ئەڤرۆ نیوز:
راھێنەرێ فرەنسی و یانا ریال مەدرید زێدانی ستێرا ھێلا ناڤینا ئیسپانی و یانێ ئیسکو ئاگادارکریە کو بوو وەرزێ بھێت ئەو پشت بەستنێ ل سەر ئەوی ناکەت وەکو یاریزانەکێ سەرەکی.
بەرنامەیێ Jugones یێ وەرزشی ل ئیسپانیا ئاشکراکریە راھێنەرێ یانا ریال مەدرید زێدان بۆ ئیسکوی دیارکریە ئەو بوو وەرزێ بھێت د پلانا ئەوی دا نینە وەکو یاریزانەکێ سەرەکی و ئەو دێ سەرەدەریێ ل گەل ئەوی کەت وەکو یاریزانەکێ یەدەگ لێ ئیسکو ل سەر وێ داخوازیا زێدان یێ رازی یە .
ھەژی گوتنێ یە نوکە ئیسکو بوویە جھێ گرنگیا چەندین یانێن بەرنیاس ل سەر ئاستێ ئورۆپا ژ ئەوانان یوڤانتوس و مانچێستەر یوناید و پاریس سانجێرمان .

ئەڤرۆ نیوز:
یانا یوڤانتوس ھەلگرا ناسناڤێ خولا ئیتالیا بریار دایە ل ھاڤینا ئەڤ سالە دەستا ژ شەش یاریزانێن خوە بەردەت و ل جھێ ئەوان ھەڤبەستێ ل گەل چەند یاریزانێن دی ئیمزا بکەت بوو ب ھێز ئێخستنا پێکھاتیێ خوە ل وەرزێ بھێت.
رۆژنامەیێن ئیتالی ئاشکراکرینە کارگێریا یانا یوڤانتوس ل ھاڤینا بھێت ھزر ل فروتنا شەش یاریزانێن خوە کریە و ب فروتنا ئەوان شەش یاریزانان ئەو یانە دێ یا مفاداربیت دناڤبەرا ٣٢٠ ھەتا ٣٤٠ ملیون یورۆیا و ب وی کوژمێ پارەی دێ بزاڤێ کەت ھەڤبەستێ ل گەل چەند ستێرێن دی یێن بەرنیاس ئیمزا بکەت ل سەر ئاستێ ئورۆپا.
ئەو شەش یاریزانێن د ھزرا یوڤانتوس دا ئەڤێن خوارێ نە.

پیاتیچ و دیبالا کو دبیت ب فروتنا ئەڤان ھەردو یاریزانان یوڤانتوس کوژمێ ٢٠٠ ملیون یورۆیا یا مفاداربیت

یاریزانێ پورتوگالی کانسێلو ئەوێ بەربژار پەیوەندی ب یانا مانچێستەر یوناید بکەت کو دناڤبەرا ٥٠ ھەتا ٦٠ ملیونان دبیت یانا یوڤانتوس بفروشتە وێ یانا ئنگلیزی

دوگلاس کوستا یێ بەرازیلی

سامی خزیرە یێ ئەلمانی

ماندزوکیتچ یێ کرواتی

ئەڤرۆ نیوز:

یاریزانەکێ یانا بەرشەلۆنا دخوازیت ل ڤەگوھاستنێن بھێت پێکھاتیێ یانا خوە ب جە بھێلت و بەر ب یانەکا دی بچیت بوو وەرزێ بھێت.
رۆژناما مارکا ئیسپانی ئاشکراکریە یاریزانێ پورنوگالی و ھێلا بەرەڤانیا یانا بەرشەلۆنا نیلسون سیمیدو ھزر ب جە ھێلانا پێکھاتیێ یانا بەرشەلۆنا دا کریە و دخوازیت ل ھاڤینا بھێت یاریێ ل یانەکا دی بکەت ھەر چەندە راھێنەرێ بەرشەلۆنا ل وەرزێ ئەڤ سالە ب رێژەیا زێدەتر ژ ٤٠% پشت بەستن ل سەر کریە لێ ئەو یاریزان داخوازیت بەر ب یانەکا دیڤە بچیت وەکو یاریزانەکێ سەرەکی پشکداری بکەت .
ھەردیسان ئەوێ رۆژنامێ ئاشکراکریە ژی سیمیدو ئەوێ ل ھاڤینا ٢٠١٧ ژ یانا بەنفیکا پەیوەندی ب بەرشەلۆنا کری بەرامبەر کوژمێ ٣٠ ملیون یورۆیا نوکە دو داخوازیێن فەرمی ل بەر دەستێ ئەوی نە ژ دو یانێن ئنگلیزی و ئیتالی لێ ھەتا نوکە چ بریار ل سەر نەداینە ژبەرکو ئەو دخوازیت دەسپێکێ خوە ژ یانا بەرشەلۆنا قورتال بکەت پاش بریارێ ل سەر ئەوان ھەردو داخوازیێن یانێن ئیتالی و ئنگلیزی بدەت.
ھەژی گوتنێ یە نیلسون سیمیدو ل وەرزێ ئەڤ سالە پشکداری د ٤٤ یاریان دا کریە ل گەل بەرشەلۆنا د ھەموو ئەو قارەمانیێن یانا کەتەلونی تێدا پشکدار کو ٢٠ ژ ئەوان وەکو یاریزانەکێ سەرەکی پشکداری کریە و ٢٤ یاریان وەکو یاریزانەکێ پێگوھور ھاتیە دناڤ یاریێ دا .