ئەڤرۆ نیۆز، سالار دۆسكی:

ب هەلكەفتا كارەساتا دلتەزین یا شنگالێ‌، ب بەرهەڤبوونا هەژمارەكا رەوشەنبیر و كەساتیێن دەڤەرێ‌ ئێڤاری یا ئەڤرۆ 24/8/2019 ل باغچێ‌ بنگەهێ‌ لالەش يێ ره‌وشه‌نبيرى وجڤاكى ل دهۆكێ‌، دەستەیا بنگەهێ‌ لالەش چەندین چالاكی بڤێ‌ هەلكەفتێ‌ ئەنجامدان.
ل دەسپێكێ‌  (سامان عومەر) شارەزا دقانوونێن دەولی دا بەحسێ‌ تاوانێن داعش كر ژ روویێ‌ قانوونی ڤە د قانوونێن دەولەتی دا، دووڤ دا (ئەیاد عجاج) بەحسێ‌ پەرتوكا خوە یا نوو كر یا ل سەر روودانێن ب سەرێ‌ ئێزدیا هاتین ل سالا 2014 ئەو روودان ب شێوەكێ‌ مەیدانی ڤە گوهاستینە و تایبەت ئەو زارۆیێن ئێزدی ئەوێن كەفتینە دەستێ‌ داعش، دووڤ دا پەرتۆكا وى یا بناڤێ‌( زارۆیێن ئێزدی د چارچۆڤێ‌ رێكخستنا داعشێ دا) ب زمانێ عه‌ره‌بى هاتە ئیمزاكرن و ل سەر بەرهەڤبوونا هاتە بەلاڤەكرن و ل دووماهیێ‌ پیشانگەهەكا شێوەكاری ب هەمان هەلكەفتا دلتەزین هاتە ڤەكرن.

 ئەڤرۆ نیوز:بارزان مزووری

ئازاد تاها، بەرپرسێ پەیوەندی و راگەهاندنا رێڤەبەریا پولیسێن هاتنوچوونا پارێزگەها دهۆكی بۆ ئەڤرۆ نیوز راگه‌هاند :ئەڤرۆ 24/8/2019 ل سەر رێیا سەرەکیا شێخان بۆ کومەلگەها چرە بەرامبەر کەمپا مام رەشان یا ئاواران روودانەك د ناڤبەرا چار ترومبێلان روودا و د ئەنجامدا ژنه‌كێ گیانێ خوه‌  ژ دەست دا و سێ کەس ژی بریندار بوون وبۆ  نەخوه‌شخانا ته‌نگاڤیان ل شێخان هاتن ڤەگوهاستن.

گۆت ژى” روودان د ناڤبەرا دو ترومبێلێن ژ جۆرێ كورۆلا تایبەت و  بارهەلگر و ترومبێلەکا پاص یا تورکی یێن ڤەگوهاستنا گەشتیاران”.

 ئەڤرۆ نیوز، نەوزاد هلۆری:

ب مەەما رێزگرتن ل خەبات و قوربانیدانا زانا و مەلایێ دەڤەرا ئامێدیێ و شێلادزێ، مەلا سەعید رێکانی، پەرتوکەکا تایبەت ل سەر کەسایەتی و ژیان و کار و بزاڤێن وی ژلایێ نڤیسەر سامی رێکانی هاتە بەلاڤکرن.

سامی بنیامین رێکانی، نڤیسەرێ پەرتۆکێ بۆ ئەڤرۆ نیوز گوت: (پشتی دو سالێن كاركرنێ د پەرتوکێ دا،  شیاین په‌رتۆكا مەلا سەعید رێکانی بەلاڤ کەین کو ل سەر کەسایەتی و ژیان و کار و چالاکیێن وی هاتیە دروستکرن).

زیدەتر گۆت: (مەلا سەعید رێکانی د گەرا دووماهیێ یا قوتایێن دەرچویی یێن خواندنگەها قوبەهان بو ل ئامێدیێ، ل ڤان سالێن دووماهیێ ژی بوویه‌  موفتی ل دەڤەرا ئامێدیێ، د ژیانا خوە دا گەلەک وه‌ستیان و خزمەت د وارێ زانستی دا کریە، خودان کەسایەتی و خزمەتەکا دیار بوو ل دەڤەرێ، داکو ژیان و خەباتا وی هەر زێندی بمینیت مە ب فەردیت پەرتۆکەکا تایبەت ل سەر دروست بکەین و د رێورسمەکێ ژ هەژی دا ل سەنته‌رێ رەوشەنبیریێ شێلادزێ، ب بەرهەڤبوونا هژمارەکا دامودەزگەهێن میری و حزبی و کەسایەتی و رەوشەنبیرێن دەڤەرا شێلادزێ پەرتۆك هاتە بەلاڤکرن).

دهێتە زانین  مەلا سەعید ل سالا 1949 ژ دایک بوویه‌، ل سالا 2016 وەغەرا دووماهیێ کریە.