ئەڤرۆ نیوز، نەوزاد ھلۆری:
لژێر چاڤدێریا پارێزگارێ دھۆکێ و ب ھەلکەفتا رۆژا جیھانیا ژینگەھێ، ئەڤرۆ فەرمانگەھا ژینگەھا دھۆک رابوو ب خەلاتکرنا 30 کرێکارێن کو بەردەوام ژینگەھا پارێزگەھا دھۆک دپارێزن، رێڤەبەرێ فەرمانگەھا ژینگەھا ناڤبری دیارکر کو رۆژانێن بھێت دێ کەرنەڤالەکا پایسکسواری ل زانکۆیا دھۆک ھێتەکرن.
محەمەد تاھیر بریفکانی، رێڤەبەرێ فەرمانگەھا ژینگەھا دھۆک بۆ ئەڤرۆ نیوز گۆت: (ئەڤرۆ نیڤرۆ ب ھەلکەفتا رۆژا جیھانیا ژینگەھێ و لژێر چاڤدێریا پارێزگارێ دھۆکێ، 30 کرێکار ژلایێ فەرمانگەھا ژینگەھا دھۆک ھاتنە خەلاتکرن کو بەردەوام گرنگیێ ب پاراستنا ژینگەھا کوردستان و دھۆکێ ددەن).
زێدەتر گۆت: (دچارچوڤێ خەلاتکرنا وان دا پتری 100 کوتر ل پارکا نەورۆز ھاتنە ئازادکرن وەکو ئاماژەیەک بو ئاشتەوایا جڤاکی و پاراستنا ژینگەھێ).
ناڤبری دیارکر ژی کو رۆژا دووشەمبی یا بھێت دێ دناڤا زانکویا دھۆک ب بەرھەڤبوونا یانا دھۆک و ھژمارەکا زور یا ماموستایێن زانکویێ و قوتابی و چالاکڤان و ژینگەپارێزان کەرنەڤالەکا تایبەت ب پایسکلسواری ھێتە ئەنجامدان و تێدا پتری 100 پایسکلسوار پشکداربن و زێدەتر گۆت: (رۆژا سێشەمبی ھەر ب ھەلکەفتا رۆژا جیھانیا ژینگەھێ، دێ پێشانگەھەکا بەروڤاژی ھێتە ڤەکرن ئانکو کەسەک گرنگیێ ب ژینگەھێ بدەت و دھەمان دەم دا کەسەکێ دن گرنگیێ ب ژینگەھێ نەدەن ھێتە ڤەکرن و پاشان 38 چالاکڤانێن ژینگەھی ھێتە خەلاتکرن).
ئه‌ڤرۆ نيوز:
سه‌ره‌راى گه‌فێن توركيا ل رۆژهه‌لاتا فورات، به‌لێ فه‌رماندێن هێزێن سوريا ديموكرات دووپات كر كو ئه‌و د ئاماده‌باشيێ دانه، هه‌ڤده‌م ئاماده‌نه دانوستاندنێ ل گه‌ل توركيا بكه‌ن.
د ڤێ ده‌ربارێ دا، سالح موسلم، به‌رپرسێ په‌يوه‌نديێن ديبلۆماسى يێن پارتيا ئێكه‌تيا ديموكرات (په‌يه‌ده) گۆت: “هه‌كه توركيا هزرا خوه نه‌گوهۆڕيت، چو گوهۆڕينه‌ك ل ده‌ڤه‌رێ روو ناده‌ت”.
گۆتژى: “توركيا وه‌لاته‌كێ داگيركه‌ره و بوويه گه‌ف ل سه‌ر سوريا، به‌لێ هه‌سه‌ده و هێزێن كوردى ب تيرۆرست ب ناڤ دبه‌ت، هه‌تا هزرا خوه نه‌گوهۆڕى ده‌رفه‌ت بۆ دانوستاندنێ ناهێته پێش”.
ئه‌ڤرۆ نيوز:
بڕياره شانده‌كێ پارتى ديموكراتى كوردستان سه‌ره‌دانا سلێمانيێ بكه‌ت و ل گه‌ل بزاڤا گۆڕان ده‌رباره‌ى زێده‌كرنا جێگره‌كێ دى بۆ سه‌رۆكێ هه‌رێما كوردستانێ كۆم ببيت.
هێمن شێخانى، ئه‌ندامێ جڤاتا نشتيمانى يا بزاڤا گۆڕان بۆ رووداو گۆت: “بڕياره ئه‌ڤرۆ رۆژا پێنجشه‌مبى 11ى نيسانا 2019 شانده‌كێ پارتى سه‌ره‌دانا گۆڕان بكات، بۆ دانوستاندنێ ده‌رباره‌ى دانانا جێگره‌كێ دى بۆ سه‌رۆكێ هه‌رێما كوردستانێ”.
ئه‌وى ئه‌ندامێ جڤاتا نشتيمانى يا گۆڕان گۆت: “سه‌ره‌دانا پارتى بۆ مه يا چاڤه‌رێنه‌كرى يه، چونكو مه رێكه‌فتن ل گه‌ل پارتى ئيمزا كريه و هه‌موو تشت د وێ رێكه‌فتنێ دا به‌حس كرينه، هه‌ردولا ژى د پابه‌ند بووين ب رێكه‌فتنا هاتيه راگه‌هاندن”.
زێده‌تر گۆت: “ئه‌م ل گه‌ل وێ چه‌ندێ نينن، ببينه رێگر ل هه‌مبه‌ر گيرۆبوونا كابينا نوو يا حوكمه‌تێ، به‌لێ پاشخستنا كۆمبوونا په‌رله‌مانى و سه‌ره‌دانا پارتى بۆ لايێ گۆڕان يا چاڤه‌رێنه‌كرى يه”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 11ى نيسانا 2019ێ ئەسمان دێ د ناڤبه‌ر ئه‌ور و ساهياتيێ دا بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان دێ د ناڤبه‌را ئه‌ور و ساهياتيێ دا بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 11 بۆ 22 پلان دا بن.
ئه‌ڤرۆ نيوز:
ميديايێن سودانێ به‌لاڤكريه كو سپێده‌هيا ئه‌ڤرۆ عومه‌ر به‌شير سه‌رۆكێ سودانێ ژ لايێ سۆپايێ وه‌لاتێ وان ڤه ژ پۆستێ وى دوور خست و گه‌شتا ژ ده‌رڤه‌ى وه‌لاتى لێ هاته قه‌ده‌غه‌كرن و هه‌ڤده‌م ژماره‌كا سه‌ركردێن سياسى و له‌شكرى يێن نێزيكى وى هاتنه ده‌سته‌سه‌ركرن.
ميديايێن وه‌لاتێ سودانێ ئاماژه ب وێ چه‌ندێ ژى كريه كو محه‌مه‌د تاهر، سه‌رۆك وه‌زيرێن سودانێ هاتيه ده‌سته‌سه‌ركرن.
ئەڤرۆ نیوز:
ژ بەر باران و لەهیان ئەڤرۆ ل پارێزگەهێن ئامەد و مێردین یێن باکورێ کوردستانێ لەهیێ زیان گەهاندنە مال و جهێن کاری یێن وەلاتیان.
ل باژێرێ کەربۆران یێ سەر ب پارێزگەها مێردینێ لەهیێ گەلەک زیان گەهاندنە جهێن کاری و مالێن وەلاتیان و ل باژێرێ فەرقین یێ سەر ب پارێزگەها ئامەدێ ژی ژ ئەنجاما لەهیان زیانێن مەزن گەهشتینە وەلاتیێن کورد و تیم هەوارهاتنێ ژی هاریکاریا وەلاتیان دکەن.
ئەڤرۆ نیوز، مەحمود نھێلی:
ب ھەلکەفتا دەربازبوونا ٣٠ سالان ل سەر شەھید بوونا سمکو ئامێدی رێ و رەسمەکێ ژھەژی ل سەنتەرێ ئامێدیێ یێ رەوشەنبیری و ب ئاماد بوونا خەلکێ دەڤەرێ و بەرپرسێن حزبی و حکومی و بنەمالا خودێ لێ رازی ل ١٠/٤/٢٠١٩ ب رێڤە چوو و تێدا ب تێرو تەسەلی باس ل زیرەکی و قارەمانیا شەھیدێ قارەمان ھاتە کرن.
مراد ئامێدی ئەندامێ سەنتەرێ ئامێدیێ یێ رەوشەنبیری بۆ ئەڤرۆ نیوز دیارکر، د ڤی رێ و رەسمی دا چەندین پەیڤ ھاتن خواندن زێدەباری خواندنا چەند پارچە ھەلبەستان ل سەر قارەمانی و زیرەکیا یا شەھیدێ ناڤبری و گۆت: بنەمالا شەھیدێ خودێ ژێ رازی دەست خوەشی و ب خێرھاتنا ئامادەبوویا کرن و ھیڤی خواستن کو شەھید سمکو و شەھیدێن مینا وی چ جار نەھێنە ژ بیر کرن و ببنە سەمبولەک بۆ ئازادیا گەلێن کوردستانێ.
شەھید ئسماعی ئیبراھیم ئامێدی یێ بەرنیاس ب سمکو ئامێدی ل سالا ١٩٥١ د خێزانەکا کورد پەروەر ھاتیە سەردنیایێ و ھەر ژ زارۆکینیا خوە حەزا پێشمەرگاتیێ و کورد پەروەریێ د سەری دا بوویە و ئێک بوویە ژ کادر و پێشمەرگەھیێن ھەرە قارەمان و پێشکەفتی یێ شورەشا گولانێ و دەرچویا پەیمانگەھا ماموستایان بوویە و ھەلبەستڤانەکێ زیرەک و ژێھاتی بوویە خوەدی دیوانەکا ھەلبەستان بوویە.
پشتی ئەنفالێن رەش ل ١٠/٤/١٩٨٩ ل گەل کومەکا پێشمەرگەھیێن دی بۆ چەند کار و ئەرکێن پێشمەرگاتیێ ل چیایێ مەتینی دەڤەرا ئامێدیێ دکەڤیتە بوسەیا جاش و لەشکەرێ عیراقێ دگەھیتە کاروانێ نەمران و شەھید دبیت.
ئەڤرۆ نیوز، عەلی حاجی :
زانکویا زاخۆ ب ھەڤکاری دگەل سەنتەرێ گەشەپێدان بۆ کاری دێ رابیت ب ئەنجامدانا فیستەڤالا سالانە بۆ قوتابیێن بەھرەمەند.
د ڤی دەبارەی دا دلین ئەدیب ، سەرپەرستا گشتی یا فیستەڤالێ بۆ ئەڤرۆ نیوز دیار کر سالانە ئەڤ فیستەڤالە دھێتە ئەنجام دان و ئەم بەرھەمێ وان قوتابیان وەردگرین یێ خودانێن بەھرەیەکا تایبەت د ھەمی بواراندا و پێخەمەتی وێ چەندێ زێدەتر باوەری بۆ قوتابی دروست ببیت و بشێت پشت بەستنێ ل سەر بەھرەیا خوە بکەت، ئەڤ فیستەڤالە ب ھاریکاریا زانکویا زاخۆ و وەزارەتا خواندنا بلند و قونسلخانا ئەمریکا و رێکخراوا ئایرێکس دێ ھێتە ئەنجام دان و بریارە ل رێکەڤتی ١/٥/٢٠١٩ دەست پێبکەت.
ناڤھاتی زێدەتر گوت : دێ ھەمی پروژە و بەھرەێن قوتابیان ھێنە وەرگرتن و ل دووڤرا دێ ھێنە نیشان دان و ئەم ژی دێ چەندین کومپانی و لایەنێن پەیوەندیدار داخازی فیستەڤالێ کەین دا کو ئەو ژی مفایی ژ بەھرەیا قوتابیان وەربگرن ژبەر کو ھندەک قوتابی ھەنە خودانێن بەھرەیەکا باشن و پێدڤی یە ژی مفا ژ وان بھێتە وەرگرتن.
نيشاندان