ئەڤرۆ نیوز:
کۆمەکا چالاکڤانێن مەدەنی و سیاسی یێن ناڤدار ل ئیرانێ داخواز ژ سەرۆکی شۆرەشا ئیسلامی یا ئیرانێ عەلی خامنەیی کرن کو دەستان ژ کاری بەردەت، چونکو سی سالن خامنەیی وەکو سەرۆکێ شۆرەشێ هەموو دەستهەلات کریە بن کۆنترۆلا خوە و رێ نادەت چو گوهۆرین ل ئیرانێ دروست ببن.
چالاکڤانێن ئیرانی داخواز دکەن کو ژ بۆ باشکرنا رەوشا وەلاتی دەست ب گوهۆرینێن بنگەهین ل ئیرانێ بهێتە کرن.
ئەڤرۆ نیوز، زنار تۆڤی:
ئەڤرۆ رۆژا چارشەمبی ١٢.٦.٢٠١٩ ل دەمژمێر ١:٥٠ خۆلەکی پشتی نیڤرۆ ھێزێن ئەسمانی یێن سۆپایێ تورکی دەڤەرا بەرواری بالا بۆمبە بارانکر.
عزەت دێریشکی ئێک ژ خەلکێ دەڤەرێ بۆ ئەڤرۆ نیوز دیار کر ئەڤرۆ ل دەمژمێر ١:٥٠ خولەکی پشتی نیڤرۆ، ب بەھانەیا ھبوونا گەریلایێن پەکەکێ فرۆکێن ئێف ١٦ یێن سۆپایێ تورکی چیایێ گابنێرکی ل دەڤەرا بەرواری بالا ب دژواری بۆمبە بارانکر و وێ بۆمبە بارانێ ترسەکا مەزن لدەف خەلکێ وان گوندێن نێزیکی گابنێرکی پەیدا کریە.
ناڤھاتی ئەو ژی گۆت: د ئەڤ سالە دا ئەڤە چەندین جاران فرۆکێن تورکی دەڤەرا بەرواری بالا بوردومانکر، د ھەمان دا رۆژانە تۆپخانا سۆپایێ تورکی گوندێن بێدۆھێ و پشتا کانی ماسێ تۆپ باران دکەت.
ئەڤرۆ نیوز:
بەری دەمەکێ کێم ئه‌ڤرۆ رۆژا چارشه‌مبى 12-6-2019 نێچیرڤان بارزانی سەرۆکێ ھەرێما کوردستانێ مەسروور بارزانی بۆ پێکئینانا کابینەیا نوو یا حوکمەتا ھەرێما کوردستانێ راسپارد.
پشتی دوھی رۆژا سێشەمبی ١١-٦-٢٠١٩ ژلایێ پەرلەمانێ کوردستانێ ڤە ب زورینەیا دەنگێن پەرلەمانتاران ڤە ھاتیە ھەلبژارتن وەک سەرۆک وەزیرێن نوو یێ ھەرێما کوردستانێ بەری دەمەکێ کێم نێچیرڤان بارزانی ب فەرمی مەسروور بارزانی راسپارد بۆ پێکئینانا کابینەیا نوو یا حوکمەتا ھەرێما کوردستانێ.
راسپاردنا مەسروور بارزانی ب ئامادەبوونا ھەرئێک ژ سەرۆکێ پەرلەمانێ کوردستانێ و سەرۆکێ ئەنجوومەنێ دادوەری یێ ھەرێمێ برێڤەچوو.
ئه‌ڤرۆ نيوز، نيوار محه‌مه‌د سه‌ليم:
پشتى دوهى ل سه‌ر رێیا گشتى د ناڤبه‌را هه‌ولێر و موسل كێشه د ناڤبه‌را دو شوفێران دروست بووى، شوفێره‌كێ، شوفێره‌كێ دن ب پێنج گوله‌یان كوشتى، ئه‌ڤرۆ پۆليسێن هه‌ولێر بكوژ ده‌سته‌سه‌ركر و راگه‌هاند كو دێ ب گۆره‌ى قانوونێ سه‌ره‌ده‌رى ل گه‌ل هێته كرن.
ليوا عه‌بدولخالق ته‌لعه‌ت د كۆنگره‌كێ رۆژنامه‌ڤانى دا گۆت: “ب مخابنى ڤى دوهى ئێڤارى د رێيا مووسل بۆ هه‌ولێر ل نێزيك فلكا باز روودانه‌كا دلته‌زين روودا پشتى پێكدادانا سڤك يا ناڤبه‌را دو ترۆمبێلان ب ره‌نگه‌كى كو يا وه‌سان نه‌بوو ئه‌و روودان ژێ په‌يدا ببيت”.
زێده‌تر گۆت: “پشتى شوفێرێن هه‌ردو ترۆمبێلان ژ ترۆمبێلان دهێته خوار، دبيته شه‌ره‌ده‌ڤ، د ئه‌نجامدا تاوانبار محه‌مه‌د عه‌بدولعه‌زيز، كو خوه‌جهێ سێبيرانه ب ده‌بانجێ وه‌لاتيه‌كێ دى ب ڤاێ هيشام ئيسماعيل د كۆژيت”.
ئاماژه ب وێ چه‌ندێ ژى كر كو پشتى بزاڤ و ماندووبوونه‌كا زۆر بۆ ده‌سته‌سه‌ركرنێ ل دووماهيێ تاوانبارى خوه راده‌ستى پۆليسان كر و ب گۆره‌ى ماددێ 406 يێ قانوونا سزايێن عيراقێ دێ هێته دادگه‌هكرن.
ب گۆره‌ى گۆتنێن رێڤه‌به‌رێ پۆليسێن هه‌ولێر، كێشا ڤان هه‌ردو كه‌سان ژ ئه‌گه‌رێ پێكدادانا سڤك يا ترۆمبێلان دروست بوويه كو دبيت بايێ نێزيكى 500 دۆلاران بيت.
ئەڤرۆ نیوز ، مەحمود نھێلی:
ژ ئەنجامێ پەقینەکی نیڤرۆیا ئەڤرۆ 12/6/2019 ل ئاقارێ دانگا گوندێ گوھەرز ئاگر درووست دبیت و تا نوکە ئەگەرێن روودانێ نەھاتینە زانین.
رەڤەند گوھەرزی وەک شاھد حال بۆ ئەڤرۆ نیوز دیارکر، کو وان دگەل گوھلێ بوونا دەنگێ پەقینەکی دیت کو ل ئاقارێ دانگا گوندێ گوھەرز دوکێلەک بلند بوویە و دەنگێ چ تشێن دی نەھاتیە. و نەھاتیە زانین کو ئایا فرۆکەیێن لەشکەرێ تورکیا بوویە و یان ژی توپ بوویە.
ناڤھاتی ئاشکرا ژی کر، کو ئەو نەشیانە خوە نێزکی جھێ روودانێ بکەن و زیانان ب دروستی بزانن ژ بەر کو فرۆکەیەکا سیخوری یا تورکیا ل ھنداڤا دەڤەرێ یە و مەترسیا بوردومانێ ل سەر دەڤەرێ ھەیە.
نوکە تیمێن ئاگر ڤەمراندنا دێرەلۆک بەرەڤ جھێ روودانێ دچن بۆ کونترولکرنا ئاگرێ بەربوویە دەڤەرێ.
ئه‌ڤرۆ نيوز:
ئه‌ڤرۆ رۆژا چارشه‌مبى 12ى خزيرانا 2019ێ د په‌يوه‌نديه‌كا تله‌فۆنى دا ل گه‌ل نێچيرڤان بارزانى سه‌رۆكێ هه‌رێما كوردستانێ، د. ئه‌ندرۆ موريسن وه‌زيرێ ده‌وله‌تا بريتانيا بۆ كاروبارێن رۆژهه‌لاتا ناڤه‌راست و گه‌شه‌پێدانا نێڤده‌وله‌تى، ب ناڤێ حوكمه‌تا بريتانيا پيرۆزباهى ل نێچيرڤان بارزانى كر و هيڤيا سه‌ركه‌فتنێ بۆ خواست د ئه‌رك و پۆستێ نوو دا.
هه‌ر د وێ په‌يوه‌نديا تله‌فۆنى دا، موريسن ته‌كست ل سه‌ر مۆكمكرنا زێده‌تر يا په‌يوه‌نديێن ناڤبه‌را هه‌رێما كوردستانێ و بريتانيا د هه‌موو واران دا ل ژێر سه‌ركرداتيا سه‌رۆك نێچيرڤان بارزانى دا كر.
ژ لايێ خوه ڤه سه‌رۆكێ هه‌رێما كوردستانێ سۆپاسيا په‌يوه‌نديا تله‌فۆنى و پيرۆزباهيكرنێ كر و ئه‌و په‌يوه‌ندى ب ده‌رفه‌ت زانى دا كو سۆپاسيا هه‌رێما كوردستانێ بۆ هاريكارى و پشته‌ڤانيا بريتانيا د ده‌مێن دژوار دا دووپات بكه‌ت، هه‌ر وه‌سا خواستا هه‌رێما كوردستانێ بۆ به‌ر ب پێشڤه‌چوونا زێده‌تر يا په‌يوه‌نديێن ل گه‌ل بريتانيا د هه‌موو واران دا نيشان دا.
ئه‌ڤرۆ نيوز:
ژئه‌نجامێ گوهورینێن هورمونی ل ده‌ڤ ژنان و هنده‌ك فاكته‌رێن دیتر، ره‌نگه حه‌زا سێكسی یا ژنان ل هنده‌ك ده‌مان دا زێده‌ببیت و هنده‌ك ده‌مێن دی كێم ببیت، یا لسه‌ر زه‌لامی پێدڤیه ڤان تشتا بزانیت و بزانیت كو كێمبوونا حه‌زا سێكسی ل ده‌ڤ ژنان گرێدای گوهورینێن هورمونی یه ئه‌وێن د له‌شێ وێدا په‌یدادبن.
كیش ده‌می حه‌زا سێكسی یا ژنان زێده‌دبیت؟
هه‌تا كو هه‌ڤژین بگه‌هنه خوشیا سێكسی یا پێدڤیه ل وان ده‌مان ئه‌نجام بده‌ن یێن حه‌ز هه‌بیت، ئه‌و كێش ده‌من ژن حه‌زدكه‌ت كریارا سێكسی ئه‌نجام بده‌ت؟
1- ل ده‌مێ چێبوونا هێكان: ژ ئه‌نجامێ بلندبوونا ئاستێ هورمونێ بروجیسترون ل ده‌ڤ ژنان، ده‌مێ هێكا باشترین ده‌مه بو ئه‌نجامدانا سێكسی ل گه‌ل هه‌ڤژینێ خوه، ئه‌و ده‌م پشتی حه‌فتیه‌كێ یه ژ راوه‌ستیانا عاده‌یا هه‌یڤانه و وی ده‌می له‌شێ وێ یا ئاماده‌یه بو پێتكرنێ و باشترین ده‌مه ب تایبه‌ت بو وان كه‌سێن حه‌زدكه‌ن زارۆ هه‌بن.
2- پشتی بێهنڤه‌دانێ ژ كاری: كار دبیته ئه‌گه‌رێ وه‌ستیانه‌كا مه‌زن بو ژنێ، هه‌روه‌سا كارتێكرنێ ل ده‌روونێ وێ دكه‌ت، له‌ورا پتریا جاران یا ئاماده‌نینه بو ئه‌نجامدانا كریارا سێكسی، هه‌روه‌سا دایك ل گه‌ل كاری گه‌له‌ك هزرێن دیتر ژی دكه‌ت و هه‌ست ب ئارامیێ و ئالوزیێ دكه‌ت و ئه‌ڤ چه‌نده دبیته ئه‌گه‌ر كو گه‌له‌ك جداران ژ سێكسی بره‌ڤیت، به‌لێ ل ده‌مێ بێهنڤه‌دانێ ژ كاری، ئه‌ڤجا چ بێهنڤه‌دانه‌كا فه‌رمی بیت یان بیره‌وه‌ریه‌ك بیت یان ل ده‌مێ گه‌شتكرنێ، فشار و به‌رپرسیێن وێ كێم دبن و گه‌له‌ك گرنگیێ ب خوه دده‌ت و هزر ل په‌یوه‌ندیێن هه‌ڤژینیێ دكه‌ت.
3- ل ده‌مێ ئه‌نجامدانا وه‌رزشێ: راهێنانێن وه‌رزشی هاریكارن بو باشكرنا ساخله‌میێ ل ده‌ڤ ژن و زه‌لامان، هه‌روه‌سا ژن دێ به‌ژنزراڤیا خوه پارێزیت و پتر باوه‌ری ب خوه هه‌بیت و پتر ل گه‌ل هه‌ڤژینێ خوه گونجیت، ده‌مێ ژ هولا وه‌رزشێ ب دووماهی دهێت ده‌روونێ وێ گه‌له‌ك باش دبیت و حه‌زا وێ بو ئه‌نجامدانا سێكسی زێده‌دبیت، هه‌روه‌سا وه‌رزش پالدانا خوینێ زێده‌دكه‌ت و دگه‌هیته هه‌موو ئه‌ندامێن له‌شی.
4- پشتی هنده‌ك خوارنێن تایبه‌ت: هنده‌ك خوارن هه‌نه حه‌زا سێكسی زێده‌دكه‌ن، پشتی خوارنا وان ب ده‌مه‌كێ كێم دێ هاریكاریێ كه‌ن بو ده‌رهاڤێتنا هورمونێن زێده‌كرنا حه‌زا سێكسی و ژوان خوارنان ژی:
* مه‌حار: هنده‌ك ترشیێن ئه‌مینی دناڤدا هه‌نه و دبنه ئه‌گه‌رێ زێده‌كرنا حه‌زا سێكسی ل ده‌ڤ ژن و زه‌لامان.
* شكولاتێن تاری: شكولاتێن تاری ره‌وشا ده‌روونی باش دكه‌ن و هه‌ستا ب خوشیێ زێده‌دكه‌ن، چونكو هنده‌ك كه‌رسته دناڤدا هه‌نه وه‌كو سیروتونین كو حه‌زا سێكسی زێده‌دكه‌ت.
* چه‌ره‌زات: ب تایبه‌ت باهیڤ، ژبه‌ركو ژ كه‌میه‌كا مه‌زن یا مه‌گنسیومی و ڤیتامینان پێك دهێن و كاریگه‌ریه‌كا باش بو بلندكرنا حه‌زا سێكسی هه‌یه.
5- وه‌رزێن بوهارێ و هاڤینێ: دوان ده‌مان دا تیشكا رۆژێ بهێزدكه‌ڤیت، دشیاندایه ژن ل درێژیا رۆژێ به‌رئاتاف ببیت و ئه‌ڤ چه‌نده هاریكاره بو پێدانا ڤیتامین (دی) بو له‌شی و زێده‌كرنا حه‌زا سێكسی و هندی رێژا وی ڤیتامینی دله‌شیدا زێده‌ببیت دێ هورمونێ تستستیرون ژی زێده‌بیت و رۆله‌كێ گرنگ هه‌یه بو زێده‌كرنا حه‌زا سێكسی ل ده‌ڤ ژن و زه‌لامان.
رێكێن سه‌ره‌كی یێن زێده‌كرنا حه‌زا سێكسی ل ده‌ڤ ژنان:
• خوقورتالكرن ژ ئالوزیێ: ئالوزی فاكته‌ره‌كێ مه‌زنه بو بێهێزیا سێكسی لده‌ڤ ژنان، ئه‌ڤ چه‌نده ب رێیا بێهنڤه‌دانێ و خودووركرن ژ فشارێن ده‌روونی و كاری دێ چاره‌بیت، هه‌روه‌سا نڤستن ژی هاریكاره‌كێ باشه كو ژن هه‌ست ب چالاكی و ڤه‌ژاندنێ و هێزێ بكه‌ت ل ده‌مێ ئه‌نجامدانا كریارا سێكسی.
• ته‌دلیك: ئێك ژ رێێین په‌ره‌پێدانا حه‌زا سێكسی ل ده‌ڤ ژنان ته‌دلیكه دناڤبه‌را ژن و زه‌لامان دا، دگه‌ل ب كارئینانا زه‌یتا بێهنێن خوش داكو هه‌ست ب فیربیانێن سێكسی بهێته كرن.
• خوارنێن ساخله‌م: كێم خوارن هه‌ستكرن ب بێهێزیێ دێ ده‌لیڤێن ره‌ڤینێ ژ سێكسی زێده‌كه‌ن، چونكو خوارنا ته‌مام گه‌له‌ك ژێده‌رێن گرنگ دناڤدا هه‌نه بو زێده‌كرنا چالاكیێ و پێشڤه‌برنا حه‌زا سێكسی ل ده‌ڤ ژنان.
• ئه‌نجامدانا وه‌رزشێ: ب تایبه‌ت راهێنانێن كو هاریكاریێ دكه‌ن بو ڤه‌گه‌راندنا به‌ژنزراڤیا ژنان، هه‌روه‌سا وه‌رزش كاردكه‌ت بو چالاككرنا خولا خوینێ دله‌شیدا و بلندكرنا هه‌ستێ حه‌زا سێكسی.
ئەڤرۆ نیوز:
دژی بەردەوامبوونا بوردومان و توپبارانکرنا سوپایێ تورکیا، ھەبوونا بنگەھـ و بارەگایێن پەکەکێ، وەلاتیێن چەمانکێ خوەنیشاندانەک دەست پێ کر، دخوازن بوردومان بھێنە راگرتن و قەرەبویا خەلکی ژی بھێتەکرن.
خوەنیشاندەران کو پێکھاتبوون ژ زەلام و ژن و گەنج و زاروکان ب ھەلگرتنا چەندین دروشمان نەرازیبونا خوە ھەمبەری بەردەوامبوونا بوردومانان بو سەر گوندەوارێن وان و شەھید و بریندارکرنا وەلاتیێن سڤێل ل سنوورێ قەزا ئامێدیێ و چەمانکێ بەردەوامی دایێ و ھەتا نوکە ژی یا بەردەوامە.
دخوەنیشاندانێ دا بەیاننامەیەک ھاتە خواندن و تێدا زێدەباری داخوازیا راگرتنا بوردۆمان و دورکەفتنا پەکەکێ ل گوندەوارێن وان، ھەڤدەم خواست کو حوکمەتا ھەرێم و عیراقێ ژی بھێنە سەر خەت و قەرەبویا وەلاتیێن زیانڤێکەفتی ژی بکەن.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ لژنا قانوونى يا په‌رله‌مانێ كوردستانێ راگه‌هاند كو هه‌تا راده‌كێ زۆر دهێته پێشبينيكرن ئه‌ڤرۆ سه‌رۆكێ هه‌رێما كوردستانێ، سه‌رۆكێ جڤاتا وه‌زيران ب راسپێريت دا كو كابينا نوو يا حوكمه‌تا هه‌رێما كوردستانێ پێك بينيت.
بژار حه‌بيب كۆچبه‌ر، سه‌رۆكێ لژنا قانوونى يا په‌رله‌مانێ كوردستانێ، د داخۆيانيه‌كێ دا بۆ ئه‌ڤرۆ نيوز گۆت: “پشتى ناڤئينانا سه‌رۆكێ كابينا نوو يا حوكمه‌تێ و هه‌لبژارتنا وى ژ لايێ په‌رله‌مانێ كوردستانێ ڤه، هه‌موو رێكارێن قانوونى ب دووماهى هاتينه و سه‌رۆكاتيا په‌رله‌مانى ب نڤيساره‌كا فه‌رمى سه‌رۆكاتيا هه‌رێمێ ئاگه‌هداركريه”.
زێده‌تر گۆت: “هه‌ر چه‌نده چو ژڤانێن قانوونى نينن كو د وى ماوه‌ى دا سه‌رۆكێ هه‌رێما كوردستانێ سه‌رۆكێ كابينا نوو راسپێريت كو حوكمه‌تا نوو پێك بينيت، به‌لێ پێشبينيه‌كا زۆر يا هه‌يى كو ئه‌ڤرۆ سه‌رۆكێ هه‌رێما كوردستانێ، نێچيرڤان بارزانى، سه‌رۆكێ كابينا نوو مه‌سرور بارزانى بۆ پێكئينانا حوكمه‌تێ ب راسپێريت”.
سه‌رۆكێ لژنا قانوونى يا په‌رله‌مانێ كوردستانێ دا زانين ژى كو ژ به‌ر حوكمه‌ت گه‌له‌ك گيرۆ بوويه و خه‌لك چاڤه‌رێ يه ب له‌ز حوكمه‌ت بهێته پێكئينانا و حه‌زا سه‌رۆكێ هه‌رێمێ ژى يا زێده ژبۆ پێكئينانا حوكمه‌تا نوو، سه‌رۆكێ هه‌رێمێ ناهێليت ئه‌ڤ پرۆسه زێده‌تر گيرۆ ببيت و ب زووترين ده‌م دێ مه‌سرۆر بارزانى بۆ پێكئينانا كابينا نوو راسپێريت.
ب گۆره‌ى قانوونێ پێدڤيه د ماوێ 30 رۆژان دا، سه‌رۆكێ كابينا نوو يا حوكمه‌تا هه‌رێما كوردستانێ كابينا خوه پێك بينيت، به‌لێ هه‌موو پێشبينى بۆ وێ چه‌ندێ دچن كو پێكئينانا كابينا نوو هند ڤه‌نه‌كێشيت ب تايبه‌ت ژى پتريا لايه‌نێن سياسى ناڤێن به‌ربژارێن خوه ئێكلا كرينه.
ئەڤرۆ نیوز، نەوزاد هلوری:
پشتی مەغرەبیا ئەڤرو گەنجەک ل رووبارێ زێ مەزن ل نێزیک ناحیا کەلەک یا سه‌ر ب ڤەزا بەردەڕەش خەندڤی و هەتا نوکە تەرمێ وی نەهاتیە دیتن.
بەهزاد بوتانی وەکو شاهد حالێ روودانێ ل ناحیا کەلەک بۆ ئەڤرۆ نیوز گوت: (ئەڤرۆ پشتی مەغرەب گەنجەک کەفتە دناڤ ئاڤا رووبارێ زێ مەزن دا و خەندقی).
زێدەتر گوت: (ناڤێ وی غسان غانمە و ژیێ وی نێزیکێ 25 سالایە، خەلکێ ناحیا کەلەکێ یە، تیمێن بەرەڤانیا باژێری ل کەلەک ب هەڤکاری ل گەل ەیما نقومڤانێن خەبات دەمەکێ مژولێ دەرئینانا تەرمێ وی بوون، بەلێ ژبەرکو شەڤە و تاری یە، لێگەریان بۆ سوبەهی سپێدێ هێلا).
نيشاندان