ئه‌ڤرۆ نيوز:
د گه‌را 38 ودووماهيێ ژ خۆلا ئيسپانى يا ئه‌ڤ ساله ئه‌ڤرۆ ئێكشه‌مبى 19/5/2019 يانا ريال مه‌دريد ل سه‌ر ياريگه‌ها خوه تووشى دوراندنا 12 بوو د خۆلا ئه‌ڤ ساله دا پشتى كو مێهڤانا وێ يانا ريال بيتيس ل سه‌ر سه‌ركه‌فتى ب ئه‌نجامێ 2-0.
هه‌ردو گۆلێن يانا ريال بيتيس ل خۆله‌كێن 61 و75 هاتن تۆماركرن.
ب ڤى ئه‌نجامى ريال مه‌دريد ل رێزا سيێ ل رێزبه‌ندا خۆلا ئيسپانى هات ب 68 خالان ويانا ريال بيتيس ب 50 خالان ل رێزا 10 دهێت.
ئەڤرۆ نیوز،بارزان مزووری:
ئەڤرۆئێكشه‌مبى 19ی ئایارێ 2019ی ژلایێ حوكمه‌تا هەرێما كوردستانێ ڤە ب هەڤكاری دگەل هێزێن پێشمەرگەی و ئاسایشێ ڤە رێك هاته دان كۆ زێدەتری 70 مالباتێن عەرەب یێن ئاوارەبووینە مووسلێ كو خه‌لكێ گوندێ”مەسكەلاتێ” لژێر ناڤێ”سوپاسیا سەرۆك بارزانی دكەین سەركردەیێ ئاشتی و پێكڤەژیانێ ناسناڤێ برایەتیا كورد و عەرەبا” ڤەگەرنە سەر گوندێ خۆ دوبارە دەست ب ژیانێ بكەن لبن دەستهەلاتداریا هێزێن پێشمەرگەی
.شێخ كەنعان كیكی،سەرۆك هوزێ كیكیان ل گوندێ “مەسكەلاتێ” بۆ ئەڤرۆ نیوز گوت: د شەرێ سه‌پانديێ داعشێ دا ل سه‌ر هيزێن پێشمه‌رگه‌ى، ئەڤ گوندە كەفتە دناڤبەرا هەردو لایه‌نان و ئەڤ خەلكە مەجبور بوو گوندێ خو چولكر وبەر ب باژێرێ مووسلێ چون و ئەڤە پێنج سال بورین ل سەر ئاواره‌بوونا وان ل سەر جهێن وان د نها دا وان داخوازی ژمە كر ڤەگەرنە سەر جهێن خوه، مەژی داخوازیا وان گەهاندە نڤیسینگەها سەرۆك بارزانی كۆ وان كەسان دەست دگەل داعشێ نەبوويه د نها دا بریار هات دان ژلایێ هێزێن پێشمەرگەی و ئاسایشێ ڤە كۆ ئەڤ مالباتە ڤەگەرنە سەر جهێن خوه”.
خەلكێ ڤی گوندی ل سالا 2014 د شەرێ رێكخراو
راید عادل خاموكا،ئەفسەرێ هێزێن ئاسایشێ ل كومەلگەها خەتارێ بۆ ئەڤرۆ نیوز گوت:پشتی وەلاتیێن گوندێ “مەسكەلاتێ”سەر ب باژێرێ تللسقوف ڤە داخاز مەكری كۆ ئەڤە بۆ ماوێ پێنج سالانە ئاوارەبوین بۆ باژێرێ مووسل چوین ژبەر شەرێ داعش كۆ ڤەگەرنە سەر گوندێن خۆ گوندێ مە داخازیێن وان بۆ جهێن بلند رەوانەكرن هەموو پێتڤی بۆ هاتنە كرن دیفچوونا وان ژی هات كرن كو ئاكنجیێن وی گوندی ژ وان كەسێن باشن دەستێن وان دگەل رێكخراوا تیرۆرستی نەبویە لەوما مە فەر دیت ئەو وەلاتی ڤەگەرنە سەر گوندێ خۆ دەست ب ژیانەكا نوی بكەم ئەم وەكو ئاسایش و پێشمەرگە ل دەڤەرێ بێ جوداهی خزمەتا هەر تاكە كەسەكی دكەین ل وێ دەڤەرێ بۆ پاراستنا دەڤەرێ .
ئه‌ڤرۆ نيوز:
ده‌مێ دو هه‌يڤان ده‌ركرن ونووكرنا پاسه‌پۆرتان ل پارێزگه‌هێن عيراقێ وهه‌رێما كوردستانێ گيرو دبيت، به‌رپرسه‌كێ پاسه‌پۆرتان ژى ل هه‌رێما كوردستانێ ئه‌گه‌رێ ڤێ چه‌ندێ ئاشكرا دكه‌ت.
عەمید دیدار، رێڤه‌به‌رێ فه‌رمانگه‌ها پاسه‌پۆرتێن پارێزگه‌ها هه‌ولێرێ راگه‌هاند” ل فه‌رمانگه‌ها مه هه‌تيانه 1000 هه‌تا 1500 پاسه‌پۆرت دهێنه ده‌ركرن، نێزيكى 10 هزار مامه‌لان ژ وه‌لاتيان ژى وه‌ردگرين، هه‌تا نوكه 20 هزار پاسه‌پۆرتێن مه يێن ل چاپێ ونه‌زڤرينه”.
ناڤبرى ل دۆر ئه‌گه‌رێ دره‌نگ هاتنا پاسه‌پۆرتان، زێده‌تر بۆ مالپه‌رێ كوردستان تيڤى گۆت” پێشتر ئه‌و كارگه‌ها كاخه‌زێن پاسه‌پۆرتێن عيراقێ چاپ دكر ل ئه‌لمانيا بوو وزوو دهاتن، به‌لێ نوكه گرێبه‌ست دگه‌لدا يا ب دووماهى هاتى وحوكمه‌تا عيراقێ ئه‌و كارگه‌هه يا كرى ئه‌ڤ چه‌نده ژى بوويه ئه‌گه‌ري كو ده‌ركرن ونووكرنا پاسه‌پۆرتان گيرو ببيت”.
گۆت ژى” پاسه‌پۆرتا پشكا خزمه‌تگوزاريا ب له‌ز (vip) ب گۆژمێ 250 هزار ديناران ب ده‌مێ رۆژه‌كێ دهاته دروستكرن، به‌لێ ژبه‌ر ڤێ كێشا نوكه هه‌ى ئه‌و مامه‌له سێ رۆژان گيرو دبيت.
ل دووڤ ئاماران، هه‌فتيانه ژبلى پارێزگه‌هێن هه‌رێما كوردستانێ ئه‌و چاپخانه نێزيكى 30 هزار پاسه‌پۆرتان چاپ دكه‌ت.
ئەڤرۆ نیوز،بارزان مزووری:
عوبەیدولا سلێمان،رێڤەبەرێ رێڤەبەریا بەلاڤكرنا كارەبا شێخان بۆ ئەڤرۆ نیوز گوت:حوكمه‌تا هەرێما كوردستانێ ب هەماهەنگی دگەل رێكخراوەكا بیانی ب كوژمێ 280 ملیون دینارا دوو پرۆژێن گرنگ یێن كارەبێ دهێنه دروستكرن
دياركر ژى،نوكه ئه‌م يێ پرۆژێ دانانا بكۆروكێ كاره‌بێ يێ 11 كەی ڤی بۆ كەمپا ئێسیان دروست دكەین ب كوژمێ 200 ملیون دینارا ژلایێ رێكخراواەكا بیانی ڤە ژبەركۆ وێ كەمپێ ئاریشا كێم كارەبێ هەبوو د نها دا دێ بنە دو فیتەر ئاریشا كێمیا كارەبێ نامینیت .
ديسا گۆت” چه‌ندين پرۆژێن دى ژى مه يێن هه‌ين ل سەنتەرێ ناحیا قەسرۆك و كومەلگەها چرە بۆ كێشانا ستویێن كارەبێ بۆ تاخێن نوی هاتین ئاڤاكرن بكۆژمێ 80 ملیون دینارا ل سەرداهاتیێ وەزارەتا كارەبێ”.
ئاماژه‌كر” ل سنورێ رێڤەبەریا مە 7 وێستگەهێن بەلاڤكرنا كارەبێ یێن هەین مە د پلان دایە هەر گوندەكێ دەڤەرا شێخان كارەبا نیشتیمانی نەبیت دێ هێلا كارەبێ بۆ راكێشین”.
هەڤال نازم، ئەندازیارێ پرۆژەی بۆ ئەڤرۆ نیوز گوت” پرۆژێ راكێشانا هێلا كارەبێ ب درێژیا 11 كیلومەتران ل سەنتەرێ شێخان بۆ كەمپا ئێسیان ده‌مێ دروستكرنا وى 30 رۆژ بوون، بەلێ ژبەر بارانێ ده‌مێ وی هاته درێژكرن و نوكه كار د قوناغێن دوماهیێ دایە كو زێدەتری 4 هزار خێزانێن ئاوارە دێ مفادار بن ژڤی پرۆژەی”.
ئەڤرۆ نیوز،بارزان مزووری:
دلشاد محەمەد،راگەهاندنگار ژ پشكا هاتنوچوونا شێخان بۆ ئەڤرۆ نیوز گوت:ئه‌ڤ شه‌ڤه پشتى فتارێ ل سەر رێيا سەرەكیا شێخان بۆ دهوك ل نێزیك ناحیا باعەدرێ، روودانەك دناڤبەرا ترومبێلەك پیكاپ دێر و ترومبێلەك پیكاپ تویتا په‌يدابوو د ئەنجام دا 5 كەس بریندار دبن وبۆ نەخوه‌شخانا شێخان هاتنه ڤەگوهاستن ئێك ژوان بریندارا زارویەك بوو مەترسی ل سەر ژيانا وى يهه‌بوو ونوكه يێ دبن چاڤدێریا نوژدارایە.
ل گۆرەی پێزانینان، ئەیمەن سەردار قوتابیێ پولا چارێ بۆ ل قوتابخانا زێبار هەر ب هەمان ترومبێلا کوستەرێ هاتنوچوونا مال دکر.
ئه‌ڤرۆ نیوز، نه‌وزاد هلۆرى:
به‌رده‌وامبوونا بارانێ وه‌رزێ دورینا گیایى ئێخسته د هه‌یڤا ره‌مه‌زانێ دا، ئه‌ڤێ یه‌كێ ژى كارتێكرن ل وه‌لاتیان كریه، پشكه‌ك ژ وه‌لاتیان وه‌ختێ پاشیڤى َهه‌تا رۆژهه‌لاتێ و پشكه‌كا دى ژى پشتى نڤێژا ئێڤارى هه‌تا به‌رى مه‌غره‌ب، دیسان پشكه‌ك ژى ب شه‌ڤ گیایى ددورین داكو كارتێكرن ل روژيا وان نه‌كه‌ت، ب گوره‌ى ئاخفتنێن وه‌لاتیان هه‌ر كه‌سه‌كێ د هه‌یڤا ره‌مه‌زانێ دا گیایى نه‌دوریت ئه‌و نه‌شێت پشتى ره‌مه‌زانێ گیایى بدوریت و دێ مینیته مه‌حتل.
ئەڤرۆنیوز,رەزوان رۆژبەیانی:
پشتی پێنج رۆژان ژ دیارنەمانا گەنجەكێ 22 سالی كو پەنابەرێ رۆژئاوایێ كوردیستانێ یە و ل كەمپا گەویلان ل قەزا بەردەرەش ئاكنجیە ئەڤرۆ تەرمێ وی ب مری هاتە دیتن.
ژێدەرەكی فەرمی یێ ئیمناهیێ ل قەزا بەردەرەش كو نەڤیا ناڤێ وی بهێتە ئاشكرا كرن ,بۆ ئەڤرۆنیوز دیاركر” گەنجەكی 22 سالی بناڤێ دلشاد خلیل عمر حسن پەنابەرێ رۆژئاڤایێ كوردستانێ كو ئاكنجیێ كەمپا گەویلانە ل سنوورێ قەزا بەردەرەش , نەخوشیا دەروونی ب رێژەیا 100%هەبوویە چەندین جار بابێ وی بریە ده‌ڤ نوشداران بەلێ چێنەبوویە”.
گوت ژی” وەسا دیار بوویە كو گوتینە بابێ وی كورێ تە ئه‌جنه هه‌نه و پێدڤیە تو ببەیە دەف مەلایان”. ئەو ژێدەر ئاشكرا ژی كر ل رێكەفتێ 14/5/2019 ئەو گەنج ژ مال دەردكەڤیت و نازڤریت و ئەڤرۆ ئێكشه‌مبى 19/5/2019 تەرمێ وی ب مری ل نزیك كەمپێ ژلایێ مەڤە هاتە دیتن و هاتە رەوانە كرن بۆ نۆشداریا داد ل قەزا ئاكرێ دیار ژی كر كو چو نیشانێین لێدان یان هەر نیشانەكێ دی ب سەر لاشێ وی ڤە دیار نەبوویە تنێ وەسا خویا بوویە كو ل وی جهی لێ هاتیە دیتن ب تووشی سەرعێ (تەپێ) بویە و گیانێ خوە ژدەست دایە.
ئه‌ڤرۆ نيوز:
هه‌ردو فراكسيۆنێن پارتى ديموكراتى كوردستان وبزاڤا گۆران ل په‌رله‌ماني كوردستانێ پشته‌ڤانيێ ل پرۆژێ چاكسازيێ دكه‌ن ول ئاستێ جادا كوردستانى ژى دا ئه‌و پرۆژه‌يه ب گاڤه‌كا گرنگ دهێته هژمارتن.
به‌همه‌ن كاكه عه‌بدوللا، ئه‌ندامێ په‌رله‌مانێ كوردستانێ ژ فراكسيۆنا پارتى راگه‌هاند” پارتى ديموكراتى كوردستان پرۆژه بۆ چاكسازيێ د هه‌موو سێكته‌ران دا يێ هه‌ى وجوداهيێ د ناڤبه‌را پلێن بلند وخه‌لكێ دى كێم دكه‌ت، زێده‌بارى وێ چه‌ندێ پارتى پشته‌ڤانا تمام يا وى پرۆژه‌يه، د هه‌مان ده‌م دا وه‌كو ئه‌وله‌ويه‌تا به‌رنامێن خوه ديار دكه‌ت”.
ئاشنا عه‌بدوللا، ئه‌نداما په‌رله‌مانێ كوردستانێ ژ بزاڤا گۆران بۆ مالپه‌رێ فه‌رمى يێ پارتى دياركر” ئارمانجا مه چاكسازيێ د ڤێ كابينێ دا بكه‌ين وئه‌ڤ كابينا حوكمه‌تێ يا جودا بيت ژ يێن بۆرى، بۆ ڤێ مه‌ره‌مێ ژى ل ده‌مێن بۆرى مه باجا زۆر يا داى، نوكه ژى نێزيك بوونا مه ژ پارتى بۆ پێكئينانا حوكمه‌تێ، د وێ چه‌ندێ دايه ئه‌م دخوازين وى به‌رنامێ چاكسازيێ بجهبينين وده‌رگه‌هێ مه بۆ دانوستاندنێ يێ ڤه‌كريه بۆ وان لايه‌نێن پشته‌ڤانيێ ل ڤى پرۆژه‌ى دكه‌ن”.
گۆت ژى” ئێك تيمى د كارێ حوكمه‌تێ دا بۆ هه‌موو لايه‌كى يا گرنگه”.
ئه‌ڤرۆ نیوز:
ده‌سته‌یا خانه‌نشینیا نیشتمانى یا عیراقێ راگه‌هاند كو وه‌زیرێ دارایى یێ عیراقێ فوئاد حسێن رازیبوونا خوه ل سه‌ر به‌لاڤكرنا مووچێن خانه‌نشینێن مه‌ده‌نى وله‌شكرى یێن عیراقى ب شێوه‌كێ هه‌یڤانه ل شوینا هه‌ر دو هه‌یڤان جاره‌كێ.
ئه‌و بریاره دێ ل ده‌ستپێكا هه‌یڤا خزیرانا 2019 هێته بجهئینان، پشتى ده‌سته‌یا ناڤبرى هه‌موو پێرابوونێن پێدڤى یێن وێ بریارێ ئه‌نجام داین.
نيشاندان