ئەڤرۆ نیوز:

یانا پاریس سانجێرمان ل سەر فروتنا ھێرشبەرێ خوە یێ گەنچ موسا دیابی رازی بوو پشتی ب فەرمی یانا بایرن لیفەرکوزن یا ئەلمانی داخوازی ژ ئەوێ یانا فرەنسی کری.
رادیویا مونت کارلو یا فرەنسی ئاشکراکریە ھێرشبەرێ گەنچ یێ فرەنسی موسی دیابی بەر ب وەلاتێ ئەلمانیا ڤە چوویە بۆ ئیمزاکرنا ھەڤبەستا خوە ل گەل یانا بایرن لیفەرکوزن یا ئەلمانی پشتی یانا پاریس رازی بووی ل سەر فروتنا ئەوی یاریزانێ خوە ب کوژمێ ١٥ ملیون یورۆیا ل گەل مەرجەکی ھەر دەمێ ئەو یاریزان ل پاشەرۆژێ ژ لایێ وێ یانا ئەلمانی ڤە ھاتە فروتن پێدڤی یە ٢٠% ژ کوژمێ ئەوی پارەی بدەنە یانا پاریس .
ھەژی گوتنێ یە دیابی یێ ١٩ سالی ھەڤبەستا ئەوێ یانا ئەلمانی ئیمزاکریە بوو ماوێ پێنج سالان و ل وەرزێ ئەڤ سالە پشکداری د ٣٤ یاریان دا کریە ل گەل یانا پاریس سانجێرمان و شیای یە دو گولان توماربکەت کو ل زوربەیا یاریان وەکو یاریزانێ پێگوھور پشکداری کریە .

ئەڤرۆ نیوز:
یانا روما یا ئیتالی ھزر ل ئینانا یاریزانێ ھەلبژارتیێ بەرازیل و یانا مانچێستەر یوناید قرید فوسکا کریە ل ڤەگوھاستنێن ھاڤینا ئەڤ سالە وەکو پێگوھور ل جھێ یاریزانێ وێ دی روسی .
مالپەرێ کاتشیو مێرکاتو یێ ئیتالی ئاشکراکریە راھێنەرێ پورتوگالی یێ نوو یێ یانا روما پاولو فونسیکا داخوازی ژ بەرپرسێن یانا روما کریە ب ھەڤبەستێ ل گەل یاریزانێ ھێلا ناڤینا ھەلبژارتیێ بەرازیل و یانا مانچێستەر یوناید قرید ئیمزا بکەن کو دبیت باشترین پێگوھورە ل جھێ یاریزانێ وێ یێ بەری نوکە دی روسی ئەوێ ھەڤبەستا ئەوی ل گەل وێ یانا ئیتالی ب دووماھیی ھاتی.
ھەردیسان ئەوێ رۆژنامێ ئاشکراکریە ژی یانا روما دبیت ب رێژەیا ھەرە مەزن ل سەر فروتنا ئەوی یاریزانێ خوە رازی بیت سەرەرای ئەوان ل ھاڤینا وەرزێ بوری ھەڤبەست ل گەل ئەوی یاریزانی ئیمزاکریە لێ دخوازن جارەکا دی ئەوی یاریزانی بفروشن و ل جھێ ئەوی ھەڤبەستێ ل گەل یاریزانەکێ دی ئیمزا بکەن.
ئەوێ رۆژنامێ ئاماژە ب وێ چەندێ ژی کریە یانا روما وەکو ھزرا دەستپێکێ دخوازن ئەوی یاریزانی ب شێوەیێ خواستن بوو ماوێ دو سالان بینە دناڤ رێزێن یانا خوە دا لێ یانا مان یوناید ب زەحمەت ل سەر وی مەرجێ یانا ئیتالی رازی بەن ژبەرکو ئەوان ل وەرزێ بوری ب کوژمێ ٦٠ ملیون یورۆیا ھەڤبەست ل گەل ئیمزاکربوو.
ھەژی گوتنێ یە فرید یێ ٢٦ سالی بەری نوکە یاری ل یانا ئەنترناشونال یا بەرازیلی کریە ل ٢٠١١ ھەتا ٢٠١٣ و ل سالا ٢٠١٣ ھاتیە ڤەگوھاستن بوو یانا شاختار دونیسک یا ئوکرانی و ل گەل وێ یانێ یێ بەردەوام بوو ھەتا ٢٠١٨ .

ئەڤرۆ نیوز:
جەماوەرێ یانا ریال مەدرید ل دەمێ پێشکێشکرنا ستێرا بەلجیکی و یانا چێلسی یا ئنگلیزی ئایدین ھازارد ل یاریگەھا سانتیاگو برنابیو داخوازیا یاریزانەکێ دی ژ کارگێریا یانا ریال مەدرید دکر ل ڤەگوھاستنێن ھاڤینێ.
رۆژناما مارکا ئاشکراکریە ل دەمێ پێشکێشکرنا ھازارد بۆ یانا ریال مەدرید ٥٠ ھەزار جەماوەر ل یاریگەھا سانتیاگو برنابیو ئامادەبوو کو ب رێژەیا ھەرە مەزن ئەوی جەماوەری داخوازیا ستێرا گەنچ یا فرەنسی و یانا پاریس سانجێرمان مباپێ کر کو ب ئێک دەنگ گازی دکر مە مباپێ دڤێت .. مە مباپێ دڤێت .
کلیان مباپێ نوکە بوویە ئارمانجا زوربەیا یانێن مەزن ل سەر ئاستێ ئورۆپا تایبەت یانا ریال مەدرید گرنگیەکا گەلەک مەزن ب ئەوی یاریزانی ددەن و سەرۆکێ یانا ریال کوژمەکێ مەزن یێ پارەی بەرھەڤکریە بوو ڤەگوھاستنا ئەوی یاریزانی و بەری نوکە ژی وی یاریزانی ژی دیارکر بوو ئەوی حەزا کرنا یاریێ ل یانا ریال مەدرید ھەیە.