ئه‌ڤ ساله 181 كه‌سان ب روودانێن هاتنوچوونێ گيانێ خوه ژ ده‌ست دايه
ئه‌ڤرۆ نيوز، نيوار محه‌مه‌د سه‌ليم:
د پرێسكۆنفرانسه‌كى دا ئه‌ڤرۆ ل باره‌گايێ پشكا ناڤ باژێرى يا رێڤه‌به‌را هاتنوچوونا پارێزگه‌ها دهۆكێ ئامارا سالا 2015ێ هاته راگه‌هاندن.
رائيدێ مافپه‌روه‌ر ئازاد تاها د پرێسكۆنفرانسه‌كى دا گۆت: “ل پارێزگه‌ها دهۆكێ و ده‌وروبه‌رێن وێ هزار و 223 روودانێن جواروجور په‌يدابووينه و ژ وان ژى 966 لێكدان و 170 وه‌رگه‌ريان و87 لێدان بوون”.
زێده‌تر گۆت: “د ڤان روودانان دا، 181 كه‌سان گيانێ خوه ژ ده‌ست دايه و ژ وان ژى 140 ژ ره‌گه‌زێ زێر و 41 ژ ره‌گه‌زێ مێ بوون، سێ هزار و 825 كه‌س ژى بريندار بووينه”.
رائيدێ مافپه‌روه‌ر داخواز ژى ژ ته‌ڤايا شوفێران كر كو پێگريێ ب قانوون و رێنمايێن هاتنوچوونێ بكه‌ن دا كو گيان و سامانێ وان يێ پاراستى بيت ژ هه‌موو مه‌ترسيێن هاتنوچوونێ.