ئەڤرۆ نیوز، عەلی حاجی :
دداخۆیانیەکێ رێڤەبەرێ چاندنێ ل زاخۆ بۆ ئەڤرۆ نیوز دیار کر رێژەیا چاندنا برنج و پتاتان ل زاخۆ ئەڤسالە ژ سالا بوری زێدەتر بوویە و زێدەتری ٩٥% بازارێ ناڤخویی پێدڤی ب ئینانا پتاتێن دەرڤە ناکەت ژ بەر کو رێژەیا پێدڤی یا پتاتان ھاتیە چاندن.
ئەحمەد سامی زێدەتر گوت : (رێژەیا چاندنا برنجی دئەڤسالە دا ب شێوەیەکێ بەرچاڤ زێدەتر ژ سالا بوری ھاتیە چاندن و بتنێ دئەڤسالە دا ل سنورێ دەڤەرا زاخۆ ١٠٠ ھەتا ١٢٠ دونەمێن عەردی ب برنجێ ھاتینە چاندن و ھەتا رادەیەکێ ژی دێ خاستەکێ ناڤخویی ل سەر برنجێ ھاتیە چاندن زێدە کەت، ھەر دیسان ژی دئەڤسالە دا زێدەتری ھزار و حەفت سەد دونەمان ل سنورێ دەڤەرا مە ھاتینە چاندن و ئەڤ رێژەیا چاندنا بەرھەمێ پتاتان دێ ٩٥% ئینانا پتاتان ژ دەرڤەی کوردستانێ کێم کەت و مە پێدڤی ب ئینانا پتاتان نابیت بۆ ژ دەرڤەی کوردستانێ و زێدەباری وێ چەندێ ژی پشکەکا وان پتاتان ژی ژلایێ جوتیاران ڤە دھێتە عەمبار کرن ).
ئەڤرۆ نیوز:
ژێدەرەک ژ پارتی دیموکراتی کوردستان راگەهاند کو ل گەل ئێکەتیێ بۆ پێکئینانا کابینا نوو یا حوکمەتێ رێککەفتینە و دێ ئێکەتی ئەڤرۆکە پشکداریێ د کۆمبوونا پەرلەمانی دا کەت کو تایبەتە ل دۆر قانوونا کاراکرنا سەرۆکاتیا هەرێما کوردستانێ.
ل ئالیێ دی لەتیف شێخ عومەر پەیڤدارێ ئێکەتیێ ژی راگەهاند کو ل دۆر پێشنیازا دووماهیێ یا پارتیێ ئەم نها د کۆمبوونێ داینە و ئەنجامێ کۆمبوونێ ژی دلخوەشکەرن.
ئەڤرۆ نیوز ، عەلی حاجی:
د داخویانیەکێ دا رێڤەبەرێ گەشەپێدانا جڤاکی ل زاخۆ بۆ ئەڤرۆ نیوز دیارکر سەرەرای ھەبونا دو سەنتەرێن ئەھلی تایبەت ب نەخوەشیا ئوتیزمێ ڤە ، لێَ پێدڤی ب ڤەکرنا سەنتەرەکێ حوکومی یێ تایبەتە.
زێدەتر ئەحمەد محەمەدی گوت: ئامارەکا ل بەر دەست د نوکە دا ٧٤ کەس توشبویێن ب نەخوشیا توتیزمێ ل رێڤەبەریا مە ھاتینە تومار کرن لێ رێژەیەکا زێدەتر یا توشبویان ب ڤی نەخوەشیێ ھەیە و لەورا دنوکە دا باژێرێ زاخۆ پێدڤی یەکا زور ب ڤەکرنا سەنتەرەکێ حکومی بو توشبوێن ڤێ نەخوەشیێ ھەیە ، قەیرانا دارایی کارتێکرنا خوە ھەبویە ل سەر نەڤەکرنا سەنتەرەکێ و ھەر دیسان ئەم چاڤەرێ نە باژێرڤانیا زاخۆ ئەردەکێ دابین بکەت بو ئاڤاکرنا سەنتەرەکێ ب ڤی رەنگی.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ پێشوازیا شانده‌كێ ده‌زگایێ KSA یێ ئه‌لمانی ب سه‌روكاتیا گریگور جیك سه‌روكێ ده‌زگایێ نافبری ل سوریێ و ئێراقێ كر.
د هه‌ڤدیتنه‌كێ دا به‌حسێ ره‌وشا ده‌ڤه‌رێ ژ هه‌می لایه‌كی ڤه هاته كرن و تایبه‌ت ره‌وش و سه‌روبه‌رێ ئاواره و په‌نابه‌را ل كه‌مپێن سنورێ پارێزگه‌ها دهوكێ هه‌روه‌سا داكوكی ل سه‌ر پتر موكم كرنا هه‌فاكریێ دنافبه‌را ده‌زگایێ نافبری و حكومه‌تا هه‌رێمێ دا هاته كرن ,پارێزگه‌رێ دهوكێ به‌رهه‌ڤیا كارگێریا پارێزگه‌هێ بو هه‌ر هاریكاری و هه‌فكاریه‌كا پێدڤی دوپاتكر و ده‌ست خوشی ل ده‌زگایێ KSA كر هه‌مبه‌ر ئه‌و كار وخزمه‌تێن ئه‌نجامده‌ن .
ژلایێ خوڤه شاندێ ده‌زگایێ نافبری ده‌ست خوشی ل كارگێریا پارێزگه‌هێ و جه‌نابێ پارێزگه‌ری كر بو وی كارێ ژ هه‌ژی یێ بو خزمه‌تكرنا ئاواره و په‌نابه‌را ل سالێن بوری ئه‌نجام دای .
هه‌ژی گوتنێ یه ده‌زگایێ نافبری سه‌ره‌دانا چه‌ندین ئاوارا و كه‌مپێن ئاوارا كر بو زانیبا ره‌وش و سه‌روبه‌ر و پێڤدیێن وان .
ئه‌ڤرۆ نیوز:
پشتی سستبونا قه‌یرانا دارایی یا هه‌رێما كه‌ردستانێ حكومه‌تا هه‌رێمێ ده‌ست ب به‌لافكرنا قه‌رێن به‌لێنده‌رێن هه‌رێمێ كر ئه‌وێن دوه‌ختی دا پروژه بجهئیناین و پارێ وان پروژا مای قه‌ر ل ده‌ف حكومه‌تێ.
د داخویانیه‌كێ دا ئوسمان یونس جێگرێ پارێزگه‌رێ دهوكێ بو كاروبارێن ته‌كنیكی دیار كو پشتی كێمبونا قه‌یرانا دارایی حكومه‌تا هه‌رێمێ پلان و به‌رنامه هه‌نه قه‌رێن پروژێن به‌لێنده‌را بده‌تێ . و گوت : ئه‌ڤه جارا پێنجێ یه حكومه‌ت قه‌رێن ده‌ڤه‌را شنگارێ خه‌رج دكه‌ت و بریاره ژ سبه‌هی 4-4-2019وێڤه ده‌ست ب به‌لافكرنا كوژمێ ئێك ملیار دینار ل سه‌ر به‌لێنده‌رێن پروژێن ده‌ڤه‌رێن ده‌رڤه‌ی ئیدارا هه‌رێمێ به‌لاف كه‌ت و هه‌ر كومپانیه‌كێ رێژا 16 % دهێته ته‌رخانكرن و 69 كومپانیا دێ مفاداربن .
هه‌روه‌سا جێگرێ پارێزگه‌رێ دهوكێ دیار كو به‌ری نوكه كوژمێ 2 ملیار دیناران بو قوتابخانێن ماینه نیڤه‌رو هاتنه ته‌رخانكرن ل ده‌ڤه‌را زاخو بو 5 قوتابخانا و ئه‌ف پروژه دێ هێنه ته‌مام كرن ,هه‌روه‌سا 8 قوتابخانێن دیژی ل سنورێ پارێزگه‌هێ ده‌ست پێهاتیه كرن و هه‌یڤانه 345 ملیون دینار بو ڤان قوتابخانا دهێنه خه‌رجكرن و كار پێ دهێته برێڤه برن و گوت : لبه‌ره 100 ملیار دینار بهێنه خه‌رج كرن بو هه‌رسێ پارێزگه‌هێن هه‌رێمێ و بیگومان دێ باهرا پتریا ڤی كوژمه‌ی بو پارێزگه‌ها دهوكێ بیت و ئه‌م وه‌كو پارێزگه‌ه دێ بزاڤێ كه‌ین كو به‌هرا پارێزگه‌ها دهوكێ ژ هه‌می پارێزگه‌ها پتر بیت و بریاره د هه‌فتیا بهێت دا ده‌ست ب به‌لافكرنا وان پارا ژی بیهێته كرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
ب گورەی مالپەرێ خەلیج ئونلاین ھژمارا رونشتڤانێن جیھانێ روژ بو روژێ بەر ب زێدەبوونێ ڤە دچیت، ئەڤ سالە ھژمارا رونشتڤانان گەھشتیە حەفت ملیار و 700 ملیون کەسان، ل سالا 2050 دێ گەھیتە نەھـ ملیار و 700 ملیون کەسان، ھەروەسا ل سالا 2100 ژی دێ گەھیتە 11 ملیار و 200 ملیون کەسان.
ئامارێن ناڤا راپورتێ ژلایێ لژنەکا تایبەت ل بارەگایێ سەرەکیێ نەتەوەیێن ئێکگرتی ل نیویورک ھاتینە بەرچاڤکرن، ئەڤ ھژمارا زێدەبوونا رونشتڤانێن جیھانێ ژی ددەمەکێ دایە کو نوکە رێژا دانعەمرا زێدە دبیت، ئاستێ ژ دایکبوونێ ل جیھانێ دگەھیتە 2.5 زارۆ بۆ ھەر ژنەکێ، ل سالا 2030 دێ ئەڤ رێژەیە گەھیتە 2.5 زارۆ بۆ ھەر ژنەکێ، ھەروەسا رێژا وان کەسێن کو ل سەر ژیێ 65 سالیێ دانە دزێدەبوونێ دایە.
ھەر ب گورەی پێزانینێن راپۆرتێ 56% ژ رونشتڤانێن جیھانێ ل باژێرێن مەزن دژین، ل سالا 2050 ھژمارا وان دێ بیتە 68%، ھەروەسا ل سالا 2022 ھندستان دێ کەڤیتە بەرا چینێ بو ھژمارا رونشتڤانان.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا سه‌قاناسى و بيڤه‌له‌رزێ ل پارێزگه‌ها دهۆكێ راگه‌هاند كو هه‌ر ژ تۆماركرنا رێژێن باران بارينێ ژ لايێ رێڤه‌به‌ريا وان ڤه و هه‌تا نها ئه‌ڤ رێژا باران بارينێ ل سنورێ قه‌زا دهۆكێ نه‌باريه.
ئومێد مه‌عسوم مايى، رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “رێژا باران بارينا ئه‌ڤ ساله ب ره‌نگه‌كێ گه‌له‌ك زێده بوويه و ئه‌و هه‌موو پيڤه‌رێن به‌رى خوه يێن ژ لايێ رێڤه‌به‌ريا مه ڤه هاتينه تۆماركرن، هاتينه شكاندن”.
زێده‌تر گۆت: “ژ وه‌رزێ 1975 بۆ 1976 رێڤه‌به‌ريا مه داتايێن تۆماركرنا رێژێن باران بارينێ يێن هه‌ين، ژ وێ مێژوويێ هه‌تا نها وه‌كو ئه‌ڤ ساله باران ل سنورێ قه‌زا دهۆكێ نه‌باريه”.
رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ ئاشكه‌را ژى كر كو به‌رى ئه‌ڤ ساله زێده‌ترين رێژا باران بارينێ ل سالا 1987 بۆ 1988ێ هاتبوو تۆماركرن كو گه‌هشتبوو 888.6 ملم بارانێ.
ئه‌ڤ ساله هه‌تا ئه‌ڤرۆ رۆژا چارشه‌مبى رێكه‌فتى 3ى نيشانا 2019ێ ده‌مژمێر 09:00ى سپێدێ رێژا باران بارينێ ل سنورێ قه‌زا دهۆكێ گه‌هتشيه 1001.9 ملم بارانێ.
نيشاندان