ئەڤرۆ نیوز:
بەدران چیا فەرماندارەکێ هێزێن سووریا دیموکرات راگەهاند کو رێککەفتنا مە ل گەل شامێ سەربازی یە، پاشی دێ ل دۆر بابەتێن دی ئانکۆ رێککەفتنەکا دی یا سیاسی دانوستاندن هێنە کرن و گۆت: (ئارمانجا مە و شامێ ئەوە دا نەهێلین تورکیا ئاخا سووریێ داگیر بکەت و ب تایبەتی ژی ل دۆر عەفرینێ ئەم رێککەفتینە و پاشی دێ عەفرینێ ژ تورکیا و گرۆپێن دی یێن تیرۆرستی پاقژ کەین).
ئەڤرۆ نیوز:
بەری دەمەکێ کۆمبوونا وەزیرێن دەرڤە یێن ئێکەتیا ئورۆپا برێڤە چوو و تێدا ٢٨ وەلاتێن ئەندامێن ئێکەتیا ئورۆپا پێکڤە ئۆپەراسیۆنا تورکیا ل سەر رۆژئاڤایێ کوردستانێ شەرمزار کرن و بریار دان کو ئێدی چەکان نەفرۆشنە تورکیا و هەروەسا بەحسێ سەپاندنا سزایێن ئابووری ل سەر تورکیا ژی دهێتە کرن.
وەزیرێ دەرڤە یێن وەلاتێن هۆلەندا، نەرویچ و فرەنسا دیار کرن کو دێ سزایێن دیتر ژی ل سەر تورکیا هێنە سەپاندن.
ئه‌ڤرۆ نیوز:
راپورتێن رۆژنامه‌ڤانى ل ئیسپانیا و ئیتالیا دیاركربوون یانا به‌رشه‌لۆنا گرنگى ب یاریزانێ گه‌نچ یێ پورتوگالى و یانا میلان یا ئیتالى رابائێل لیاو داینه بوو ڤه‌گوهاستنا ئه‌وى .
رۆژناما لاگازێتا دیللو سپورت یا ئیتالى دیاركریه میلان ئاگا ژ وێ چه‌ندێ نینه و چ داخوازى ب فه‌رمى نه گه‌هشتى نه به‌ر ده‌ستێ ئه‌وان و وێ یانێ دیاركریه ژى هه‌كه ئه‌و چه‌نده راست بیت ژى ئه‌و ده‌ستا ژ یاریزانێ خوه ب هیچ ره‌نگه‌كى به‌ر ناده‌ن دڤى ده‌مى دا.
هه‌ژى گوتنێ یه لیاو یێ 20 سالى ل ڤه‌گوهاستنێن هاڤینا بورى ژ یانا لیل هاتبوو ڤه‌گوهاستن بوو ناڤ رێزێن یانا میلان و هه‌تا نوكه پشكدارى د 5 یاریان دا كریه ل گه‌ل وێ یانا ئیتالى دخۆلا كاتشیو دا و شیایه گوله‌كێ توماربكه‌ت ل گه‌ل ئێك ئه‌سیست.
پروفائێل یاریزان رافائێل لیاو 1999 ژ دایكبوویه
ل سالا 2017 یارى بوو تیما B یا سپورتینگ له‌شبونا پورتوگالى كر 12 یارى دا شیا 8 گولان توماربكه‌ت
ل سالا 2018 بوو تیما ئێكێ هاته سه‌رئێخستن و بتنێ بوو ده‌مه‌كێ كورت یارى ل گه‌ل وى یانێ كر پاش یانا لیل یا فره‌نسى هه‌ڤبه‌ست ل گه‌ل وى یاریزانێ ناڤبرى ئیمزاكر و ل وه‌رزێ 2018-2019 یارى بوو وێ یانا فره‌نسى كر و شیا 28 یاریان دا پشكدارى ل گه‌ل بكه‌ت و هه‌شت گول توماركر و ل هاڤینا ئه‌ڤ ساله هاته ڤه‌گوهاستن بوو میلان یا ئیتالى.
ئه‌ڤرۆ نیوز:
یانا یوڤانتوس یا ئیتالى ب هێز هاتیه د هه‌ڤركیا ڤه‌گوهاستنا ستێرا دانیماركى و یانا توتنهام یا ئنگلیزى كریستیان ئاریكسن كو ئه‌و یاریزان نوكه ئێك ژ ئارمانجێن سه‌ره‌كى یێن یانا ریال مه‌درید كو ژ هاڤینا بورى وه‌ره یانا ریال یێ بزاڤا ڤه‌گوهاستنا ئه‌وى یاریزانى دكه‌ت.
مالپه‌رێ “Le10sport” یێ فره‌نسى ئاشكراكریه یانا یوڤانتوس دخوازیت به‌رپرسێن یانا توتنهام ته‌ماع بكه‌ت ب گوهورینا یاریزانه‌كێ خوه به‌رامبه‌ر ده‌ستڤه ئینانا ئاریكسن.
زێده‌تر وى مالپه‌رى دیاركریه ژى یانا یوڤانتوس دخوازیت ل ڤه‌گوهاستنێن زڤستانا ئه‌ڤ ساله ئه‌دریان رابیو بده‌ته بده‌ته توتنهام به‌رامبه‌ر ده‌ستڤه ئینانا ئاریكسن هه‌ر چه‌نده هه‌ڤبه‌ستا وى یاریزانێ توتنهام دێ ل هاڤینا بهێت ب دووماهیى هێت لێ به‌رپرسێن یوڤانتوس دخوازن به‌رى ئه‌و یاریزان بیته یاریزانه‌كێ سه‌ربه‌ست هه‌ڤبه‌ستێ ل گه‌ل ئیمزا بكه‌ن و ب گوهورینا رابیو ل گه‌ل ئاریكسن توتنهام رازى بكه‌ت .
وى مالپه‌رى ئاماژه ب وێ چه‌ندێ ژى كریه ئه‌ڤ چه‌ندا یوڤانتوس دكه‌ت دێ رێكێ به‌رامبه‌ر یانا ریال مه‌درید ب زه‌حمه‌ت ئێخیت بوو ده‌ستڤه ئینانا وى یاریزانى ژبه‌ركو دبیت ب رێژه‌یا هه‌ره مه‌زن توتنهام ل سه‌ر وێ چه‌ندێ رازى بیت .
ئه‌ڤرۆ نیوز، نه‌وزاد هلۆری:
ب مه‌ره‌ما كومكرنا رێژه‌كا پێدڤی یا خوینێ، هه‌ر ئێك ژ ئێكه‌تیا لاوێن دیموكراتا كوردستانێ و ئێكه‌تیا ئافره‌تان و زانكۆیا ئه‌مریكی كوردستان ل دهۆك ل گه‌ل هژماره‌كا زۆرا گه‌نج و ته‌خ و چینێن جڤاكی، قه‌ستا به‌نكا خوینێ ل دهۆكێ كر و خوین به‌خشی.
ئه‌ڤ خوینه بۆ قوربانیێن بوردومان وش شه‌رێ رۆژئاڤایێ كوردستانێ یه، دێ ده‌ما دو رۆژان ژی یا به‌رده‌وام بیت.
دهێته زانین كو دوهی ژی ل هه‌مان به‌نكێ پشكه‌كا دی یا وه‌لاتیان خوێن به‌خشی
ئه‌ڤرۆ نيوز:
جڤاتا پارێزگه‌ها به‌غدا، ئه‌ڤرۆ رۆژا دوشه‌مبى رێكه‌فتى 14ى چريا ئێكێ 2019 عه‌لى محه‌مه‌د جابر عه‌تا وه‌كو پارێزگارێ به‌غدا ب پتريا ده‌نگێن ئه‌ندامان هه‌لبژارت.
عه‌لى عه‌تا، بۆ پارێزگارێ به‌غدا ل سه‌ر ليستا ده‌وله‌تا قانوونێ پشتى به‌رى چه‌ند رۆژان فه‌لاح جه‌زائيرى وه‌كو پارێزگارێ به‌غدا ده‌ست ژ كار كێشاى.
ئه‌ڤرۆ نیوز:
زه‌نگا مه‌ترسى بوو یانا ریال مه‌درید لێدا به‌رى ده‌ستپێكرنا یاریا كلاسیكویا ئیسپانیا به‌رامبه‌ر به‌رشه‌لۆنا پشتى ل یاریا شه‌ڤا بورى دناڤبه‌را كرواتیا و وێلز دا ژ ڤاڤارتنێن یورۆیا 2020 دو ستێرێن وێ توشى هنگافتنێ بووین ئه‌وژى لوكا مودریچ و گارس بێل .
رۆژناما ماركا ئیسپانى دیاركر مودرێچ یاریگه‌ها بجه هێلا ژبه‌ر هنگافتنێ و هه‌تا نوكه چاره‌نڤیسێ وى یێ دیار نینه ل دیڤ ده‌نگوباسێن نێزیكى هه‌لبژارتیێ كرواتیا وه‌سا دهێته چاڤه‌رێكرن بوو ده‌مه‌كى ژ یاریگه‌هان دوركه‌فیت ئه‌و یاریزان و ژلایه‌كێ دیڤه پشتى یارى یاریا كرواتیا و وێلز ب دووماهیى هاتى ستێرا وێلزى ژى بێل ژى توشى هنگافتنه‌كێ بوویه و یانا ریال مه‌درید چاڤه‌رێ راپورتا نوژدارى یه .
وێ رۆژنامێ ئاماژه ب وێ چه‌ندێ ژى كریه تونى كروس ژى هه‌تا نوكه ب تمامى ژ هنگافتنا خوه ب دووماهیى نه هاتیه و ئه‌ڤ چه‌نده دێ مه‌ترسیه‌كا مه‌زن ئێخیته دناڤا پێكهاتیێ وێ یانێ دا بوو یاریا كلاسیكو ژبه‌ركو سێ باشترین یاریزانێن وێ یانێ ل هێلا ناڤین د مه‌ترسى دانه پشكدارى ل كلاسیكو دا نه‌كه‌ت.
هه‌ژى گوتنێ یه لوكا مودرێچ ل گه‌را بورى یا ڤاڤارتنێن یورۆ 2020 دیسان توشى هنگافتنێ ببوو هه‌ر ژبه‌ر یاریێن وه‌لاتێ وى ریال مه‌درید بو ماوێ سێ حه‌فتیان ژ شیانێن ئه‌وى بێ بارببوو.
گه‌نجه‌كێ 26 سالی كو ده‌رچویێ زانكویێ یه دلێ خوه بو ئه‌ڤرۆ ڤه‌دكه‌ت و دبێژیت: من د ژیانا خوه‌دا چ تشت نه‌دیتبون گرێدای ئافره‌تێ، لێ ژ نیشكه‌كێ ڤه ئه‌ز تێكه‌لی ژنه‌كێ بوم و من ژ نیڤا دلێ خوه حه‌ز ژێ كر، بێی هزرا خوه بكه‌م كو یا ب زه‌لامه، ئه‌ز پێڤه هاتمه گرێدان و مه به‌رده‌وام چات و دیتن ل گه‌ل ئێكدو هه‌بوو، ئه‌ز چوومه ده‌ف و من گه‌له‌ك جاران خوه نێزیكی وێ كریه و كریارا سكسی مه ئه‌نجام دایه و چ تشت نه‌مایه مه نه‌كری، ئانكو ئه‌ز ئه‌ڤیندارێ ژنه‌كا ب زه‌لامم و ئه‌و ژی پتر ژ روحا خوه حه‌ز ژ من دكه‌ت، ئه‌ز بو حه‌زا خوه یا سكسی ل گه‌ل نینم، ئه‌ز چ بێژمێ نابێژیت نه، وێ گه‌له‌ك جارا داخواز یا ژ من كری بو باشیا مه هه‌ردویان كو ژ ئێكدو دوور كه‌ڤین، به‌لێ ئه‌م نه شیاینه حه‌تا مه تاقی ژی كریه، ئه‌ز د مرم ده‌مێ دزانم زه‌لامێ وێ ل ماله، ئه‌ز دزانم كو یێ خه‌له‌تم نزا چ بكه‌م ئه‌رێ هه‌كه كچه‌كێ بو خوه بخوازم دێ شێم وێ هێلم و ژبیر كه‌م هیڤیه بو من بێژه تو وه‌ك ده‌روونناس رێیه چاره‌یه‌كێ نیشا من بده كو بێی ئازار و زیان ئه‌م هه‌ردو ئاسایی ژیانا خوه ببورینین؟
گه‌نجێ هێژا:
ئه‌ڤه په‌یوه‌ندیه‌كا ب مه‌ترسیه نه‌خاسمه د جڤاكێ كورده‌واری دا و هه‌كه په‌یوه‌ندیا هه‌وه ئاشكرا بو هوون هه‌ردو دێ تێ چن، ژبه‌ركو بابه‌ت نامووسه، چاره‌سه‌ری ئه‌وه دڤێت هوون ڤێ په‌یوه‌ندیێ ب زووترین ده‌م ب دووماهی بینن، هه‌تا هه‌كه چه‌ند بو ته یا ب زه‌حمه‌ت بیت و سوپاسدارێ خودای به كو هوون پاراستین و هه‌تا نها ئاشكرا نه‌بوین، ئه‌ز باوه‌ر ناكه‌م تو حه‌ز ژێ بكه‌ی، ژبه‌ركو تو گه‌نجی و ته حه‌زژێكرن به‌ری هینگی نه كریه و ئێكه‌م جار ته ژنه‌ك دیتیه و پێڤه هاتیه گرێدان لێ ژبه‌ركو هیڤیێن ته و داخوازیێن ته و حه‌زێن ته بجه دئینیت له‌وما نه‌شێی بهێلی، ئه‌ڤجا هه‌كه خوه بده‌ته به‌ردان ژی بو خاترا ته، باوه‌ر ناكه‌م تو بو خوه بینی، ژبه‌ركو دێ تێگه‌هی و پَبگه‌هی و تو ڤی تشتی قه‌بیل ناكه‌ی و ته نه‌ڤێت بو خوه بینی، ب دیتنا من ئه‌و ژی حه‌ز ژ ته ناكه‌ت و ئه‌و یا د ڤالاتیه‌كێ دا ل گه‌ل زه‌لامێ خوه و یا ل گه‌ل ته حه‌زێن خوه پر دكه‌ت، هه‌كه تو ژنێ بینی ئه‌ڤه نه چاره‌سه‌ریه به‌لكو ره‌ڤینه ژ ئاریشێ، ژبه‌ركو هه‌كه تو ڤێ په‌یوه‌ندیێ بهێلی و ئێكسه‌ر بچی ژنه‌كێ بو خوه بخوازی دێ شكه‌ستنێ ئینی د هه‌ڤژینیا خوه دا، چونكی هێشتا برینێن ته چاره‌سه‌ر نه‌بوینه و دلێ ته یێ گرێدایه ب ئێكا دیڤه، ئه‌ڤجا ده‌می بده خوه هه‌تا برینێن ته سارێژ دبن دا بریاره‌كا دروست بده‌ی و تو گه‌نجی و هێشتا گه‌له‌ك ژیان ل پێشیا ته‌یه و پاشه‌روژا خوه وێران نه‌كه.
به‌رسڤدان: ده‌روونناس ئاواز
ئه‌ڤرۆ نيوز:
پشتى چه‌ندين سالان هه‌رێما كوردستانێ بودجا خه‌ملاندى يا 2020ێ ره‌وانه‌ى به‌غدا دكه‌ت و به‌رپرسێ نوونه‌راتيا حوكمه‌تا هه‌رێما كوردستانێ ل به‌غدا ديار دكه‌ت كو ئه‌ڤرۆ يا سوبه‌هى دێ راده‌ستى حوكمه‌تا عيراقێ كه‌ن.
فارس عيسا، به‌پرسێ نوونه‌راتيا حوكمه‌تا هه‌رێما كوردستانێ ل به‌غدا، راگه‌هاند كو بودجا خه‌ملاندى چه‌ند رۆژه‌كه گه‌هشتيه ده‌ستێ وان و گۆت: “ئه‌ڤرۆ يان سوبه‌هى دێ راده‌ستى حوكمه‌تا عيراقێ كه‌ين”.
به‌رپرسێ نوونه‌راتيا حوكمه‌تا هه‌رێما كوردستانێ ل به‌غدا زێده‌تر گۆت: “د بودجا خه‌ملاندى دا، هه‌موو هوورده‌كاريێن خه‌رج و داهاتێن جودا تێدا هه‌نه”.
نيشاندان