 مه‌تری سلێمانی كاركردن له نۆژه‌نكردنه‌وه‌ی شه‌قامه‌كان و ته‌واو كردنی شه‌قامه‌كانی ئیداره‌ی گه‌رمیان ئه‌وه‌مان پێده‌ڵێ، حكوومه‌تی نوێ هه‌رێمی كوردستان حكوومه‌تی بنیات نان و پێشخستنی ڕێگاوبانه‌كانه.
ئاماژه‌ی بۆ ئه‌وه‌شكر،پێشوازی له بڕیاره‌كه‌ی سه‌رۆك وه‌زیران ده‌كه‌ین و هه‌نگاوێكی زۆر باشی بۆ سلێمانی ناوه به بڕیاری ته‌واو كردنی شه‌قامی 100 مه‌تری، شاره‌كه‌مان ئه‌و پڕۆژه‌ی زۆر پێویسته به‌هیوای ئه‌وه‌ین به‌زووترین كات بڕواته بواری جێبه‌جێ كردن.
کانی ماسێ سارترین دەڤەر بوو ل هەرێما کوردستانێ
ئەڤرۆ نیوز:
رێڤەبەریا گشتی یا سەقاناسی و ئەردهەژان ل هەرێما کوردستانێ دیار کریە، ئەڤرۆ ئەینیێ ناحیا کانی ماسێ یا سەر ب قەزا ئامێدیێ ڤە ل پارێزگەها دهۆکێ، سارترین دەڤەرا هەرێمێ بوویە.
سەقاناسیێ بەلاڤکر، ئەڤرۆ ئەینیێ ١٤ شواتا ٢٠٢٠، کانی ماسێ سارترین دەڤەرا هەرێمێ یە و نزمترین پلا گەرمیێ تێدا هاتیە تۆمارکرن ژی ٧ پلە دبن سفرێ دابوویە.
هەروەسا پشتی کانی ماسێ، شێروانا مەزن ب ٦ پلان دبن سفرێ دا و بامەرنێ ب ٥ پلان دبن سفرێ دا سارترین دەڤەرێن ئەڤرۆ یێن هەریمێ بووینە.
د روودانەکا هاتنوچوونێ دا وەلاتیەک بریندار بوو
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا کەسەک بریندار بوو.
ناڤهاتی زێدەتر دا دیار کرن: ل سپێدەهیا ئەڤرۆ ئەینیێ ترۆمبێلەک ژ جۆرێ مانشە ل جادا زاویتە وەرگەریایە و کەسەک تێدا بریندار بوویه، ئەڤ روودانە ژ ئەگەرێ بەستیا رێکێ پەیدا بوویە، لەوما رێڤەبەریا هاتنوچوونێ داخوازێ ژ شۆفێران دکەت، هەکە هەوە کارەکێ فەر نەبیتن، هاتنوچوونێ ل جادا زاویتە نەکەن، چونکی ئەو جاده نوکە بەستیێ گرتیە.
نيشاندان
WP Facebook Auto Publish Powered By : XYZScripts.com