ئەڤرۆ نیوز:
ئیبراهیم برۆ بەرپرسێ لیژنا پەیوەندیێن دەرڤە یا ئەنجوومەنێ نشتیمانی یێ کوردی ل سووریێ (ئەنەکەسە) راگەهاند کو پشتی تورکیا هێرشی عەفرینێ کری پەیوەندیێن مە وەکو ئەنەکەسە ل گەل تورکیا لاواز بووینە و نها باش نینن.
ناڤهاتی راگەهاند کو گرۆپێن سەر ب تورکیا رۆژانە ل عەفرینێ زۆرداریێ ل کوردان دکەن و وەکو هەلویستەک ل هەمبەر هندێ ژی پەیوەندیێن مە ل گەل تورکیا نها لاواز بووینە و وەکو بەرێ نینن.
ئەڤرۆ نیوز:
بەرپرسەکێ وەزارەتا نافخویا ھەرێما کوردستانێ دیارکر ئەو دێ تاقیکرنێن پلە بلندکرنا ئەفسەران یێن ب سەر وەزارەتا وان ڤە ب شێوێ ئەلکترونی ئەنجام دەت و نوکە مژوولی ئەمادەکاریێن ڤێ چەندێ نە.
زێدەتر د. سامی جەلال رێڤەبەرێ گشتی یێ دیوانا وەزارەتا نافخویا ھەرێمێ دیارکر بەر ب سیستەمێ ئەلکترونی و پەیرەوکرنا ڤی سیستەمی ل حوکمەتا ھەرێمێ و کێمکرنا رووتینیاتا ل داموزدەزگایێن حوکمەتێ بریار ھاتیە دان سەرجەم تاقیکرنێن پلە بلندکرنا ئەفسەرێن وەزارەتا نافخو ب سیستەمێ ئەلکترونی بیت.
ئەو چەندە ژی دیارکر کو سیستەمێ بەری نوکە یێ کلاسیک بوو، و پەیرەوکرنا سیستەمێ نوو یێ ئەلکترونی دێ دەمەکێ باش دێ بۆ وان ڤەگەرینت ژ بەرکو ئێکسەر پشتی ب دووماھی ھاتنا تاقیکرنێ دێ ئەنجام ھێنە دیارکرن ژ بلی ڤێ چەندێ ھەر ئەفسەرەک دێ ٢٠٠٠ پرسیاران ب شێوازێ ھەلبژارتن بۆ ھاتینە ئامادەکرن کو دێ شیان و زیرەکیا وان ژی پێشخیت.
ئەڤرۆ نیوز:
ل گۆر راپۆرتەکا رۆژناما وول ستریت جۆرنال وەلاتێن ئێکەتیا ئورۆپا و هندەک وەلاتێن عەرەبی بەردەوامن دا چو شەر د ناڤبەرا ئەمریکا و ئیرانێ دا روو نەدەت، چونکو ل گۆر باوەریا وان هەکە شەرەک روو بدەت دێ بیتە ئەگەرێ وێرانبوونا گەلەک وەلاتێن دی یێن رۆژهەلاتا ناڤین.
د پشکەکا دی یا راپۆرتێ دا بەحسێ هندێ ژی هاتیە کرن کو وەلاتێن ئورۆپا ژ هندێ دترسن هەکە شەرەک روو بدەت دێ ب ملیۆنان وەلاتی بەرێ خوە بدەنە ئورۆپا و ئەو یەک دێ بیتە ئەگەرێ کارەساتەکا دی یا مەزن و ئورۆپی نەشێن پێشوازیێ ل وان پەنابەران بکەن.
ئەڤرۆ نیوز:
پشتی کو پارێزەرێن ئۆجەلانی پەیاما وی ل دۆر ب دووماهی هاتنا مانگرتنا گرتیێن کورد یێن ل زیندانا تورکیا بەلاڤکرن، هەر ئەڤرۆکە لەیلا گۆڤەن ب رێیا پەیامەکێ راگەهاند کو وان دووماهی ب مانگرتنا خوە ئیناینە چونکو چالاکیا وان گەهشتیە ئارمانجا خوە.
هەژی ئاماژەپێدانێ یە کو ب سەدان گرتیێن کورد و چالاکڤانێن کورد ل تورکیا دەست ب مانگرتنا ژ خوارنێ کربوون و ل سەر داخوازا ئۆجەلانی ئەڤرۆکە چالاکیا وان ب دووماهی هات.
ئەڤرۆ نیوز، رێوار مزیری:
بەرپرسا پشکا راگەھاندنێ ل رێڤەبەریا گشتی یا رەوشەنبیری و ھونەری ل دھۆکێ بۆ ئەڤرۆ نیوز دیار کر کو کەرنەڤالێ رۆژا پارێزگەھبوونا دھۆکێ دێ ل پشتی جەژنا رەمەزانا پیرۆز ھێتە گێڕان، بەلێ سوبەھی رۆژا ٢٧/٥/٢٠١٩ێ ل دەمژمێر ٥:٠٠ ئێڤاری دێ روونشتنەکا ڤەکری ب ھەلکەفتا رۆژا پارێزگەھبوونا دھۆکێ ل ھۆلا کۆنفرانسان ھێتە ئەنجامدان.
ئاواز نھێلی، بەرپرسا پشکا راگەھاندنێ ل رێڤەبەریا گشتی یا رەوشەنبیری و ھونەری ل دھۆکێ ئاشکرا کر کو بۆ دەمێ چەندین سالان بۆ کەرنەڤالێ رۆژا پارێزگەھبوونا دھۆکێ ل رۆژا ٢٧/٥ دھاتە گێڕان، بەلێ ژ بەر کو ئەڤ رۆژە د ئەڤ سالە دا کەفتە د ھەیڤا رەمەزانا پیرۆز دا بڕیار ھاتەدان بھێتە پاشخستن و ل رۆژێن ١٢ و ١٣/٦/٢٠١٩ێ کەرنەڤالێ رۆژا پارێزگەھبوونا دھۆکێ بھێتە گێڕان.
ناڤھاتیێ ئاماژە دا وێ چەندێ کو ب ھەلکەفتا رۆژا پارێزگەھبوونا دھۆکێ سوبەھی رۆژا ٢٧/٥/٢٠١٩ێ ل دەمژمێر ٥:٠٠ ئێڤاری دێ روونشتنەکا ڤەکری ل دۆر دیرۆکا پارێزگەھبوونا دھۆکێ ژ لایێ مامۆستایێن زانکۆیێ و دیرۆک نڤیسان ڤە ل ھۆلا کۆنفرانسان ل زانکۆیا دھۆک ھێتە ئەنجامدان.
ئەڤرۆ نیوز:
سەرۆکێ یانا بەرشەلۆنا ماریا بارتومیو پشتی خوسارەتیا شەڤا بوری ژ دووماھیا کاسا شاھێ ئیسپانیا بەرامبەر یانا ڤالنسیا د داخویانیەکێ دا بۆ رۆژناما موندو دیپورتیڤو یا کەتەلونی دیارکر دەستپێکێ پێدڤی یە پیروزباھی ل یانا ڤالنسیا بکەن ژبەرکو ئەوان ئاستەکێ بلند پێشکێشکر و ھەردیسان سوپاس بوو جەماوەرێ یانێ ئەوێن ھاتینە یاریگەھێ و پشتەڤانیا یانێ کری ل باژێرێ سیڤیلیا و راستە ئەوان ناسناڤ ژ دەستدا لێ یاریزانێن ئەوان ھەموو بزاڤکرن ھەتا دووماھیی چرکە لێ نەشیان ناسناڤی ب دەستخوڤە بینن و ئەڤە یاریا تەپا پێ یە سەرکەفتن و خوسارەتی ھەیە.
ناڤبری سەبارەت مانا راھێنەرێ یانێ ڤالڤێردی سەرۆکێ بەرشەلۆنا دیارکر ئەوی ھەڤبەست ل گەل یانێ ھەیە بوو وەرزێ بھێت ژی و ئەو دێ یێ بەردەوام بیت ل گەل یانێ و نابینت ئەگەرێ خوسارەتیا بەرامبەر ڤالنسیا راھێنەر یانێ بوو.
ئەڤرۆ نیوز:
راپورتێن رۆژنامەڤانی ل برێتانیا وەسا دیاردکەن پشتی یاریا دووماھیا کاسا یورۆپا لیگ یانا چێلسی راھێنەرێ خوە ب گوھوریت ل جھێ وی راھێنەرەکێ دی دەست نیشان بکەن.
رۆژناما زەسەن یا برێتانی دیارکریە کارگێریا یانا چێلسی ھزر ل گوھورینا راھێنەرێ خوە یێ ئیتالی ماوریسیو ساری دایە پشتی ب دووماھیی ھاتنا یاریا دووماھیا قارەمانیا یورۆپا لیگ ھەکە ئەو یانە ناسناڤی ژی ب دەستخوڤە بین ئەو دێ وی راھێنەری گوھورن .
ئەوێ رۆژنامێ ئاشکراکریە ژی بھێزترین بەربژار بوو وەرگرتنا پوستێ راھێنەریا یانا چێلسی بوو وەرزێ بھێت راھێنەرێ ئیسپانی و یانا ریال مەدرید گولین لوپیتیجی ئەوێ ل دەستپێکا وەرزێ ئەڤ سالە پوستێ راھێنەریا یانا مەلەکی وەرگرتی و پاش پشتی خوسارەتیا ل گەل بەرشەلۆنا پێنچ گولان بەرامبەر گولەکێ ھاتیە دورخستن و ھەتا نوکە پوستێ چ یانان نە وەرگرتی یە .
ئەڤرۆ نیوز:
راھێنەرێ یانا ڤالنسیا مارسیلینو گارسیا کەیفخوشحالیا خوە دەربری پشتی شیای ل شەڤا بوری ل سەر کیستێ یانا بەرشەلۆنا بیتە قارەمانا کاسا شاھێی ئیسپانیا پشتی ب سەرکەفتی ب دو گولان بەرامبەر گولەکێ زێدەتر وی راھێنەری بوو دەزگەھێن راگەھاندنا ئیسپانی دیارکر سوپاس بوو یاریزانێن یانێ و ستاڤێ ل گەل ئەوی دا ئەو شیان ناسناڤێ کاسا شاھێ ئیسپانیا ب دەستخوڤە بینن و ئەڤە دبیتە ناسناڤێ ئێکێ د مێژویا وی دا و نوکە ئەو ھەست ب وێ چەندێ دکەت کو ئەو کەیفخوشترین کەسە ل دونیایێ .
زێدەتر ناڤبری دیارکر ژی سەرکەفتن ل سەر یانەکا بەرشەلۆنا و ل یاریا دووماھیا قارەمانیێ نابینت کارەکێ ب سانەھی یە لێ سوپاس بوو ھەموو یاریزانان شیان ئاستەکێ بلند پێشکێش بکەن و ب گیانەکێ مەزن یاری کر ھەتا دووماھیی چرکا یاریێ .
ئەڤرۆ نیوز، نەوزاد ھلۆری:
ب بەرھەڤبوونا ھژمارەکا دام و دەزگەھێن میری و حزبی و پێشمەرگێن شورەشا گولانێ، 43 سالیا شورەشا گولانێ ب چەند چالاکیان ل ناحیا سەرسنک یا سەر ب قەزا ئامێدیی َھاتە ساخکرن.
عەونی ئەرتیشی، ژ راگەھاندنا لقێ 18ێ پارتی دیموکراتی کوردستان بۆ ئەڤرۆ نیوز گۆت: (ئەڤرۆ ب ھەلکەفتا شورەشا گولانا پێشکەفتن خواز، ھژمارەکا بەرپرسێن رێکخراوێن شورەشا گولانێ ل سنوورێ لقێ 18ێ یا پارتی کو ئەو ژی نێزیکێ 70 پێشمەرگەیان بوون).
زێدەتر گۆت: (شورەشا گولانێ ئێکە ژ وان شورەشێن ھەری ب ھێز ل کوردستانێ کو رولەکێ بەرچاڤ ھەبویە د نەھێلانا دوژمنی بو سەر کوردستانێ و دەستڤەئینانا چەندین دەستکەفتان ھەتاکو کوردستان گەھشتیە قوناغا نوکە)
نيشاندان