ئه‌ڤرۆ نيوز:
پشتى راگه‌هاندنا ئەنجامێن تاقیکرنێن قووناغێن 9ێ بنەرەت و 12ێ ئامادەیی ، هوين دشێن ب رێيا ڤى لينكى ئه‌نجامێن خوه ببينن.
ئه‌نجامێن خوه يێن تاقيكرنان ببينه
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سه‌ره‌كى Twitter
ھەڵسەنگاندنا کڵچدار ئۆغڵو بۆ ئەنجامێن ھەلبژارتنان
حوکمەت فەرمانبەرا بۆ رێڤەبەریا ئەندازیاری یا دھۆکێ دێ ڤەگوھێزیت
ئەڤرۆ نیوز:
وەزارەتا دارایی و ئابووری یا حوکمەتا ھەرێما کوردستانێ داخوازکریە کو ھژمارەکا فەرمانبەران چو وەکو تەنسیب یان راژا وان بۆ رێڤەبەریا ئەندازیاری و ھونەری یا پارێزگەھا دھۆکێ کو سەر ب وەزارەتا ناڤبری ڤەیە بھێتە ڤەگوھاستن و جڤاتا وەزیران ژی رازیبوون ل سەر دایە.
ل گورەی چەند نڤیسارێن وەزارەتا دارایی و ئابووری یا حوکمەتا ھەرێما کوردستانێ و سەرۆکاتیا جڤاتا وەزیران، ل سەر داخوازا وەزارەتا دارایی، جڤاتا وەزیرێن ھەرێما کوردستانێ داخواز ژ وەزارەت و فەرمانگەھان کریە کو ب شێوێ تەنسیب یان ڤەگوھاستنا راژا فەرمانبەران بۆ رێڤەبەریا ئەندازیاری و ھونەری یا دھۆکێ کو سەر ب وەزارەتا دارایی ڤەیە بھێنە ڤەگوھاستن.
ل دووڤ نڤیسارەکا وەزارەتا دارایی و ئابووری یا حوکمەتا ھەرێما کوردستانێ، وەزارەتا ناڤبری پێدڤی ب ٥٤ فەرمانبەران ھەیە بۆ رێڤەبەریا ئەندازیاری و ھونەری یا دھۆکێ بۆ پشکێن (ئەندازیاری، ژمێریاری، کارگێڕی، قانوونی، عمبار، ئایتی، کارەب، شۆفێر، خزمەتگوزار، زێرەڤان، بەدالە و پرسگەھێ).
ئاماژە ب وێ چەندێ ژی کریە کو ڤەگوھاستنا فەرمانبەران بۆ رێڤەبەریا ئاندازیاری و ھونەری یا دھۆکێ ب شێوێ ئارەزۆمەندانەیە و ل سەر داخوازا فەرمانبەران نڤیسار دێ بۆ ھێنە کرن، لێ ب مەرجەکی کو ئەو فەرمانبەرە ل سەر میلاکێ فەرمانگەھێن سنوورێ پارێزگەھا دھۆکێ بن.
لێگەڕیان ل تەرمێ سێ وەلاتیێن خەندقین یا بەردەوامە
ئەڤرۆ نیوز، عەلی حاجی:
پشتی زێدەتری ھەیڤەکێ چار کەس د ناڤ خابیری دا خەندقین، ھەتا نوکە ب تنێ تەرمێ کەسەکی ھاتیە دیتن، بەرەڤانیا باژێری ژی ل زاخۆ ھەوەکا لێگەڕیانا گشتی دەست پێکر بۆ ڤەدیتنا تەرمێ وان سێ وەلاتیێن کەڤتینە د خابیری دا و ھەتا نوکە تەرمێ وان نەھاتیە دیتن.
رائیدێ مافپەروەر بێوار عەبدولعەزیز، بەرپرسێ راگەھاندنابەرەڤانیا باژێری ل پارێزگەھا دھۆکێ ل دۆر ڤێ چەندێ بۆ ئەڤرۆ نیوز ئاشکرا کر، زێدەتری ھەیڤەکێ یە چار کەس د ناڤ خابیری دا خەندقینە و کەسەک ژ وان زارۆیەکێ باکوورێ کوردستانێ یە ل گوندێ بێرمانێ ل وەلاتێ تورکیا خەندقی یە و دو کەسێن دیتر ژی خەلکێ زاخۆنە و گۆت: “ژ بەر ڤێ چەندێ مە ھەوەکا مەزن یا لێگەڕیانێ دەست پێکریە، چار تیمێن مە ل سنوورێ پارێزگەھا دھۆکێ نوکە کارێ لێگەڕیانێ د ناڤ خابیرێ زاخۆ دا دکەن؛ ب درێژاھیا ١٥ کێلۆمەتران و زێدەباری وێ چەندێ ژی تیمەکا فڕۆکەڤانان ژی پشکدارە د ڤێ ھەوێ دا، د گەل دا ھەموو فەرمانبەرێن مە ب پیادە ھاریکارن د گەل دا بۆ ڤەدیتنا تەرمێ وان سێ کەسان”.
ناڤھاتی ئاماژە ب وێ چەندێ ژی کر کو ل گورەی پێشبینیان ئەو زارۆیێ ل گوندێ بێرمانێ خەندقی و ئاڤا خبیری ئەو تەرمە ژ تورکیا ئینایە ناڤ ئاخا ھەرێما کوردستانێ و ژ بەر ڤێ چەندێ ژی لێگەڕیان ل سەر تەرمێ وی ژی بەردەوامە ھەتا کو تەرمێ وان بھێتە دیتن، ھەردیسا ژی ل حەفتیا بۆری تەرمێ کەسەکێ دیتر ژی بناڤێ (کاروان) ھاتبوو دیتن و د نوکە دا ب تنێ تەرمێ سێ کەسان نەھاتیە دیتن.
دو گه‌نج ژ خه‌ندقینێ رزگار بوون
ئەڤرۆ نیوز ؍عەلی حاجی :
ئەڤرۆ ل روژا ئێک شەمبێ رێکەڤتی ۲۳/٦/۲۰۱۹ ل دەمژمێر ۵ ئێڤاری دوو سنێلە دکەڤنە دناڤ ئاڤا خابیرێ زاخۆ د ل ێزیک پرا دەلال و گەنجەک دهاوارا وان دچیت و دشێت کەسەکێ قورتال بکەت.
رائید بێوار عەبدولعەزیز ؍ژ بەرەڤانیا باژێری ل پارێزگەها دهوکێ بۆ ئەڤرۆ نیوز دیار کر ئەڤرۆ ل روژا ئێکشەمبێ دو سنێلە ب مەرەما مەلەڤانیان خوە دهاڤێژنە دناڤ خابیری دا ل نێزیک پرا دەلال؍ پشتی چەندەکێ هەردو سنێلە تووشی خەندقینێ دبن؍ ئێك ژ وان دشێت خوە رزگار بکەت و سنێلەیێ دی بەر ئاڤێ دا دچیت؍ خوەش بەختانە گەنجەک بناڤێ شڤان؍ دهاوارا وان دچیت و رزگار دکەت .
ناڤهاتی گوت ژی : ئەڤە بوو دووەم جار ئەڤ روودانە ل باژێرێ زاخۆ روو د دەت؍ بەری ۱۰روژان ژی روودانەکا ب هەمان شێوە ل نێزیک پرا دەلال روودا بوو؍ تیمێن مەیێن نقومەڤانی شیان وان هەردو کەسان ژ خەندقینێ رزگار بکەن .
بیڤه‌له‌رزه‌كێ چه‌ند ده‌ڤه‌رێن كوردستانى هه‌ژاند
وه‌زاره‌تا پێشمه‌رگه ونڤیسنگه‌ها شیره‌تكاریا له‌شكرى یا ئه‌مریكى رێككه‌فتنه‌ك ئیمزاكر
ئه‌ڤرۆ نیوز:
وه‌زاره‌تا پێشمه‌رگه راگه‌هاند، ئه‌ڤرۆ ئێكشه‌مبى 23/6/2019 ل دیوانا وه‌زاره‌تا پێشمه‌رگه سه‌ربه‌ست له‌زگین بریكارێ وه‌زاره‌تا پێشمه‌رگه پێشوازى ل كوتور دى لۆڤ شیره‌تكارێ له‌شكریێ ئه‌مریكى ل نڤیسینگه‌ها ئاسایش (soc) وشانده‌كێ د گه‌لدا كر.
دیاركر ژى” د كۆمبوونێ دا به‌حس ل بجهئینانا پرۆژێ ژێده‌رێن مرۆڤى وب ئه‌لكترۆنیكرنا فۆرم ونڤیسارێن وه‌زاره‌تا پێشمه‌رگه هاته كرن”.
وه‌زاره‌تا پێشمه‌رگه ئاماژه كر كو ب به‌رهه‌ڤبوونا سه‌رۆكێ فه‌رمانگه‌ها ته‌كنه‌لۆژیا پێزانینان ل جڤاتا وه‌زیرێن هه‌رێما كوردستانێ، یاداشته‌كا لێكتێگه‌هشتنێ بۆ بجهئینانا وى پرۆژه‌ى د ناڤبه‌را هه‌ردولا هاته ئیمزاكرن.
سه‌ربه‌ست له‌زگین هیڤى خواستن ئه‌و پرۆژه بهێته بجهئینان ودیاركر كو ئه‌و گاڤه دێ كاریگه‌ریه‌كا باش هه‌بیت ل سه‌ر باشتر رێكخستن وبه‌ر ب پێشڤه‌برنا كارێن وه‌زاره‌تا پێشمه‌رگه.
شیره‌تكارێ له‌شكریێ ئه‌مریكى خوه‌شحالیا خوه ب وێ گاڤێ دیاركر وهیڤى خواستن ب زووترین ده‌م ئه‌و پرۆژه بچیته د وارێ بجهئینانێ دا.
ئه‌نجامێن 96% ده‌نگێن هه‌لبژارتنێن سته‌نبۆلێ هاتنه راگه‌هاندن
ئه‌ڤرۆ نيوز:
پرۆسا جوداكرنا ده‌نگێن هه‌لبژارتنێن جڤاتا باژێرڤانيا باژێرێ ستانبۆلێ ل توركيا يا به‌رده‌وامه ول دووڤ پێزانينێن فه‌رمى ( ئيمام ئوگلۆ) شيايه پتريا ده‌نگان بده‌ستڤه‌بينيت.
ئاژانسا ئه‌نادۆل يا ده‌نگوباسان يا توركى به‌لاڤكر” ژ سه‌رجه‌مێ 96.63% سندوقيێن هاتينه ڤه‌كرن، به‌ربژارێ هه‌ڤپه‌يمانيا ملله‌ت ( ئه‌كره‌م ئيمام ئوگلۆ) شيايه 53.78% ده‌نگان بده‌ستڤه‌بينيت. د به‌رامبه‌ر دا به‌ربژارێ هه‌ڤپه‌يمانيا كۆمارى ( بينالى يه‌لدرم) 45.30% ژ ده‌نگان بده‌ستڤه‌ئيناينه.
دووماهيا ڤێ حه‌فتيێ ناڤێن وه‌زيرێن كابينا نوو دێ بۆ مه‌سرور بارزانى هێنه هنارتن
ئه‌ڤرۆ نيوز:
پێشبينى دهێته كرن هه‌تا دووماهيا ڤێ حه‌فتيێ ناڤێن وه‌زيرێن كابينا نوو يا حوكمه‌تا هه‌رێما كوردستانێ راده‌ستى مه‌سرور بارزانى راسپارديێ پێكئينانا حوكمه‌تێ بهێنه كرن.
عارف روشدى، شيره‌تكارێ مه‌كته‌با سياسى يا پارتى ديموكراتى كوردستان د داخۆيانيه‌كا رۆژنامه‌ڤانى دا گۆت” ل ڤێ حه‌فتيێ مه‌كته‌با سياسى يا پارتى دێ كۆمبيت وتێدا دێ ناڤێن وه‌زيرێن پارتى هێنه په‌سه‌ندكرن پشتى كو سه‌رۆك مه‌سعود بارزانى رازيبوونێ ل سه‌ر ناڤان د ده‌ت، دێ هێنه ئاراسته‌كرن بۆ مه‌سرور بارزانى”.
دياركر ژى كو پارتى پێ باشه به‌رى هاتنا هه‌يڤا ته‌مووزێ، ئه‌و حزبێن پشكداريێ د حوكمه‌تا دا دكه‌ن، ناڤێن به‌ربژارێن خوه بده‌نه مه‌سرور بارزانى.
محه‌مه‌د وه‌تمان، ئه‌ندامێ سه‌ركردايه‌تيا ئێكه‌تى نيشتمانى كوردستان د داخۆيانيه‌كا رۆژنامه‌ڤانى دا گۆت” ل ڤێ حه‌فتيێ وبه‌رى 1/7/2019 برياره سه‌ركردايه‌تيا ئێكه‌تيێ كۆمبيت ب مه‌ره‌ما وێ چه‌ندێ ناڤێن به‌ربژارێن پۆستێن به‌هرا ئێكه‌تيێ د حوكمه‌تا نوو دا بهێنه ئێكلاكرن”.
هەلبژارتنێن ئستەنبولێ ب دووماهی هاتن
نيشاندان
WP Facebook Auto Publish Powered By : XYZScripts.com