ئەڤرۆ نیوز:
ل گۆر قانوونەکا نوو ل ئەلمانیا دێ مەها ٤ یا ئەڤسالە مووچێ سەرۆک کۆمار، سەرۆک وەزیران، وەزیر و ئەندامێن پەرلەمانێ ب رێژا ٠٩/٣% هێتە زێدەکرن و ل گۆر ڤێ قانوونێ دێ مووچێ ئەنجێلا مێرکەل شیرەتکارا ئەلمانیا ٦٠٠ یورۆ هێتە زێدەکرن.
مووچێ مێرکەلێ نها ل ئەلمانیا مەهێ ٢٤ هزار و ٤٠٠ یورۆیە و ل گۆر قانوونا نوو دێ ٢٥ هزار و ٦٠ یورۆیان وەربگریت و ئەندامێن پەرلەمانی ژی دێ پتر ژ دەه هزار یورۆیان وەکو مووچە وەربگرن.
ئەڤرۆ نیوز، عەلی حاجی :
ب بھانەیا ھەبوونا پەکەکێ سوپایێ تورکیا ل روژا شەمبیێ رێککەفتی ٢٣/٣/٢٠١٩ ل دەمژمێر ٥ی سپێدێ گوندێ شەرانشێ توپباران دکەت و خانیەک و دو ترومبێلێن وەلاتیەکێ ل وی گوندی ژ ئەگەرێ توپبارانێ ژناڤ دچن و زەرەر و زیانێن ماددی ژی بەر دکەڤن و شاندەکێ پەرلەمانتارێن کوردستانێ ل زاخۆ سەرەدانا جھێ روودانێ کرن.
ئدریس ئیسماعیل ئەندامێ پەرلەمانێ کوردستانێ بۆ ئەڤرۆ نیوز دیار کر مەرەم ژ سەرەدانا مە بۆ وی جھی ژبەر وێ چەندێ بوو ئەم ئیدانا وێ توپبارانێ بکەین و چارەسەرەیەکا گونجای بینن بۆ راوەستاندنا توپبارانا سوپایێ تورکیا ژبەر کو ھێزێن پەکەکێ و نە سوپایێ تورکیا توشی زەرەر و زیانان نابن تنێ وەلاتی زەرەرمەندێن ئێکانەیێ توپباران کرنێ نە ، لەورا ژی دێ ڤی بابەتی گەھینە پەرلەمانێ کوردستانیً دا کو بشێن رێکەکا گونجایی بینن و توپباران کرنا ب ڤی رەنگی بھێتە راوەستاندن.
ناڤھاتی ئەو چەندە ژی گۆت: ژبەر کو توپبارانا بەردەواما سوپایێ تورکیا دێ روودانێن وەکو شێلادزێ دوبارە کەنەڤە و دڤێت ب رژدی کار ل سەر راوەستاندنا توپبارانان بھێتە کرن ، ئەم چاڤەرێ نڤیسارەکا فەرمی نە ژ رێڤەبەرێ ناحیا دەرکارێ کو زەرەر و زیانێن ڤی وەلاتی بزانین و داکو ئەم وەکو ئەندام پەرلەمانێن کوردستانێ ب رێکا لایەنێن پەیوەندیدار کار ل سەر قەرەبوکرنا وی وەلاتی بکەین ژبەر کو توشی زیانێن ماددی بوینە و دڤێت بھێتە قەرەبو کرن.
ئەڤرۆ نیوز:
ئەندامەکێ سەرکردایەتیا پارتی دیار دکەت کو ل ڤێ مەهێ دێ سەرۆکێ هەرێما کوردستانێ هێتە دانان و هەتا دووماهیا مەها داهاتی ژی دێ سەرۆکێ حوکمەتا هەرێما کوردستانێ هێتە دانان.
ئاراس حەسۆ میرخان ئەندامێ سەرکردایەتیا پارتی دیار کر کو هەتا دووماهیا ڤێ مەهێ دێ سەرۆکێ هەرێما کوردستانێ هێتە دانان و ل دووماهیا مەها داهاتی ژی دێ سەرۆکێ حوکمەتێ هێتە دانان و گۆت: (کارێ مە بۆ پێکئینانا کابینا نوو یا حوکمەتێ بەردەوامە، ل گەل هەموو ئالیان ژی دانوستاندنان دکەین و نابیت بابەتێ ئاڤاکرنا کابینا نوو یا حوکمەتێ پتر گیرو بیت، ژ بەر هندێ ژی هەتا دووماهیا مەها چار کابینا حوکمەتێ دێ هێتە دیار کرن و دڤێت ئالیێن پشکدار ژی ناڤێ وەزیرێن خوە رادەست بکەن).
ئەڤرۆ نیوز، عەلی حاجی :
رێڤەبەریێن ساخلەمیێ و ھاتن و چوونا باژێرێ زاخۆ ئامارێن ھەر سێ روژانێن جەژنا نەوروزێ بەلاڤکرن ، ل گورەی ئامارەکا رێڤەبەریا ساخلەمیێ ل ھەر سێ روژانێن جەژنا نەوروزێ دا ھەشت کەس ب روودانێن ھاتن وچوونێ بریندار بوینە و ھاتن وچوونا زاخۆ ژی دیار دکەت ٤ روودانێن ترافیکی پەیدا بوون.
ئەمیر عەلی ژ راگەھاندنا ساخلەمیا زاخۆ بۆ ئەڤرۆ گۆت: د ھەر سێ روژانێن جەژنا نەوروزێ دا ٨ کەس ب روودانێن ھاتن وچوونێ بریندار بووینە کو دو ژ وان برینداران شوفێرێن تورک بوون ، ھەر دیسان ٦ روودانێن سوتنێ ھەبوون و دووپشکی ب ٣ کەسان ڤەدایە و ٩ کەسان جەلتێن دلی و مێشکی لێدایە و زێدەباری وێ چەندێ ١٠ کەس تووشی شکەستنێ بووینە ، د ماوێ سێ روژێن نەوروزێ دا ٣٨ زاروک ھاتینە سەر دونیایێ کو ٢٠ ژوان و ٢ کەس ژی ژدەرڤەی نەخوشخانەێن زاخۆ گیانێ خوە ژدەست داینە.
ژلایەکێ دی ڤە کومیسەر بەشیر یوسف ژ راگەھاندنا ھاتن و چوونا زاخۆ بۆ ئەڤرۆ نیوز گوت: ل روژانێن جەژنا نەوروزێ دا ٤ روودانێت ترافیکی ل رێڤەبەریا مە ھاتینە تومارکرن و دو کەس د ڤان روودانان دا برینداربوون، ئەگەرێ ڤێ چەندێ ژی بۆ ھەبوونا قەرەبالغەکا زێدە ل جادەیان دا بوون دەمێ خەلکی سەرەدانا سەیرانا دکر.
ئەڤرو نیوز، مەحمود نھێلی:
ژ ئەنجامێ بارینا بارانەکا زۆر چوار پرێن سەرەکی ل سنورێ ناحیا دێرەلۆک ژێر ئاڤ بووینە و زیان گەھشتیە ھندەک ژ وان رێیا چەند گوندان ژی ھاتیە داخستن.
سامی ئوشانە رێڤەبەرێ ناحیا دێرەلۆک بۆ ئەڤرۆ نیوز دیارکر، ژ ئەنجامێ رێژەکا زۆرا بارانێ چوار پر ل دەڤەرێ بن ئاڤا بووینە و ئێک ژ وانا زیان گەھشتینێ و پەرژانێ پرێ شکاندیە.
و گۆت: ئەم ل جھێ پرێ ئامادە بووینە و یا پێدڤی دێ ھێتە کرن بۆ چارەسەرکرنا ڤێ پرێ دوو بارە نووژەنکرنا وێ.
ھەروەسا ناڤھاتی ئاشکرا کر کو ئەو دێ ب نڤیسار لایەنێن پەیوەندیدار ئاگەھدار کەن بۆ وێ یەکێ چارەسەریەکا ئێکجاری بھێتە دیتن و ئێدا ئەڤ پرە بن ئاڤ نە بن و رێیێن ڤان گوندان نەھێنە داخستن.
ھاشم یەحیا بەرپرسێ پشکا کەشناسیا ئامێدیێ بۆ ئەڤرۆ نیوز دیارکر، کو ددەمێ ٢٤ دەمژمێرێن بوری دا ل ئامێدیێ ٧٧ ملیمێن بارانێ بارینە سەرجەمێ ئەڤ سالە دبیتە ١٢٥٥ کو پار ڤی دەمێ بتنێ ٥٥٣ ملیمێن بارانێ ھات بوون.
ئەڤرۆ نیوز:
ژ بەر بارینا رێژەکا باش یا بارانێ ل چەندین پارێزگەهێن ئیرانێ ب تایبەتی ژی ل پارێزگەهێن باکورێ وی وەلاتی و ل پارێزگەهێن گولستان و مازەندەرانێ لەهیێ زیانێن مەزن گەهاندینە خەلکی و هەتا نها چەندین وەلاتیان جانێ خوە ژ دەست داینە و چارەنڤیسێ گەلەک کەسان ژی دیار نینە.
دەزگەهێن راگەهاندنا ئیرانێ دیار دکەن کو زیانێن مادی یێن گەلەک مەزن گەهشتینە وەلاتیان و تیمێن هەوارهاتنێ ژی وەکو پێدڤی نەشیاینە خزمەتا خەلکی بکەن و پارێزگارێ گولستانێ ژی ژ کاری هاتیە دوور خستن.
ئەڤرۆ نیوز، عەلی حاجی:
پشتی ھاتنا رێژەیەکا زور د ماوێ ٢٤ دەمژمێرن بوری دا ل سنورێ ناحیا باتیفا، پرانیا لوفێن جادا زرێزەی ژ کارکەفتینە و مەترسیا ھەرفینا زێدەتر ژی ل سەر وان جاددەیان ھەیە و ھاتن و چوونا ترومبێلان ژی ل سەر ب زەحمەت کەفتیە .
دلشێر عەبدولسەتار رێڤەبەرێ ناحیا باتیفا بۆ ئەڤرۆ نیوز دیارکر بەردەوام ئەڤ رێیە ژ ناڤ دچیت و خراب بیت و ئەگەرێ سەرەکیێ ژناڤ چوونا وێ رێیێ ئاڤ دبن ئاخا وێ جاددەیێ دا ھەیە و ئەو ئاڤ زێ یە بەردەوام وان جاددەیا ژناڤ دبەت لێ د نوکە دا تنێ دشێن چارەسەریێن دەست پێکی بۆ بینن ھەتا باران ب دوماھی دھێن و بەردەوام ژی تیمێن مە ل سەر وێ جاددەیێ دھێنە دیتن ، نوکە مە پروژەیەک پێشکێشی کارگێریا پارێزگەھا دھوکێ کری یە و رازیبوون ژی ل سەر ھاتیە دان تنێ یا مایی باران ب دوماھی بھێن دێ دەست ب چێکرنا وێ رێکێ ھێتە کرن.
ناڤھاتی زێدەتر گوت ژی : چێکرنا وێ رێیێ تنێ دێ ھەتا ٧ سالان دێ خوە گریت نە زێدەتر و چارەسەریا ھەتاھەتایێ ژی تنێ ئەوە رێکا گوندێ دێریشکێ بھێتە دروست کرن و سەرچاوەیێ وێ رێکێ بھێتە گوھۆرین و چێکرنا وێ رێیێ ژی پێدڤی ب بودجەیەکا باش ھەیە.
ھەولێر، قائید میرۆ:
پشتی بڕیارا ئەمریکا بۆ ڤەکێشانا ھێزێن خوە ل سووریا پێشنیازا چێکرنا دەڤەرەکا ئارام ل سووریا ھاتیەکرن و سەرۆکێ ئەنجوومەنی نیشتیمانیا کوردی ژی دبێژیت، مە ھندەک مەرج ھەنە بۆ ئاڤاکرنا دەڤەرەکا ئارام ل سووریا و نابیت لبن ئەجێندایا چو وەلاتێن دیاری کری بیت.
نەواف حەسەن، سەرۆکێ ئەنجوومەنێ نیشتیمانی یێ کورد (ئەنەکەسە) بۆ ئەڤرۆ نیوز دیارکر” بڕیاردان لدۆر رەوشا سووریا نە ددەستێ ئۆپۆزسیۆنێ و نە دەستێ رژێما بەشار ئەسەدە، بەلکۆ تنێ ئەمریکا و رۆسیا دشێن بڕیاران بۆ رەوشا سووریا دەربکەن، لەوڕا ژی بزاڤێن مە وەک ئۆپۆزسیۆن د بەردەوامن دگەل وەلاتێن زلھێز و شاندەکێ ئەنەکەسێ دگەل شاندێ ئۆپۆزسیۆنێ بەری چەند رۆژان سەرەدانا ھەر یەک ل ئەمریکا و رۆسیا کرینە و بڕیارە سەرەدانا ھژمارەک وەلاتێن دی ژی بکەن، ھەموو بزاڤەک دھێتەکرن بۆ دیتنا چارەیەکێ ژ بۆ رەوشا سووریا ب گشتی و رۆژھەلاتێ فۆرات ب تایبەتی.
ناڤهاتی هەروەسا دیار کر کو بڕیارە شاندێ ئۆپۆزسیۆنێ بۆچوونا وەلاتان لدۆر رەوشا نوکە یا سووریا وەربگرن و دووڤدا بھێتە گەنگەشەکرن، ئەف دانوستاندن ھێشتا بەردەوامن، ژ بەر کو ئەمریکا یا رژدە لسەر ڤەکێشانا ھێزێن خوە ل سووریا، ئەم ژی وەک ھێزێن کوردی پشکدارین د ھەر بڕیارەکێ دا لدۆر رەوشا سووریا، ڤێجا چێکرنا دەڤەرەکا ئارام بیت وەکی ھاتیە پێشنیازکرن یان ژی ھەر چارەسەریەک دی ھەبیت.
نەواف حەسەن ئاماژەکر” مە وەکو ئەنجوومەنێ نیشتیمانی یێ کوردی ھەلویستێ خوە بەری نوکە لسەر چێکرنا دەڤەرەکا ئارام ئاشکرا کریە و کو ئەم دگەل دەڤەرا ئارامین، بەلێ مە ژی مەرجێن خوە ھەنە، ئەو ژی نابیت ب چو شێوەیەکی ئەو دەڤەر لبن دەستھەلات و ئەجێندایا وەلاتەکێ تنێ بیت، بەرۆڤاژی ئەم دخوازین دەڤەرا ئارام ل سووریا ل ژێر چاڤدێریا ھەڤپەیمانیا نێڤدەولەتی بیت و جڤاکێ نێڤدەولەتیێ چاڤدێریێ بکەژ، نە ب تنێ وەلاتەک ژ بۆ بجهئینانا مەرەمێن خوە دەڤەرا ئارام بکار بینیت، ھێشتا چو ئەنجام نینە، لێ رەوشا سووریا د دەمێ نوکە دا پێدڤی ب چارەسەریێ ھەیە.
ئه‌ڤرۆ نیوز:
ھوژداریەکا ب لەز ژ بنگەهێ هاتنوچوونا ناحیا زاویتە بc شوفێرێن ھێژا ژبەر پێلا بارانێ ئەوا ئەڤرۆ 2019/3/25 پارێزگەھا دھۆکێ ڤەگرتی و ناحیا زاویتە ب تایبەتی داخازێ ژ خەلکێ خویێ خوشتڤی و شوفێرێن ھێژا دکەین، کو نوکە( چادا کەلیێ زاویتە )و( کەلیێ قەنتارا )و( جادا نێزیک گوندێ بێسرێ) و جادا( کومەلگەها باگێرا) و (کومەلگەها کورا ) پربویە ژ ئاڤا بارانان ئەفجا داخازێ ژ هەمی شوفێرا دکەین کو پێگیریێ ب رێنماین هاتن و چوونی بکەنە و لەزاتیا ترومبێلێن خو کیم بکەن دا توشی چو کرفتین هاتن و چوونێ نە بن و سەر و مال سامانێ ھەوە یێ پاراستی بیت.
نيشاندان