ئه‌ڤرۆ نیوز:
ستێرا هێلا به‌ره‌ڤانیا یانا ریال مه‌درید و كابتنێ وێ سێرجیو راموس د گونگرێ رۆژنامه‌ڤانى یێ یاریا سوباهى ریال مه‌درید ل گه‌ل گه‌لاته‌سه‌راى ژ قاره‌مانیا چامپیونیس لیگا ئورۆپا دیاركر ئه‌و هه‌تا مرنێ دێ ل گه‌ل زێدانى بن بوو ئه‌نجامێن باش و دێ هه‌موو بزاڤا كه‌ین بوو توماركرنا ئه‌نجامێن باشتر و زێدان هه‌ژى رێزگرتنه‌كا مه‌زنه‌ بلا هه‌موو باش بزانن كا ئه‌وى چ كریه‌ بوو ڤێ یانێ و زێدان جهێ شانازى یه‌ ل ڤێ یانێ .
زێده‌تر ناڤبرى دیاركر هه‌بوونا زێدان دڤى ده‌مى دا گه‌له‌ك یا گرنگه‌ و یاریزان هه‌موو ل گه‌ل ئه‌وى د ئارامن و یا گرنگ ئه‌وه‌ ته‌ركیز ل سه‌ر یاریا سوباهى بكه‌ین و پاش ل یاریێن بهێت.
سه‌باره‌ت هاتنا مورینهوى ناڤبرى دیاركر ئه‌و نوكه‌ یێ شه‌رى ل سه‌ر ئه‌وان گوتنا دكه‌ن ئه‌وێن دهێنه‌ گوتن بوو گوهورینا راهێنه‌رى و ئه‌و دێ هه‌موو بزاڤا كه‌ن بوو ئێگرتنا تیمێ و نوكه‌ بتنێ ئه‌و هزر ل یاریا سوباهى دكه‌ن .

ئه‌ڤرۆ نیوز،هه‌ژار مه‌عروف:
پشتى بورینا سێ حه‌فتیان ژ ده‌ستپێكرنا خۆلا پلا نایاب یا عیراقێ چار یانان راهێنه‌رێن خوه‌ گوهورین ژبه‌ر ئه‌نجامێن لاواز كو ئه‌ڤ ئێك ژ ئاریشه‌یێن هه‌ره‌ مه‌زن ل ناڤا جیهانا ته‌پا پێ یا عه‌ره‌بى و تایبه‌ت یا عیراقێ كو خوه‌ جه دناڤا پێكهاتیێ یانێ و پشت به‌ستن ل سه‌ر راهێنه‌رێن تیما خوه‌ ناكه‌ن بوو ده‌مه‌كێ درێژ.

قوربانیێ ئێكێ ل وه‌رزێ ئه‌ڤ ساله‌
راهێنه‌رێ یانا زه‌ورا حه‌كیم شاكر ل حه‌فتیا ئێكێ ده‌ست ژ پوستێ راهێنه‌ریا یانێ به‌رده‌ پشتى ل یاریگه‌ها شه‌عب ل گه‌ل یانا سه‌ماوه‌ وه‌كهه‌ڤبووى كو به‌رى وێ یارى د قاره‌مانیا عه‌ره‌بى و كاسا سوپه‌را عیراقێ دا یانا زه‌ورا ئه‌نجامێن نه‌ چاڤه‌رێكرى توماركرن و گڤاشتنێن مه‌زن ل سه‌ر وى راهێنه‌رى هه‌بوون و كارگێریا وێ یانێ ژى ل سه‌ر ده‌ست به‌ردانا حه‌كیم شاكر رازیبوو ل جهێ وى باسم قاسم وه‌كو راهێنه‌رێ یانێ هاته‌ ده‌ست نیشانكرن.

حه‌فتیا سێ و سێ راهێنه‌ر هاتنه‌ گوهورین

یانا قاسم ئه‌وا ل وه‌رزێ ئه‌ڤ ساله‌ سه‌ركه‌فتى بوو خۆلا پلا نایاب، ل سه‌ر گوهورینا راهێنه‌رێ خوه‌ نه‌چار بوو پشتى راهێنه‌رێ وێ یانێ جاسم جبر پوسته‌كێ نوو ل په‌روه‌رده‌یا وى باژێرى وه‌رگرتى و داخازا لێبورینێ ژ یانى

لیبى هاته‌ گوهورین ل گه‌ل ئێكێ عیراقى

كارگێریا یانا زاخۆ ژبه‌ر ئه‌نجامێن لاواز یێن تیمێ راهێنه‌رێ خوه‌ یێ لیبى عه‌بدولحه‌فیز ئاربیش ژ پوستێ یانێ دورخستن پشتى ل هه‌رسێ یاریێن ده‌ستپێكێ خوساره‌ت بووى و كارگێریا یانا زاخۆ عه‌لى هادى وه‌كو راهێنه‌رێ نوو یێ تیمێ ده‌ست نیشانكر.

راهێنه‌رێ عیراقى دورخست و هه‌ڤبه‌ستا كرواتیه‌كى ئیمزاكر

كارگێریا یانا هه‌ولێر ل گه‌ل راهێنه‌رێ خوه‌ یێ به‌رى نوكه‌ ئه‌كرم سه‌لمان گه‌هشته‌ رێككه‌فتنێ بوو هه‌لوه‌شاندنا هه‌ڤبه‌ستا ئه‌وى راهێنه‌رێ ناڤبرى پشتى ل هه‌رسێ یاریێن ده‌ستپێكێ نه‌شیاى سه‌ركه‌فتنێ توماربكه‌ت كو سێ یاریان ل دیڤ ئێك وه‌كهه‌ڤبووى و كارگێریا یانا پایته‌ختێ كوردستانێ هه‌ڤبه‌ستا راهێنه‌رێ خوه‌ یێ به‌رى حه‌فت سالان و یێ كرواتى رادان گاسانین ئیمزاكر ل جهێ ئه‌كرم سه‌لمان.

ئه‌كرم سه‌لمان

ئه‌ڤرۆ نیوز:
چاڤه‌رێ دهێته‌كرن سوباهى ب شه‌ڤ یانا ریال مه‌درید یاریه‌كا ب زه‌حمه‌ت ل باژێرێ ئیسته‌نبول به‌رامبه‌ر یانا گه‌لاته‌سه‌راى بكه‌ت ژ چارچوڤێ یاریێن گه‌را سێ ژ قاره‌مانیا چامپیونیس لیگا ئورۆپا.
راهێنه‌رێ یانا ریال مه‌درید زێدان د گونگرێ رۆژنامه‌ڤانى دا بوو ده‌زگه‌هێن راگه‌هاندنێ دیاركر ئه‌وان ب شێوه‌كێ خراب ده‌ست ب قاره‌مانیا چامپیونیس لیگ كریه‌ و سوباهى ده‌لیڤه‌ ل به‌ر ده‌ستێ ئه‌وان هه‌یه‌ ئه‌نجامه‌كێ باش توماربكه‌ن و هێشتا ئه‌وان ده‌لیڤه‌ هه‌یه‌ بوو ده‌ربازبوونێ .
سه‌باره‌ت ئه‌وان ده‌نگوباسێن گورهوینا وى ل پوستێ راهێنه‌ریا یانێ ناڤبرى دیاركر ئه‌و گوتن هه‌رده‌م هه‌نه‌ لێ چ كارتێكرنێ ل سه‌ر ئه‌وى ناكه‌ت و بتنێ نوكه‌ ئه‌و هزر ل یاریا سوباهى دكه‌ن و ئه‌وى باوه‌ریه‌كا مه‌زن ب شیانێن یاریزانێن خوه‌ هه‌یه‌ دێ بوو هه‌موویان دیاركه‌ن كو ئه‌و كى نه‌.
هه‌ردیسان ناڤبرى دیاركر ژى ئه‌وى دڤێت هه‌تا هه‌تا ل ڤێ یانێ بمینت لێ بریارا مانا وى د ده‌ستێ ئه‌وى دا نینه‌ ئه‌و پرسیار بوو كه‌سه‌كێ دى یه‌ نه‌ بوو وى و ل ریال مه‌درید خه‌له‌تى ناهێـته‌ قه‌بولكرن و پێدڤى یه‌ چاڤه‌رێ هه‌ر رویدانه‌كێ بین ل هه‌ر خوله‌كه‌كێ دا.
ل دووماهیى ناڤبرى ئاماژه‌ ب وێ چه‌ندێ ژى كر ئه‌و باش د زانیت بوو یاریا سوباهى یانا گه‌لاته‌سه‌راى دێ یاریه‌كا ب هێز ل گه‌ل ئه‌وان كه‌ت لێ ئه‌وى باوه‌رى ب شیانێن یاریزانێن خوه‌ هه‌یه‌ دێ ب ئه‌نجامه‌كێ باش توماركه‌ن .