ئەڤرۆ نیوز:
یانا پاریس سانجێرمان دەست ب لڤیناکریە بوو ڤەگوھاستنا سێ ستێرێن یانا ریال مەدرید ل ڤەگوھاستنێن ھاڤینا ئەڤ سالە .
رۆژناما باریزیان یێ فرەنسی دیارکریە کارگێریا یانا پاریس سانجێرمان سێ یاریزانێن یانا ریال مەدرید کرینە ئارمانجا خوە بوو ڤەگوھاستنێن بھێت بۆ ب ھێز ئێخستنا پێکھاتیێ خوە و کوژمێ ٢١٠ ملیون یورۆیا بوو ئەوان ھەر سێ یاریزانان بەرھەڤکرینە ئەوژی ھەر ئێک ژ یاریزانان گارس بێل یێ وێلزی و ئیسکو یێ ئیسپانی و تونی کروس یێ ئەلمانی .
ھەردیسان وێ رۆژنامێ ئاشکراکریە ژی ئەو یانا پایتەختێ فرەنسا یا بەرھەڤە کوژمێ ٢١٠ ملیون یورۆیا پێشێشکی یانا ریال بکەت بوو ھەر ئێک ژ یاریزانان تونی کروس بەرامبەر ٨٠ ملیون یورۆیا و ئیسکو ٦٠ ملیون یورۆ گارس بێل ٧٠ ملیون یورۆ .
ھەردیسان وێ رۆژنامێ دیارکریە ژی یانا پاریس ل سەر داخوازیا راھێنەرێ خوە دێ دەست ب دانوستاندنان کەت ل گەل یانا ریال مەدرید بوو دەستڤە ئینانا شیانێن ئەوان یاریزانان ھەردیسان دێ دەستا ژ دو ستێرێن خوە بەردەت ئەوژی کاڤانی و دراکسلر .

تونی کروس و ئیسکو

گارس بێل

ئەڤرۆ نیوز:
یانا مانچێستەر یوناید یا ئنگلیزی دخوازیت ل ھاڤینا بھێت ھەڤبەستێ ل گەل چەند یاریزانێن بەرنیاس ئیمزا بکەت بوو ب ھێز ئێخستنا پێکھاتیێ خوە و جارەکا دی ب ھێز بھێـتە دناڤ ھەڤرکیێن ئورۆپی و نافخوی دا .
رۆژناما زەسەن یا برێتانی دیارکریە یانا مانچێستەر یوناید ھزر ل ئینانا ستێرا کرواتی و یاریزانێ یانا بەرشەلۆنا ئیڤان راکیتیچ کریە بوو ئیمزاکرنا ھەڤبەستا ئەوی یاریزانی کو راھێنەرێ یانێ سولشار دخوازیت ھەڤبەستێ ل گەل یاریزانەکێ خودان شارەزا ئیمزا بکەت پشتی تەکید بوونا چونا یاریزانێ وێ یێ ئیسپانی ھیریرا و ھەردیسان چاڤەرێ دھێتەکرن ستێرا وێ یا فرەنسی ژی پوکپا پێکھاتیێ یانێ ب جە بھێلت.
ئەوێ رۆژنامێ ئاماژە ب وێ چەندێ ژی کریە سولشار راھێنەرێ یانا مان یوناید وەسا دبینت راکیتیچ مفایەکێ مەزن گەھینتە یانێ ھەکە ئەو شیان ھەڤبەستێ ل گەل وی یاریزانی ئیمزا بکەن ل ھاڤینا ئەڤ سالە.
ھەردیسان ئەوێ رۆژنامێ دیارکریە ژی راھێنەرێ مان یوناید داخوازی ژ کارگێریا یانێ کریە ب زیترین دەم دەست ب لڤینا بکەن بوو دەستڤە ئینانا شیاینَن ئەوی یاریزانی تایبەت پشتی ئەوان دەنگوباسێن نوکە دھێنە بەلاڤەکرن کو چاڤەرێ دھێتەکرن ئەو یاریزان پێکھاتیێ یانێ ب جە بھێلت پشتی ب دووماھیی ھاتنا وەرزی ئەڤ سالە.

ئەڤرۆ نیوز:
پشتی ب دووماھیی ھاتنا یاریێن حەفتیا ٣٧ ژ خۆلا لالیگا ئیسپانیا مالپەرێ سکورد یێ وەرزشی باشترین پێکھاتیێ گەرا ٣٧ ژ خولا ئیسپانیا ھەلبژارت کو یاریزانێن یانێن ھەردو یانێن بەرشەلۆنا و ریال سوسیداد کونترولا باشترینێن ڤێ حەفتیێ کربوو کو شەش یاریزان دناڤدا بوون.
باشترین پێکھاتیێ ٣٧ ب ڤی رەنگی خوارێ یە
گولچیی یوڤانوڤیچ ژ ھویسکا
بەرەڤانی پیکێ ژ بەرشەلۆنا ، نونێز ژ ریال سوسیداد ،کاتینا ژ رایوڤالیکانو ، زالدویا ریال سوسیداد.
ھێلا ناڤین ڤیدال ژ بەرشەلۆنا، گارسیا ژ ئەتلەتیکو بلباو ،بارنتسیا ژ ریال سوسیداد و خواکین ژ ریال بیتیس .
ھێلا ھێرشبەری ئیگلاسیاس ژ ئیسپانیول و میسی ژ بەرشەلۆنا.

ئەڤرۆ نیوز:
یانا ریال مەدرید چارەنڤیسێ گولچیێن خوە بۆ وەرزێ بھێت ئێکلاکر و بریار دایە بوو وەرزێ بھێت پشت بەستنێ ل سەر تیبو کورتوا وەکو گولچیێ سەرەکی بکەن

رادیویا کادینا یا ئیسپانی ئاشکراکریە کارگێریا یانا ریال مەدرید گولچیێ خوە یێ کوستریکی ناڤاس ئاگادارکریە بۆ وەرزێ بھێت کورتوا دێ وەکو گولچیێ سەرەکی بیت و یاریا رۆژا ئێک شەمبیا بھێت دێ دووماھیی یاریا ناڤاس بیت ل گەل یانا ریال مەدرید.
ژلایەکێ دیڤە رۆژناما مارکا ئاشکراکریە یانا ریال مەدرید بۆ وەرزێ بھێت بریارا خوە ئێکلاکریە سەبارەت گولچیێن یانێ و ناڤاس د ناڤا پلانا وێ یانێ دا نینە بوو وەرزێ بھێت و ژ ئەوان یاریزانانە ئەوێن دێ ل ھاڤینا بھێت پێکھاتیێ یانێ ب جە ھێلت ھەر چەندە ئەو گولچیی ئێک ژ ئەوان یاریزانان بوو بەری نوکە پشت بەستنەکا مەزن ل سەر کر .
ھەردیسان ئەوێ رۆژنامێ ئاشکراکریە ژی زێدان شیا کارگێریا یانێ رازی بکەت بوو مانا ناڤاس وەکو گولچیێ دوێ لێ ئەوی ژبەر کورێ خوە ئەو داخوازی ژ کارگێریا یانێ نەکر و رازەمەندیا خوە ل سەر فروتنا ئەوی گولچیی دا و کورێ وی لوکا دێ بوو وەرزێ بھێت ژی ل ناڤا پێکھاتیێ یانا ریال مەدرید یێ بەردەوام بیت.