ئه‌ڤرۆ نیوز:
به‌رپرسێن یانا چێلسى یا ئنگلیزى بریار دایه‌ ل ڤه‌گوهاستنێن زڤستانا بهێت سێ یاریزانێن خوه‌ بفروشن و ل جهێ ئه‌وان هه‌ڤبه‌ستێ ل گه‌ل چه‌ند یاریزانێن نوو ئیمزا بكه‌ت .
رۆژناما تیلیگراڤ یا برێتانى دیاركریه‌ به‌رپرسێن یانا چێلسى ل سه‌ر داخوازیا راهێنه‌رێ خوه‌ لامپارد بریارا ده‌ستا ژ هه‌ر ئێك ژ یاریزانێن خوه‌ پێدرو رودرێگیو و ماركوس ئه‌لونسو یێن ئیسپانى و ئولیڤیه‌ جیرو یێ فره‌نسى به‌رده‌ت ل ڤه‌گوهاستنێن بهێت پشتى وى راهێنه‌رى دیاركرى ئه‌وى پێدڤى ب شیانێن ئه‌وان یاریزانان نینه‌ ل ماوێ بهێت.

ئه‌ڤرۆ نیوز:
راپورتێن رۆژنامه‌ڤانى ل برێتانیا دیاركرینه‌ سێ یانێن به‌رنیاس ل سه‌ر ئاستێ ئورۆپا ب فه‌رمى ده‌ست ب لڤیناكریه‌ بوو ده‌ستڤه‌ ئینانا ستێرا دانیماركى و یانا توتنهام یا ئنگلیزى كریستیان ئاریسكن ئه‌وێ بریاره‌ هه‌ڤبه‌ستا ئه‌وى ل هاڤینا بهێت ل گه‌ل یانا ئه‌وى ب دووماهیى بهێت.
زێده‌تر ئه‌وان رۆژناما دیاركریه‌ هه‌ر ئێك ژ یانێن یوڤانتوس یا ئیتالى و ریال مه‌درید یا ئیسپانى و مانچێسته‌ر یونایتد یا ئنگلیزى هه‌ڤركیا ده‌ستڤه‌ ئینانا ئاریكسن دكه‌ن بوو ڤه‌گوهاستنا ئه‌وى بوو ناڤ رێزێن یانا خوه‌ .
زێده‌تر ئه‌وان رۆژناما ئاشكراكریه‌ یانا مان یونایتد ب هێز هاتیه‌ دناڤ هه‌ڤركیا ب ده‌ستڤه‌ ئینانا ئه‌وى و به‌رپرسێن وێ یانێ په‌یوه‌ندى ب بریكارێ وى یاریزانى كریه‌ بوو ڤه‌گوهاستنێن زڤستانا بهێت هه‌ڤبه‌ستێ لگه‌ل ئیمزا بكه‌ن.

ئه‌ڤرۆ نیوز:
رۆژنامه‌یێن نێزیكى یانا ریال مه‌درید ئاشكراكرینه‌ به‌رپرسێن وێ یانێ گه‌هشتنه‌ رێككه‌فتنێ ل گه‌ل یانا ناپولى بوو ڤه‌گوهاستنا ستێرا وێ و یاریزانێ هێلا ناڤینا هه‌لبژارتیێ ئیسپانیا فابیان رویز بۆ ناڤ رێزێن یانا ریال مه‌درید ل ماوێ بهێت پشتى هه‌ڤركیه‌كا دژوار ل گه‌ل هه‌ر ئێك ژ یانێن به‌رشه‌لۆنا و مانچێسته‌ر سیتى.
زێده‌تر ئه‌وان رۆژناما ئاشكراكرینه‌ سه‌رۆكێ یانا ریال مه‌درید فلورنتینو پێریز كوژمێ 100 ملیون یورۆیا بوو ڤه‌گوهاستنا ئه‌وى یاریزانى به‌رهه‌ڤكرینه‌ و راهێنه‌رێ وێ یانێ ژى حه‌زا ئیمزاكرنا وى یاریزانى هه‌یه‌ .
هه‌ردیسان هاتیه‌ ئاشكراكرن ژى فابیان رویز ژى حه‌زا كرنا یاریێ ل یانا ریال مه‌درید هه‌یه‌ و دخوازیت یاریێ ل بن سه‌رپه‌رشتیا راهێنه‌رێ وێ یانێ یێ فره‌نسى زێدان بكه‌ت.
هه‌ژى گوتنێ یه‌ هه‌ر ئێك ژ یانێن به‌رشه‌لۆنا و ریال مه‌درید و مانچێسته‌ر سیتى هه‌ڤركیا ئێك دكرن بوو ده‌ستڤه‌ ئینانا ئه‌وى یاریزانى كو یانا به‌رشه‌لۆنا چه‌ندین جاران به‌ر ب وه‌لاتێ ئیتالیا ڤه‌ چوو بوو بۆ ده‌ستڤه‌ ئینانا ئه‌وى یاریزانى لێ د دانوستاندنان دا ل گه‌ل به‌رپرسێن وێ یانا ئیتالى نه‌ گه‌هشتبوونه‌ چ رێككه‌فتنا .

هه‌ژى گوتنێ یه‌ فابیان رویز یێ 23 سالى ل ڤه‌گوهاستنێن هاڤینا 2018 ژ یانا ریال بتیس په‌یوه‌ندى ب یانا ناپولى كربوو به‌رامبه‌ر كوژمێ 30 ملیون یورۆیا و وى یاریزانى هه‌تا نوكه‌ 54 یارى ل گه‌ل ناپولى ئه‌نجامداینه‌ و شیایه‌ هه‌شت گولان توماربكه‌ت

ئه‌ڤرۆ نیوز:
راپورتێن رۆژنامه‌ڤانى ل ئیتالیا ئاشكراكریه‌ ستێرا پورتوگالى و یانا یوڤانتوس یا ئیتالى كریستیانو رونالدوى ژ به‌رپرسێن یانا یوڤانتوس خواستى یه‌ ل ڤه‌گوهاستنێن زڤستانا بهێت هه‌ڤبه‌ستێ ل گه‌ل ستێرا كولومبى و یانا ریال مه‌درید خامێس رودرێگیز ئیمزا بكه‌ن بوو ب هێز ئێخستنا هێلا ناڤینا یانێ.
زێده‌تر ئه‌وان رۆژناما دیاركریه‌ ژى به‌رپرسێن یانا یوڤانتوس ل سه‌ر وێ داخوازیا رونالدوى رازیبوونه‌ و به‌رهه‌ڤیا خوه‌ دیاركریه‌ بوو ئیمزاكرنا هه‌ڤبه‌ستا ئه‌وى یاریزانێ ریال مه‌درید ژبه‌ركو نوكه‌ ئه‌و یانه‌ یا لێگه‌ریانا یاریزانه‌كێ هێلا ناڤین دگه‌ریت و ئه‌و وه‌سا دبینن رودرێگیز دێ باشترین هه‌لبژارتن بیت ل ڤى ده‌مى بوو ده‌ستڤه‌ ئینانا ئه‌وى.

به‌رشه‌لۆنا دخوازیت هه‌ڤبه‌ستێ ل گه‌ل ڤى یاریزانێ ئه‌رسینال ئیمزا بكه‌ت
ئه‌ڤرۆ نیوز:
یانا به‌رشه‌لۆنا دخوازیت ل ڤه‌گوهاستنێن هاڤینا بهێت هه‌ڤبه‌ستێ ل گه‌ل ستێره‌كا ئه‌رسینال ئیمزا بكه‌ت.
به‌رنامه‌یێ شیرنجیتو یێ به‌رنیاس یێ ئیسپانى دیاركریه‌ یانا به‌رشه‌لۆنا گرنگیه‌كا مه‌زن ب ستێرا گابونى و هێرشبه‌رێ یانا ئه‌رسینال ئوبامیانگ دایه‌ بوو ڤه‌گوهاستنا ئه‌وى ل ڤه‌گوهاستنێن هاڤینا بهێت .
هه‌ردیسان وى به‌رنامه‌یى ئاشكراكریه‌ ژى به‌رپرسێن یانا به‌رشه‌لۆنا نوكه‌ لێگه‌ریانا هێرشبه‌ره‌كێ دكه‌ن ل جهێ لویس سوارێز ئه‌وێ ژیێ وى نێزیكى 33 سالى بوویه‌ و دخوازن پێگوهوره‌كى ل جهێ وى هێرشبه‌رێ خوه‌ بینن و یێ به‌رده‌وام بیت ل گه‌ل ئه‌وان بوو ده‌مه‌كێ درێژ.
ل دووماهیێ ئه‌وى به‌رنامه‌یى دیاركریه‌ ژى به‌رپرسێن به‌رشه‌لۆنا وه‌سا دبینن ئوبامیانگ باشترین پێگوهوره‌ ل جهێ سوارێز و كوژمه‌كێ مه‌زن یێ پاره‌ى بوو ڤه‌گوهاستنا ئه‌وى یاریزانى به‌رهه‌ڤكریه‌.

ئه‌ڤرۆ نیوز:
پشتى هێرشبه‌رێ یانا ریال مه‌درید كه‌ریم بن زیما شیاى ل یاریا شه‌ڤا بورى یا یانا خوه‌ به‌رامبه‌ر یانا گه‌لاته‌سه‌راى دو گولان توماربكه‌ت ژ چارچوڤێ یاریێن قوناغا كومان یا قاره‌مانیا چامپیونیز لیگ ، ئه‌و یاریزان شیا نمرا ستێرا ئه‌رژه‌نتینى و یانا به‌رشه‌لۆنا لیونێل میسى وه‌كهه‌ڤ بكه‌ت.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ به‌لاڤه‌كریه‌ كه‌ریم بن زیما بوو یاریزانێ دوێ د مێژویا قاره‌مانیا چامپیونیز لیگ دا بوو ماوێ 15 وه‌رزان ل دیڤ ئێك بشێت گولێ توماربكه‌ت ،پشتى میسى كو ئه‌و یاریزان ژى ب هه‌مان شێوه‌ 15 سالانه‌ ل دیڤ ئێك شیایه‌ گولێ دوێ قاره‌مانیێ دا توماربكه‌ت.