ئەڤرۆ نیوز:
یانا ئەنتر میلان یا ئیتالی یا بەردەوامە ل سەر بزاڤێن خوە بۆ دەستڤە ئینانا ھێرشبەرێ بەلجیکی و یانا مانچێستەر یوناید رومیلو لوکاکو بۆ ڤەگوھاستنێن ھاڤینا ئەڤ سالە لێ ھێرشبەرەکێ بەرێ یێ ھەلبژارتیێ ئیتالیا و یانا ئەنتر میلان وەسا دیارکریە ڤەگوھاستنا لوکاکو چ ل ئەنتر میلان زێدەناکەت.
ئەنتونیو کاسانو ھێرشبەرێ بەرنیاس یێ بەری نوکە یێ ئەنتر میلان و ھەلبژارتیێ ئیتالیا بوو مالپەرێ سکای سپورت یێ ئیتالی دیارکریە ئەو وەسا دبینت ئیکاردی گەلەک باشترە ژ لوکاکو ھەکە ئەنتر ھزر ل لوکاکو دا کربیت بوو دێ دەستا ژ ئیکاردی بەردەن ژبەرکو ئاستێ وی ھێرشبەرێ ئەرژەنتینی باشترە ژ لوکاکوی.
ھەردیسان ناڤبری دیارکر ژی ھەکە ئەنتر یا رژد بیت ل سەر دەست بەردانا ئیکاردی ئەو وەسا دبینت گوھورینەکێ ل گەل یوڤانتوس بکەن باشترە کو ئیکاردی بدەنە یوڤانتوس بەرامبەر ھیگواین کو دێ پتر مفای ژ ھیگواین کەن ژبەرکو شارەزایەکا باش ھەیە ل خۆلا ئیتالیا و دێ مفای ژ شیانێن ھیگواین بینن.
ل دووماھیێ کاسانوی دیارکر ژی ئەو یانە یا دینە ئەوا ٨٥ ملیون یورۆیا بوو ڤەگوھاستنا لوکاکوی بدەت .
ھەژی گوتنێ یە ئەنتر میلان کوژمێ ٦٠ ملیون یورۆیا پێشکێشی یانا مانچێستەر یوناید کریە بوو ڤەگوھاستنا لوکاکو لێ وێ یانا ئنگلیزی رەتکریە و داخوازیا ٨٥ ملیون یورۆیا کریە بوو دەست بەردانا ئەوی یاریزانی .

ئەڤرۆ نیوز:
راھێنەرێ یانا ئەنتر میلان ئەنتونیو کونتی بەرپرسێن یانا خوە ئاگادارکرینە ب فەرمی دەست ب دانوستاندنان بکەن ل گەل یانا بەرشەلۆنا بوو ڤەگوھاستنا ستێرا شیلی و وێ یانا ئیسپانی ئەرتورو ڤیدال بۆ ڤەگوھاستنێن نوکە .
مالپەرێ توتو سپورت یێ ئیتالی دیارکریە یانا ئەنتر میلان یا ھەموو بزاڤا دکەت بوو رازی کرنا یانا بەرشەلۆنا بۆ ڤەگوھاستنا یاریزانێ وێ یێ شیلی ڤیدال پشتی راھێنەرێ ئەوان ئەو ئاگادارکرین ئەوی پێدڤی ب شیانێن ئەوی یاریزانی ھەیە ژ ھەر یاریزانەکێ دی ژبەرکو ئەوی شارەزایەکا باش ل سەر ئەوی یاریزانی ھەیە بەری نوکە ل گەل کارکریە ل دەمێ یانا یوڤانتوس.
ھەردیسان وی مالپەری دیارکریە بۆ دەستڤە ئینانا ڤیدال راھێنەرێ ئەنتر و بەرپرسێن وێ یانێ د بەرھەڤن دەستا ژ سێ یاریزانێن خوە بەردەت داکو کوژمەکێ باشتر ب دەست ئەوان ب کەڤیت بوو ڤەگوھاستنا ڤیدال کو ئەو یاریزانێن دێ بنە قوربانی ڤیدال ھەر ئێک ژ جواو ماریو، ناینگولان و بورخا ڤالیرو.

ئەڤرۆ نیوز:
یانا بەرشەلۆنا رازی بوویە بوو فروتنا ستێرەکا خوە بۆ یانا بروسیا دورتموند پشتی وێ یانا ئەلمانی ل سەر مەرجێ وێ یانا ئیسپانی رازی بووی.
مالپەرێ کاتشیو مێرکاتو یێ ئیتالی دیارکریە یانا بروسیا دورتموند و بەرشەلۆنا ھەتا رادەیەکێ ھەرە مەزن گەھشتنە رێککەفتنێ بۆ ڤەگوھاستنا ستێرا وێ یا بەرازیلی مالکوم بەرامبەر ٤٢ ملیون یورۆیا کو یانا ئەلمانی بەرھەڤیا خوە دیارکریە بۆ کرینا وی یاریزانێ بەرازیلی ب وی کوژمێ بەرشەلۆنا ژێ داخوازکری.
ھەردیسان وی مالپەری دیارکریە چاڤەرێ دھێتەکرن ل چەند دەمژمێرێن بھێت ھەڤبەستا ئەوی ب فەرمی بھێتە راگەھاند .
ھەژی گوتنێ یە یانا بەرشەلۆنا ل وەرزێ بوری مالکوم ژ یانا بوردو یا فرەنسی ڤەگوھاستبوو دناڤ رێزین پێکھاتیێ خوە کو ل وەرزێ بوری پشکداری د ٢٤ یاریان دا کربوو ل گەل بەرشەلۆنا.

ھەژی گوتنێ یە یانا بەرشەلۆنا ل وەرزێ بوری  مالکوم ژ یانا بوردو یا فرەنسی ڤەگوھاستبوو دناڤ رێزین پێکھاتیێ خوە کو ل وەرزێ بوری پشکداری د ٢٤ یاریان دا کربوو ل گەل بەرشەلۆنا و ل ڤەگوھاستنێن ڤێ ھاڤینێ ھەر ئێک ژ یانێن توتنھام و چێلسی و ئەرسینال ھەڤرکیا ب دەستڤە ئینانا ئەوی دکر لێ ل دووماھیێ بروسیا دورتموند شیا ب دەستخوڤە بینت پشتی بەرھەڤیا خوە دیارکری بھایێ ھەلوەشاندنا ھەڤبەستا ئەوی بدەتە بەرشەلۆنا.

ئەڤرۆ نیوز:
ستێرا ژاپونی و یانا بروسیا دورتموند شینگی کاجاوا نێزیک بوویە خەونا خوە ب جھبینت بوو کرنا یاریێ ل خۆلا لالیگا ئیسپانیا .
مالپەرێ سکای سپورت یێ ئەلمانی دیارکریە شینگی کاجاوا نێزیکی ئیمزاکرنا ھەڤبەستا یانا سالتاڤیگو یا ئیسپانی بوویە پشتی وێ یانا ئیسپانی ب فەرمی دانوستاندن ل گەل وی یاریزانی و یانا ئەوی یا ئەلمانی کری بوو ڤەگوھاستنا ئەوی یاریزانی.
ھەردیسان ئەوی مالپەری دیارکریە یانا بروسیا دورتموند رازی بوویە ل سەر چوونا وی ستێرا وێ یا ژاپونی .
ھەژی گوتنێ یە کاجاوا یێ ٣٠ سالی بەری نوکە دیارکر بوو خەونا ئەوی یە یاری ل خۆلا ئنگلتەرا بکەت پشتی یاری ل خولێن ئەلمانیا و ئنگلتەرا و سوپەر لیگا تورکیا کری کو ل وەرزێ بوری ل ڤەگوھاستنێن زڤستانێ پەیوەندی ب یانا بەشکتاش یا تورکی کر بوو ب شێوەیێ خواستن و ل گەل وێ یانێ ١٤ یاریان دا پشکداری کربوو شیابوو چار گولان توماربکەت کو ل سالا ٢٠١٠ ھەتا ٢٠١٢ یاری ل بروسیا دورتموند کر و پاش ٢٠١٢ ھەتا ٢٠١٤ پەیوەندی ب یانا مانچێستەر یوناید کر بوو پاش ل سالا ٢٠١٤ ڤەگەریا یانا بروسیا دورتموند و ھەتا نوکە ل گەل وێ یانێ یێ بەردەوامە .

ئەڤرۆ نیوز:
بەرەڤانێ یانا ریال مەدرید فابیخو نێزیکی ئیمزاکرنا ھەڤبەستا یانا ولڤرھامبتون یا ئنگلیزی بوویە ل ڤەگوھاستنێن ھاڤینا ئەڤ سالە.
مالپەرێ سکای سپورتس ئاشکراکریە ھەردو یانێن ریال مەدرید و ولڤرھامبتون گەھشتی نە رێککەفتنێ بوو ڤەگوھاستنا بەرەڤانێ ریال فابیخو ب شێوەیێ خواستن بوو وێ یانا ئنگلیزی ھەتا ھاڤینا ٢٠٢٠ .
ھەردیسان وی مالپەری دیارکریە ژی ریال مەرجەکی ئەو یاریزان دایە وێ یانا ئنگلیزی پشتی ماوێ ھەڤبەستا ئەوی ب دووماھیی بھێت پێدڤی یە ئەو یاریزان ڤەگەریتە یانا ریال ڤە و ماڤێ وێ یانا ئنگلیزی نینە ئەوی یاریزانی بکرن .