ئەڤرۆ نیوز، نيوار محه‌مه‌د سه‌ليم:

پشتى دوهى كۆمبوونا په‌رله‌مانێ كوردستانێ ژبۆ خواندنا دويێ بۆ پرۆژێ سه‌رۆكاتيا هه‌رێمێ هاتيه‌ پاشخستن بۆ ئه‌ڤرۆ ب مه‌ره‌ما دروستكرنا هه‌مه‌ده‌نگيێ، بڕياره‌ ئه‌ڤرۆ رۆژا چارشه‌مبى 3ى نيسانا 2019ێ و ل ده‌مژمێر 15:00 ئه‌و كۆمبوون بهێته‌ كرن.

بژار حه‌بيب كۆچبه‌ر، سه‌رۆكێ فراكسيۆنا قانوونى ل په‌رله‌مانێ كوردستانێ بۆ ئه‌ڤرۆ نيوز گۆت: “بڕياره‌ د كۆمبوونا ئه‌ڤرۆ دا خواندنا دويێ بۆ پرۆژێ سه‌رۆكاتيا هه‌رێمێ هێته‌ كرن و پاشان ژى دانوستاندن ل سه‌ر برگه‌ و خالێن ڤى پرۆژه‌ى بهێته‌ كرن”.

مونا قه‌هوه‌چى، سكرتێرا په‌رله‌مانێ كوردستانێ د داخۆيانيه‌كێ دا ئاشكه‌را كر كو پاشخستنا كۆمبوونا په‌رله‌مانێ كوردستانێ بۆ ئه‌ڤرۆ ب مه‌ره‌ما هه‌مه‌ده‌نگيێ بوو ب مه‌ره‌ما وێ چه‌ندێ كو پترترين لايه‌نێن سياسى د ڤێ كۆمبوونێ دا د پشكدار بن.

پارتى ديموكراتى كوردستان راگه‌هاند كو پاشخستنا كۆمبوونا په‌رله‌مانێ كوردستانێ ب مه‌ره‌ما نيشاندانا نيه‌تپاكيێ بوويه‌ بۆ ئێكه‌تى نشتيمانى كوردستان يێن ژ لايێ خوه‌ ڤه‌ پێشوازى ل ڤێ بڕيارێ كرى، د به‌رامبه‌ر ژى دا، كۆمه‌لا ئيسلامى ژى راگه‌هاند كو ئه‌وان چو نه‌رازيبوون ل سه‌ر پاشخستنێ نينن.

ئه‌ڤرۆ نیوز:

ئه‌ندامه‌كێ مه‌كته‌با سیاسى یا پارتى دیموكراتى كوردستان، دبێژیت رێككه‌فتنا دووماهیێ د ناڤبه‌را پارتى وئێكه‌تی وگۆران گه‌له‌ك یا نێزیك بووى.

هشیار زێبارى، ئه‌ندامێ مه‌كته‌با سیاسى یا پارتى د به‌رپه‌رێ خوه‌ ل سه‌ر تۆرا جڤاكى یا تویته‌رى به‌لاڤكر”ئه‌م گه‌له‌ك یێن نێزیك بووین ژ رێككه‌فتنا دووماهیێ د ناڤبه‌را پارتى دیموكراتى كوردستان وئێكه‌تى نیشتمانى كوردستان ل گه‌ل بزاڤا گۆران”.

زێبارى هیڤیا وێ چه‌ندێ ژى خواست كو نه‌حه‌ز د سه‌ركه‌فتى نه‌بن د تێكدانا پرۆسێ ژبۆ به‌رژه‌وه‌ندیا كه‌سى وحزبى.