ئه‌ڤرۆ نیوز:
رێڤه‌به‌ریا په‌روه‌ردا قه‌زا كۆیه ب سه‌ر پارێزگه‌ها هه‌ولێرێ ڤه راگه‌هاند، سوباهى دوشه‌مبى 1/4/2019 ل هه‌موو ناڤه‌ندێن خواندنێ ل سنوورێ قه‌زا كۆیه بێهنڤه‌دانا فه‌رمى یه.
رێڤه‌به‌ریا ناڤبرى دیاركر” ژبه‌ر تێكچوونا پتریا رێیان وژبۆ سلامه‌تیا زێده‌تر یا قوتابى ومامۆستایان ووه‌لاتیێن سنورێ كۆیه، سوباهى رۆژا دوشه‌مبى بێهنڤه‌دانا فه‌رمى یه ل هه‌موو ناڤه‌ندێن خواندنێ ل كۆیه”.
دیاركریه ژى” ئه‌و بێهنڤه‌دانه دیوانا په‌روه‌ردا قه‌زا كۆیه ب خوه‌ڤه ناگریت وسوباهى ده‌واما ئاسایى یه”.
ئەڤرۆ نیوز، زنار تۆڤی:
کلارا عودیشۆ یەعقۆب نوونەرا گەلێ کلدانی سریانی ئاشۆری ل پەرلەمانێ کوردستانێ بۆ ئەڤرۆ نیوز گۆت: ئەكیتو نوو بوونا ژیانێ و ھیڤی و سەركەفتن و خوراگرتن و پێكڤەكاركرنێ ژبۆ گەھەشتنا ئارمانجێ، ئەكیتو، ئانكو ژیانەكا ئارام پری سەركەفتن، بەری ھزاران سالان مرۆڤان بزاڤکریە ژیانا خو رێكبێخیت و كار بكەت بۆ بەردەوام بوونا ژیانێ، گەلێ كلدانی سریانی ئاشووری ژی ئەڤ ھەولدانە كرینە و شارستانیەكا مەزن ئاڤاكریە و لدووڤ ژێدەر و ڤەكۆلینین مێژوویی ل سالا ٤٧٥٠ بەری زاینی ئاشووریا سەر سالا خوە یا نوو و ب رێورەسمێن تایبەت گێرایە، بناڤێ ئەكیتو بوویە، ئانكو نوو بوونا ژیانێ و ئەڤ سالە دێ بیتە سالا ٦٩٦٧ی و لدووڤ ھزر و ڤەكولینێن زانا و گەردون ناسێن بابلی ل ٢١/ئادارێ لدووڤ رۆژناما زاينى و 1/نيسانێ لدووڤ يا بابلى يا كەڤن گوهۆرینا گەش و ھەوا دبیت و شەڤ و رۆژ یەكسان دبن وەسا گەش و ھەوا بەرەڤ گوهۆرینێ دچیت و پلا گەرماتیێ زێدە دبیت و وەرزەكێ نوو بۆ چاندنێ ژی دەست پێدكەت و د ھزرا وان دا ئەگەری ئەڤێ گوھۆرینێ خوداوەندە دەمێ خوداوەنی گەردونی مردوخ ژ ئاسمانی دھێتە خوار و شەرێ خوداوەندێ خرابیێ دكەت و ھەولدەت بگەھیتە خوداوەندا جانیێ و نەزوكیێ خوداوەند عشتار و ژ ئەنجامێ ئەڤ ھەڤژینیە عەرد جارەكا دى كەسك دبيت و روەك شين دبيت.
هەروەسا گۆت: ژيان جارەكادى ڤەدگەريتە ڤە و بەرەكەت ل دونيايى بەلاڤەدبيت ، و ژبەر ھندى جەژنا ئەكيتو دھاتە كرن و بۆ ماوێ ١٢رۆژان بەردەوام دبۆ، چونكە زانستنڤان و فەلەكناسێن بابلى يێن كەڤن شياينە سال دابەش بكەن بۆ ١٢ ھەيڤ و ٤ وەرز د سالى دا و ھەر وەرزەك بۆ خوداوەندەك دھاتە تەرخان كرن بۆ نمونە بھار بۆ خوداوەندى مەزن بناڤى مەردوخ و ھاڤين بۆ خوداوەند ننورتا كو يى بايى باشوورى يە و پايز بۆ نابۆ خوداوەندى زانين و زانستى و زفستان بۆ خوداوەند نرگال یێ مرنێ و جیھانا بن ئەردی ودابەشکرنا سالێ دا بزانن کەنگی وەرزێ گونجای بو چاندنێ کەنگی یە بۆ وەسا ل ٢١/٣لدیف روزناما زاینی و ١/٤ لدووڤ رۆزناما بابلی یا کەڤن ھاتە دانان سەری سالا وی و بۆ جەژنەکا نەتەوەیی و ئاینی چونکی گەل ھەمو بەشداردبوو و ھەروەسا خوداوەند و کاھنا درێورەسمێن ئەکیتو و روژێن دەسپێکی رێورەسمێن تایبەت ھەبون کو کاھن بەحسێ چاوایا چێبونا گەردونی و مرۆڤی بۆ ئامادەبوویان دکر و پێشکێشکرنا قوربانان و پیرۆزکرنا ئاڤا روویبارێ دیجلە و روژێن دی بۆ شاھیێ دھاتە تەرخان کرن کو بەحسێ باردۆخێ سیاسی و دانانا قانوونان و چاوانیا رێڤەبرنا کاروبارێن دەولەتی دکر و بەراوردکرنا سیستەمێ سیاسی یێ سەرکەفتی و سیستەم و دەسەلاتا نە ئارام و چاوا کارتیکرنا ڤان ھەردو سیستەمان لسەر ژیانا خەلکی و جڤاکی و ل رۆژا دوماھیێ خرڤەبوونەکا مەزن ژ گەلێن دەولەتی و رێپڤانەکا مەزن دھاتە کرن و ئاھەنگ و کەرنەڤالەکێ مەزن دھاتە رێکخستن و خوداوەند ھەموو ئێکگرتن دکرن بو خوداوەندێ مەزن مردوخ و دھزروبیرین وان دەمێ مللەت و گەل ھەست بخوشیێ و ئارامیێ دکەت ل وی دەمی خوداوەند ژی دی یێ کەیف خۆش و ئارام بیت.
ئەو ژی دیار کر: داخوازێ ژ حکومەتا کوردستانێ دکەم ئەڤ جەژنە ببیتە بھێنڤەدانا فەرمی و گشت پێکھاتێن کوردستانێ و ھەروەسا ھەموو ئەو کەیس و داخوازی و گرفتین دەربارەی گەلێ مە بھێنە چارەکرن.
پیروزباھێین خو ئاراستەیێ ھەمی کوردستانیا دکەم بگشتی و گەلێ کلدانی سریانی ئاشوری بتایبەتی و ئەڤ چەژنە ببیتە پالدەرک بو ژیانەکا نوی پری ھێز و خوراگرتن و ئێک بون و ئاشتی و بەلاڤەکرنا گیانێ پێکڤە ژیانێ و ئاڤاکرنا کوردستانەکا بھێز و دروستکرنا پاشەرۆژەکا گەش بۆ ھەموو پێکھاتێن کوردستانێ.
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ، نێچیرڤان بارزانى ئه‌ڤرۆ ئێكشه‌مبى 31/3/2019 پێشوازى ل فه‌خرى كه‌ریم سه‌رۆكێ ده‌زگه‌هێ مه‌دا یێ رۆژنامه‌ڤانى وره‌وشه‌نبیرى وهونه‌رى كر.
د دیداره‌كێ دا دووماهى پێشهاتێن مه‌یدانا عیراقێ وكوردستانێ وپێدڤیا به‌رده‌وامیا بزاڤان بۆ ئێكخستنا هه‌لویستێ هێز ولایه‌نێن سیاسى یێن كوردستانى ب مه‌ره‌ما پشكداریا هه‌موویان د بده‌ستڤه‌ئینانا ئارمانجێن هه‌ڤپشك.
د پشكه‌كا دى یا دیدارێ دا، گرنگیا به‌رده‌وامیا گاڤ وبزاڤێن ئه‌رێنى یێن سه‌ركردایه‌تیا هه‌رێما كوردستانێ وحوكمه‌تا وێ بۆ زیندیكرنا په‌یوه‌ندیێن د ناڤبه‌را هه‌رێمێ وحوكمه‌تا فیدرال د چارچۆڤێ دستوورى دا و دووپاتى ل سه‌ر وان هه‌موو فاكته‌رێن دبنه ئه‌گه‌رێ چه‌سپاندنا بنه‌مایێ راست ودروست یێ په‌یوه‌ندیێن هه‌ردولا هاته كرن.
ئه‌ڤرۆ، سالار دۆسكى:
ل دووڤ بریارا وه‌زاره‌تا ئه‌وقاف و كارۆبارێن ئاینى ل حوكمه‌تا هه‌رێما كوردستانێ ب نڤیساره‌كا فه‌رمى رێڤه‌به‌رێ حه‌ج و عومرێ و ئه‌وقافا قه‌زا دهۆك هه‌ر دو هاتنه گوهورین، مه‌لا سه‌رمه‌د جه‌میل سالح گوتاربێژێ مزگه‌فتا موختار ل جهێ شێخ شه‌مسه‌دین تاهر وه‌ك رێڤه‌به‌رێ حه‌ج و عومرێ ل دهۆك هاته‌دانان، رێبه‌ر حه‌جى وه‌ك رێڤه‌به‌رێ ئه‌وقافا قه‌زا دهۆك هاته‌دانان.
مه‌لا سه‌رمه‌د جه‌میل بۆ ئه‌ڤرۆ نیوز دیاركر كو فه‌رمان ده‌ركه‌فتیه وه‌ك رێڤه‌به‌رێ حه‌ج و عومرێ ل دهۆكێ ل گه‌ل یا مه‌لا رێبه‌ر كو رێڤه‌به‌رێ ئه‌وقافا دهۆكێ هاته دانان و ژڤانه رۆژێن داهاتى ب فه‌رمى ده‌ست بكار بیت.
جهێ ئاماژه‌كرنێ یه كو شێخ شه‌مسه‌دین تاهر ماوێ 11 ساله رێڤه‌به‌رێ حه‌ج و عومرێ ل دهۆكێ، پوستێ رێڤه‌به‌رێ ئه‌وقافێ ژى بۆ ماوێ چه‌ند هه‌یڤه ب وه‌كاله ژلایێ مه‌ئمون چه‌لكى دهاته برێڤه‌برن.
ژلایه‌كى دى ڤه شه‌مسه‌دین تاهر شوشى، رێڤه‌به‌رێ حه‌ج و عمرێ ل پارێزگه‌ها دهۆك بۆ ئه‌ڤرۆ دیاركر ل سه‌ر خواستا وى ب فه‌رمانا وه‌زیرێ ئه‌وقاف و كارۆبارێن ئاینى هاتیه گوهورین چونكه خانه‌نشین بوویه.
ئه‌ڤرۆ نیوز: بارزان مزوورى:
ژبه‌ر هاتنا بارانه‌كا بهێز رێكا سه‌ره‌كیا گوندێ “ئاشكا ،درین ،گرمیشان و باجه‌لێ ئێك ،باجه‌لێ دوو” سه‌ر ب ناحیا قه‌سرۆك هاتیه گرتن و ژكاركه‌فتن دناڤه‌راستا رێكێ دا پره‌كا سه‌ره‌كى هه‌رفتیه و وه‌لاتیێن وان گوندا توشى ئاسته‌نگێ بووینه.
مه‌هران نێروه‌ى،رێڤه‌به‌رێ ناحیا قه‌سرۆك بۆ ئه‌ڤرۆ نیوز گوت: رێیا گوندێ ئاشكا ئێك ژ وان رێكێن گرنگه كو چه‌ندین گوند ب وێ رێكێ ڤه گرێداینه مه وه‌كو ئیدارا قه‌سرۆك ب هه‌ماهه‌نگى دگه‌ل رێڤه‌به‌ریا رێك و پرا دهوك ڤه‌دیتن یێن تایبه‌ت بو وێ رێكێ هاتینه كرن ره‌زامه‌ندیێن ده‌ستپێكێ بو هاتیه دان ل سه‌ر بودجه‌یا پارێزگه‌ها دهوك بتنێ مه‌زاختنا بكوژمه‌كێ پاره‌ى یێ ماى به‌لێ ژبه‌ر وێ قه‌یرانا نها ده‌رباز بووى ژبه‌ر وێ چه‌ندێ نه‌هات بو جێ به جێ كرن .
ناڤهاتى خویاكر كۆ:ئه‌ڤ رێیه یا سه‌ره‌كى یه ئه‌م دێ هه‌موو بزاڤا كه‌ین كو ئه‌ڤ رێكه بهێته دروست كرن.
ئەڤرۆ نیوز، نەوزاد هلۆری:
ب گۆرەی پێزانینێن خەلکێ دەڤەرا زێبارێ، ل سنوورێ ناحیا شێلادزێ کانیەکا ئاڤێ ل گوندێ دێویکێ هەیە، ئەڤە چەندین سالە هشکبووی، د بارانێن ئەڤرۆ و چەند رۆژێن بووری دا جارەکا دی زایەڤە.
کانیا ناڤبری ب شێوازەکێ سەیر و سەرنج راکێش ل بن ئاڤێ دەردکەڤیت، کو ئەو ژی دەرکەفتنا ئاڤێ یە مینا بورییەکا ئاڤێ یان سوندەکێ ئاڤێ.
کانیا گوندێ دێویکێ ب شێوازەکێ دەمکی یە و پشتی ب دوماهی هاتنا وەرزی بهارێ کانی ژی دێ هشک بیت.
بۆ ديتنا ڤيديۆيا وێ كانيێ ڤى لينكى كليك بكه
ئه‌ڤرۆ نیوز:
پارێزگه‌رێ دهۆكێ ب هه‌لكه‌فتا هاتنا سه‌ر سالا نوو یا ئاشوری (ئه‌كیتو) په‌یامه‌كا پیرۆزباهیێ به‌لاڤكریه و ئه‌ڤ هه‌لكه‌فته ل وان پیرۆز كریه.
ئه‌ه ده‌قێ په‌یامێ یه:
ب هه‌لكه‌فتا هاتنا سه‌ر سالا نووی (6769)یا ئاشوری (ئه‌كیتو)، ب ناڤێ كارگێریا پارێزگه‌ها دهوكێ پیروزباهیان ئاراسته‌ی هه‌موو برا وخویشكێن مه‌سیحی ل پارێزگه‌ها دهوكێ وهه‌رێما كوردستانێ وجیهانێ دكه‌ین ، هیڤی دارین سالا نوو یا ئاشوری ببیته هه‌لكه‌فتا خێر وخوشی وته‌ناهیێ و ڤه‌گه‌ریانا ئاواره‌یان بو سه‌ر جه و وارێن خو.
هه‌روه‌سا ئومێده‌وارین گیانێ پێكڤه ژیانێ دناڤبه‌را هه‌موو پێكهاتێن ده‌ڤه‌رێ دا پتر بهێته موكومكرن وهه‌موو ئول ونه‌ته‌وه سه‌ر سال وهه‌لكه‌فتێن خو ب ته‌ڤایی و ئازادی بگێرن …
دوباره سه‌ر سالا نووی یا ئاشوری ئه‌كیتو ل هه‌مییان پیروزبیت.
فه‌رهاد ئه‌مین ئه‌ترووشی
پارێزگه‌رێ دهۆكێ
31-3-2019
ئه‌ڤرۆ نیوز:
ئێكه‌تیا قوتابیێن كوردستانێ راگه‌هاند، ئه‌م دبزاڤێن خوه دا دبه‌رده‌وامین بۆ ڤه‌گه‌راندنا ده‌رمالا قوتابیان وئه‌م ل گه‌ل مافێن قوتابیانه.
سەنگین ئەحمەد، بەرپرسێ کاروبارێن ئێكه‌تیا قوتابیێن كوردستانێ گۆت” نوكه ئه‌م یێ كارى بۆ ڤه‌گه‌راندنا ده‌رمالا قوتابیان دكه‌ین ودبزاڤێن خوه دا ل گه‌ل جڤاتا وه‌زیران ووه‌زاره‌تا دارایى ووزاره‌تا خواندنا بلند د به‌رده‌وامین، به‌لێ حوكمه‌ت به‌حس ل وێ چه‌ندێ دكه‌ت كو نوكه پیچه‌ك بارێ ئابوورى یێ باش بووى وپاشكه‌فت نه‌مایه، هه‌روه‌سا ل داهاتى دا دێ مژوولى وێ چه‌ندێ بین كو ده‌رمالا قوتابیان ڤه‌گه‌رینین”.
ئه‌ڤرۆ نیوز:
ل رۆژا چارشه‌مبیا داهاتى 3/4/2019 پیشانگه‌ها هه‌ولێر یا نێڤده‌وله‌تى بۆ په‌رتۆكێ دێ هێته ڤه‌كرن وتێدا ئێك ملیۆن ناڤه‌نیشانێن جۆرا وجۆر دێ تێدا هێنه به‌رچاڤكرن.
ئه‌ڤرۆ ئێكشه‌مبى 31/3/2019 پیشانگه‌ها هه‌ولێر یا نێڤده‌وله‌تى د به‌یاننامه‌كێ دا به‌لاڤكر كو ل رۆژا چارشه‌مبیا داهاتى پیشانگه‌ها هه‌ولێر یا نێڤده‌وله‌تى یا 14 بۆ په‌رتۆكێ دێ هێته ڤه‌كرن.
دیاركر ژى”د ڤێ پیشانگه‌هێ دا 300 ده‌زگه‌هێن چاپ وبه‌لاڤكرنێ د پشكدارن وئێك ملیۆن ناڤونیشانێن جۆرا وجۆر تێدا دێ هینه به‌رچاڤكرن ودێ بۆ ده‌مێ 10 رۆژان یا به‌رده‌وام بیت”.
خویاكر” په‌رتۆكێن 21 وه‌لاتان دێ هێنه به‌رچاڤكرن و40 چالاكیێن جۆرا وجۆر دێ هێنه ئه‌نجامدان”.
نيشاندان