ئەڤرۆ، هەرهین محەمەد:
دەرهێنەرێ‌ فلمێ‌ فەرمان (فەرشید عەبدی) د دیدارەكێ‌ دا بۆ ئەڤرۆ نيوز دیاركركو گەلەك یێ‌ خوه‌شحالم ب فلمەكی كوردی پشكداری فلمە فیستەڤالا دهۆك بوویم و ناڤەروكا فلمێ‌ من ژی دژی شەری یە و ژ پێنچ خولەكان پێك دهێت و فلمێ‌ فەرمان بۆ ئێكەم جارە پشكداری فلمە فیستەڤالا دهۆك دبیت و من ئەڤ فلمە بۆ ڤێ‌ فیستەڤالێ‌ یێ‌ درۆستكری، چونكو ئەز كوردم و من حەزدكر دەستپێكێ‌ فلمێ‌ من پشكداری فیستەڤالێن كوردی بیت پاشی فیستەڤالێن بیانی.
فيسته‌ڤال ب شێوەكێ‌ رێكۆپێكی ب رێڤە دچیت و حەزدكەم هەردبەردەوام بن، چونكو ب رێیا ڤان فیستەڤالان دەرهێنەرێن هەرچار پارچێن كوردستانێ‌ هه‌ڤدو دبينن و هەڤنیاسینێ‌ دكەن، هه‌روه‌سا ب رێیا ڤان فلمان دەرد و نیازو هزر و ئاریشێن خەلكی بۆ هەموو جیهانێ‌ دهێنە دیاركرن و گەلەك یێ‌ كەیفخوەشم ب فلمە فیستەڤالا و ئومێدەوارم رۆژ بۆ رۆژێ‌ و سال بۆ سالێ‌ كورد هەر ب سەربكەڤن و بگەهنە وەلاتێن پێشكەفتی ب رێیا ڤان فیستەڤال و فلمێن سینەمایی.

ئه‌ڤرۆ نيوز، هه‌رهين محه‌مه‌د

دەرهێنەر ئیبراهیم سەلمان د دیدارەكێ‌ دا بۆ ئەڤرۆ نيوز دیاركر كو نوكە مژوولی چێكرنا سێ‌ دكیومێنتا یە كو ل سەر وان كەسێن نێزیكى مەلا مستەفا بارزانی بەری بمرن هه‌روه‌سا فلمەكێ‌ دی یێ فكشن د دەستی وی دایە و ل سەر وان ئالوزێن جڤاكێ‌ مەدا هەین و ژڤانە ل فلمە فیستەڤالا بهێت پشكداربن
زێدەتر گۆت: ئەڤە 38 سالە ل هولەندا دژیم و بۆ جارا ئێكێ‌ یە ل فلمەفیستەڤالا دهۆك یا نیڤدەولەتی وەكو مێهڤان ئامادە دبم و ل سالا 1991 فلمەكێ‌ سینەمایی من چێكریە كوب بادینی د ئاخڤن ول سالا 1993 من فلمەكێ‌ دی یێ‌ سینەمایی چێكر بناڤێ‌ كاروانەكێ‌ بێدەنگ و بۆ جارا ئێكێ‌ كو ئافره‌تان و خەلكی زارڤەكرن كری دفلمێ‌ من دا كری و گەلەك تشتەكێ‌ باشە فیستەڤالێن وەسا بهێنە كرن و ب مینن و پێشبكەڤن، چونكو وەكو شانویەكێ‌ یە بۆ گەلەك فلمێن كوردی و دبیت چو فیستەڤالێن دی نەهێنە پێشكێشكرن و هەرفیستەڤالەك جودایە ژفیستەڤالەكێ‌ و هەتا فیستەڤالێن ئەوروپی ژی جوداهیا هەی ل گەل فیستەڤالێن جهەكێ‌ دی و فلمە فیستەڤالا دهۆكێ‌ ژی تایبەتمەندیا خوە هەیە.

ئەڤرۆ، هەرهین محەمەد:

دەرهێنەرا باكورێ‌ كوردستانێ‌ روكەن تەكەس دیار كر كو ئە و ب بەلگە فمەكی پشكداری فلمە فیستەڤالا دهۆك یا نیڤدەولەتی بوویە ب ناڤێ‌ (ئایزەر) و ل سەر چار ژێده‌رێن ژیانێ‌ یە و فلم ل سەر ژێده‌رێ پێنجێ‌ هاتیە چێكرن و هەكە ئەو نەبیت هەرچار ژێده‌رێن دی نابن و جوداهی ل گەل فلمێن دی ئەوە بخوە ئەڤە ژی بۆ من دیاریە.
گۆت: گەلەك یا كەیف خوە شم كو ئەز هاتیمە كوردستانێ‌ و فلمێ‌ خوە ل كوردستانێ‌ نمایشكەم و ب ئانەهیا خودێ‌ چەند فلمەكێ‌ سینەمایی چێدكەم دێ‌ پشكداری فلمە فیستەڤالا دهۆكێ‌ بم پرۆگرامێن فیستەڤالێ‌ ژی گەلەك جوان و رێكو پێكن وەكو ێن ئەوروپا و جهێن دی و گەلەك فلمێن پرۆفشنال پشكداری فلمە فیستەڤالا دهۆك بووینە و من حەز ژ گەلەك فلمان كر و بۆ من دیاریەكا مەزنە ئەز ل دهۆكێ‌ ئامادەبوویم و فلمێ‌ خوە نمایشكەم .

ئەڤرۆ نیوز ، زنار تۆڤی:
ژ بەرنامێ‌ رۆژا حەفتێ‌ یێن فلمە فیستەڤالا دهۆكێ‌ ئەڤرۆ ئێكشەمبی 15 ئیلۆنا 2019 ل هەر سێ‌ هۆلێن سینەماكس و هۆلا كۆنفرانسان ل دهۆكێ‌ 15 فلم دێ‌ هێنە نیشاندان و پانێلەك ژی دێ‌ ل هۆلا كۆنفرانسان هێتە ئەنجامدان.
ل دەم ژمێر 11 سپێدێ‌ ئەڤ فلمە دێ‌ ل هۆلێن سینەماكس ل دهۆك مۆل هێنە نیشاندان، ئەو ژی فلمێن ” پانۆپتیك” و فلمێ‌ ” فلیش ئاوت” و فلمێ‌ ” زە دیسئاپرێنس ئۆف مای مازەر” ل هۆلا كونفرانسان ژی دێ‌ پانێلێ‌ ” زە رۆل ئۆف موزیك ئین كوردیش سینەما” هێتە گێران.
ل دەمژمێر 3 پشتی نیڤرۆ دێ‌ فلمێن ” پاسد بای سێنسۆر” و فلمێ‌ ” برازەر” و فلمێ‌ ” وینتەرز یێرنینگ” ل هۆلێن سینەماكس هێنە نیشاندان.
ل دەمژمێر 5 ئێڤاری دێ‌ فلمێن درێژ ” كامیۆن ” و فلمێ‌ ” خالكۆ ” و فلمێ‌ ” زە ئاننۆن سێمێنت” ل هۆلێن سینەماكس ل دهۆك مۆل هێتە نیشاندان.
ل دەمژمێر 7 مەغرەب دێ‌ فلمێن درێژ ” تێنت ئۆف زە پاشا فاملی” و فلمێ‌ ” بیلێڤ ” و فلمێ‌ ” سۆفیا” ل هۆلێن سینەماكس ل دهۆك مۆل هێنە نیشاندان.
هەروەسا ل دەمژمێر 9 شەڤ دێ‌ فلمێن درێژ ” سمۆك” و فلمێ‌ ” باراكاو” و فلمێ‌ ” گۆدس ئۆف مۆلنبێك” ل هۆلێن سینەماكس ل دهۆك مۆل هێنە نیشاندان.

 ئەڤرۆ نیوز، نەوزاد هلۆری:

رزگار محسن، نونەرێ سپونسەرێ فلمە ڤیستەڤالا دهۆک یا نیڤدەولەتی ل پارکا پانوراما ئازادی بۆ ئەڤرۆ نیوز دیارکر کو رێڤەبەریا فلمە ڤیستەڤالا دهۆک ب سپونسەریا کومپانیا هەڤال شاشەکا مەزن دانایە پارکا پانوراما ئازادی و بێ بەرامبەر تکێت و خوارن و ڤەخوارنێ ددەت بەرهەڤبویێن فلمە ڤیستەڤالا دهۆک، ئەو ژی ب مەرەما هندێ کو زورترین خەلک مفاداربن.

ب گۆرەی ئاخفتنێن وی، هەرشەڤ دەمژمێر 9:00 فلمەکێ کوردی دهێتە نیشاندان، ئەڤ شەڤە ژی فلمەکێ باکوورێ کوردستانێ دێ هێتە نیشاندان.

https://www.youtube.com/watch?v=NIwYOx7yD9I&feature=share&fbclid=IwAR0nrxyqUvmixzMmufQ-wSP_PoNszJUjKcupHdnIPrrvikC7TML4kVpbsn4