ئەڤرۆ نیوز،،نەوزاد هلۆری:
ئەڤرۆ درۆژا دویێ یا جەژنا نەورۆزێ دا هژمارەکا مه‌زن ژ خەلکێ دەڤەرێن بارزان و شێلادزێ و دەوروبەرا قەستا سەیرانگەها (دارا دازان) ل سنورێ دەڤەرا بارزان کر ژ بۆ بوراندنا دەمەکێ خوه‌ش.
بۆ دیتنا ڤیدیۆیێ ڤى لینكى كلیك بكه
ئه‌ڤرۆ نیوز:
فه‌رماندێ گشتى یێ هێزێن چه‌كدار ل عیراقێ، عادل عه‌بدولمه‌هدى، ئه‌ڤرۆ ئه‌ینیێ 22/3/2019 بریارا پێكئینانا شانه‌كا قه‌یرانێ بۆ چاره‌سه‌ركرنا ره‌وشا پارێزگه‌ها نه‌ینه‌وا پێكئینا، ژ ئه‌گه‌رێ ره‌وشا نه ئاسایى ئه‌وا پارێزگه‌ها ناڤبرى تێدا د بۆریت ب تایبه‌تى پشتى نقومبوونا به‌له‌ما گه‌شتیارى ل رووبارێ دیجله ل باژێرێ مووسل.
ل دووڤ بریار عه‌بدولمه‌هدى ئه‌و شانا قه‌یرانێ ژ سێ كه‌سان پێك دهێت ئه‌وژى هه‌ر ئێك ژ مزاحم قاسم خه‌یات، سه‌رۆكێ زانكۆیا مووسل وئه‌ندامه‌تیا هه‌ر ئێك ژ فه‌رماندێ ئۆپه‌راسیۆنێن نه‌ینه‌وا فه‌رماندێ پۆلیسێن نه‌ینه‌وا كو ئه‌و شانه دێ گرێداى فه‌رماندێ گشتى یێ هێزێن چه‌كدار بیت.
عه‌بدولمه‌هدى بریار دا ئه‌و شانا قه‌یرانێ كاروبارێن ده‌ستهه‌لاتا بجهئینانێ ل پارێزگه‌ها نه‌ینه‌وا ب رێڤه ببه‌ت تاكو جڤاتا پاریزگه‌ها نه‌ینه‌وا بریارێن خوه بده‌ت پشتى ڤه‌كۆلینێن نوكه دهێنه ئه‌نجامدان ل دۆر وێ روودانێ.
عه‌بدولمه‌هدى د بریارا خوه دا ئاماژه ب پاریزگارێ نه‌ینه‌وا كریه كو پێدڤیه پێگیریا تمام ب ڤێ بریارێ بكه‌ت.
ئه‌ڤرۆ نیوز:
پشتى نه‌وفه‌ل عاگۆب پارێزگارێ نه‌ینه‌وا خواستى سه‌ره‌دانا جهێ روودانا نقومبوونا به‌له‌ما گه‌شتیارى بكه‌ن ئه‌وا دوهى پێنجشه‌مبى پتر ژ 100 كه‌سان تێدا خه‌ندقین، ب ده‌هان وه‌لاتیێن باژێرێ مووسلێ رێگری ل ترومبێلا وى كر وداخوازا ده‌ست ژ كاركێشانا وى كر.
وه‌كو د پارچه ڤیدیۆیێ دا ده‌ردكه‌ڤیت، ب ده‌هان گه‌نجێن باژێرێ مووسل ب به‌ران هێرشێ دكه‌نه سه‌ر كاروانێ ترومبێلێن پارێزگارێ نه‌ینه‌وا وهه‌ر د وێ پارچه ڤیدیۆیێ دا ده‌ردكه‌ڤیت كو جاما ترومبێلا پارێزگارى یا هاتیه یا هاتیه شكاندان وزێره‌ڤانێن پارێزگارى ژى ب تووندى روو ب روویێ وان گه‌نجان دبن.
هه‌ر ل ده‌مێ ره‌ڤینا پارێزگارێ نه‌ینه‌وا ژ ده‌ستێ وان گه‌نجان، كاروانێ ترومبێلێن وى ل دو گه‌نجان دده‌ن وب دژوارى بریندار دكه‌ن.
بۆ دیتنا پارچه ڤیدیۆیێ كلیكێ ل سه‌ر ڤێ لینكى بكه.
ئه‌ڤرۆ نیوز:
ب مه‌ره‌ما دووڤچوونا روودانا نقوومبوونا به‌له‌ما گه‌شتیارى د ناڤ رووبارێ دیجله ل باژێرێ مووسل وگه‌هاندنا سه‌ره‌خوه‌شیا خوه ب كه‌سوكارێن قوربانیان، ئه‌ڤرۆ ئه‌ینیێ به‌شیر حه‌داد جێگرێ سه‌رۆكێ په‌رله‌مانێ عیراقێ ل گه‌ل هژماره‌كا ئه‌ندامێن په‌رله‌مانێ عیراقێ سه‌ره‌دانا باژێرێ مووسلێ كر.
د داخۆیانیه‌كێ دا بۆ ده‌زگه‌هێن راگه‌هاندنێ، به‌شیر حه‌داد گۆت” ئه‌م نوونه‌رێن هه‌موو عیراقیانه، نوونه‌رێن هه‌موو خه‌مێن هه‌وه‌ینه، ئه‌وا ل مووسل رووداى وخه‌ندقینا 100 كه‌سان، د گاڤا ئێكێ دا، مه دڤێت ئه‌ڤ روودانه ب ساناهى ده‌رباز نه‌بیت وپێدڤیه پێرابوون به‌رامبه‌ر وان كه‌سان بهێنه وه‌رگرتن یێن خه‌مسارى كرى د روودانا وێ كاره‌ساتا مه‌زن دا”.
گۆت ژى”ئه‌م ئه‌ڤرۆ یێن هاتین تاكو ژ نێزیك ئاگه‌هدارى ره‌وشا ڤى خه‌لكى ببین ومه سۆز ژى دایێ كو ل رۆژا ئێكشه‌مبیا داهاتى كارێ مه یێ ئێكێ د روونشتنا په‌رله‌مانێ عیراقێ دا، پرسا وێ لژنێ بیت كو بۆ دیاركرنا راستیان ل سه‌ر پارێزگه‌رێ نه‌ینه‌وا هاتیه پێكئینان، وێ لژنێ چه‌ند راسپارده‌یه‌ك یێن هه‌ین وپێدڤیه ل په‌رله‌مانێ عیراقێ ده‌نگ ل سه‌ر وان راسپارده‌یان بهێته دان تاكو ره‌وشا ئیدارى وئه‌منى وئاڤه‌دانكرنێ ل باژێرێ مووسل ب شێوه‌كێ باش بكه‌ڤیته كارى”.
جێگرێ سه‌رۆكێ په‌رله‌مانێ عیراقێ دیاركر” مه نه‌ڤێن گه‌له‌ك باخڤین، ژبه‌ركو ل رۆژێن داهاتى دێ كریارێن مه بینن”.
ئاماژه كر”هه‌موو داخوازیێن خه‌لكێ مووسل د ره‌وانه، خه‌لكه‌كێ دل تژى نه، مافی وانه داخوازا چاكسازیێ وخزمه‌تگوزاریان بكه‌ن، چونكى ئه‌ڤ خه‌لكه یێ سته‌م لێكرى یه ومالێن وان وێران بووینه وباژێرێ وان یێ ژناڤچوویه، د به‌رامبه‌ر دا ژى چو بۆ نه‌هاتیه كرن ژ خزمه‌تكرن وقه‌ره‌بووكرنا وان”.
ئەڤرۆ نیوز، زنار تۆڤی:
ب به‌هانه‌یا هەبوونا چەکدارێن پەکەکێ ل ڤێ دەڤەرێ، فروکێن ئێف 16 یێن تورکی خانیەك ل ناڤ گوندێ تشیشێ ل دەڤەرا بەرواری بالا توپبارانكر و ب تمامی ئه‌و خانى ژناڤبر.
سەرجۆن نیسان، وەلاتیەکێ گوندێ تشیشێ یە بۆ ئەڤرۆ نیوز دیار کر” فرۆكێن تورکی خانیەك ل گوندێ تشیشێ توپبارانكر، کو ئەو خانی گەلەک یێ نێزیکی مالا مه بوو و ژ ئەنجامێ وێ توپبارانکرنێ ئەو خانی ب تمامی ژناڤچوویه”.
گۆت ژى” دەنگێ توپبارانكرنێ ترسەکا مەزن ل دەف خەلکێ گوندی پەیدا کریە كو ئەڤە جارا ئێکێ فروکێن تورکی گوندێ مه توپباران دکەن”.
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ پارێزگه‌ها نه‌ینه‌وا هژمارا قوربانیێن روودانا نقومبوونا به‌له‌مه‌كا گه‌شتیارى ل رووبارێ دیجله ل باژێرێ مووسل ئاشكراكر.
ئه‌حمه‌د جبوورى، ئه‌ندامێ په‌رله‌مانێ عیراقێ ئه‌ڤرۆ ئه‌ینیێ 22/3/2019 ل به‌رپه‌رێ خوه ل سه‌ر تۆرا جڤاكى یا تویته‌رى به‌لاڤكر” 287 كه‌س د ناڤ وێ به‌له‌مێ دا بوون كو 103 ژوان ژن بوون و86 زه‌لام و98 زارۆك بوون”.
گۆت ژى” ب پشت به‌ستن ب سه‌حكرنا كامیرێن چاڤدێریێ یێن وێ ده‌ڤه‌را گه‌شتیارى، هژمارا وان كه‌سان بۆمه ده‌ركه‌فت كو سیارى به‌له‌مێ بووین”.
وى په‌رله‌مانتارێ عیراقێ ئاشكراكر ژى” هه‌تا نوكه ته‌رمێ 89 كه‌سان ژ ناڤ ئاڤێ یێن هاتینه ده‌رئینان و80 كه‌س ژى یێن هاتینه قورتالكرن، به‌لێ هه‌تا نوكه چاره‌نڤیسێ 118 كه‌سێن دى یێ دیار نینه وهه‌تا نوكه دبێ سه‌روشوینن”.
ئه‌ڤرۆ نیوز:
ئه‌ڤرۆ ئه‌ینیێ 22/3/2019 كه‌سوكارێن روودانا كاره‌ساتا دوهى یا نقوومبوونا به‌له‌مه‌كا گه‌شتیارى ل رووبارێ دیجله ل باژێرێ مووسلێ، خوه‌نیشادانه‌ك ئه‌نجامدا وهێرشى به‌رهه‌م سالحى كر.
ئه‌ڤرۆ به‌رهه‌م سالحب مه‌ره‌ما هه‌ڤخه‌میێ بۆ كه‌سوكارێن قوربانیێن روودانا دوهى یا مووسلێ گه‌هشته باژێرێ مووسل وژلایێ كه‌سوكارێن قوربانیێن روودانێ تووشى هێرشێ بوو وب ده‌نگه‌كێ بلند دگوتنێ ( حه‌رامییه … حه‌رامییه) وب دووڤ دا كه‌فتن ودئه‌نجامدا به‌رهه‌م سالح دناڤ ترومبێله‌كا پۆلیسان دا ره‌ڤى.
هه‌ر ئه‌ڤرۆ خوه‌نیشانده‌رین مووسل به‌ر د كاروانێ ترومبێلێن نه‌وفه‌ل عاگۆب پاریزگه‌رێ مووسل وه‌ركرن.
بۆ ديتنا ديمه‌نێ هێرشا خوه‌نيشانده‌رين مووسل ل سه‌ر به‌رهه‌م سالحى ڤى لينكى كليك بكه.
ئه‌ڤرۆ نيوز:
رێڤه‌به‌ريا گشتى يا كه‌شناسيێ ل هه‌رێما كوردستانێ ل دۆر ره‌وشا سه‌قاى ل دهۆكێ به‌لاڤكر كو سوباهى شه‌مبيێ 23/3/3019 ورۆژا سيێ ژ جه‌ژنا نه‌ورۆزێ دێ باران بارين ل دهۆكێ ده‌ستپێكه‌ت.
رێڤه‌به‌ريا ناڤبرى ل دۆر ره‌وشا سوباهى يا سه‌قاى ل دهۆكێ، دياركر” ل ده‌ستپێكێ دێ هنده‌ك ئه‌ور ل ئه‌سمانى بن وپاشى دێ بيته ئه‌ورێ تمام وپشتى نيڤرۆ دێ باران ده‌ستپێكه‌ت”.
ئه‌ڤرۆ نیوز:
جڤاتا پارێزگه‌ها نه‌ینه‌وا سه‌باره‌ت روودانا نقومبوونا به‌له‌مه‌كا گه‌شتیارى ل رووبارێ دیجله ل باژێرێ مووسل، كۆمبوونه‌كا نه‌ئاسایى ئه‌نجامدا وتێدا بریار دا ب دوورخستنا رێڤه‌به‌رێ گشتیێ ساخله‌میا پاریزگه‌ها نه‌ینه‌وا.
جڤاتا پارێزگه‌ها نه‌ینه‌وا تۆمه‌تا خه‌مساریێ ونه پیته پێدانێ بریار دا ب دوورخستنا (فه‌لاح تائى) رێڤه‌به‌رێ گشتیێ ساخله‌میا پارێزگه‌ها نه‌ینه‌وا ژ كارێ وى.
نيشاندان