ئەڤرۆ نیوز:
ل گۆر چەندین راپرسیان ل ئەمریکا رۆژ ب رۆژێ جەماوەر و پشتەڤانێن جۆ بایدن بۆ سەرۆکاتیا ئەمریکا زێدەتر دبن و ل گۆر دووماهی راپرسیێن کو ژ ئالیێ چەندین کۆمپانیێن راپرسیان و دەزگەهێن راگەهاندنێ ڤە هاتیە کرن دیار دبیت کو هەکە نها هەلبژارتن بهێنە کرن بایدن دێ بیتە سەرۆکێ ئەمریکا.
ل گۆر راپرسیان ژ بەر خەمساریا ترامپی یا ل هەمبەر ڤایرۆسێ کۆرۆنا وەلاتیێن ئەمریکا ناخوازن جارەکا دی ترامپ ببیتە سەرۆکێ ئەمریکا.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو (182) نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون.
(182) نەخۆشێن دی یێن ڤایرۆسێ کۆرۆنایێ covid-19 ل دهۆکێ کو ل ژێر چارەسەریێ دا بوون ب تەمامی چارەسەربوون.
ب ڤێ چەندێ هژمارا گشتی یا نەخۆشێن چارەسەربووین گەهشتنە 5390 کەسان.
و نوکە 7686 نەخۆش ماینە ل ژێر چارەسەریێ دا.
ئەڤرۆنیۆز، هەرهین محەمەد:
هونەرمەندێ گەنج هەڤال ئیبراهیم دیدارەكێ دا بۆ ئەڤرۆ نیۆز دیاركر كو نوكە ئەو مژولی چێكرنا سترانەكێ یە ب ناڤێ (دنیا دەورە) كو ژ پەیڤ و ئاوازێن هەلبەست ڤان غەریب قادر و ژڤانە ل دەمەكێ نێزیك ل كەنالێ وی یێ یوتیوبی بهێتە بەلاڤكرن.
هەڤالی زێدەتر ژی گۆت: (ناڤەروكا ڤێ سترانێ ل سەر هندێ یە ل ڤێ دووماهیێ خەلكی گەلەك خوەشتڤێن خوە ژدەست داینە و دبێژیت “دنیا دەورە لبەر دلێ من بێ سەبرە ئەزێ چبكەم ڤان بهارا ئەز نابینم دوست و یارا كانێ كەنیا ڤان زارۆكا كا شاهێن زاڤا و بوكا”).
ئەڤرۆ نیوز:
ئاوات شێخ جەناب وەزیرێ دارایی یێ حوکمەتا هەرێما کوردستانێ د روونشتنا پەرلەمانێ کوردستانێ دا راگەهاند کو بریارا نەهنارتنا پارەی ژ ئالیێ بەغدا ڤە بۆ هەرێما کوردستانێ بریارەکا سیاسی بوویە.
ناڤهاتی راگەهاند کو پرۆژێ بۆدجێ ل وەزارەتا دارایی هاتە ئامادەکرن لێ پشتی دەست ژ کارکێشانا سەرۆک وەزیرێن بەرێ یێ عیراقێ و راگرتنا پارێ هەرێمێ ژ ئالیێ بەغدا ڤە پرۆژێ بۆدجێ یێ هەرێمێ ژی نەهاتە هنارتن بۆ پەرلەمانی.
ئه‌ڤرۆ نیوز:
ب فه‌رمی یاریزانێ یانا دالکورد یا سویدی و یانا دهۆک یێ به‌ری نوکه هارون ئه‌حمه‌د بۆ ماوێ وه‌رزه‌کێ ب شێوه‌یێ خواستن ژ دالکورد هاته ڤه‌گوهاستن بۆ یانا زاخۆ.
هه‌ژی گوتنێ یه بریار بوو، هارون ئه‌حمه‌د ل ماوێ بوری په‌یوه‌ندی ب یانا دالکورد بکه‌ت پشتی ل ڤه‌گوهاستنێن بوری هه‌ڤبه‌ستا وێ یانا سویدی ئیمزاکری لێ ژبه‌ر نه وه‌رگرتنا ڤیزێ نه‌شیان گه‌شتێ بوو وه‌لاتێ سوید بکه‌ن.
ئەڤرۆ نیوز:
وەزارەتا ئەوقاف و كاروبارێن ئاینی ل هەرێما کوردستانێ راگەهاند: چوونا عوموێ بۆ خەلكێ هەرێما كوردستانێ دێ یا گرێدای بیت ب كێمبوونا رێژا تووشبوونا ڤایرۆسێ كۆرۆنایێ ڤە.
نەبەز ئیسماعیل پەیڤدارێ وەزارتا ئەوقاف و کاروبارین ئاینی دبەیاننامەكێ دا راگەهاند: هەر دەمێ ئاستێ تووشبوونێ ب ڤایرۆسێ كۆرۆنایێ كێم بوو، دێ دەلیڤە هێتەدان وەلاتیێن هەرێما كوردستانێ رێورەسمێن عومرێ ئەدا بكەن.
هەروەسا خۆیاكر: هەر دەمێ وەلاتێ سعودی داخوازیەكا فەرمی ژ هەرێمێ كر بۆ وێ پرسێ، لژنەكا تایبەت دێ بریارێ ل سەر چوونا خەلكێ هەرێمێ دەت بۆ ئەداكرنا عومرێ.
ناڤهاتی ئاشكرا كر: سالانە زێدەتر ژ 20 هزار كەسان ژ هەرێما كوردستانێ قەستا سعودی دكەن بۆ ئەداكرنا عومرێ، لێ ژ ئەگەرێ بەڵاڤبوونا ڤایرۆسێ كۆرۆنایێ، نوکە ئەڤ پرۆسە هاتیە راگرتن.
ئەڤرۆ نیوز، عەلی حاجی:
بەرپرسێ راگەهاندنا ساخلەمیا زاخۆ، بۆ ئەڤرۆ نیوز گۆت: ئەڤرۆ ل زاخۆ زارۆیەکێ د ژیێ سال و نیڤان دا ژ قاتێ حەفتێ دکەڤیت و وەغەر کر.
زێدەتر گۆت ژی: ئەو روودان ئەڤرۆ ل شوقێن نیو زاخۆ دروست بوویە، ئەو زارۆیێ د ژیێ سال و نیڤان دا ژ قاتێ حەفتێ یێ شوقەکێ کەفتیە و ئێکسەر وەغەر کریه و تەرمێ وی زارۆکی بۆ نۆشداریا داد ل زاخۆ هاتیە ڤەگۆهاستن.
ئەڤرۆ نیوز:
وەزارەتا ساخلەمیا ھەرێما کوردستانێ راگەھاند: د دەمێ ۲٤ دەمژمێرێن بوری دا، ٦٢٠ حالەتێن نوو یێن کۆرۆنایێ و ٣٢٤ حالەتێن باشبوونێ، هەروەسا ١٩ حالەتێن وەغەرکرنی ھاتینە تۆمار کرن.
ئەڤرۆ وەزارەتا ساخلەمیا ھەرێمێ دیار کر: کو ٦٢٠ حالەتێن نوویێن کۆرۆنایێ ھاتینە تۆمار کرن، کو ٢١٧ حالەت ل دهۆکێ بووینە، ٢٧٦ ل هەولێرێ، ٧٩ ل سلێمانیێ، ٢٤ ل گەرمیانێ، ٢٤ ژی ل هەلەبجە.
دیسان گۆتیە: کو ٣٢٤ کەسێن دی ژ وێ نەخۆشیێ باشبووینە، کو ١١٩ ژ وان ل هەولێرێ، ٣٥ ل هەلەبجە، ٣٠ ل سلێمانیێ، ٣٢ ل گەرمیانێ و ١١٨ ل دهۆکێ، هەروەسا
١٩ کەسان وەغەرکریە، کو دو ل ھەولێرێ، ٨ ل سلێمانیێ، ئێک ل گەرمیان، ئێک ل دھۆکێ، دو ل ڕاپەرین و پێنج ژی ل هەلەبجە.
ھەتا نوکە 50 ھزار و ٢٤٨ حالەتێن کۆرۆنایێ ل ھەرێمێ ھاتینە تۆمار کرن، ژ وێ هژمارێ هەتا نوکە ٣١ ھزار و ٩٩٦ کەس باشبووینە و دیسان ھزار و ٨٢٦ کەسان ژی وەغەرکریە.
ئەڤرۆ نیوز:
ئەڤرۆ ئێکشەمبی 2020/10/4 مەسرور بارزانی سەرۆکێ حوکمەتا هەرێما کوردستانێ، پێشوازی ل فالح فەیاز سەرۆکێ دەستەیا حەشدا شەعبی و فەریق عەبدولئەمیر یارەللا سوپاسالارێ عیراقێ کر.
د وێ دیدارێ دا گوهۆرین و پێشهاتێن عیراقێ و ڤێ دەڤەرێ و گرنگی و هەماهەنگیا ئەمنی هاتە گوتۆبێژ کرن، بۆ رووبروو بوونا هێرشێن تیرۆریستێن داعشێ، ب تایبەتی ل دەڤەرێن کوردستانی یێن دەرڤەی ئیدارا هەرێمێ، دیسان جەخت ل چارەسەرکرنا کێشێن دناڤبەرا هەرێما کوردستانێ وحوکمەتا فیدرالی هاتە کرن ل سەر بنەمایێ دستۆری.
نيشاندان