ئەڤرۆ نیوز، عەلی حاجی:
پشکا چالاکیێن قوتابخانەیان یا سەر ب رێڤەبەریا پەروەردا زاخۆ ب ھەڤکاری دگەل شێوەکارا زاخۆ ئەزھار حازم بەگ رابوون ب ڤەکرنا پێشانگەھەکا شێوەکاری بۆ ٢٦ قوتابیێن بەھرەمەندێن شێوەکار.
ب ڤیدیۆ: ڤەکرنا پێشانگەھەکێ بۆ بەھرەمەندان
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سه‌ره‌كى Twitter
د رۆژا کرێکاران دا کرێکارێن کۆمپانیەکا پاقژکرنێ بەردەوامن ل سەر کارێ خوە
ئەڤرۆ نیوز، مەحمود نھێلی:
زێدەباری وێ یەکی کو ئەڤرۆ ئێکێ گولانێ رۆژا کرێکارێن جیھانێ یە لێ ھژمارەکا زۆرا کرێکاران بەردەوامن ل سەر کاری و خودانێن کاری بۆ نەکریە بھێنڤەدان.
ئێک ژ کرێکارێن کۆمپانیەکا پاڤژکرنێ کو نەدڤیا ناڤێ خوە ئاشکرا بکەت بۆ ئەڤرۆ نیوز دیار کر، کو لسەر فەرمانا کۆمپانیا وانا ئەڤرۆ ژی د بەردەوامن ل سەر کارێ خوە و بۆ نەکریە بھێنڤەدان و دیار کر، کو دیارە ئەو ل سەر رێککەفتنا حکومەتێ و کۆمپانیا ناڤھاتی بوویە کو د رۆژنێن بھێنڤەدان ژی ئەو بەردەوامن ل سەرکارێ خوە یێ پاقژکرنێ.
رێڤه‌به‌ریا چالاكیێن وه‌رزشى و دیده‌ڤانى ل په‌روه‌ردا گشتى یا دهوكێ ڤیسته‌ڤالا خویا وه‌رزشى یا هه‌شتێ ئه‌نجام دا
ئه‌ڤرۆ نیوز:
ئه‌ڤرو ئێڤارى 30/4/2019 ل ژێر چاڤدێری و ئاماده‌بونا به‌رێز فه‌رهاد ئه‌مین ئه‌تروشى پارێزگه‌رێ دهوكێ رێڤه‌به‌ریا چالاكیێن وه‌رزشى و دیده‌ڤانى ل په‌روه‌ردا گشتى یا دهوكێ ڤیسته‌ڤالا خویا وه‌رزشى یا هه‌شتێ ئه‌نجام دا ,
باراهیێ وه‌كو رێزگرتن بو گیانێ پاكێ شه‌هیدان به‌رهه‌ڤبو ده‌قیقه‌كێ راوه‌ستیان و پاشى ئالایێ ئولومپاتا هاته بلند كرن ژلایێ پارێزگه‌رێ دهوكێ و رێڤه‌به‌رێ گشتى یێ په‌روه‌ردا پارێزگه‌ها دهوكێ ,
دیڤدا به‌رێز پارێزگه‌رێ دهوكێ دپه‌یڤه‌كێ بناڤێ كارگێریا پارێزگه‌ها دهوكێ پیروزباهى ل په‌روه‌ردێن سنورێ پارێزگه‌ها دهوكێ كر و هیڤیا سه‌ركه‌فتنێ بو ڤیسته‌ڤالێ خواست و گێریا و ساز كرنا ڤان ڤیسته‌ڤالێن وه‌رزشى ب كارێن پیروز ل قه‌له‌م دان و ده‌ست خوشى ل رێكخه‌ر و سه‌رپه‌رشتێن ڤیسته‌ڤالى و رێڤه‌به‌ریا گشتى یا په‌روه‌ردا دهوكێ و رێكخراوا یونیسیڤ كر ,,
دیڤدا ده‌ست ب چالاكیێن وه‌رزشى هاته كرن و ل سه‌ر ئاستێ كچ و كورا هه‌ڤركى هاته كرن و هه‌مى یاریێن وه‌رزشى بێى ئاریشه ب دبماهیك هاتن و ل ئه‌نجامێن دیماهیێ ل سه‌ر ئاستێ كچان زاخو بو یا ئێكێ و ئاكرێ بو یا دویێ و شێخان بو یا سیێ ,,
ل سه‌ر ئاستێ كوران شێخان بو یا ئێكێ و زاخو یا دویێ و ئاكرێ یا سیێ
ل دیماهیێ خه‌لات لسه‌ر قوتابخانێن سه‌ركه‌فتى ژلایێ پارێزگه‌رێ دهوكێ ڤه هاتنه به‌لافكرن زێده‌بارى خه‌لاته‌كێ تایبه‌ت بو هه‌ردو په‌روه‌ردێن سه‌ركه‌فتى یێن ئێكێ كوران و كچان ژلایێ پارێزگه‌رێ دهوكێ ڤه پێ هاتنه به‌خشین بو هه‌رپه‌روه‌رده‌كێ .
پارێزگه‌رێ دهوكێ چنار هوم یا موبیلیاتا یا كه‌رتێ تایبه‌ت ڤه‌كر
ئه‌ڤرۆ نیوز:
ئه‌ڤرو ئێڤارى 30/4/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ ب به‌رهه‌ڤبونا هژماره‌كا زور یا سه‌رمایه‌دار و بازرگان و كه‌سایه‌تیێن دهوكێ سه‌نته‌رێ چنار هوم یێ موبیلیاتا ل سه‌نته‌رێ باژێرێ دهوكێ ڤه‌كر و گه‌ریانه‌ك دناڤ پێشانگه‌ها موبیلیاتا كو ژ سێ نهوما پێك دهات و ده‌ست خوشى ل خودانێ كارى كر بو ڤه‌كرنا ڤێ پێشانگه‌ها پێشكه‌فتى ب كوالیتیا به‌رز .
هه‌ژى گوتنێ یه سه‌نته‌رێ چنار هوم ژ سێ نهوما پێك دهێت و پشكه‌كه ژ كومپانیا چنار یا بازرگانى یا گشتى ل دهوكێ و موبیلیات ژ ماركێن توركى یێن ده‌ره‌جه ئێك به‌رهه‌ڤ كرینه و پێشانگه‌ها ئێكێ یه ل سه‌ر ئاستێ هه‌مى ئێراقێ .
ب وێنە … 122 پێشمەرگە ژ ئەكادیمیا لەشكری يا زاخۆ دەرچوون
ئەڤرۆ نیوز ، عەلی حاجی :
ئەڤرۆ ل روژا سێ شەمبێ رێكەڤتی 30/4/ 2019 ب بەرهەڤبوونا نوونەرێ سەروك مەسعود بارزانی و بریكارێ وەزارەتا پێشمەرگەیێ خولەكادی یا دەرچوونێ بو هەژمارەكا پێشمەرگان ب دووماهی هات .
مقەدم كوڤان، بەرپرسێ راگەهاندنا ئەكادیمیا سەربازی ل زاخۆ بۆ ئەڤرۆ نیوز دیار كر : درێ و رەسمەكێ ژهەژی دا ب بەرهەڤبوونا سەبەرست لەزگین برێكارێ وەزارەتا پێشمەرگەیی و چەندین بەرپرسان و كەس و كارێن قوتابیان، دگەرا 25ێ یا راهێنان و مەشق پێكرنێ دا ل ئەكادیما لەشكەری 2 ل زاخۆ 122 قوتابی ب پلا ئەڤسەر دەرچوون و قوتابیێن دەرچوویی بۆ ماوەیێ 9 هەیڤان دا مەشقێن سەربازی دناڤ ئەكادیمیا لەشكەری دوو دا وەرگرتن و پشتی وەرگرتنا مەشقا سەربازێ زانستی پلا وان قوتابیان هاتە بەرز كرن بو پلا ئەفسەر و ئەو كەسە ژی دێ وەكو ئەفسەر دناڤ هێزێن پێشمەرگەیی دا دەست ب كار بن و هەژی گوتنێ یە قوتابیێن دەرچووی ژی هەمی خودان باوەرنامەێن بەكالوریوس بون دزانكوێن مروڤایەتی و سەربازی دا .
پارێزگه‌رێ دهوكێ پێشوازیا نوێنه‌را سكرتێرێ گشتى یێ UNل عیراقێ كر
ئه‌ڤرۆنیوز:
ئه‌ڤرو ئێڤارى 30/4/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز جێنن هه‌نسى نوێنه‌را سكرتێرێ گشتى یێ UNل عیراقێ و شاندێ دگه‌لدا كر
دهه‌ڤدیتنه‌كێ دا ب ئاماده‌بونا جێگرێ پارێزگه‌رێ دهوكێ و هاریكارێ پارێزگه‌رى بو كاروبارێن مروڤایه‌تى به‌راهیێ پارێزگه‌رێ دهوكێ كورتیه‌ك دا سه‌ر دیروكا پارێزگه‌ها دهوكێ و دیار كو ئه‌ڤه 50 ساله دهوك بویه پارێزگه‌ه و ژ 7 قه‌زا پێك دهێت و پشتى شه‌رێ داعش هژماره‌كا زور یا ئاواره و په‌نابه‌رێن سورى قه‌ستا پارێزگه‌هێ كریه و ل 21 كه‌مپا هاتینه ئاكنجیكرن و ئه‌ف چه‌نده ژى بویه بارگرانیه‌ك ل سه‌ر هه‌مى كه‌رتێن پارێزگه‌ها دهوكێ و ب هه‌مى شیانا حكومه‌تا هه‌رێما كوردستانێ ب هه‌فكاریا نه‌ته‌وه‌یێن ئێكگرتى و رێكخراوێن مروڤایه‌تى هاریكاریا ڤان ئاواره و په‌نابه‌را دكه‌ن ,
ژلایێ خوڤه نوێنه‌را سكرتێرێ گشتى یێ UN ل ئێراقێ ده‌ست خوشیا حكومه‌تا هه‌رێما كوردستانێ و كارگێریا پارێزگه‌ها دهوكێ كر بو حه‌واندن و چاڤدانا ڤێ ئاواره و په‌نابه‌را ب باشترین ره‌نگ هه‌روه‌سا پشته‌ڤانى و هاریكارى كرنا نه‌ته‌وه‌یێن ئێكگرتى و سازیێن وى بو پارێزگه‌ها دهوكێ و حكومه‌تا هه‌رێما كوردستانێ دبوارێ مروڤایه‌تى دا دوپاتكر .
پارێزگه‌رێ دهوكێ پێشوازیا خانم چیمه‌ن خێزانا خودى ژى رازى خلف زیبارى كر
ئه‌ڤرۆ نیوز:
ئه‌ڤرو سپێدێ 30 /4/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا خانم ( چیمه‌ن ) خێزانا خودى ژى رازى خلف زیبارى كر ,
دهه‌ڤدیتنه‌كێ دا ب ئاماده‌بونا نفیسه‌ر و هوزانڤان مو‌وید ته‌ییب به‌حسێ رولێ خودێ ژى رازى خلف زیبارى دكاروانێ روژنامه‌ڤانیا كوردى و تایبه ت ل رادیویا ئێزگێ ده‌نگێ كوردستانێ و ده‌مێن شوره‌شێن كوردى یێن ئه‌یلول و گولانێ و به‌رده‌وامى دانا خزمه‌تكرن و گه‌هاندنا ده‌نگ و باسێن پێشمه‌رگه‌ى ل ڤان شوره‌شیا هاته كرن ,
ژلایێ خوڤه خانم چیمه‌ن خێزانا خودێ ژێ رازى سوپاسیا پارێزگه‌رێ دهوكێ كر بو نافكرنا هوله‌كا تایبه‌ت بناڤێ خودێ ژێ رازى ل سه‌روكاتیا زانكویا دهوكێ ,
هه‌ژى گوتنێ یه خودێ ژێ رازى خلف زیبارى رێڤه‌به‌رێ ئێزگێ ده‌نگێ كوردستان بو و پشتى هینگێ ل سالا 1975 قه‌ستا ئیرانێ كر و ژویرێ به‌ره‌ف ئه‌مریكا ئاواره بو ل ده‌ستپێكا ڤه‌بونا رادیویا ده‌نگێ ئه‌مریكا پشكا كوردى وه‌كو بێژه‌رێ سه‌ره‌كى كار دكر هه‌تا وه‌غه‌را دیماهیێ كرى . هه‌روه‌سا روله‌كێ به‌رچاڤ هه‌بو دڤه‌كرنا كورسیێن تایبه‌ت یێن زمانێ كوردى بو زاروكێن كوردا ل ئه‌مریكا ڤه‌كرینه هه‌روه‌سا دبیاڤێ ئه‌ده‌بیاتێ و هوزانا كوردى دا روله‌كێ به‌رچاڤ هه‌بو و تا نوكه 2 به‌رهه‌مێن هوزانا چاپ كرینه و ل روژا 25/5/2018 وه‌غه‌را دیماهیێ كریه و چویه به‌ردلوڤانیا خودێ .
ب ڤیدیۆ – سێ قوتابی ب ماتورەکێ دچنە قوتابخانێ
قێرکرنا بەشەک ژ رێکا بەردەرەش بۆ دارەتوو ل قۆناغا دووماھیێ دایە
ئەڤرۆنیوز، رەزوان رۆژبەیانی:
ئەندازیار محەمەد سەعید رێڤەبەرێ سەخبێری و پاراستنا رێک و پرا ل قەزا ئاکرێ بۆ ئەڤرۆنیوز دیار کر رێکا بەردەرەش بۆ ناحیە دارەتوو ب دو قۆناغ دھێتە بجھئینان قۆناغەک ل سەنتەرێ قەزا بەردەرەش ھەتا گوندێ زەنگەنانە ئەو قۆناغ نە گرێدای مەیە و ژ بەر قەیرانا دارایی ژی نوکە کار ل سەر ناھێتە کرن.
گوت ژی بەلێ قۆناغا دی ل ناحیە دارەتوو ھەتا گوندێ زەنگەنان کو ب درێژھیا حەفت کیلۆمیترایە و ب کوژمێ ٥٨٠ ملیۆن دینار لسەر بودجا پارێزگەھا دھۆکێ یێن سالا ٢٠١٨ ل ژێر چاڤدێریا سەخبێری و پاراستنا رێک و پرا ل قەزا ئاکری دھێتە ئەنجام دان.
ناڤهاتی ئەو یەک ژی دیار کر نوکە کار سەر سەخبێریا رێکا گوندێ گربدەو قەرەناز و گربدەو ناحیە دارەتوو دکەین سەبارەت رێکا بەردەرەش بۆ ناحیە کەلەک ژی رێکا بەردەرەش بۆ ناحیە گەلەک نوکە کار ل سەر نووژەنکرنا وێ دھێتە کرن بەلێ ل ژێر چاڤدێریا رێڤەبەرێ رێک و پرا ل پارێزگەھا دھۆکێ یە و سەر ب مە نینە.
ل ئامێدیێ پێشانگەھەکا وێنێن شەھیدێن شەرێ داعش دھێتە ڤەکرن
ئەڤرۆ نیوز، مەحمود نھێلی:
ل ژێر چاڤدێریا بەرپرسێ لقا ھەژدە یا پارتی دیموکراتی کوردستان و ب ئامادبوونا قایمقامێ ئامێدیێ و ھژمارەکا زۆرا بەرپرسێن حزبی و حکومی ئەڤرۆ ٣٠/٤/٢٠١٩ پێشانگەھەکا وێنێن شەھیدێن شەرێ داعش ل پەیمانگەھا تەکنیکی یا ئامێدیێ ھاتە ڤەکرن.
عەلی رێکانی ژ نڤیسینگەھا راگەھاندنا لقێ ھەژدە یێ پارتی بۆ ئەڤرۆ نیوز دیارکر، کو ئەڤ پێشانگەھە ل ژێر چاڤدێریا عومەر ئورەی بەرپرسێ لقێ ھاتیە ڤەکرن و گۆت: (دڤێ پێشانگەھێ دا وێنە وێنێن ٤٤ شەھیدێن دەڤەرا ئامێدیێ یێن کو د شەرێ داعش دا شەهید بووینە، ھاتنە نمایش کرن).
نيشاندان
WP Facebook Auto Publish Powered By : XYZScripts.com