ئه‌ڤرۆ نیوز:
حوكمه‌تا چینێ دێ نه‌خوشخانه‌یه‌كا تایبه‌ت بۆ نه‌خوشیا كورونا ل ماوه‌یێ شه‌ش رۆژان دروست كه‌ت.
رۆژا هه‌ینێ 24/1/2020 پرۆسه‌یا دروستكرنا نه‌خوشخانه‌یه‌كێ ل باژێرێ وهان ده‌ستپێكر و بریاره ل رۆژا 3/2/2020 نه‌خوشێ توشبوی ب نه‌خوشیا ب ڤایروسێ كورونا وه‌ربگریت.
ئه‌و نه‌خوشخانه‌یا دهێته دروستكرن كۆ جهێ هه‌زار نه‌خوشان تێدا هێته دروستكرن و تایبه‌ته بۆ نه‌خوشیا كورونا، كۆ تانوكه ب ئه‌گه‌رێ ڤایروسێ كورونا، 27 وه‌لاتیێن چینێ گیانی خوه ژ ده‌ست داینه و 876 كه‌س ژی توشبووینه.
ئەڤرۆ نیوز، مەحمود نهێلی
ژ ئەنجامێ بارینا بەفرێ ل دەڤەرا ئامێدیێ زیان گەهشتینە وەلاتیان و ل شێلادزێ بانێ دو گورەپانان هەرفتینە.
موراد ئامێدی کارگێرێ ناوەندا بالا یا ئێکەتیا لاوێن دیموکراتی کوردستانێ ل ئامێدیێ بو ئەڤرۆ نیوز دیار کر، کو ژ ئەنجامێ بارینا بەفرێ بانێ یاریگەهەکا تەپا پێ یا بچووکا گرتی ل تاخێ ترێژانێ ل ناحیا شێلادزێ کەڤیتە خوارێ و زیانێن مالی گەهشتینێ.
و گۆت : ئەڤ یاریگەهە یا تایبەت بوویە و نەیا میری بوویە و دیارە ژ بەر کۆمبوونا بەفرێ ل سەر بانێ وێ خوە نەگرتیە و هەرفتیە، و سوپاس بۆ خودێ ل وی دەمی کەس تێدا نەبوویە و چ زیانێن گیانی نەبووینە.
ژلایەکی دی ڤە هەر ژ ئەنجامێ بارینا بەفرێ بانێ گورەپانەکا فروتنا ئاسنی ل شێلادزێ کەفتیە خوارێ.
وەلاتی ئازاد حەداد بۆ ئەڤرۆ نیوز دیار کر ، کو ئەو گورەپان یا پسمامەکێ وی یە و دەمێ بارینا بەفرێ و گرانبوونا بانێ وێ و بەشەک ژ دیواری و بانێ وێ هەموو کەفتیە. و ئاشکرا کر، زیانێن مالی یێن زۆر گەهشتینێ .
و دیار کر، ژ بەرکو دەمێ هەرفتنێ شەڤ بوویە سوپاس بو خودێ زیانێن گیانی ل پەی دروست نەبووینە.
ئه‌ڤرۆ نیوز، بارزان مزوورى:
مه‌حمود میرزا، ئێك ژ هه‌ڤالێن وى یێن نێزیك كو هه‌رده‌م ده‌مێن خۆ پێكڤه دبوراندن دناڤ كه‌مپا ئێسیان بۆ ئه‌ڤرۆ نیوز گۆت: ئه‌ڤرۆ ده‌مژمێر 5 ئیڤارى رێكه‌فتى 24/1/2020 ژ ئه‌گه‌ره‌كێ نه‌دیار هه‌ڤالێ وی بناڤێ”ئه، خ، ع” ژیێ وى 21 ساله دناڤ مال دا ل كه‌مپا ئێسیان یا ئاواران ل شێخان خۆ خه‌ندقاند گیانێ خۆ ژ ده‌ست دا.
ناڤهاتى خویاكر ئه‌نوه‌ری چ كێشه دگه‌ل كه‌سێ نه‌بووینه بتنێ ئه‌و دوو رۆژ بۆ هه‌تا ده‌یكا وى ژى دگوتێ كورێ من بوچى تو یێ بێزارى دگوته ده‌یكا خۆ چ نینه ده‌یكامن هه‌تا ئه‌ڤرۆ خۆ خه‌ندقاندى،ئه‌نوه‌ر نامه‌ك ب ده‌ستێ خۆ نڤیسیه دانابۆ ل نێزیك جهێ ئه‌و لێ كه‌فتى ئه‌و نامه بۆ ده‌یكا خۆ هێلابۆ تێدا هات بۆ دیار كرن “دادێ نه‌كه گرى هیڤى دكه‌م”.
ناڤهاتى گۆت ئه‌نوه‌ر ل سالا 2014 بابێ وى ژلایێ داعش ڤه هات بۆ كوشتن ل گوندێ سیبا شێخ خدر ل شه‌نگال پشتى بابێ وى هاتیه كوشتن ئاواره‌ى كه‌مپا ئێسیان بون وێنه‌گریه‌ك ڤه‌كربۆ كارێ وێنه‌گریێ دكر ژبۆ ده‌ست ڤه ئینانا نانێ رۆژانه.
نوشداره‌ك ژ نه‌خوشخانا شێخان كۆ نه‌ڤیا ناڤێ وى دیار بیت بۆ ئه‌ڤرۆ نیوز گۆت: ئه‌ڤرۆ مه‌غره‌ب ته‌رمێ گه‌نجه‌كى بناڤێ”ئه‌نوه‌ر خدر عه‌لۆ” ژیێ وى 21 گه‌هشته نه‌خوشخانا شێخان پشتى ڤه‌كولین ل سه‌ر هاتیه كرن دیاربوو كو خوە خه‌ندقاندیه ب كنفێ ئێكسه‌ر ته‌رمێ وى بۆ نوشداریا داد ل پارێزگه‌ها دهوكێ هاتیە ڤه‌گوهاستن.
ئه‌ڤرۆنیۆز، عه‌زیز هه‌ورامی:
كامیل عه‌بدولقادر ئه‌و به‌ركه‌وتوی چه‌كی كیمیاویه‌ی هه‌ڵه‌بجه‌ییه ماوه‌ی دووساڵه له وڵاتی ئه‌ڵمانیایه بۆ وه‌رگرتنی چاره‌سه‌ر، ده‌ڵێ، سه‌رۆكی حكومه‌ت وه‌زیری په‌روه‌رده‌ی ناردووه بۆلام هه‌موو پشتیوانیه‌كی خۆی بۆ ده‌ربڕیوم.
كامیل عه‌بدولقادر تایبه‌ت به ئه‌ڤرۆ نیۆز گوتی، ئالان حمه سه‌عید وه‌زیری په‌روه‌رده و شاندێكی یاوه‌ری له وڵاتی ئه‌ڵمانیا شاری ئیسن سه‌ردانیان كردم،سڵا و هه‌واڵ پرسینی جه‌نابی سه‌رۆكی حكوومه‌ت مه‌سروور بازانیان پێگه‌یاندم وه‌زیری په‌روه‌رده وتی، سه‌رۆكی حكومه‌ت سڵاوی هه‌یه بۆت و هه‌موو پشتیوانیه‌كی خۆی بۆت دووپات كردووه‌ته‌وه چیت پێویستبێ بۆتان ده‌كه‌ین.
كامیل عه‌بدولقادر وتیشی، وه‌زیری په‌روه‌رده وتی، سه‌رۆك وه‌زیران پێ وتووم له نزیكه‌وه له ته‌ندروستیتان بپرسم، به‌ڵێنی هه‌مو هاوكارێكیان پێدان.
له چه‌ند ڕۆژی ڕابردوو كامیل عه‌بدولقادر له ڕێگه‌ی فه‌یسبووكی خۆیه‌وه په‌یامێكی ئاڕاسته‌ی سه‌رۆك وه‌زیرانكرد داوای لێكرد 30 هه‌زار یۆرۆی كرد بۆئه‌وه‌ی له‌گه‌ڵ ئه‌وپاره‌ی هه‌یه بگاته 50 هه‌زار یۆرۆ له‌بانك دای بنێت، تاوه‌كو بپتوانێت خێزانه‌كه‌ی بڕۆن بۆلای، سه‌رۆك وه‌زیران مه‌سروور بارزانی وه‌ڵانی داواكه‌ی دایه‌وه سی هه‌زار یۆرۆكه‌ی بۆ دابینكرد و پشتیوانی خۆشی بۆ هه‌ر شتێك بییه‌وێت بۆی ده‌ربڕی.
ئەڤرۆ نیوز:
ئەڤرۆ ئەینیێ جارەکا دی خوە پیشاندانان ل بەغدا دەستپێکرن، هندەک ژێدەرێن پۆلیس و نۆشداران ل باژێرێ به‌غدا راگه‌هاند، کو د خوەپیشاندانێن ئه‌ڤرۆ دا، روو ب رووبوون دناڤبەرا خوەپیشانده‌ران و هێزێن ئه‌منی دا روودایە و د ئه‌نجامدا 2 خوەپیشانده‌ر هاتینە كوشتن و 25 دیتر بریندار بووینە.
ئەڤرۆ ئەینیێ روو ب رووبوون ل سه‌ر رێیا سه‌ره‌كی یا محه‌مه‌د قاسم ل ناڤه‌ڕاستا وی باژێری روودایە و بۆ بەلاڤەکرنا خوەپیشانده‌ران، هێزێن پۆلیسان چه‌ك و گازا رووندک رێژ ب‌كارئینا یە.
ئەڤرۆ نیوز:
وەزارەتا پەروەردێ د راگەهاندنەکێ بەلاڤە کریە، تێدا دەستهالاتا هندێ دایە رێڤەبەرێن گشتی یێن پەروەردێن پارێزگەهان، کو ل دەمێ پێدڤی دا ب ئەگەرێ دابەزینا پلێن گەرماتیێ، رۆژەکێ بکەنە بهێنڤەدان.
راگەیاندنا وەزارەتا پەروەردێ گۆتیە، ب ئەگەرێ دابەزینا پلێن گەرمێ و بارینا بەفرێ، رێڤەبەرێن گشتی یێن پەروەردان ل پارێزگەهان دەستهەلاتا هندێ هەیە کو رۆژەکێ بکەنە بهێنڤەدان ل ناڤەندێن خواندنێ، هەکە سەقای ئاستەنگی بۆ هاتنوچوونا مامۆستا و قوتابیان دروستکر.
ئەڤرۆ نیوز:
بەلاڤبوونا ڤایرۆسێ کۆرۆنا ل باژێێ ووهان یێ چینی بەرپرسێن وی باژێری دەست ب دیتنا جهەکێ پێدڤی بۆ چارەسەرکرنا تووشبویێن وێ ئێشێ کریە، بڕیارە د ماوێ 10 رۆژان دا نەخۆشخانەکا 1000 تەختی بۆ چارەسەرکرنا تۆشبوویان دروست بکەن.
کارێن وێ نەخۆشخانێ دەست پێکریە ل سەر رووبەرێ 25 هزار مەترێن چارگۆشە دهێتە دروست کرن و لدووڤ وێ پلانێ دڤێت ل 3 شواتا داهاتی کارێن وێ تەمام بیت.
کەلوپەلێن بیناسازی بۆ جهێ دروستکرنا وێ نەخۆشخانێ هاتینە ڤەگوهاستن، لدووڤ وان وێنێن هاتینە بەلاڤ کرن، 35 حەفارە و 10 بلدۆزەر ل وی جهی کار دکەن.
نيشاندان