ئه‌ڤرۆ نیوز:
ستێرا هێلا هێرشبه‌ریا هه‌لبژارتیێ ئورگواى و یانا پاریس سانجێرمان یا فره‌نسى ئه‌دیسون كاڤانى ئێك ژ به‌ربژارێن ب هێز بوو په‌یوه‌ندى ب یانا ئه‌تله‌تیكو مه‌درید بكه‌ت ل ڤه‌گوهاستنێن زڤستانا بورى لێ ل دووماهیێ هه‌ردو لایه‌ن نه‌ گه‌هشتنه‌ رێككه‌فتنێ ل سه‌ر چه‌ند به‌ندێن هه‌ڤبه‌ستێ و یاریزانى بریار دا به‌رده‌وامى ب ده‌ته‌ پێكهاتیێ پاریس هه‌تا دووماهیا ڤى وه‌رزى.
رۆژناما لیكیپ یا فره‌نسى ئاشكراكریه‌ به‌رى ب دووماهیى هاتنا ده‌رگه‌هێ ڤه‌گوهاستنێن زڤستانێ ب چه‌ند رۆژه‌كا كاڤانى داخوازیا به‌رشه‌لۆنا ره‌تكر پشتى وێ یانا كه‌ته‌لونى داخوازى ژێ كرى بۆ ئیمزاكرنا هه‌ڤبه‌ستا وێ یانێ وه‌كو پێگوهورێ هه‌ڤالى وى یێ ئورگواى لویس سوارێز لێ كاڤانى ئه‌و داخوازیا به‌رشه‌لۆنا ره‌تكر و ناخواست هه‌ڤركیێ ل گه‌ل وه‌لاتێ خوه‌ بكه‌ت ل ئێك یانێ .
هه‌ردیسان وێ رۆژنامێ دیاركریه‌ ژى كاڤانى پتر حه‌ز هه‌بوو یاریێ ل گه‌ل دیگو سیمیونى بكه‌ت و حه‌زه‌كا مه‌زن هه‌بوو ل ڤه‌گوهاستنێن زڤستانێ په‌یوه‌ندى ب ئه‌تله‌تیكو مه‌درید بكه‌ت لێ ل دووماهیێ ئه‌و یاریزان و یانه‌ نه‌ گه‌هشتنه‌ رێككه‌فتنێ و وێ یانا ئیسپانى ڤه‌گوهاستنا ئه‌وى پائێخستى یه‌ بۆ ڤه‌گوهاستنێن هاڤینێ لێ دبیت بۆ ئه‌تله‌تیكو مه‌درید ڤه‌گوهاستنا ئه‌وى یاریزانى گه‌له‌ك ب زه‌حمه‌ت كه‌ڤیت ژبه‌ركو ل هاڤینا بهێت ئه‌و یاریزان دێ بیته‌ یاریزانه‌كێ سه‌ربه‌ست و هژماره‌كا مه‌زن یا یانێن به‌رنیاس ل سه‌ر ئاستێ ئنگلته‌را ئیتالیا دێ هه‌ڤركیا ده‌ستڤه‌ ئینانا ئه‌وى یاریزانى كه‌ن.

ئه‌ڤرۆ نیوز:
یانا به‌رشه‌لۆنا پێگوهورێ دێمبیلى ده‌ست نیشانكریه‌ و دبیت ل چه‌ند رۆژێن بهێت ئه‌و یاریزان په‌یوه‌ندى ب به‌رشه‌لۆنا بكه‌ت.
رۆژنامه‌یێن نێزیكى یانا به‌رشه‌لۆنا دیاركریه‌ یانا به‌رشه‌لۆنا داخوازیه‌ك پێشكێشى ئێكه‌تیا ته‌پا پێ یا ئیسپانى كریه‌ بۆ ده‌ستڤه‌ ئینانا یاریزانه‌كێ نوو ل جهێ دێمبیلى ئه‌وێ توشى هنگافتنێ بووى سه‌ره‌راى ده‌رگه‌هێ ڤه‌گوهاستنان هاتیه‌ گرتن ژى لێ به‌رشه‌لۆنا دخوازیت هه‌ڤبه‌ستێ ل گه‌ل یاریزانه‌كێ ناڤا خۆلا لالیگا بینته‌ دناڤ رێزێن خوه‌ وه‌كو پێگوهورێ دێمبیلى ئه‌وێ توشى هنگافتنێ بووى كو هه‌تا دووماهیا ڤى وه‌رزى ژ یاریگه‌هان دوركه‌فتى .
رادیویا “كادینا سیر” یا ئیسپانى ئاشكراكریه‌ به‌رپرسێن یانا به‌رشه‌لۆنا هێرشبه‌رێ كولومپى و یانا ریال سه‌راگوزا كریه‌ ئارمانجا خوه‌ یا سه‌ره‌كى وه‌كو پێگوهورێ دێمبیلى و لویس سوارێزى پشتى هه‌ردو یاریزان توشى هنگافتنێ بووین .
ژلایه‌كێ دیڤه‌ رۆژناما موندو دپیورتیڤو دیاركریه‌ ئه‌و یاریزانێ سه‌راگوزا نوكه‌ ب شێوه‌یێ خواستن یاریێ ل وێ یانێ دكه‌ت پشتى ژ یانا واتڤورد یا ئنگلیزى هاتیه‌ دناڤ رێزێن وێ یانا ئیسپانى .
هه‌ردیسان وێ رۆژنامێ ئاشكراكریه‌ ژى یانا به‌رشه‌لۆنا داخوازى ژ یانا واتڤورد كریه‌ ل چه‌ند رۆژێن بورى و وێ یانا ئنگلیزى رازه‌مه‌ندیا خوه‌ دیاركریه‌ ل سه‌ر چونا وى یاریزانێ ئه‌وان بۆ ناڤ رێزێن به‌رشه‌لۆنا و بتنێ بریار مایه‌ د ده‌ستێ سه‌راگوزا دا و دبیت ب رێژه‌یا هه‌ره‌ مه‌زن به‌رشه‌لۆنا وێ یانێ ژى رازى بكه‌ت.
هه‌ژى گوتنێ یه‌ لویس سوارێز یێ 22 سالى خودان ره‌گه‌ز نامه‌یا كولومپى و ئیسپانى یه‌ ل وه‌رزێ ئه‌ڤ ساله‌ په‌یوه‌ندى ب سه‌راگوزا كریه‌ و هه‌تا نوكه‌ شیایه‌ 14 گولان ژ سه‌رجه‌مێ 24 یاریان ل گه‌ل یانا خوه‌ توماربكه‌ت.

ئه‌ڤرۆ نیوز:
چاڤه‌رێ دهێته‌كرن سوباهى ده‌مژمێر 11:00 شه‌ڤ ل دیڤ ده‌مێ كوردستانێ یانا به‌رشه‌لۆنا ژ ده‌رڤه‌ى یاریگه‌ها خوه‌ به‌رامبه‌ر یانا ریال بتیس بكه‌ت ژ چارچوڤێ یاریێن گه‌را 23 ژ خۆلا لالیگا ئیسپانیا و راهێنه‌رێ یانا به‌رشه‌لۆنا كیكى سیتین د گونگرێ رۆژنامه‌ڤانى یێ وێ یاریێ دا بۆ ده‌زگه‌هێن راگه‌هاندنێ دیاركر كرنا یاریێ به‌رامبه‌ر ریال بتیس بوو وى تایبه‌ت مه‌ندیا خوه‌ هه‌یه‌ ژبه‌ركو ئه‌وى دو سالێن سه‌ركه‌فتى ل گه‌ل وێ یانێ بوراندى نه‌ و دخوازیت ل یاریا سوباهى ب باشترین ئه‌نجام ژ وێ یاریگه‌هێ ده‌ركه‌ڤیت و به‌رده‌وامى ب ده‌نه‌ هه‌ڤركیا برنا ناسناڤێ لالیگا .
هه‌ردیسان ناڤبرى دیاركر ژى ئه‌وان پێدڤى ب سه‌ركه‌فتى یه‌ تایبه‌ت پشتى نه‌شیان ده‌ربازى قوناغا پێش دووماهیا كاسا شاهێ ئیسپانیا به‌ن و سه‌ركه‌فتنا سوباهى بۆ ئه‌وان گه‌له‌ك یا گرنگه‌ و ئه‌وى به‌رى نوكه‌ ژى و نوكه‌ ژى دێ دوباره‌ كه‌ت پێدڤى یه‌ ئه‌و گرنگیێ ب یاریێن ژ ده‌رڤه‌ى یاریگه‌ها خوه‌ بده‌ن ژبه‌ركو بۆ ئه‌وان گه‌له‌ك یا گرنگه‌ یاریێن ده‌رڤه‌ چونكو یاریێن ناڤا یاریگه‌ها ئه‌وان هه‌رده‌م رێژه‌یا سه‌ركه‌فتى بۆ ئه‌وان زێده‌تره‌ ژبه‌ركو ئه‌و ناڤا جه‌ماوه‌رێ خوه‌ یاریێ كه‌ن.
سه‌باره‌ت پیكى بۆ ڤێ یاریێ پشكداریێ ناكه‌ت ناڤبرى دیاركر پیكى یاریزانه‌كێ باشه‌ لێ ئه‌وان پێگوهورێ باش هه‌یه‌ و یانه‌كا وه‌كو به‌رشه‌لۆنا هه‌رده‌م ئاستێ یاریزانێن پێگوهور چ كێمتر نینه‌ ژ یاریزانێن سه‌ركى و سه‌باره‌ت دێمبیلى ژى ئه‌وان چاره‌سه‌ریا پێگوهورێ ئه‌وى كریه‌ و یاریزانێن گه‌له‌ك باش دناڤا پێكهاتیێ یانێ دا هه‌نه‌ ل جهێ ئه‌وى یاریێ بكه‌ن.

ئه‌ڤرۆ نیوز:
چاڤه‌رێ دهێته‌كرن سوباهى ده‌مژمێر 6:00 مه‌غره‌ب ل دیڤ ده‌مێ كوردستانێ یانا ریال مه‌درید بیته‌ مێڤانا یانا ئوساسونا ژ چارچوڤێ یاریێن گه‌را 23 ژ خۆلا لالیگا ئیسپانیا به‌رى ڤێ یاریێ زێدان راهێنه‌رێ یانا ریال مه‌درید د گونگرێ رۆژنامه‌ڤانى دا به‌حس ل ره‌وشا یانا خوه‌ و وێ یاریێ كر .
زێده‌تر زێدان دیاركر یاریا سوباهى یا ب سانه‌هى نینه‌ ژبه‌ركو ئه‌و دێ یارىێ به‌رامبه‌ر یانه‌كا ب زه‌حمه‌ت كه‌ن و تایبه‌ت ئه‌و یانه‌ ل یاریگه‌ها خوه‌ تیمه‌كاب زه‌حمه‌ت و پێدڤى یه‌ ئه‌و هه‌موو شیانێن خوه‌ ته‌رخان بكه‌ن و ئه‌و ژ به‌ر یاریا بورى یا د كاسا شاهێ ئیسپانیا دا یێ دلخوشحال نینه‌ كو نه‌شیان به‌رده‌وامى ب ده‌نه‌ وێ قاره‌مانیێ لێ ئه‌و دێ بزاڤێ كه‌ن ل یاریا سوباهى جه‌ماوه‌رێ یانێ دلخوش بكه‌ین و ب ئه‌نجامه‌كێ سه‌ركه‌فتى ڤه‌گه‌رین.
سه‌باره‌ت گارس بێل ناڤبرى دیاركر ئه‌وى چ ئاریشه‌ ل گه‌ل وى یاریزانى نینه‌ و گه‌له‌ك رۆژنامه‌ڤان وه‌سا دیاركربوو ئه‌وى ئاریشه‌ ل گه‌ل بێل یا هه‌یه‌ لێ چ راستى بۆ وێ چه‌ندێ نینه‌ و ئه‌و یاریزانێ یانێ یه‌ و چ ئاریشه‌ ژى نینه‌ هه‌كه‌ ئه‌و یێ به‌رده‌وام بیت هه‌تا هه‌ڤبه‌ستا ئه‌وى ب دووماهیى بهێت ئه‌وا بریاره‌ ل 2022 لێ سه‌باره‌ت دخوازكرنا یاریزانان بۆ یاریا ئه‌و بریارا وى یه‌ ژبه‌ركو ئه‌وى 25 یاریزان هه‌نه‌ و چ چیاوازى دناڤبه‌را چ یاریزانان دا ناكه‌ت و ئه‌و دناڤا كومه‌كا قاره‌مانیان دا نه‌ و پێدڤى یه‌ زوربه‌یا یاریزانان ده‌لیڤه‌یا خوه‌ بینن .