ئەڤرۆ نیوز:
بەری دەمەکێ سێ مۆشەک ل دەڤەرا کەسک و نێزیک بالیۆزخانا ئەمریکا ل بەغدا کەفتن، ئەڤ شەڤە پێنج موشەک ئاراستەی بالیۆزخانا ئەمریکا ل بەغدا هاتنە کرن هەموو مۆشەک ل نێزیک بالیۆزخانێ کەفتنە خوارێ، لێ چ زیانێن گیانی و ماددی نەبوون.
ژئەگەرێ هەبوونا سیستەکێ دژە موشەکان د بالیۆزخانا ئەمریکا دا، موشەک بەر بالیۆزخانێ نەکەفتینە.
ئەڤرۆ نیوز:
سترانبێژێ ناڤدارێ تورکیا تارکان هەڤخەمیا خوە بۆ کوردێن باژێرێ خارپێتێ یێ باکورێ کوردستانێ دیار کر و سەد هزار لیرێن تورکیا ژی وەکو هاریکاری پێشکێشی خەلکێ لێقەومی کر و داخواز ژ هەموو هونەرمەندێن تورکیا ژی کر کو هاریکاریا خەلکێ لێقەومی ل باژێرێ خارپێتێ یێ باکورێ کوردستانێ بکەن کو ژ بەر بیڤەلەرزێ تووشی زیانێن گیانی و مادی بووینە.
ئەڤرۆ نیوز، عەلی حاجی :
دیندار حسێن ژ قایممقامیا زاخۆ د داخویانیەکێ دا بۆ ئەڤرۆ نیوز ئاشکەرا چەند پروژەیەک ب کومپانیا نەرویژی DNO هاتینە دان داکو سالا نوو ب داهاتێ خوە ل زاخۆ جێبەجێ بکەت .
زێدەتر دیندار حسێن گوت: (بۆ ڤێ چەندێ ژی کومبونەک هات بوو ئەنجام دان دناڤبەرا قاییمقامێ زاخۆ و نوونەرێ کومپانیا نەرویژی و رێڤەبەرێن سێ ناحیێن سەر ب زاخۆ ڤە ، کو تێدا گەنگەشەیا وێ چەندێ هاتە کرن کو کومپانیا ناڤبری دشیان دایە چەند پروژەیەکان ل زاخۆ ئەنجام بدەت ل سالا ٢٠٢٠ دا ، ل سالا ٢٠١٩ کومپانیا ناڤهاتی شیا بوو چەندین پروژەیین ئاڤێ نێزیکی شەش گوندێن سەر ب قەزا زاخۆ ڤە جێبەجێ بکەت و هەر دیسان پارەیێ ڤەگوهاستنا وان قوتابیان ب ستویێ خوە ڤە گرت بون یێ قوتابخانە دناڤ گوند و کومەلگەهێن وان دا نەبوین).
و گوت ژی ب رێیا نڤێسارەکێ دێ هندەک پروژە بۆ کومپانیێ هێنە رەوانە کرن دا کو ئەو ژی ژلایێ خوە و ل دووڤ شیانان هندەک پرۆژان ل زاخۆ ئەنجام بدەن و بکەڤنە خزمەتا هاولاتیان دا و هەر دیسان ئەو پروژەیێن دهێنە پيشکێش کرن هەر سێ ناحیێن سەر ب قەزا زاخۆ ڤە ژی ب خوە ڤە دگریت.
ئه‌ڤرۆ نیوز، بارزان مزووری:
ئه‌ڤرۆ سپێدێ رێكه‌فتی 26/1/2020 ب به‌شداریا رێڤه‌به‌رێ ناحیا باعه‌درێ و رێڤه‌به‌رێ په‌روه‌ردا قه‌زا شێخان و ره‌وشه‌نبیرۆ و نڤیسه‌رێن ده‌ڤه‌رێ ژلایێ په‌روه‌ردا قه‌زا شێخان په‌رتوكخانه‌ك گشتی دناڤ ئاماده‌یا باعه‌درێ یا تێكه‌ل هات ڤه‌كرن.
ئه‌سعه‌د محی الدین،رێڤه‌به‌رێ په‌روه‌ردا قه‌زا شێخان بۆ ئه‌ڤرۆ نیوز گۆت: (ئێك ژ وان پلانێن وه‌زاره‌تا په‌روه‌ردێ كۆ په‌رتوكخانه ل خوێندنگه‌ها بهێن ڤه‌كرن ئه‌ڤرۆ مه وه‌ك په‌روه‌ردا شێخان ئه‌ڤ پلانه جێ به جێ كر په‌رتوكخانه‌كا گشتی یا مه‌زن دناڤ ئاماده‌یا باعه‌درێ یا تێكه‌ل ڤه‌كر بۆ قوتابیێن خوێندنگه‌هێ بۆ وان كه‌سێن ده‌رڤه‌ی خوێندنگه‌هێ ئه‌وێن حه‌زا خاندنا په‌رتوكێ هه‌ی).
ناڤهاتی خویاكر سالانه ژماره‌كا په‌رتوكا ژلایێ وه‌زاره‌تا په‌روه‌ردێ ڤه دگه‌هنه په‌روه‌ردا گشتی ئه‌وژی لدوڤ رێژا خواندنگه‌ها په‌رتوك دهێن دابه‌شكرن بۆ په‌روه‌ردێن سه‌ر ب په‌روه‌ردا گشتی ڤه ،ئه‌و خوێندنگه‌هێن جهێ ڤالا هه‌بیت وان خوێنگه‌ها په‌رتوكخانێ تێدا دروست كه‌ین كورسی و مێزه و جهێ دانانا په‌رتوكا بو دابین دكه‌ین.
عومه‌ر فه‌خری به‌رپرسێ راگه‌هاندنا په‌روه‌ردا شێخان بۆ ئه‌ڤرۆ نیوز گۆت: (ئه‌ڤ جورێن په‌رتوكا دناڤ وان په‌رتوكخانا گه‌له‌ك د گرنگن بۆ قوتابیا بۆ وه‌رگرتنا زێده‌تر زانیاریێن گشتی بۆ قوتابی ،پێتڤیه قوتابی نه بتنێ سیسته‌مێ خۆ یێ دناڤ په‌رتوكێ دا بخوینیت به‌لكۆ ڤان جورێن په‌رتوكا بخینیت دا زێده‌تر زانابیت ده‌مێ ل خوێندنگه‌هێ ژی دوماهیك دهێت).
ئەڤرۆ نیوز:
هەڤپەیمانیا نێڤدەولەتی یا شەرێ ل دژی داعشێ ئەڤرۆ دیار کر کو وان کاروانەکێ دی یێ هاریکاریێن سەربازی رەوانەی رۆژئاڤایێ کوردستانێ کرینە دا هێزێن سووریا دیموکرات بشێن بەردەوامیێ بدەنە خەباتا خوە یا ل دژی داعشێ ل باکورێ سووریێ و دەڤەرێن دی یێن وی وەلاتی.
هەڤپەیمانیا نێڤدەولەتی دیار دکەت کو هەتا شەرێ وان ل دژی داعشێ بەردەوام بیت ئەو دێ هاریکاریا هێزێن سووریا دیموکرات کەن.
ئەڤرۆ نیوز، عەلی حاجی :
هژمارەکا ئەندام پەرلەمانتارێن کوردستانێ ل زاخۆ دگەل قایممقامێ زازۆ و سەروکێ باژێرڤانیا زاخۆ و کومپانیا هیزل کومبونەک ل دور ئاریشەیا گلێشی ئەنجام دان.
حکمەت محەمەد گەودا د داخویانیەکێ دا بۆ ئەڤرۆ نیوز گوت: (ئەڤ کومبونە پشتی وێ یەکێ هات هاولاتیێن زاخۆ بەردەوام گانزدەیا وێ چەندێ دکەن کومپانیا هیزل ب دروستی ب ئەرکی خوە نارابیت و گلێشێ ل بەر مالێن هاولاتیان درەنگ وەخت دهێتە راکرن و هەر دیسان ئەو گلێشێ دهێتە راکرن ژی ل نێزیک باژێری دهێتە ڤالا کرن و پاش دهێتە سوتن، داکو بزانین ئاریشەیا سەرەکی یا ڤان ئاریشەیان ل کێرێ دایە مە ئەڤ کومبونە ئەنجام دایە و هەر دیسان گلێشەکێ زور ل زاخۆ دهێتە کومڤەکرن ژبەرکو رێژەیەکا زور یا ئاواران ژی هاتیە زاخۆ بەلێ ئەڤە نابیتە گروڤە بۆ کومپانیا ناڤبری ژبەر کو وێ تەندەر قەبول کری یە و دڤێت کارێ خوە ئەنجام بدەت و هەر دیسان نابیت ب هیچ رەنگەکێ ئەو جهێ نوکە گلێش لێ دهێتە دانان ئێدی جارەکادی گلێش ل وی جهی بهێتە کومڤە کرن).
و گوت ژی پێدڤیە جهەکێ دیتر بۆ کومڤەکرنا گلێشی بهێتە دانان و پشتی کومبونا مە ب دوماهی هاتی دێ ب رێیا راپورتەکێ دیفچوونا ڤی بابەتی کەین ژبەرکو بتنێ هاولاتی زەرەرمەندێ ئێکێ یێ ڤێ ئاریشەیێ و پێدڤی یە زووترین دەم دا بهێتە چارەسەر کرن .
ئه‌ڤرۆ نیوز، بارزان مزووری:
ئه‌ڤرۆ به‌ری نیڤرۆ رێكکه‌فتی 26/1/2020 ب به‌شداریا”نه‌جم جبوری” پارێزگارێ نەینەوا و “سه‌ردار یحیی عبدالعزیز”قائیمقامێ قه‌زا شێخان و رێڤه‌به‌رێ گشتی یێ شاره‌وانیا پارێزگه‌ها مووسل و دامۆده‌زگه‌هێن میری یێن شێخان بكۆژمێ 1 ملیارۆ 500 ملیونا دینارا پرۆژێن چێكرنا رێكێن ناڤ سه‌نته‌رێ شێخان هاتن ڤه‌كرن.
وه‌سیم غانم حه‌نون،رێڤه‌به‌رێ شاره‌وانیا قه‌زا شێخان سه‌ر ب مووسل ڤه بۆ ئه‌ڤرۆ نیوز گۆت: (ب درێژاهیا 2 كیلومه‌ترا رێكێن ناڤ سه‌نته‌رێ شێخان هاتن ڤه‌كرن ژلایێ شاره‌وانیا گشتی یا پارێزگه‌ها مووسل ڤه هات بونه چێكرن ب سێ قوناغا هات بونه دروست كرن).
ناڤهاتی خویاكر ئه‌ڤ پرۆژه بۆ 10 گه‌ره‌كێن نوی یێن ناڤ سه‌نته‌رێ شێخان هاتینه دروست كرن ب شێوه‌یه‌كێ مودێرن هاتینه قێركرن ژبه‌ركۆ ئه‌و گه‌ره‌گ نوی هاتینه ئاڤاكرن ژلایێ وه‌لاتیان ڤه،كار ل سه‌ر ڤی پرۆژه‌ی ب دوماهیك هاتیه د نها دا كه‌فتیه د خزمه‌تا وه‌لاتیان دا.
ئەڤرۆ نیوز:
لیژنا پەیوەندیێن دەرڤە یا ئێکەتیا ئورۆپا ئەڤرۆ راگەهاند کو ئەو ل دژی هندێ نە ئەمریکا سزایێن گران ل سەر ئیرانێ بسەپینیت، چونکو هەری زێدە وەلاتیێن ئیرانێ تەنگاڤ دبن و ئەو یەک ژی خزمەتا دیموکراسیێ ل ئیرانێ ناکەت.
لیژنا پەیوەندیێن دەرڤە یا ئێکەتیا ئورۆپا رەخنە ژی ل هەلویستێ ئیرانێ ل دۆر کوردان گرت و راگەهاند کو ئیران زۆرداریێ ل کوردان دکەت و رۆژانە لاوێن کورد ل سێدارە ددەت، دڤێت ئیران رێزێ ل مافێن کوردان بگریت و ئاستەنگیان ل هەمبەر خەباتێن وان یێن مەدەنی ژی دروست نەکەت.
ئەڤرۆ نیوز:
وەزارەتا بەرەڤانیێ یا ئەمریکا راگەهاند کو چەند رۆژن هێزێن روسیا ل دەڤەرێن جودا جودا یێن باکورێ سووریێ ئاستەنگیان بۆ هێزێن وان دروست دکەن و ئەمریکا ب فەرمی هۆشداری ژی دایە روسیا کو چو ئاستەنگیان ل هەمبەر بزاڤێن سەربازی یێن ئەمریکا دروست نەکەن.
وەزارەتا بەرەڤانیێ یا ئەمریکا ئاماژە ب هندێ ژی کریە کو ئەو دی ل سەر بەرنامێن خوە ل باکورێ سووریێ بەردەوام بن و ناهێلن روسیا ئاستەنگیان بۆ ستراتیژیا ئەمریکا ل باکورێ سووریێ دروست بکەت.
نيشاندان