ئەڤرۆ نیوز:
مستەفا بالی پەیڤدارێ هێزێن سووریا دیموکرات راگەهاند کو ل گۆر رێککەفتنا د ناڤبەرا تورکیا و ئەمریکا دا هاتیە کرن ئەم هێزێن خوە ب فرەهیا ٥ کیلومیتران ژ سنورێ تورکیا دوور دکەین و مە دەست ب ڤەکێشانا هێزێن خوە ل سەر سنوری کریە.
ئەو یەک د دەمەکێ دایە کو بەرپرسێن ئەمریکا دیار دکەن ئەو ب چو رەنگەکێ رێ نادەن هێزێن لەشکرێ ئازاد کو تورکیا پشتەڤانیا وان دکەت دەربازی دەڤەرا ئارام ببن و تنێ دێ سەربازێن تورکیا ل وێ دەڤەرێ ل گەل سەربازێن ئەمریکا هێنە بجهکرن.
ئه‌ڤرۆ نیوز، ئێقبال عومه‌ر:
ل كه‌مپا شیفچناركێ یا سه‌ر ب ناحیا شێلادزێ ڤه ده‌زگه‌هێ خێرخوازى بارزانى هاریكارى ب سه‌ر 85 خێزانێن ئاواره دا دابه‌شكرن.
شه‌ڤگێر ره‌مه‌زان نونه‌رێ ده‌زگه‌هێ خێرخوازى بارزانى ل ئامێدیێ بۆ ئه‌ڤرۆ نیوز گوت: (ده‌زگه‌هێ خێرخوازى بارزانى د چارچوڤێ هه‌ڤكاریێن خوه‌یێن به‌رده‌وام دا 85 چادر و پێدڤیێن خارنێ و پاقژكرنێ یێن روژانه ب سه‌ر 85 خێزانێن ئاواره‌یێن تورك و ئیرانێ هاتنه دابه‌شكرن).
ئیسماعیل مسته‌فا قایمقامێ قه‌زا ئامێدیێ ژی گوت: (كه‌مپا شیفچناركى پتر ژ حه‌ف
ت سالانه 85 خێزان لێ د ئاكنجى نه و وه‌كو ئه‌م دبینین كو د جهه‌كێ نه یێ شارستانى دا دژین كو د كاودانێن خراب دا ژیانا خوه ده‌رباز دكه‌ن ژ به‌ر كو دبن چادران دا دژین و گه‌رما هاڤینێ كارتێكرنه زۆر ل سه‌ر ژیانا وان كریه و هه‌روه‌سا ل وه‌رزێ زڤستانێ ژى سه‌رمایێ و ته‌قن و هه‌ریێ زۆر نه‌خوه‌شى گه‌هاندنێ، مه‌ره‌ما مه ژڤێ سه‌ردانێ ژى ئه‌وه كو وه‌ك هاریكارى هه‌ر ماله‌كێ چادره‌ك و ئه‌رزاق و كه‌لوپه‌لێن پاقژكرنێ مه ل سه‌ر دابه‌شكرن كو ئه‌ڤ هاریكاریه ژلایێ ده‌زگه‌هێ خێرخوازى بارزانى و نڤیسینگه‌ها به‌رسڤدانا قه‌یرانا و رێڤه‌به‌ریا كوچ و كوچبه‌ران ڤه هاتبوو دابینكرن).
گوت ژى مه ب نڤیسار داخواز ژ پارێزگه‌ها دهوك كریه و پارێزگارێ دهوكێ ژى ئه‌و نڤیسار ره‌وانه‌ى ئه‌نجوومه‌نێ وه‌زیران كریه داخواز كریه كو هه‌ر خێزانه‌ك ژڤان خێزانێن كه‌مپا شیفچناركێ پارچه‌كا ئه‌ردى و 20 ملیون دینارژى بۆ بهینه دابینكرن ژ به‌ركو مافێ وانه ئه‌و ژى وه‌كو هه‌رخێزانه‌كا دى كو دناڤ كه‌مپاندا ئه‌ف مافه پێ هاتیه به‌خشین.
ئەڤرۆ نیوز:
هێمن هەورامی جێگرێ سەرۆک پەرلەمانێ کوردستانێ راگەهاند کو وی ب نوونەراتیا سەرۆک مەسعود بارزانی پەیامەکا سەرۆک بارزانی گەهاندیە کونسولێ گشتی یێ کوێتێ ل هەولێرێ.
هێمن هەورامی دیار ژی دکەت کو د پەیاما خوە دا سەرۆک بارزانی داخوازا سلامەتیێ بۆ ئەمیرێ کوێتێ کریە و هێڤی خواستیە کو پەیوەندیێن کوردستانێ و کوێتێ رۆژ ب رۆژێ باشتر ببن.
ئەڤرۆ نیوز،بارزان مزووری:
ئەڤرۆ سپێدێ رێکەفتی ٢٧ى ته‌باخا ٢٠١٩ دکتور “خه‌یری سڤۆ” بەرپرسێ کەرتێ ساخلەمیا شێخان ل نەخوشخانا ئازادی ل پارێزگەھا دھوک وەغەرا دوماھیێ کر.
دکتور خه‌یری ئەڤە ماوێ ٥ ھەیڤە توشی نەخوشیەکا گران بۆ ھات بو رەوانەکرن بۆ نەخوشخانێن دەرڤەی وەلاتی ئەڤە ماوەیەک بۆ ڤەگەریا بۆ کوردستانێ د نەخوشخانا ئازادی پارێزگەھا دھوک لبن چاڤدێریا نوژداران بۆ ئەڤرۆ وەغەرا دوماھیێ کر.
دکتور خه‌یری سڤۆ تایبەتمەندێ پێستی بۆ ئێکەم نوژدار بۆ ل قەزا شێخان بۆ چارەسەریا نەخوشیێن پێستی.
ئه‌ڤرۆ نیوز:
سه‌رۆكێ ره‌وتێ سه‌درى وهه‌ڤپه‌یمانیا سائیرون، موقته‌دا سه‌در داخواز ژ هه‌موو لایه‌نان كر هه‌تا ده‌مێ پشتراستبوونێ ل وێ چه‌ندێ كو ئیسرائیلێ بوردومانا حه‌شدا شه‌عبى یا كرى، تاكلایانه بریارێ نه‌ده‌ن.
سه‌در ل سه‌ر به‌رپه‌رێ خوه ل تۆرا جڤاكى یا تویته‌ر به‌لاڤكر” ئیسرائیل یا دوور نینه ژ تاوانێن تیرۆرستى ل عیراقێ، به‌لێ ئه‌ز یێ د وێ باوه‌ریێ دا ئه‌و چو جاران كاره‌كێ ژ ڤى جۆرى ناكه‌ت، چونكى ئه‌و ب خوه باش ئه‌نجامێن ڤان جۆره پێنگاڤان دزانیت كو چه‌نده، ئیسرائیلى ژى باش دزانن كو دووماهیا وان یا ل عیراقێ، له‌وما خوه نا ئێخنه یاریه‌كا ب ڤى شێوه‌ى كو گه‌له‌ك ژ قه‌بارێ وان مه‌زنتره”.
دیاركر ژى” پێدڤیه ل سه‌ر حوكمه‌تا عیراقێ ب سه‌رپه‌رشتیا جڤاكێ نێڤده‌وله‌تى له‌زێ د ڤه‌كۆلینێ ل دۆر ڤى بابه‌تى بكه‌ن، هه‌كه هاته پشت راستكرن كو ئیسرائیلێ ئه‌و تاوان یا ئه‌نجامداى، پێدڤیه هه‌موو لایه‌ك دان ب خوه دا بگرن و ب تاكلایانه بریارێ نه‌ده‌ن، عیراق ئێدى ته‌حه‌مولا وان كاران ناكه‌ت”.
ئەڤرۆ نیوز، نەوزاد هلۆری:
پتری 30 سالە وەلاتیەکێ ئێزدی کو خەلکێ شنگالێ یە و ل کەمپا کەبەرتو ئاکنجی یە، جلكێن تایبەت ب کوردێن ئێزدی د دوریت.
ئەڤرۆ نیوز:
سەرۆک کۆمارێ ئیرانێ حەسەن رۆحانی ئەڤرۆ راگەهاند کو ئەو بەرهەڤە ژ بۆ بەرژەوەندیێن وەلاتێ خوە ل گەل هەر دەولەتەکێ و سازیەکێ دانوستاندنان بکەت دا بشێت بەرژەوەندیێن گشتی یێن ئیرانێ بپارێزیت.
چاڤدێرێن سیاسی ژی دیار دکەن کو ئیران گەلەک تەنگاڤ بوویە و ژ بەر هندێ ژی هەلویستێ خوە ل دژی ئەمریکا نەرم کریە و هێڤیدارە کو ئەمریکا ل گەل ئیرانێ دەست ب دانوستاندنان بکەت.
ئەڤرۆ نیوز:
ئەڤرۆ شاندەکێ هەدەپێ ب سەرۆکاتیا سەزایی تەمەللی هەڤسەرۆکێ گشتی یێ هەدەپێ سەرەدانا ناڤەندا گشتی یا پارتیا کۆماریا گەل کرن و ل گەل سەرۆکێ گشتی یێ جەهەپێ کەمال کلچدار ئوگلۆ کۆمبوون.
ل گۆر راگەهاندنەکا پارتا کۆماری د کۆمبوونێ دا ل دۆر رەوشا نها یا تورکیا و دوورخستنا سێ هەڤسەرۆکێن باژێرڤانیان یێن هەدەپێ دانوستاندنان هاتینە کرن و هەر دو ئالیان دلگرانیا خوە ل هەمبەر هەلویستێ حوکمەتا ئەردۆگانی دیار کرینە.
ئه‌ڤرۆ نیوز، بارزان مزوورى:
د رێوره‌سمه‌كى دا ئه‌ڤرۆ رێكه‌فتى 26/8/2019 ب پشكداریا به‌رپرسێ لقا بیستا شێخان و به‌رپرسێ ده‌زگه‌هێ ئه‌یلول و گولانێ و فه‌رمانده‌و پێشمه‌رگه‌یێن كوردستانێ و پێشمه‌رگه‌یێن ئه‌یلول و گولانێ لدووڤ بریارا سه‌رۆك بارزانى باره‌گایێ هێزا خه‌بات یا شێخان یا ب سه‌ر فه‌رماندا خه‌بات دناڤ سه‌نته‌رێ شێخان دا هاته ڤه‌كرن.
حسێن عه‌بۆ، به‌رپرسێ باره‌گایێ هێزا خه‌بات ل شێخان بۆ ئه‌ڤرۆ نیوز گوت: ڤه‌كرنا باره‌گایێ هێزا خه‌بات ل شێخان لدووڤ بریارا جه‌نابێ سه‌رۆك مه‌سعود بارزانى بوو كو هه‌موو باژێرێن هه‌رێما كوردستانێ باره‌گایێن هێزا خه‌بات بهێته ڤه‌كرن.
ناڤهاتى خویاكر مه‌ره‌م ژ ڤه‌كرنا ڤێ باره‌گاى كو هه‌موو پێشمه‌رگه‌یێن ئه‌یلول و گولانێ تێدا كومبن یێن قه‌زا شێخان وه‌كۆ رێزگرتنه‌ك بۆ خه‌بات و قوربانى دانا و د نها دا ژى ئه‌و پێشمه‌رگه د به‌رهه‌ڤن بۆ به‌ره‌ڤانیكرنا ئاخا كوردستانێ.
ژلایێ خوه ڤه مه‌حمود ئێزدى، به‌رپرسێ لقا بیست یا پارتى دیموكراتى كوردستان بۆ ئه‌ڤرۆ نیوز دیاركر ب هێزو شیانێن خوه دێ پشته‌ڤانیا وان كه‌ین ژبه‌ركو ڤه‌كرنا ڤى باره‌گایى ده‌ستكه‌فته‌كا مه‌زنه بۆ خه‌لكێ شێخان چونكو دێ وان هه‌موو پێشمه‌رگه‌ى دێرین كوم كه‌ت یێن شوره‌ش و ئه‌یلول گولان یێن هه‌موو ئه‌دیانێن شێخان دژین.
نيشاندان