ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 134.000 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
كچا سه‌رۆكێ به‌رێ يێ عيراقێ به‌حس ل ده‌نگوباسێ وه‌غه‌ركرنا دايكا خوه دكه‌ت و دده‌ته دياركرن كو ساخله‌ميا وى نها يا باشه.
ره‌غه‌د سه‌دام حسێن كچا سه‌رۆكێ به‌رێترێ يا رژێما به‌عس ل عيراقێ راگه‌هاند كو ده‌نگوباسێ وه‌غه‌ركرنا “ساجيدا خه‌يرۆلا” يا دايكا وى يا دووره ژ راستيێ، به‌لكو ساخله‌ميا وێ يا باشه.
ساجيدا ژ دايكبوويا سالا 1937 يا تكريتێ يه و ل ده‌سپێكێ مامۆستا بوويه و پاشان ژى ژيانا هه‌ڤژينيێ ل گه‌ل سه‌دام حسێن پێكئينايه، برايێ وێ “عه‌دنان خه‌يرۆلا تولفاح” وه‌زيرێ به‌ره‌ڤانيێ بوو.
ئه‌ڤرۆ نيوز:
ئەڤە بۆ دەمێ چەند رۆژانە پێلەکادیا تەعریبێ دەڤەرێن کوردستانی یێن دەرڤەی ئیدارەیا حوکمەتا ھەرێما کوردستانێ ڤەگرتیە و ل ھەموو لایەکی زۆلمەکا زۆر یا لسەر وەلاتیێن کورد ھەتا گەھشتیە رادەیەکی بەرھەمێ گەنمێ جووتیارێن کورد بەری بھێتە دوورین دھێتە سووتن بەرپرسەکێ پارتی ژی دبێژیت ب رۆژا رۆناھی غەدر ل وەلاتیێن کورد دھێتەکرن.
برۆسک تەحسین شاوێس، بەرپرسێ ناوچا لەیلان یا پارتی بۆ رۆژناما ئەڤرۆ دیارکر” ل سنورێ کەرکووک و دەوروبەرا ھەتا دگەھیتە سنورێ مە ناحیا لەیلان مەترسیێن مەزن لسەر وەلاتیێن کورد ھەنە، چونکە ھەر پشتی روویدانێن 16ی ئۆکتۆبەرێ و نەمانا دەستھەلاتا کوردان عەرەبێن دەڤەرێ زۆریێ ل وەلاتیێن کورد دکەن و حوکمەتژی یا ھاریکارە، بۆ نموونە ل سالێن حەفتیا گرێبەستێن جووتیارێن کورد بناڤێ ھژمارەک عەرەبێن شۆڤێنی ھاتینە کرن و گورەی مادێ 140 یێ دستوورێ عیراقێ ئەف گرێبەست ھاتینە ھەلوەشاندن و ئەردێ کوردان بۆ ڤەگەڕیایە، کو ئەڤە یێ دنیا ھەی ئەو کورد لسەر ئەڤی ئەردی دژین، بەلێ مخابن نوکە ئەو عەرەبێن شۆڤێنی یێن سەردەمێ بەعسیان ب زۆر ئەردێ مە داگیر دکر ڤەگەڕیاینە دەڤەرێ و گەفان ل جووتیارێن کورد دکەن، ھەتا ئەردێ کوردان داگیر بکەن، راستە ئەف وەلاتیێن عەرەب ھێشتا ب مالڤە نەڤەگەڕیاینە دەڤەرێن کوردی، بەلێ یێ سەرەدانا دەڤەرێ دکەن و دچنە فەرمانگەھێن حوکمەتێ بۆڤێ چەندێ بەھانەیەکێ پەیدابکەن بۆ داگیرکرنا ئەردێ کوردان، ب کورتی گەفێن مەزن لسەر خەلکێ دەوروبەرێ کەرکووکێ ھەنە.
برۆسک تەحسین شاوێس ئاماژەکر” تنێ ل سنورێ باژێڕکێ لەیلان ددەمێ نوکەدا گەفێن داگیرکرنا 10 گوند و پشکەکێ سەنتەرێ ناحیێ دھێتەکرن، کو ب ھزاران دۆنەمێن ئەردی پێکھاتیە و ھەمووژی ب بەلگەڤە ئەردێ کوردانە، ھەگەر بھێت و ل بەغدا چارەسەریەک بۆ ئەڤێ پێلا داگیرکرنێ نەھێتەکرن ئەڤە دێ دەڤەرێن کەڤنە ددەستێ عەرەبێن شۆڤێنی دا، ھەتا جڤاتا پارێزگەھا کەرکووکێ چو ھەلویست نینە ھەمبەر ئەڤان روویدانێن نوکە ھەی، ئەم نوزانین بۆچی ئیدارەیا پارێزگەھا کەرکووکێ گرێبەستێن عەرەبێن داگیر کەر ھەلناوەشینیت، چونکە ھژمارەکا زۆرا خانیێن کوردان ھێشتا بناڤێ وەلاتیێن عەرەبن و د ئەسلدا یێن کوردانە و پشتی پڕۆسا ئازادیا عیراقێ کورد چووینە ناڤا خانیێن خوە.
ئه‌ڤرۆ نیوز:
نڤیسینگه‌ها رۆژنامه‌ڤانى یا نه‌جمه‌دین كه‌ریم د رۆهنكرنه‌كێ دا، ده‌نگوباسه‌كێ چه‌ند ده‌زگه‌هێن راگه‌هاندنێ ل دۆر ده‌سته‌سه‌ركرنا وى ل لوبنانێ ره‌تكر.
د وێ رۆهنكرنا نڤیسینگه‌ها نه‌جمه‌دین كه‌ریم دا هاتیه” جاره‌كا دى چه‌ند كه‌نالێن راگه‌هاندنێ وه‌كو پێشا به‌رده‌وام یا وان ودوور ژ پرنسیب وئه‌ته‌كێتێن كارێ رۆنامه‌ڤانى، ده‌گوباسه‌كێ نه‌ره‌وا به‌لاڤكر كو نه‌جمه‌دین كه‌ریم ل ده‌مێ گه‌شتكرنێ بۆ وه‌لاتێ لوبنانێ، ل فرۆكخانان به‌یرۆت یا نێڤده‌وله‌تى هاتیه ده‌سته‌سه‌ركرن”.
زێده‌تر دیاركر” بۆ هه‌موو وه‌لاتیێن كوردستانێ وب تایبه‌ت یێن كه‌ركووكێ رادگه‌هینین كو ئه‌و ده‌نگوباسه یێ راست نینه ونه‌جمه‌دین كه‌ریم بۆ كارێ ئاسایى ودبلوماسى یێ خوه چوویه ده‌رڤه‌ى وه‌لاتى ول هه‌فتیا داهاتى دێ زڤریت هه‌رێما كوردستانێ وب پێدڤى دزانین به‌رچاڤ بكه‌ین كو دروستكرنا ڤان جۆره ده‌نگوباسان بۆ هه‌لخه‌لتاندنا وه‌لاتیانه وهه‌روه‌سا بۆ دوورخستنا رایا گشتى یه ژ وان كێشه وگرفتێن نوكه ل پارێزگه‌ها كه‌ركووكێ هه‌ین”.
ئەڤرۆ نیوز ،بارزان مزووری:
د رێورەسمەكێ دا ئەڤرۆ سێشه‌مبى 21/5/2019 ناوەندا وەرزش و لاوێن شێخان پەرتوكا بناڤێ”جەروانە كەڤنترین بەنداڤ ل جیهانێ” یا نڤیسەرۆ شوونوارناس”محەمەد عارف تاتار ” ل هولا ناوەندێ هاته ئیمزاكرن وئەڤ پەرتوكە دێ بیتە پرۆژەیەك بۆ حكومەتێ.
محەمەد عارف تاتار، بۆ ئەڤرۆ نیوز گوت: بەنداڤا جروانا ئێكە ژ وان جهێن شینواری یێن كەڤنار كو دكەڤیتە رۆژهەلاتا باژێرێ شێخان ب دووراتیا 5 كیلومەتران دزڤریت بۆ سەردەمێ “ئیمبراتوریەتا ئاشوری سالێن( 704ـــ 681 پ ز) كو پاشایێ ئاشوری سەنحاریب ئاڤ كێشایە ل كانیێن كوردستانێ بۆ پایتەختێ دەولەتا ئاشوری ل مووسل ئەڤ بەنداڤە دروست كریە ب مەرەما كومكرنا ئاڤێ و گەلەك كارێن دی نێزیك 2 ملیون پارچێن بەری لێ بكارئینایە بۆ دروستكرنا بەنداڤێ و چەندین نەخشە و نڤیسین ل سەر هاتینە نڤیسین .
دیاركر كو بەنداڤا “جەروانا” گەلەك دەولەتێن بیانی و زانكویێن بیانی ژوانا زانكویا ئودنی یا ئیتالی دناڤ پەرتوكەكا وان دا وەك وانەیەكێ دهێت گوتن ڤەكولین و گەنگەشە ژی ل سەر دهێت كرن ژبەر دیاربونا دیروكا دروست یا بەنداڤا جروانا چونكو دیروكا ڤی جەروانی ، ئەو ڤەكولینا ل سەر دهات كرن ژلایێ زانكویا ئەودیی ئیتالی و شیكاغولیا ئه‌مریكى ،ئەڤ بەنداڤە كەڤنترین بەنداڤە ل جیهانێ هاتیە توماركرن.
خویاكر ژى، بۆ ئێكەم جارە پەرتوكەك بناڤێ “جەروانا كەڤنترین بەنداڤ ل جیهانێ” دهێتە دروست كرن ب زمانێ كوردی، ئەڤ پەرتوكە وەكو پرۆژەیەك دێ پێشكێش كەین بۆ حوكمه‌تا هەرێما كوردستانێ كۆ زێدەتر گرنگی دان ب كەرتێ شوونوارى بهێته دان تایبەت و ڤێ بەنداڤێ سەخبێری لێ بهێت كرن.
ئه‌ڤرۆ نیوز:
وه‌زیرێ ده‌رڤه‌یێ بریتانیا ئاشكراكر د ده‌مێ 15 سالێن بۆرى دا هژمارا مه‌سیحیێن عیراقێ ژ ملیۆن و500 هزار كه‌سان یێن بووینه 120 هزار كه‌س.
جێرێمى هه‌نت، وه‌زیرێ ده‌رڤه‌یێ بریتانیا ل ئۆفیسا خوه ل له‌نده‌ن پێشوازى ل قه‌شه به‌شار وه‌رده كه‌سایه‌تیێ كاتولیكى وپێكهاتێ كلدانان كر.
هه‌نت د به‌رپه‌رێ خوه یێ تویته‌رى به‌لاڤكر” هزاران كه‌س ژ ئه‌گه‌رێ هێرش وته‌قینێن داعشێ نه‌چاربوون مشه‌خت ببن وولاتێ خوه بجه بهێلن”.
گۆت ژى” هژمارا مه‌سیحیێن عیراقێ ل سالا 2003 هه‌تا نوكه ژ ملیۆن و500 هزار كه‌سان بۆ 120 هزار كه‌سان یێن كێمبووین”.
ئه‌ڤرۆ نيوز:
باژێرێ (كۆخ بازار) ل به‌نگلادێش بوويه مالا نێزيكى مليۆن په‌نابه‌رێن بۆرمى كو ژ ئه‌گه‌رێ توندوتيژيێ وه‌لاتێ ميانمار بجه هێلايه ومشه‌ختى وه‌لاتێ به‌نگلادێش بووينه.
تيمه‌كێ ده‌زگه‌هێ خێرخوازيێ بارزانى ب مه‌ره‌ما هه‌لسه‌نگاندنا ره‌وشا په‌نابه‌ران سه‌ره‌دانا وه‌لاتێ به‌نگلادێش كر، د دووڤچوونه‌كێ دا كێشه وگرفتێن په‌نابه‌رێن موسلمانێن بۆرما ل ناڤ كه‌مپا كوتويالونگى ل باژێرێ كوخ بازار ل به‌نگلادێش هاتنه دياركرن وبريار هاته دان بنگه‌هه‌كێ ساخله‌مى ل كه‌مپا ناڤبرى بهێته ڤه‌كرن.
كێشه‌يا ساخله‌ميێ ل كه‌مپا كوتويالونگ مه‌ترسى ل سه‌ر ژيانا 700 هزار په‌نابه‌رێن ئاكنجىيێن وێ كه‌مپێ دروست كريه، ئه‌ڤ بنگه‌هێ ساخله‌مى ژ لايێ ده‌زگه‌هێ خێرخوازيێ بارزانى ورێكخراوا مێد گلوبال بۆ په‌نابه‌ران ل وێ كه‌مپێ دێ هێته ڤه‌كرن.
ل ڤى بنگه‌هى پشكنين وچاره‌سه‌ريا نوشدارى دێ پێشكێشى په‌نابه‌ران هێته كرن وبزاڤ دێ هێنه كرن ژ روويێ ساخله‌ميێ وئاسايشێ ڤه ژيانا په‌نابه‌ران گره‌نتيا زێده‌تر بۆ هه‌بيت.
هه‌ر د چارچۆڤێ پرۆژێن ده‌زگه‌هێ خێرخوازيێ بارزانى بۆ خزمه‌تكرنا په‌نابه‌رێن بۆرما ل به‌نگلادێش، خوارنا فتارێ ژ لايێ تيمێن ده‌زگه‌هێ خێرخوازىێ بارزانى پێشكێشى پشكه‌كا په‌نابه‌ران هاته كرن.
ئەڤرۆ نیوز، نەوزاد هلۆری:
نانێ تەنیرێ ئێکە ژ نانێن کوردەوای کو ل پتريا گوند و دەڤەرێن کوردستانێ دهێتە پاتن، نوکە کو رەمەزانە، خەلکێ گوندان هەموو ئیڤاران نانێ تەنیرێ دپێژن ژبەرکو تامەکا تایبەت هەیە و ساخلەمە. گوندێ (خاستو ژووری) ژی ئێکە ژ وان گوندێن سنوورێ ناحیا شێلادزێ کو نانێ تەنیرێ ژلایێ کابانین مالێ دهێتە دروستكرن.
ئەڤرۆ نیوز ، زنار تۆڤی:
وەسا بریارە ئەڤ شەڤە فلمێ دکیومێنتاری روو ب روو بوونا مرنێ ب کەتەری یێ دەرهێنەر (سەروەر عەبدوللا) ل هۆلا رێڤەبەریا رەوشەنبیری و هونەری ل سێمێلێ بهێتە نیشاندان.
دەرهێنەرێ فلمێ کیومێنتاری روو ب روو بوونا مرنێ ب کەتەری ب کەتەری سەروەر عەبدوللا بۆ ئەڤرۆ نیوز گۆت: ئەڤە ئێکەم جارە ئەڤ فلمە ل دەڤەرا بەهدینان د هێتە نیشاندان، کو ئەڤ فلمە یێ ئەندازەیا سەربازی یا پێشمەرگەیە، کو هەموو قارەمان و پشکدارێن ڤی فلمی ئەفسەر و پێشمەرگێن سەر ب کەتیبەیا ناڤبری ڤەنە، ماوێ فلمی (45) خولەکن، ل پرانیا میحوەرێن شەری د ماوەیێ دو سال و نیڤا دا هاتیە وێنەکرن، هەروەسا د دەمێ وێنەکرنێ دا بمخابنیڤە سێ ژ قارەمانێن فلمی شەهید دبن، و ئێك ژی بریندار دبیت دبیتە پەککەفتی، فلم ب گشتی کورتیەکە ل سەر قارەمانی و لێهاتی و گیان فیداییا پێشمەرگێن کوردستانێ، ل شەرێ دژی تیرورستێن داعش، کارێ ڤێ تیمێ راکرن و ژناڤبرنا بومب و مینێن داعشێ یە، ئەڤ فلمە وان ئاستەنگ و زەحمەت و مەترسیێن دکەڤنە درێیا ڤێ تیمێ دا ددەتە دیار کرن.
دەرهێنەرێ ڤی فلمی دبێژیت ژی: هەرچەندە کارەکێ گەلەک مەترسیدار بوو و گەلەک ئاستەنگ هەبوون بۆ چێکرنا فلمەکی دناڤا بومب و مینا دا و دناڤ تەکتیکێن داعشێ یێن سەردەم دا، بەلێ ئەز یێ رژد بووم ڤی فلمی بەرهەم بینم و تمام بکەم و هەمی وان روووب روو بوونێن ل گەل مرنێ ب چەند کەل و پەلێن سادە مینا کەتەر و شەفرە و چەقویا دڤی فلمی دا دکیومێنت بکەم و نیشا جیهانێ بدەم، هەتا نوکە ئەڤ فلمە ل چەندین ولاتێن جیهانی هاتیە نیشاندان، هەروەسا هەتا نوکە 16 خەلاتێن نێڤدەولەتی وەرگرتینە.
نيشاندان