ئەڤرۆ نیوز:
محەمەد جەواد زەریف وەزیرێ دەرڤە یێ ئیرانێ راگەهاند کو پشتی کوشتنا قاسم سلێمانی ب دەستێ ئەمریکا دیسان ژی دەلیڤە بۆ دانوستاندنان ل گەل ئەمریکا یا هەی و ئیران وێ یەکێ رەت ناکەت.
ئەو یەک د دەمەکێ دایە کو بەری نها مایک پۆمپیۆ وەزیرێ دەرڤە یێ ئەمریکا ژی راگەهاند کو ئەمریکا دڤێت ل گەل ئیرانێ پرسێن نها چارەسەر بکەت و ژ بۆ هندێ ژی دهێتە خواستن کو ئیران هەلویستێ خوە ل هەمبەر ئەمریکا و هەڤپەیمانێن وێ ب گوهۆریت.
ئەڤرۆ نیوز:
دەزگەهێن راگەهاندنێ یێن سەر ب هەدەپێ دیار دکەن کو پارتیا دیموکراتی یا گەلان دێ ل رۆژا ٢٤/٢/٢٠٢٠ کۆنگرێ خوە یێ چارێ گێریت و دهێتە چاڤەرێکرن کو هەدەپە گەلەک گوهۆرینان د رێڤەبەراتیا خوە دا بکەت.
ل گۆر داخۆیانیێن هندەک ژ بەرپرسێن هەدەپێ دهێتە چاڤەرێکرن کو هەر دو هەڤسەرۆکێن نها ئانکۆ سەزایی تەمەللی و پەروین بولدان ل سەر کارێ خوە د بەردەوام بن.
ئەڤرۆ نیوز:
دەزگەهێن راگەهاندنا تورکیا دیار دکەن کو ژ بەر بیڤەلەرزا شەڤێ دی یا باژێرێ ئەلعەزیز یێ باکورێ کوردستانێ گوندێ چەڤریمتاش یێ سەر ب وی باژێری ب تەمامی خراب بوویە، پرانیا مالێن وەلاتیان خراب بووینە و گوند ب تەمامی وێران بوویە.
سەرۆک کۆمارێ تورکیا ژی ئەڤرۆکە راگەهاند کو دێ یا پێدڤی بۆ خەلکێ وی باژێری کەن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل نەجاح ئەلشەمەری وەزیرێ بەرەڤانیێ یێ عیراقێ کر.
د هەڤدیتنێ دا بەحسێ رەوشا ئالۆز یا عیراقێ هاتە کرن، ب تایبەتی ژی بەحسێ رەوشا دەڤەرێن کوردستانی یێن دەرڤەی ئیدارا هەرێما کوردستانێ و لڤینێن داعشێ ل وان دەڤەران هاتە کرن.
سەرۆکێ حوکمەتا هەرێما کوردستانێ دیار کر کو مەترسیا داعشێ ل سەر هەموو عیراقێ و کوردستانێ یا هەی و پێدڤیە هێزێن عیراقێ و پێشمەرگە پتر ژ هەر دەمەکێ بۆ ژناڤبرنا داعشێ هاریکاریا هەڤدو بکەن.
ئەڤرۆ نیۆز، رەمەزان هەرنی:
ئەڤرۆ پێنچ ساڵ ب سەر شەهید بۆنا شەهید هوجام سورچی دەربازبوون ،پشتی شەهید بۆنا هوجام سورچی دەنگڤەدانەكا مەزن دروستكر ل سەرئاستێ جیهانێ و چەند روژا پشتی شەهید بۆنا وی سەرۆك (مەسعود بارزانی ) سەرەدانا خێزانا شەهید هوجام سورچی كر .
شەهید هوجام سۆرچی ساڵا 1970 ێ هاتیە دوونیایێ و ل گوندێ بەردەسۆر ل سنورێ ناحیا روڤیا ل قەزا بەردەرەش , ساڵا 1991 ێ دبیتە پێشمەرگە , رۆژەكا وەك ئەڤرۆ 25/1/2015 ل گەرەكا عەرەبی ل پارێزگەها مووسڵ ب دەستێ كورەكێ چەكدارێ رێكخراوا تیرۆستیا داعش ب درەندەترین شێوە دهێتە شەهیدكرن .
پشتی چەند رۆژا ل شەهید كرنا وی ( سەرۆك مەسعود بارزانی) سەرەدانا خێزانا شەهید هۆجام سۆرچی كر ل گوندێ بەردەسۆر ل سنورێ قەزا بەردەرەش .
وەك رێزگرتن ل شەهیدبۆنا هوجام سۆرچی ل بەرامبەر دەرگەهێ ناحیا روڤیا پەیكەرەك بۆ شەهید هوجام سۆرچی هاتیە دروستكرن و دانان .
رۆژا 17/12/2019 وەك رێزگرتن ل خوینا شەهید هوجام سۆرچی مەسرور بارزانی سەرۆكێ حوكمەتا كوردستانێ كچەك و كورەكێ شەهید هوجام سۆرچی بانگهێشت دكەتە جڤاتا وەزیران و پێكڤە ئاڵایێ كوردستان بلندكر .
دەرهێنەر ماجد درەندەش ، پێشتر بۆ ئەڤرۆ راگەهاند بوو: شەهید ( هوجام سۆرچی ) كو ب دەستێ رێكخراوا تیرورستیا داعش هاتە شەهید كرن ب رەنگەكێ دور ل بهایێن مروڤایەیتێ ، شەهید هوجام ل دەمێ شەهیدكرنێ دا بۆ چۆ رەنگەكێ ل وان ئامێرا و چەكا نەترسیا كو لسەر سەرێ وی هاتبۆنە دانان هەتا كو چاڤێن خوەژی نەلڤاندن و ب سەربلندی هاتە شەهیدكرن پشتی شەهیدكرنێ ل راگەهاندنێ و سوشیال میدیایێ دەنگڤەدانێن مەزن دروستكرن ل جیهانێ دا بۆ پەیڤا سەر زمانێ خەلكی.
گوتژی ب درێژاهیا مێژوویێ مە پرتوك لسەر سمبولێن جیهانێ و قەهرەمانا خواندینە ،بەلێ لسەر قەهرەمانێن خوە مە نەنڤیسە و نەڤەخواندیە لەورا دێ ژیانناما شەهید هوجام دكومێنت كەم ، نوكە ئەو دەمە شەهیدێن خوە دكیومێنت بكەین كو ئەوان خوینا خوە كریە قوربان ژبۆی ئاشتی و ئارامیێ و بۆ وێ چەندێ ب خوشی و ڤیان بژین شەهید ( هوجام سورچی ) ئەو بۆ هێمایێ ئەفسانەیی و شەهید بوو , دێ هەموو ژیانناما شەهید هوجام سورچی دكیومێنت كەم .
ئه‌ڤرۆ نیۆز، قائید میرۆ:
بسپۆره‌كێ قانوونی ره‌تكر بڕیارێن دادگه‌ها فیدڕال د قانوونی بن و دبێژیت، حه‌فت ساله په‌رله‌مانێ عێراقێ نه‌شیایه پڕۆژه قانوونا دادگه‌ها فیدڕال ئێكلا بكه‌ت.
دكتۆر عه‌بدولڕه‌حمان زێباری بۆ ئه‌ڤرۆ نیۆز دیاركر” ئه‌ڤه حه‌فت ساله پڕۆژه قانوونا دادگه‌ها فیدڕال نه‌هاتیه په‌سه‌ندكرن ل عێراقێ و سه‌رۆكێ دادگه‌ها فیدڕال یێ خه‌مساره، چونكه دادوه‌ره‌كێ خانه‌نشین یێ كریه ئه‌ندامێ دادگه‌ها فیدڕال و بڕیارێن دادگه‌هێ قانوونی نینه.
زێباری گۆتژی” هه‌تا سه‌رده‌مێ ئوسامه نوجێفی ده‌مێ سه‌رۆكێ په‌رله‌مانێ عێراقێ مه پێشنیارێن خوه داینه په‌رله‌مانی و مخابن پشتی چه‌ندین سالان هێشتا نه‌هاتیه په‌سه‌ندكرن.
دكتۆر عه‌بدولڕه‌حمان زێباری ئاماژه‌كر” دادوه‌ره‌كێ نوو پێشنیار بكه‌ن بۆڤێ چه‌ندێ ببیته ئه‌ندامێ دادگه‌ها بلندا عێراقێ.
ئەڤرۆ نیوز،عەلی حاجی :
بەرپرسێ راگەهاندن و پەیوەندیان ل BRHA د داخویانیەکێ دا بۆ ئەڤرۆ نیوز دیارکر د گەرا سیێ دا ئاوارەیێن دناڤ کەمپان دا دێ ١١٠ لترێن گازا سپی وەرگرن و ئاوارە و پەنابەراین دناڤ کەمپان دا کوژمێ ٢٠٠-٤٠٠ دولارێن ئەمریکی وەرگرن.
زێدەتر سالم سەعید گوت: (سالانە ئاوارەیێن دناڤ کەمپان دا ٢٠٠ لترێن گازا سپی د وەرگرتن بەلێ ماوەیێ دو سالایە گازا سپی کێم دهاتە رەوانە کرن لەورا د ئەڤ سالە دا د گەرێن ئێکێ و دووێ دا ٤٠ لتر و ٥٠ لترێن گازا سپی ل سەر پەنابەران هاتە بەلاڤکرن و د گەرا سیێ دا دێ ١١٠ لترێن گازا سپی ب ئاوارەیێن د ناڤ کەمپان دا هێتە دان و د ئێکەم پێنگاڤ دا شیان گازا سپی ل سەر ئاوارەیێن کەمپا داودیێ بەلاڤ کرن ژبەر کو ئەو کەمپ ل دەڤەرەکا سار دایە و ئەڤ رێژەیا گازا سپی ب رێیا وەزاروتا کوچ و کوچبەرێن عێراقێ ڤە هاتیە دابین کرن و بریارە دڤێ حەفتیێ دا ئەو رێژەیا هاته دەست نیشان کرن ل سەر کەمپێن دیتر ژی بهێتە بەلاڤ کرن).
و گوت ژی رێکخراوێن UNHCR و QANDIL رابوینە ب تەرخان کرنا کوژمێ ٢٠٠ دولارێن ئەمریکی بۆ هەر خێزانەکا ئاوارە دناڤ کەمپان دا و هەر دیسان ٤٠٠ دولارێن ئەمریکی بۆ پەنابەرێن دناڤ کەمپان د او ئەڤ پارەیە ل جهێ گازا سپی دێ هێتە دان و هەر دیسان ماوەیەکە هاریکاریێن رێکخراوان بۆ ئاوارە و پەنابەران کێم بووینە و ئەم دخازین رێکخراوێن نێڤ دەولەتی ب ئەرکێ خوە رابن و هاریکاری و پشتەڤانیێن خوە زێدەتر لێبکەن بۆ ئاوارە و پەنابەران ل کوردستانێ .
ئەڤرۆ نیوز،عەلی حاجی :
د داخویانیەکێ دا بەرپرسێ نڤێسینگەها زاخۆ یێ دەزگایێ خێرخوازیێ بارزانی بۆ ئەڤرۆ نیوز ئاشکەرا کر د بەردەوامیا هاریکاریێن بۆ خودان پێدڤیێن تایبەت ل حەفتیا بوری دا شیان هەژمارەکا ئامیرەیان بەلاڤ بکەن.
زێدەتر محەمەد مەهدی گۆت: ل حەفتیا بوری دا شیان ١١ کورسیێن خودان پێدڤیێن تایبەت ل سەر وێ تەخێ ل زاخۆ بەلاڤ بکەن د بەردەوامیا پرۆژەیێ هاریکاری کرنا کێم ئەندامان ب رێیا دەزگایێ بارزانی و بۆ قوناغەکا دیتر ل هەیڤا بهێت دا د بەرنامەیێ وان دایە نێزیکی ٢٠ ئامیرەیێن دیتر ل سەر خودان پێدڤیێن تایبەت ل زاخۆ بەلاڤ بکە. گوت ژی: ئەڤ هاریکاری یە دێ د بەردەوام بن ژلایێ دەزگایێ بارزانی ڤە نەبتنێ ل زاخۆ بەلکو ل پرانیا باژارێن کوردستانێ ژبەر وێ تاخێ پێدڤی ب پشتەڤانیەکا باش هەیە داکو بشێن ژیانا خوە بەردەوام بکەن.
ئەڤرۆ نیوز،عەلی حاجی:
د داخویانیەکێ دا رێڤەبەرا سەنتەرێ گەشەپێدانا کاری ل زانکۆیا زاخۆ بۆ ئەڤرۆ نیوز دیار کر ژمارەیەکا قوتابیێن زانکۆیا زاخۆ بۆ ئێکەم جار رابووینە ب دروست کرنا کورتە فلمەکێ نەتەوەیی و ژبو ڤێ چەندێ مە پشتەڤانیا ماددی و مەعنەوی ل وان کری یە.
زێدەتر دلین ئەدیب میرو گۆت : پشتی ڤان قوتابیان پرۆژەیێ خوەیێ دروست کرنا کورتە فلمێ خوە پێشکێشی سەنتەرێ مە کری ب هەمی رەنگان مە پشتەڤانیا خوە بۆ کارێ وان دەربری و لەورا د ئێکەم پێنگاڤ دا مە شیا کوژمەیەکێ پارەیی یێ گۆنجایی دانینە بەر دەستێ وان و شیان هەژمارەکا قوتابیێن زانکۆیا زاخۆ وەکو ئەکتەر دناڤ ڤی کورتە فلمی دا پشکدار بکەن و مه دخاست ژی زانکۆیا زاخۆ ژ روویێ عەشیرەتیێ بیننە دەر و پێنگاڤێن ب ڤی رەنگی باڤێژین و هەر چەندە ئێکەم پێنگاڤە زانکۆیا زاخۆ د ڤێ چەندێ دا دهاڤێژیت، بەلێ دێ بیتە دەرگەهەك باش بۆ گەلەک قوتابیێن زانکۆیا زاخۆ پرۆژە و شیانێن خوە دیار بکەن و هەتات پێ بکەن جهەک هەیە دناڤ زانکۆیێ دا پشتەڤانیێ ل وان دکەن. گۆت ژی : ئەو کورتە فلمە ب چ لایەنەکێ سیاسی ڤە نینە بەلکو زێدەتر نەتەوەیی یە و نوکە دا ئەو فلم ژ قوناغا وێنەگرتنێ ب دوماهی هاتی یە و د قوناغا مونتاژ کرنێ دایه و قوتابیێ زانکۆیێ سەفور رەمەزان ب ڤی کاری رابوویە و هەر چەندە پێنگاڤەکا بچیکە بەلێ ب دیتنا من دێ رەنگڤەدانەکا باش هەبیت و وەکو زانکویا زاخۆ دێ پشتەڤان بین بۆ پێنگاڤێن ب ڤی رەنگی .
ئه‌ڤرۆنیوز،بارزان مزووری:
موقه‌دم به‌یار بالكی،په‌یڤدارێ به‌رگریا شارستانی یا قه‌زا سوران بۆ ئه‌ڤرۆ نیوز گۆت: د سالا 2019 ل توخیبێ به‌رگریا شارستانی ل قه‌زا سوران زێده‌تری 50 ترۆمبێلێن جوراو جور تایبه‌ت یێن مودێلێن وان كه‌ڤن سوتینه ژ ئه‌گه‌رێ خرابیا كوالیتا بنزینێ.
ناڤهاتی خویاكر هه‌موو ژوان ترۆمبێلێن ئاگربه‌ربوویێ ب فیت په‌مپ بوویه ژبه‌ر دوو ئه‌گه‌ران ژ خه‌مساریا شوفێران ده‌مێ فیت په‌مپ د سوژیت ب شێوه‌یه‌كێ دروست نه‌گرێدایه ژلایێ كه‌سێن نه شه‌هره‌زا ، دیسان ئه‌و بنزینا دهێت فرۆتن كوالیتا وێ یا خراپ بوویه بویه ئه‌گه‌رێ سوتنا ترۆمبێلێ.
ناڤهاتی گۆت:دناڤ وان روودانێن سوتنا ترۆمبێلا كه‌سه‌كی گیانێ خۆ ژ ده‌ست نه‌دایه بتنێ زیانێن مادی بوینه، تیمێن مه یێن به‌رگری شارستانی و هاتن و چوون به‌رده‌وام رێنمایا ده‌نه شوفێرا به‌لێ شوفێر یێ خه‌مساره وان رێنمایا ناوه‌رگریت پێدڤیه به‌ری شوفێر هه‌ست ب هاژوتنا ترۆمبێلێ بكه‌ت بیر ژ بكارئینانا رێنمایا بكه‌ت دا تووشی چ روودانێن نه‌چاڤه‌رێ كری نه‌بیت.
ناڤهاتی زێده‌تر گۆت:د ئه‌ڤ سال ل سنورێ به‌رگریا شارستانی ل سنورێن مه چ روودانێن جوراو جور دروست نه‌بوینه بتنێ ژبه‌ر بارانێ و به‌فرێ و ئاخێ رێك هات بوون گرتن ئه‌وژی ژلایێ تیمێن مه و رامالینا به‌فرێ هاتینه ڤه‌كرن و پاقژكرن .
نيشاندان