هژمارەكـا جادەیان ل ناوچـەداریا بجیلێ دهێنە چێكرن
رەمەزان زەكەریا:
سەرۆكاتیا باژێرڤانییا ناوچەدارییا بجیلێ ب هەڤكاری ل گەل تیمێ هونەری و ئامیرەتان دەست ب كارێ كۆنكریتكرنا چار كۆلانان ل گەرەكا سەرهلدان ل سەنتەرێ بجیلێ كریە.
وەهاب حەسەن، سەرۆكێ باژێرڤانیا ناوچەداریا بجیلێ گۆت: «درێژاهیا كۆلانێن هاتینە كۆنكریتكرن 180 مەترن و فرەهییا وان ژی پێنج مەترن و كەفتینە د خزمەتا وەلاتیان دا».
گۆت ژی: «ب مەرەما پاراستنا ژینگەهێ و دوورئێخستنا مەترسیێن لەهیان ل سەر گیان و مالێن وەلاتییان، ل رۆژێن بۆری تیمێن باژێرڤانیێ رابوون ب پاقژكرنا چەندین مەنهۆلان و رەخێن جادەیا سەرەكی ژ پێخەمەت پاراستنا گیان و مالێ وەلاتیان».
