ئەڤرۆ نیوز:
چاڤەرێ دھێتەکرن گولچیێ یانا میلان یا ئیتالی دوناروما ل ھاڤینا ئەڤ سالە پێکھاتیێ یانا میلان ب جە بھێلت و بەر ب یانەکا دی ڤە بچیت و ھژمارەکا یانێن ئورۆپی ھەڤرکیا ب دەستڤە ئینانا ئەوی گولچیێ میلان دکەن لێ دو یانێن ئنگلیزی ژ ھەڤرکیێن ھەرە ب ھێزن.
رۆژناما زەسەن یا برێتانی دیارکریە راھێنەرێ یانا ئەرسینال ئونای ئێمری داخوازی ژ بەرپرسێن یانا ئەرسینال کریە دانوستاندنان ل گەل یانا میلان بکەن بوو ڤەگوھاستنا گولچیێ وێ و ھەلبژارتیێ ئیتالیا دوناروما ژبەرکو ئەو ژ ئاستێ گولچیێ تیمێ یێ نوکە رازی نینە و حەزا ئیمزاکرنا گولچیێ میلان ھەیە ل ھاڤینا ئەڤ سالە.
زێدەتر ئەوێ رۆژنامێ دیارکریە ژی یانا مانچێستەر یوناید ژی ژ ھەڤرکیێن ب ھێزە بو دەستڤە ئینانا دوناروما ئەوژی ھەکە گولچیێ ئەوان یێ نوکە دی خیای ھەڤبەستا خوە ل گەل یانێ نوونەکر وی دەمی مانچێستەر دێ موچەیەکێ مەزن پێشکێشی ئەوی گولچیی ئیتالی کەت بوو رازیکرنا ئەوی .

ئەڤرۆ نیوز:
بەرپرسێن یانا بەرشەلۆنا دخوازن بوو مێرکاتویا ھاڤینا ئەڤ سالە ھەڤبەستێ ل گەل چەند ستێرێن بەرنیاس ئیمزا بکەن بوو ب ھێز ئێخستنا پێکھاتیێ خوە و ھەڤرکیێ ل سەر ناسناڤێن نافخوی و ئورۆپی .
رادیویا RAC١ یا ئیسپانی ئاشکراکریە یانا بەرشەلۆنا ھزر ل ڤەگەراندنا ستێرا خوە یا بەری نوکە و یاریزانێ نوکە یێ پاریس سانجێرمان و ھەلبژارتیێ بەرازیل نیمار کریە بەرامبەر یاریزانەکێ خوە و کوژمەکێ پارەی بدەتە پاریس .
ئەوێ رادیویێ ئەو چەندە ژی دیارکریە یانا بەرشەلۆنا بەرھەڤیا خوە دیارکریە یاریزانێ خوە یێ فرەنسی عوسمان دیمبلی بدەتە یانا پاریس و ل گەل کوژمەکێ پارەی ژی بوو دەستڤە ئینانا یاریزانێ خوە یێ بەری نوکە یێ بەرازیلی نیمار.
ھەژی گوتنێ یە نیمار ب کوژمێ ٢٢٠ ملیون یورۆیا ل سالا ٢٠١٧ ژ یانا بەرشەلۆنا ھاتبوو ڤەگوھاستن بۆ یانا پاریس سانجێرمان.

ئەڤرۆ نیوز:

چاڤەرێ دھێتەکرن ئەڤ شەڤە ل دەمژمێر ١٠ شەڤ ل دیڤ دەمێ کوردستانێ یاریا دووماھیا قارەمانیا یورۆپا لیگ دناڤبەرا ھەردو یانێن چێلسی و ئەرسینال یێن ئنگلیزی ل یاریگەھا باکو یا ئولومپی ل وەلاتێ ئەزەربێجان بھێتەکرن .
ھەردو یانە دێ بزاڤێن مەزن کەن بوو دەستڤە ئینانا ناسناڤێ ڤێ قارەمانیێ کو ئەرسینال دو ئارمانج ھەنە ئەوژی برنا ناسناڤێ خوە یێ ئێکێ د قارەمانیا یورۆپا لیگ و ئارمانجا دوێ دەربازبوون بۆ قارەمانیا چامپیونیز لیگ ژبەرکو قارەمانا یورۆپا لیگ ئێکسەر دەربازی چامپیونیز لیگ بەت بەرامبەر یانا چێلسی ژی دێ بزاڤێ کەت بۆ برنا ناسناڤێ خوە یێ دوێ د مێژویا ڤێ قارەمانیێ دا پشتی شیای ل سالا ٢٠١٣ شیای ناسناڤی ب دەستخوڤە بینت.
راھێنەرێن ھەردو یانان بەری ڤێ یاریێ بەحس ل رەوشا تیمێن خوە کر بوو کو دەستپێکێ راھێنەرێ یانا ئەرسینال ئێمری ئونای دیارکر برنا قارەمانیا بوو ئەوان گرنگترە ژ دەربازبوونێ بوو قارەمانیا چامپیونیز لیگ .
ئێمری ئونای ئەوێ بەری نوکە ل گەل یانا سیڤلیا شیای سێ جاران ل دیڤ ئێک ناسناڤێ یورۆپا لیگ ب دەستخوڤە ببەت زێدەتر دیارکر ئەوی بوو یاریزانان دیارکریە برنا ڤێ قارەمانیێ بوو ئەوان گەلەک یا گرنگە و دەستڤە برنا قارەمانیەکا ئورۆپا بوو ئەوان دەستکەفتیەکا مەزنە.
ژلایێ خوڤە راھێنەرێ ئیتالی و یانا چێلسی ماوریسیو ساری دیارکر برنا ھەر قارەمانیەکا ئورۆپی ب دەستکەفتیەکا مەزن بوو دبینت و ئەوان ھەموو ھەڤرکی ب دووماھیی ئینانە و ئەوان پلێتا دەربازبوونێ ژی بۆ چامپیونیز لیگ مسوگەرکریە و گڤاشتن وەکو یانا ئەرسینال سەر نین ژبەرکو ھەڤرکا ئەوان بوو دو ئارمانجان دێ یاریێ کەن ئەوژی برنا قارەمانیێ و دەربازبوونێ بۆ چامپیونیز لیگ ژی .
زێدەتر ناڤبری دیارکر ئەوان بەرھەڤیێن باش کرینە بوو ڤێ یاریێ و ھەموو یاریزانێن ئەوان دێ بۆ ڤێ یاریێ ئامادەبن بتنێ کانتی نەبیت ئەو نەشێت پشکداری ل گەل ئەوان بکەت ل جھێ ئەوی دێ یاریزانێ کرواتی و یانا ریال مەدرید ئەوێ ب شێوەیێ خواستن نوکە ل چێلسی کەت کوڤاسێچ یاری کەت

ئەڤرۆ نیوز:
یانا مارسیلیا یا فرەنسی پشتی ل وەرزێ ئەڤ سالە نەشیای دەربازی قارەمانیێن ئورۆپی بیت کارگێریا وێ یانێ ھەڤبەستا راھێنەرێ خوە یێ بەری نوکە ھەلوەشاند و ل جھێ وی راھێنەرەکێ بەرنیاس یێ پورتوگالی دەست نیشانکر.
کارگێریا یانا مارسیلیا یا فرەنسی کو دھێتە ھژمارتن ئێک ژ بەرنیاسترین یانێن وی وەلاتی ب فەرمی گەھشتە رێککەفتنێ ل گەل راھێنەرێ پورتوگالی و یانا توتنھام و چێلسی و پورتو یێ بەری نوکە ئەندریە ڤیلاس بواش ئەوێ ل وەرزێ بوری ئەرکێ راھێنەریا یانا شنگھای یا چینی وەرگرتی .
بواش یێ ٤١ سالی بەری نوکە ئەرکێ راھێنەریا یانێن ئەکادمیکا و پورتو یێن پورتوگالی وەرگرتی یە دناڤبەرا سالێن ٢٠٠٩ ھەتا ٢٠١١ و پاش بەر ب خولا ئنگلتەرا چوویە و ل وەرزێ ٢٠١١- ٢٠١٢ ل گەل چێلسی و ٢٠١٢-٢٠١٣ ل گەل یانا توتنھام یا ئنگلیزی بوو ، و ل سالا ٢٠١٤ ھەتا ٢٠١٦ ل گەل یانا زنێت یا روسی بوو .

ئەڤرۆ نیوز:
دەنگوباسێ چوونا راھێنەرێ یانا بەرشەلۆنا بوویە جھێ مانشێتێن چەندین رۆژنامەیێن ئورۆپی ھەر ژ خوسارەتیا وێ یانێ ل گەل ڤالنسیا ل دووماھیا کاسا شاھێ ئیسپانیا .
رۆژناما مارکا دووماھیی دەنگوباس ل سەر رەوشا چوونا ڤالڤێردی ل گەل یانا بەرشەلۆنا بەلاڤەکریە و تێدا دیارکریە بەرپرسێن یانا بەرشەلۆنا بوو وەرزێ بھێت دێ پشت بەستنێ ل سەر راھێنەرێ خوە ڤالڤێردی کەت و ھزر ل ئینانا چ راھێنەرێن نوو نەکریە سەرەرای دەستدا قارەمانیا چامپیونیز لیگ و قارەمانیا شاھێ ئیسپانیا.

ھەردیسان وێ رۆژنامێ دیارکریە ژی جوسیب ماریا بارتومیو سەرۆکێ یانا بەرشەلۆنا ل گەل بەرپرسێن یانێ کومبوویە و بریارا دووماھیێ ئەوان دایە ل سەر مانا ڤالڤێردی بوو وەرزێ بھێت ژی .