ئەڤرۆ نیوز:
ل زانینگه‌ها ئه‌مریكى یا كوردستان ل سێمێلێ وب ئاماده‌بونا فه‌رهاد ئه‌مین ئه‌تروشى پارێزگه‌رێ دهوكێ وچه‌ند به‌رپرسێن حزبى وئیدارى ئەڤرۆ دیدارا شه‌دا یا ره‌وشه‌نبیرى ئێك ژلایێ رێڤه‌به‌ریا گشتى یا ره‌وشه‌نبیرى وهونه‌رى دهوك ورێكخراوا كانیا سپى وب هه‌ڤكارى دگه‌ل زانینگه‌ها ئه‌مریكى كوردستان وپشته‌ڤانیا پارێزگه‌ها دهوكێ هاته سازكرن.
لبه‌راهیێ په‌یڤا سه‌روكێ زانینگه‌ها ئه‌مریكى یا كوردستان هاته خاندن وبخێر هاتنا هه‌موو مێهڤانان كر وسه‌ركه‌فتن بو دیدارێ خواست.
پاش پارێزگه‌رێ دهوكێ په‌یڤه‌ك پێشكێشكر تێدا بناڤێ كارگێریا پارێزگه‌هێ بخێر هاتنا مێهڤانێن دیدارێ كر وده‌ست خوشى ل وان هه‌موو لایه‌نان كر یێن دیدارا شه‌دا رێكخستى وته‌كه‌زكر كو ئه‌ڤ جوره دیداره زور دگرنگن بو گوهورین و پێشئێخستنا هه‌ر جڤاكه‌كى چونكو ئه‌و كه‌سێن سمینارا ل ڤان دیدارا پێشكێشدكه‌ن كه‌سانێن ئه‌كادیمى وشاره‌زانه دبوارێ كلتورى وموزیكێ وزمانێ كوردى وئارمانجا وان یا سه‌ره‌كى په‌یداكرنا گوهورینێ یه د دوارێن جودا جودا وسه‌ركه‌فتن بو به‌رنامێن دیدارێ خواست.
پاش په‌یڤا رێڤه‌به‌ریا گشتى یا ره‌وشه‌نبیرى وهونه‌رى ژلایێ ئه‌یوب ره‌مه‌زان هاته خاندن و ئارمانجێن دیدارێ به‌رچاڤكرن وچه‌ند پێشنیار ئاراسته‌ى سازیێن هه‌رێما كوردستانێ كرن بو وێ یه‌كێ مفا ژێ بهێته وه‌رگرتن.
پاش ده‌ست ب په‌نه‌لێ ئێكێ یێ دیدارێ بناڤێ ره‌وشه‌نبیرى و وه‌رگوهاستنێن جڤاكى هاته كرن:
لبه‌راهیێ د.فازل عمر سمیناره‌ك لبن ناڤێ ئالیسه‌نگیا مادى وهزرى ل جڤاكێن روژهه‌لاتا ناڤین پێشكێشكر وپروفیسور( سابینێ رولبێرك) سمیناره‌ك بناڤێ كلتور كارێ جڤاكى یێ سبه‌یه پێشكێشكر وپروفیسور( روت ئولشان) سمیناره‌ك لبن ناڤێ فلم وه‌كو پارچه‌یه‌ك ژپروسه‌یا چێكرنا ئاشتیێ پێشكێشكر.
پاش گه‌نگه‌شێن تێر وته‌سه‌ل ل سه‌ر هه‌رسێ سمیناران هاتنه كرن.
ل دوڤدا به‌رنامێن په‌نه‌لێ دووێ لبن ناڤێ ره‌وشه‌نبیرى وناسنامه هاتنه ل دارخستن:
لبه‌راهیێ (د.پاول لیندرى ) سمیناره‌ك بناڤێ ره‌وشه‌نبیرى وناسنامه پێشكێشكر وهونه‌رمه‌ندعدنان كریم سمیناره‌ك بناڤێ ستران وناسنامه‌یا نه‌ته‌وه‌یى پێشكێشكرو د.دلشاد محمد سعید سمیناره‌ك بناڤێ موزیكا كوردى وناسنامه‌یا كوردى پێشكێشكر ، پاش دان وستاندن ل سه‌ر هه‌رسێ بابه‌تان هاتنه كرن.
روژا 19-4-2019 دێ به‌رده‌وامى ب به‌رنامێن دیدارا شه‌دا هێته دان ول ده‌م ژمێر پێنجى ئێڤارى ل هولا دهوك مول فلمێ ده‌رهێنه‌ر هونه‌ر سلیم ل ژێر ناڤێ (كێ لیدى وینسلى كوشت) دێ هێته نمایشكرن.
ئه‌ڤرۆ نیوز، نه‌وزاد هلورى:
ب مه‌ره‌ما نووكرنا سوز و په‌یمانان و رێزگرتن له خه‌بات و قوربانیدانا بارزانى نه‌مر بۆ بزاڤا رزگاریخوازیا كوردستانێ، سه‌رۆكاتیا په‌رله‌مانێ كوردستانێ و فراكسوونا زه‌ر ل په‌رله‌مانێ كوردستانێ سه‌ره‌دانا مه‌زارێ نه‌مران ل گوندێ بارزان كر و ژلایێ خه‌لات بارزانى نوونه‌رێ سه‌رۆك بارزانى هاته پێشوازیكرن.
دپه‌یڤه‌كێ دا سه‌رۆكاتیا په‌رله‌مانێ كوردستانێ به‌حس له خه‌باتا بارزانى نه‌مر بۆ بزاڤا رزگاریخوازیا كوردستانێ كر كو ئه‌ڤ ئازادیا نوكه تێدا به‌رهه‌مێ خه‌بات و قوربانیدانا وان و هه‌موو شه‌هیدێن كوردستانێ یه، ل گه‌ل ئاماژه‌كرن ب دووماهى گورانكاریێن نوكه ل كوردستانێ د بورن، ل داویێ تاجه گولینه دانایه سه‌ر گورێ بارزانى نه‌مر و ئیدریسێ هه‌رده‌م ساخ.
ئەڤرۆ نیوز، هۆشەنگ:
مەهدی ئەکبەری چاڤدێرێ سیاسی یێ رۆژهەلاتێ کوردستانێ بۆ ئەڤرۆ نیوز دیار کر کو ئەڤرۆکە سپێدێ ل باژێرێ ئیلامێ یێ رۆژهەلاتێ کوردستانێ سێ لاوێن کورد کو بەری نها سزایێ سێدارەدانێ ل سەر وان هاتبوو سەپاندن، ل زیندانێ هاتنە سێدارەدان.
ناڤهاتی راگەهاند هەر سێ کەس ب کوشتنا وەلاتیەکێ تاوانبار بوون و هەتا نها ژی تەرمێ وان رادەستی کەسوکارێن وان نەهاتینە کرن و زانیاریێن زێدەتر ژی ژ ئالیێ بەرپرسێن ئیرانێ ڤە نەهاتینە بەلاڤکرن.
ئەڤرۆ نیوز:
ئەحمەد تورک هەڤسەرۆکێ باژێرڤانیا مەزن یا باژێرێ مێردینێ ل باکورێ کوردستانێ راگەهاند کو قەیومێ بەرێ نها دەولەتێ ب جهێ من کربوو سەرۆکێ باژێرڤانیا مێردینێ گەندەلیێن مەزن کرینە و مە هەموو گەندەلیێن وی ب بەلگە کۆمکرینە و دێ رادەستی سەرۆک کۆمارێ تورکیا کەین.
ناڤهاتی راگەهاند کو گەلەک کەس ل سەر بۆدجا باژێرڤانیێ هاتینە دامەزراندن و بێی کو چو کارەکێ بکەن مووچە وەردگرن و ل ئالیێ دی نها باژێرڤانیا مێردینی ب کۆژمێ ٦٢٠ ملیۆن لیرێن تورکیا قەردارە و د رەوشەکا وەسا دا ئەم نەشێین چو خزمەتەکێ پێشکێشی وەلاتیێن مێردینێ بکەین و گۆت: (من داخوازا هەڤدیتنەکێ ژ سەرۆک کۆمارێ تورکیا کریە و دڤێت سەرۆک کۆمار وەکو کەسێ ئێکێ یێ دەستهەلاتدار ل تورکیا دووڤچوونا گەندەلیێن قەیومان ل هەموو باژێرڤانیێن باکورێ کوردستانێ بکەت).
ئەڤرۆ نیوز، هۆشەنگ تاجر:
شامل حسێنی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو سێ کۆلبەرێن کورد ژ بەر سەرمایێ ل سەر سنورێ باشور و رۆژهەلاتێ کوردستانێ و ل نێزیکی باژێرێ خانێ یێ رۆژهەلاتێ کوردستانێ جانێ خوە ژ دەست دان و نها ژی تەرمێ هەر سێ کەسان ل نەخوشخانا باژێرێ خانێ یێ رۆژهەلاتێ کوردستانێ یە.
ناڤهاتی راگەهاند کو هەر سێ کۆلبەرێن کورد د ناڤ بەفرێ دا جانێ خوە ژ دەست دابوون و خەلکی تەرمێ وان پەیدا کرینە و گەهاندینە نەخوشخانێ.
ئەڤرۆ نیوز:
وەزیرێ دەرڤە یێ ئیرانێ محەمەد جەواد زەریف راگەهاند کو وی بەری نها ل گەل سەرۆک کۆمارێ تورکیا ل دۆر چاوانیا چارەکرنا قەیرانا سووریێ هەڤدیتنەک پێکئینایە و پاشی ژی سەرەدانا شامێ کریە و ل گەل بەشاری ئەسەدی کۆمبوویە.
چاڤدێرێن سیاسی ژی دیار دکەن کو ئیران ژ بەر سزایێن ئەمریکا تووشی قەیرانەکا مەزن یا هاتی و نها ئیرانێ دڤێت ب رێیا تورکیا دەرگەهەکێ بۆ خوە ڤەکەت و ژ بەر هندێ ژی خوە نێزیکی تورکیا دکەت.
ئەڤرۆ نیوز، عەلی حاجی:
راھێنەرێ تیما تەپا پێ یا یانا زاخۆ ئەحمەد کازم ناما دەستژکارکێشانا خوە ب رێیا ئەڤرۆ نیوز راگەھاند ژ سەرپەرشتیا تیما تەپا پێ بۆ ھەردو خولێن ھەرێمێ و عیراقێ و ڤەگەریا بەغدا.
د ڤێ نامێ دا ئەحمەد کازم داخوازا لێبورینێ ژ پشتەڤانێن یانا زاخۆ کریە و دیارکر ژ بەر نەبوونا پشتەڤانیا تیمێ و گیروبونا بەرھەڤیێن یانێ بۆ ڤاڤارتنێن خولا عیراقێ و زێدەباری نەگەھشتنا یاریزانێن پیشەکار یێن ئیرانی و غانی و نە ئەنجامدانا راھێنانان ل ژڤانێ دەستنیشانکری کو تنێ ٤٠ رۆژ ماینە بۆ دەستپێکرنا ھەڤرکیێن دەربازبوونێ بۆ خولا نایابا عیراقێ، لەورا د شیانێن وی دانەبوو ڤی شێوەی و دابرینا ئەندامێن یانێ ب شێوەکی کو مەحالە بشێم خزمەتا یانا زاخۆ بکەم و ڤەگەرینمە خولا نایاب عيراقى لەورا نەچارم دەست ژکارێ خوە بەردەم و ھەر ئەگرۆ ڤەگەرمە بەغدا.
ئەڤرۆ نیوز:
وەزیرێ دەرڤە یێ روسیا سیرگێی لاڤرۆڤ راگەهاند کو ئەم پشتەڤانیێ ل دانوستاندنێن د ناڤبەرا کوردان و شامێ دا دکەین و د هەمان دەمی دا مە نەڤێت مەترسی بۆ بەرژەوەندیێن تورکیا ژی دروست ببن و گۆت: (ئەم پشتەڤانیێ ل ئامادەکرنا دستوورەکێ نوو بۆ سووریێ دکەین کو مافێ هەموو ئالیان تێدا پاراستی بیت و دڤێت ئارامیا سنورێ تورکیا ژی بهێتە پاراستن).
ئەو یەک د دەمەکێ دایە کو بەری نها بەرپرسەکێ هێزێن سووریا دیموکرات دیار کربوو کو روسیا ناهێلیت شام ل گەل مە دانوستاندنان بکەت.
نيشاندان