ئەڤرۆ نیوز:
یانا تۆتنهام یا ئینگلیزی ئامادەکاریان دکەت، داکو جارەکا دی گاریس بەیلی، ستێرا یانا ریال مەدرید ڤەگەرینیتە ناڤ ریزێن خوە.
لدووڤ نووچەکێ میدیایێن ئیسپانی، دانیێل لیڤی، سەرۆکێ یانا تۆتنهام، ل مەدرید چاڤ ب فلۆرێنتینۆ پێرێزی، سەرۆکێ یانا ریال مەدرید کەفتیە، بۆ ڤەگەڕاندنا بەیلی ژبۆ یانا ئینگلیزی، ئەڤە جارا ئێکێ نینە تۆتنهام بزاڤا ڤەگەڕاندنا بەیلی ددەت، کو پێشتر ل سالا 2007 هەتاکو 2013 ل وێ یانێ یاریکریە.
ئەڤرۆ نیوز، زنار تۆڤی:
ب ئەگەرێ شەهداریێ و باران و سه‌رمایێ د وه‌رزێ زڤستانێ دا توشی ئاریشا هشككرنا جلکان دبین، بۆ ڤێ مه‌به‌ستێ هندەک کەس جلکان دناڤا مالێدا رادئێخن و هشك دکەن، ب تایبه‌تی ل سه‌ر سۆپان یان جلکێن خوە د دانە سەر قه‌نەپان و ل سه‌ر هندەک جهێن دیتر یێن تایبه‌ت دناڤ مالێدا ددانن داکو هشک ببن.
لدووڤ ڤەکولینەکا نوو، هشكکرنا جلکان ب ڤی شێوه‌ی دێ تە توشی كێشێن ساخلەمیێ کەت، وه‌ك ره‌بو و چه‌ند كێشێن دیتر، وێ ڤەکولینێ ئاشكرا کریە، هشككرنا جلکان دناڤ مالێدا كارەکێ مه‌ترسیداره و دێ بیتە ئەگەرێ توشبوونێ ب جۆره نه‌خۆشيەکێ كو په‌یوه‌ندى ب سهان ڤە هه‌یه، چونكی دناڤ مالێ دا جۆرهکێ تۆزێ و به‌كتریایان بەلاڤ دبیت.
ئه‌و جۆرێ به‌كتریایێ دێ بیتە ئەگەرێ دروستكرنا كێشێ بۆ دفنێ و سهان و خانێن خوینێ و هندەک جاران ئەڤ به‌كتریا یا چالاكه و ب رێیا خوینێ دگەهیتە مێشكی و دلی و مێلاکێ و گولچیسکان و سیستەمێ به‌رگریێ لاواز دکەت.
هه‌روه‌سا هشكکرنا جلکان دناڤ مالدا دێ بیتە ئەگەرێ زێدەبوونا شەهێ ب رێژا 30% و دێ ژینگه‌هەکێ بۆ گه‌شه‌کرنا به‌كتریاكان پەیدا کەت.
نۆشدار دێڤید دیننگ و تیما خوە ل سه‌نته‌رێ نیشتمانى ل مانچسته‌ر، هشیاریێ د‌ده‌ن دەرباره‌ى هشكکرنا جلکان دناڤا مالان دا، چونكی دێ بیتە ئەگەرێ هه‌لمژینا چه‌ندین جۆرێن به‌كتریایێ.
ئەو نۆشدارە دبێژیت ژی: هشككرنا جلکان دێ بیتە ئەگەرێ كێمبوونا به‌رگریێ و دێ بیتە ئەگەرێ نه‌خۆشیا ره‌بوویێ، هەکە نەهێتە چاره‌سه‌ر کرن، دێ بیتە ئەگەرێ گیان ژ ده‌ستدانێ یان ژی دێ سهان و بەریکێن دفنێ ژناڤ بەت، ب تایبه‌تى ژ دناڤ وان كه‌سان دا یێن کو به‌رگریا لەشێ وان لاواز.
ئەڤرۆ نیوز:
ئەرباب خەیزەر حەیات، ئەو زەبەلاحێ پاکستانی یە، کو 197 سم یێ بلندە و کێشا وی 450 کیلۆیە، ب وەریسان ئۆتۆمبێل و تراکتۆران رادکێشیت و ب هۆلکێ پاکستانێ یێ ناسیارە.
د نوکە دا ئاریشا ئەربابی ئەوە، کو کەسەک ببیتە هەڤژینا وی، کو کێشا وێ ژی یا زۆر بیت، داکو بەژنا وێ ل گەل یا وی ب گۆنجیت و کێشا وی یا گران وێ ئازار نەدەت.
ئەڤە چەند سالە ئەو گەنجێ 27 سالی لدووڤ ژنەکێ دا دگەریت و ب دەست ناکەڤن، چونکی ئەو دبێژیت، من کچەک دڤێت ب کێمی ڤە کێشا وێ 100 کیلۆ بیت و بلنداهیا وێ پتر بیت ژ 190 سم، بۆ هندێ داکو ئەو هەردو هندی ئێک بن و بەژنا وێ یا گونجای بیت ل گەل بەژنا وی.
دیار کریە ژی، هەتا نوکە وی 200 بۆ 300 کچان رەتکرینە، ژبەر کو نە ل قیاسێ وی بوون.
هەڤدەم گەلەک سه‌رنجا خوە ئێخستیه سه‌ر كچەکێ کو زادچێکەرەکا باش بیت، چونكی ئەو رۆژانه 3 كیلۆیێن گۆشتێ سۆر و چه‌ند سێنیکێن برنجی دخۆت، ل گەل چەند لیترێن شیری.
ئەڤرۆ نیوز:
پەرلەمانێ كوردستانێ دێ دەرئەنجامێ كۆمبوونێن ھەولێر و بەغدا دەربارەی پرسا نەفت و بووجێ 2020 گوتۆبێژ کەت.
لدووڤ وێ بانگھێشتناما دەستەیا سەرۆكاتیا پەرلەمانێ كوردستانێ بۆ پەرلەمانتاران هنارتی، بڕیارە رۆژا پێنجشەمبی پەرلەمان ل سەر دو تەوەران كۆم ببیت.
تەوەرێ ئێکێ یێ كۆمبوونێ پیکهاتیە ژ گوتۆبێژکرنا دەرئەنجامێن كۆمبوونێن ھەولێر و بەغدا سەبارەت پرۆژە بوودجێ سالا 2020 و یێ دویێ پرسا نەفتێ، ب ئامادبوونا شاندێ دانوستانكار یێ حوکمەتا ھەرێما كوردستانێ.
ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا نه‌جم ئه‌لجبوورى پارێزگه‌رێ نه‌ینه‌وا كر، د دیداره‌كێ دا، ره‌وشا باژێرێ مووسل و ده‌ڤه‌رێن دى یێن پارێزگه‌ها نه‌ینه‌وا و ره‌وشا ئاڤه‌دانكرنا ده‌ڤه‌رێن ئازادكرى و ره‌وشا ئاواران، هه‌روه‌سا ئالوزیێن هه‌مبه‌ر ڤه‌گه‌راندنا ئاواران بۆ ده‌ڤه‌رێن وان به‌حس كرن.
هەروەسا مه‌ترسیێن سه‌رهلدان و بهێزبوونا تیرورێ و پێدڤیا هه‌ماهه‌نگیا لایه‌نان بۆ روو ب روو بوونا تیرورێ ته‌وه‌ره‌كێ دى یێ دانوستاندنێ بوون.
ئه‌ڤرۆ نیوز، رەوان نهێلی:
ل دۆر بڕیاره‌كا دادگه‌ها كارگێرى، عه‌ریزه دێ وه‌كو به‌رێ زڤرن پشتى كو پارێزه‌ر دلوڤان كه‌مال ئه‌حمه‌د سكالا ل دژى وه‌زیرێ داد توماركرى، سه‌باره‌ت گرێبه‌ستا هاتیه ئیمزاكرن دگه‌ل كۆمپانیا INFORR LTD یا بریتانى كو ل دادنڤیسێن هه‌رێما كوردستانێ كار بكه‌ن.
ل گۆره‌ى بڕیارا دادگه‌هێ ئه‌و بڕیاره هاته هه‌لوه‌شاندن ژبه‌ر كو به‌روڤاژى یاسایێ بوو.
پارێزه‌ر دلوڤان كه‌مال بۆ ئه‌ڤرۆ نیوز دیاركر، بڕیارا وان ئه‌گه‌ر ل دادگه‌ها ته‌میزێ ژى هاته په‌سه‌ندكرن، بڕیار دێ هێنه بجهئینان و عه‌ریزه وه‌كو به‌رێ دێ زڤرن، له‌وما ئه‌و چاڤه‌رێى بڕیارا دووماهیێ یا دادگه‌ها ته‌میزێ دكه‌ن.
ئەڤرۆ نیوز:
ئەڤرۆ كۆمپانیا بریتش پێترۆلیۆم یا بریتانی، كو مەزنترین كۆمپانیا نه‌فتی و وزێ یە ل بریتانیا، خوە ژ كێلگەهێن نه‌فتا كه‌ركووكێ خوە ڤەكێشا، ئه‌ڤە ژی وه‌ك ئاماژه پێ هاتیە دان، پشتی کو ماوێ گرێبه‌ستا وان کو ب گوژمێ 100 ملیۆن دۆلاران هاتیە ئیمزا کرن، ته‌مام بوو، چ رێككه‌فتنێن نوو بۆ بەرفرەهکرنا كێلگەهێن نه‌فتا وێ پارێزگەهێ نه‌كرینە.
به‌رپرسەکێ بلند یێ كۆمپانیا نه‌فتا شیمال گوتیە، کو سه‌رپه‌رشتیا پرۆسا كێلگه‌هێن كه‌ركووكێ دکەت، ڤەكێشانا بریتش پێترۆڵیۆم پشتراست كریه.
گوت ژی: روون و ئاشكرایه كو ئه‌نجامێ وێ دیراسێ هانده‌ر نه‌بوو بۆ هندێ کو كۆمپانیا بریتش پێترۆڵیۆم پرۆسێن درێژتر بكەت.
ئەڤرۆ نیوز:
سه‌رۆكێ هه‌رێما كوردستانێ، نێچيرڤان بارزانى و وه‌زيرێ ده‌رڤە یێ توركيا، مه‌ولوود چاوشئۆغلو كۆمبوون و هه‌ردو ئالیان جه‌خت ل سەر په‌ره‌پێدانا زێدەتر یا په‌يوه‌نديێن هه‌ولێر و ئه‌نقه‌ره كریه.
سایتێ سه‌رۆكێ هه‌رێمێ كوردستانێ، بەلاڤە کریه،
ئه‌ڤرۆ د په‌راوێزا پشکداريكرنێ د گەرا 50 یا كۆڕبه‌ندێ ئابووری یێ داڤۆس دا، نێچیرڤان بارزانی، سه‌رۆكێ هه‌رێما كورستانێ ل گه‌ل مه‌ولوود چاوشئۆغلو، وه‌زيرێ ده‌رڤە یێ توركيا كۆمبوو.
ئەڤرۆ نیوز:
رێڤەبەریا گشتی یا نەهێلانا مادێن هۆشبەر یێن ئاسایشا هەولێرێ دەست ب سەر 130 کیلۆگرامێن مادێ هۆشبەر ژ جۆرێ هێرۆین گرتن و ئەو باند ژی دەستگیر کر.
رێڤەبەریا گشتی یا نەهێلانا مادێن هۆشبەر د راگەهاندنەکێ دا گۆت، ب هەماهەنگی ل گەل ئاژانسا پاراستنا ئاسایشا هەرێما کوردستانێ وان چالاکیەک ئەنجامدایە، سەرەرای دەستگرتن ب سەر وێ برا مادێ هۆشبەر سێ تۆمەتبار ژی هاتینە دەستگیر کرن.
هەروەسا گۆتیە، ئەو تۆمەتبارە لدووڤ قانوونا 14 یا مادێن هۆشبەر پەرێن ڤەکولینی بۆ هاتینە ڤەکرن و هاتینە رەوانە کرن بۆ دادگەهێ.
نيشاندان