ئافرەتێن دهۆكێ ڕێپیڤانەك بۆ هشیاركرنا ئافرەتان ئەنجام دا
دهۆك، لەزگین جۆقی:
ئافرەتێن پارێزگەها دهۆكێ ڕێپیڤانەك بۆ پتر هشیاریا ئافرەتان بۆ بەرهەنگارییا نەخۆشیا پەنجەشێرا مەمكی ئەنجام دا.
د. دلڤین ئیحسان، بەرپرسا سەنتەرێ وێ یێ ساخلەمیێ بۆ ئەڤرۆ دیاركر كو ئارمانج ژ رێپیڤانێ ئەوە، هاندانا ئافرەتان بهێتە كرن، بۆ بەرهەنگاریا نەخۆشیا پەنجەشێرا مەمكی و گۆت: «مە پتر ژ دو هزار پشكنینان بۆ ئافرەتان ئەنجامداینە، مە دڤێت پتر ئافرەت بهێن و پشكنینێن پێشوەخت بۆ بەرهەنگاریا نەخۆشیا پەنجەشێرا مەمكی بكەن، داكو ژیانا وان یا ساخلەم بیت و ژ نەخۆشیا پەنجەشێرا مەمكی بهێنە پاراستن».
