ئه‌ڤرۆ نيوز:
جەهوەر عەلی قایمقامێ قەزا دهوکێ،ئەڤرۆ پێنجشه‌مبى۲۰۱۹/۱۰/۱۷ سەرەدانا رێڤەبەریا لژنێن نوشدارى ل دهۆکێ کر.
قایمقامێ قەزا دهوکێ، ل دووڤ به‌رپه‌رێ قايمقاميێ ل سه‌ر تۆرا جڤاكى يا فه‌يسبووكى، ژنێزیک لسەر کارێ لژنێن نوشدارى ئاگەهدار بوو وگوت” ژبەر هەبوونا قەرەبالغەکا مه‌زن ل سەر ڤان لژنان بریار هاتە دان رێڤەبەریا گشتی یا ساخلەمیا پارێزگه‌ها دهوکێ ب هەفکاریا پارێزگەهێ رابيت ب زێدەکرنا لژنێن نوشدارى ل سپێده‌یان وپشکنین بێ بەرامبەر بهێنە ئەنجامدان.
ئەڤرۆ نیوز، زنار تۆڤی:
سەرۆکێ حوکمەتا هەرێما کوردستانێ 500 ملیار دیناران بۆ چەندین پرۆژێن خزمەتگوزاری تەرخان دکەت.
ئەڤرۆ پێنجشەمبی 17-10-2019، مەسرور بارزانی، سەرۆکێ حوکمەتا هەرێما کوردستانێ ل تۆرا جڤاکی یا (تویتەر)، راگەهاند، ئەڤرۆ بڕیارا مەزاختنا 500 ملیار دیناران بۆ چەندین پرۆژان دایە.
هەروەسا مەسرور بارزانی ئاماژە ب ژێرخانەکا نوو و بناغێ ئابوورەکێ نوو بۆ کوردستانەکا ب هێز دایە، دیسان گۆت، ئەو گۆژمێ پارەی بۆ پرۆژێن رێک و پران و سایلۆیان، هێلێن کارەبێ و تۆرێن دابەشکرنا ئاڤێ هاتینە تەرخان کرن. هەروەسا ئەڤرۆ ئێڤاری دێ سەرۆکێ حوکمەتێ بەرێ بنیاتێ بۆ ئۆڤەر پاسا جادا بارزان دانیت.
ئه‌ڤرۆ نیوز:
به‌ره‌ڤانێ فره‌نسى و یانا بایرن میونیخ لوكاس هێرناندیز دیاركر ئه‌وى به‌رى نوكه هه‌ڤبه‌ستا یانا ریال مه‌درید ره‌تكر و ناخوازیت هه‌تا دووماهیا ژیانا خوه یاریێ بوو وێ یانێ بكه‌ت.
هێرناندێز ئه‌وێ ب كوژمێ 80 ملیون یورۆیا ل هاڤینا ئه‌ڤ ساله ژ ئه‌تله‌تیكو مه‌درید هاتیه ڤه‌گوهاستن بوو ناڤ رێزێن بایرن میونیخ زێده‌تر بوو گوڤارا فرانس فتبول یا فره‌نسى دیاركر یانا ریال مه‌درید به‌رى نوكه دخواست هه‌ڤبه‌ستێ ل گه‌ل ئه‌وى ئیمزا بكه‌ن لێ ئه‌وى ئه‌و داخوازیا وێ یانێ ره‌تكر و ناخوازیت یارى بوو ئه‌وێ یانێ بكه‌ت ژبه‌ركو ئه‌وى یارى بوو یانا ئه‌تله‌تیكو مه‌درید كریه.
هه‌ردیسان ئه‌وى یاریزانێ هه‌لبژارتیێ فره‌نسا ئه‌و چه‌نده ژى دیاركر ده‌مێ ریال مه‌درید ئه‌و داخوازى ژ ئه‌وى كرى ل هاڤینا بورى نه‌بوو .
ئه‌ڤرۆ نیوز:
چاڤه‌رێ دهێته‌كرن ل دووماهیا ڤى وه‌رزى هه‌ڤبه‌ستا ستێرا ئورگواى ئه‌دیسون كاڤانى ل گه‌ل یانا پاریس سانجێرمان ب دووماهیى بهێت و نوكه هژماره‌كا یانێن به‌رنیاس یا هه‌ڤركیا ده‌ستڤه ئینانا ئه‌وى دكه‌ن.
رۆژناما “le 10 sport” ئاشكراكریه راهێنه‌رێ ئه‌رژه‌نتینى و یانا ئه‌تله‌تیكو مه‌درید به‌رپرسێن یانا خوه ئاگاداركرینه ده‌ست ب دانوستاندنان ل گه‌ل كاڤانى بكه‌ن بوو ده‌ستڤه ئینانا ئه‌وى یاریزانى كو ل هاڤینا بورى ژى بزاڤێن ب ده‌ستڤه ئینانا ئه‌وى یاریزانى كربوون .
هه‌ردیسان وى مالپه‌رى دیاركریه ژى رێیا ب ده‌ستڤه ئینانا ئه‌وى یاریزانى بوو ئه‌تله‌تیكو مه‌درید یێ ب سانه‌هى نابیت ژبه‌ركو هه‌ر ئێك ژ یانێن مانچێسته‌ر یونایتد و یوڤانتوس ژى حه‌زا ئیمزاكرنا هه‌ڤبه‌ستا ئه‌وى یاریزانێ 32 سالى هه‌یه كو هه‌ردو یانان ب فه‌رمى ده‌ست ب لڤیناكریه بوو ده‌ستڤه ئینانا ئه‌وى یاریزانى .
ئه‌ڤرۆ نیوز:
ژێده‌رێن ده‌نگوباسى یێن نێزیكى یانا ریال مه‌درید ئاشكراكرینه ستێرا وێلزى گارس بێل بوو یاریا به‌رامبه‌ر ریال مایوركا نه‌شێت پشكداریێ ل گه‌ل یانا ریال مه‌درید بكه‌ت ژبه‌ر ئه‌و هنگافتنا توش بووى ل یاریا هه‌ردو هه‌لبژارتیێن وێلز و كرواتیا.
زێده‌تر ئه‌وان ژێده‌ران دیاركریه پشتى چه‌ندین بزاڤا ستاڤێ نوژدارى بوو وى یاریزانێ وێلزى كرى لێ هه‌تا دووماهى یه‌كا راهێنانى یا ریال ئه‌وى یاریزانى نه‌خوشى ژ هنگافتنا خوه دیت و راپورتا نوژدارى بوو ستاڤێ راهێنه‌ریا یانێ دیاركریه یاریزان پێدڤى بێنڤه‌دانێ یه و نه‌شێت ل یاریا به‌رامبه‌ر مایوركا پشكدارى بكه‌ت .
هه‌ژى گوتنێ یه گارس بێل ل یاریا هه‌لبژارتیێ وه‌لاتێ خوه وێلز به‌رامبه‌ر كرواتیا توشى هنگافتنێ بوو ئه‌وا ل ده‌ستپێكا ڤێ حه‌فتیێ هاتیه‌كرن كو دوێ یاریێ دا بێل شیابوو گوله‌كێ توماربكه‌ت.
ئه‌ڤرۆ نیوز:
ستێرا به‌رى نوكه یێ هه‌لبژارتیێ به‌رازیل و یانا به‌رشه‌لۆنا ریڤالدو دیاركر د ڤى ده‌مى دا هه‌لبژارتیێ ئیسپانیا گه‌له‌ك پێدڤى ب شیانێن به‌ره‌ڤانێ یانا به‌رشه‌لۆنا جیراد پیكیه هه‌یه و ڤه‌گه‌راندنا وى بوو هه‌لبژارتیێ ئیسپانیا دێ هه‌موو ئاریشه‌یێن هێلا به‌ره‌ڤانیا هه‌لبژارتیێ ئیسپانیا چاره‌سه‌ربن لێ پشتى موندیالا 2018 وى یاریزانى ده‌ست ژ یاریا ته‌پا پێ به‌رده‌ى ب زه‌حمه‌ت دڤى ده‌مى دا ئه‌و ڤه‌گه‌ریته هه‌لبژارتیێ ئیسپانیا و ژ بریارا خوه لێڤه‌بیت.
زێده‌تر وى ستێرا به‌رێ یا هه‌لبژارتیێ به‌رازیل دیاركر هه‌لبژارتیێ ئیسپانیا خودانا چه‌ندین ستێرێن به‌رنیاس ل هێلا به‌ره‌ڤانیێ لێ ب دیتنا ئه‌وى سێرجیو راموس باشترین یاریزانه د مێژویا هێلا به‌ره‌ڤانیا هه‌لبژارتیێ ئیسپانیا كو ئه‌وى رێز بوو هه‌موو یاریزانێن هێلا به‌ره‌ڤانیێ كرى لێ راموس باشترین به‌ره‌ڤانه د مێژویا ئیسپانیا دا.
ئه‌ڤرۆ نيوز، نيوار محه‌مه‌د سه‌ليم:
زێده‌بارى هه‌بوونا بوودجه‌كێ سالانه يێ زه‌به‌لاح، ئێك ل سه‌ر چارێ يا وه‌لاتيێن عيراقێ د هه‌ژاريێ دا دژين.
نه‌ته‌وێن ئێكگرتى رۆژا 17ى چريا ئێكێ 2019 وه‌كو رۆژا جيهانى يا نه‌هێلانا هه‌ژاريێ پێناسه كريه.
به‌نكا نێڤده‌وله‌تى راگه‌هانديه كو رۆژا زێده‌تر ژ 22%ێ وه‌لاتيێن عيراقێ د هه‌ژاريێ دا دژيت كو دبيته نيڤ مليۆن وه‌لاتى، پتريا وان ل باژێرێن باشوورێ وه‌لاتى دژين.
هه‌بوونا ڤێ ژمارا مه‌زن يا وه‌لاتيێن عيراقێ د ده‌مه‌كى دايه كو بوودجا سالانه يا عيراقێ دبيته نێزيكى 100 مليار دۆلاران و عيراق ب به‌رهه‌مئينه‌ره‌كا سه‌ره‌كى يا په‌ترۆلا جيهانێ دهێته هه‌ژمارتن.
ئەڤرۆ نیوز،عەلی حاجی :
زێدەتری 12 سالایە ماموستایەكێ زانكویا زاخۆ ب داهاتێ خوە سالانە كوژمەكێ پارەی د دەتە 10 قوتابیێن ئێكەمێن دەڤەرێن ئامێدیێ و شێلادزێ و بۆ ئەڤ سالە ژی نێزیكی 10 قوتابیێن ئێكەم ب كوژمەكێ پارەی خەلات كرن .
دكتور سەلاحەددین محەمەد بۆ ئەڤرۆ نیوز گوت : ب مەرەما پشتەڤانی كرنێ ل قوتابیێن ده‌ست كورت ل سنورێ دەڤەرا ئامێدیێ و كانی ماسێ و شێلادزێ و چەندین دەڤەرێن دی، هەر ژ سالا 2007 هەتا نوكە سالانە ئەز وان قوتابیان خەلات دكەم یێن كونمرێن خوە ل قوناغا دوازدێ 92 هەتا دوماهی نمرە ب دەست خوەڤە دئینن ئەز ب 200$ خەلات دكەم وەكو پشتەڤانیەك بۆ وان قوتابیان ژبەر كو پتریا وان قوتابیان دەست كورتن و ئەو شیان نینن ماموستایێن تایبمەت ب كرێ بۆ خوە بگرن و پتریا ئەو قوتابیێن ل وان قوتابخانەیان دەوامێ دكەن وەكو پێدڤی ژی پشكەكا ماموستایێن وان ل ئاستێ پێدڤی دا نینە و ئەڤە ژی بۆ زەحمەتا وان ڤەدگەریت و بۆ ئەڤ سالە ژی نێزیكی 10 قوتابیێن ئێكەم ل سنورێ پەروەردا ئامێدیێ ب 2100 هزار دولاران ل سەر وان قوتابیان ب داهاتێ خوەیێ كەسی بەلاڤ كرن و ئەڤ سالە ژی پشكەكا قوتابیێن قونابیێن سنورێ دەڤەرا ئامێدیێ ل دهوكێ دخوینن من هەتا هاریكاری دگەل وان قوتابیان دا كر.
زێدەتر ناڤهاتی گوت ژی : پێدڤیە هه‌موو كەسەك ژلایێ خوە ڤە هاریكاریا قوتابیان بكەت ب مادی و مەعنەوی، ل وەلاتێن ئەوروپی زێدەتر گرنگی ب قوناغا سەره‌تایی دهێتە كرن، من ژی دخواست هاریكاریا قوتابیێن قوناغا سەرەتایی بكەم، بەلێ ل كوردستانێ وەكو پێدڤی ئەم نوزانین كیش قوتابی ب دروستی ژهەژی خەلاتكرنێ یە .
ئەڤرۆ نیوز،عەلی حاجی :
ئەندامێ لژنا هەڤپشكا دووڤچوونا ناڤ بازارێن زاخۆ، لاوین هابیل د داخویانیەكێ دا بۆ ئەڤرۆ نیوز دیاركر د بەردەوامیا لێگەریانێ دا ل باژێرێ زاخۆ دەست ب سەر زێدەتر پێنچ تەنێن چكلێتێن دەم ب سەرڤە چووی دا هاتە گرتن .
لاوین هابیل گوت : پشتی مە دووفچوونەكا بەردەوام كری ل سەر كوگەها كومپانیەكێ ،ئەڤرۆ چار شەمبێ 16/10/2019 وەكو لژنا هەڤپشك ل زاخۆ شیاین دەست ب سەر پێنچ تەن و نیڤێن چكلێتێن دەم ب سەرڤە چووی دا بگرین و پشتی دەست ب سەردا هاتیە گرتن ئەو چكلێت ژلایێ لژنا مە ڤە هاتنە ژناڤبرن وئەو جهە ژى ب كوژمێ ملیون دیناران هاتە سزادان و هەر دەما ئەڤ كارە دووبارە كر دێ سزایێن توندتر هەبن.
ناڤهاتی ئەو چەندە ژی گوت : داخستنا وی جهی بۆ ده‌مێ چەند رۆژایه و دبیت ب كوژمەكێ پارەیی ژی بهێتە سزادان،وەكو لژنا هەڤپشك هەتا رادەكێ مە شیایە كونترولێ ل سەر وان كەلوپەلێن دەم ب سەر ڤه چووی بكەین و وان جهان ژی سزا بدەین .
نيشاندان