ئه‌مريكا سزايێن نوو دانانه سه‌ر ئيرانێ
ئه‌ڤرۆ نيوز:
رۆژا ئه‌ينى ئه‌مريكا ناڤێ 14 قه‌وارێن ئيرانى، پێنج كۆمپانى و به‌رپرسه‌كێ بلندێ وى وه‌لاتى خستنه ناڤ وان لايه‌نێن كو بڕياره سزايێن نوو يێن ئابوورى ل سه‌ر بهێنه سه‌پاندن.
د به‌ياننامه‌كا وه‌زاره‌تا دارايى يا ئه‌مريكا دا هاتيه: “ئه‌مريكا بڕيار دايه ناڤێ 14 قه‌واره و پێنج كۆمپانى و به‌رپرسه‌كێ پله بلندێ ئيرانێ بێخيته ليستا سزايێن ئه‌مريكا”.
ب گۆره‌ى چه‌ند ژێده‌ره‌كان ژى ئه‌و به‌رپرسێ پله بلندێ ئه‌مريكا يێ كو بڕياره ژ دارايى وه‌زاره‌تا دارايى يا ئه‌مريكا ڤه بهێته سزادان، سادق لاريجانى يه، سه‌رۆكێ ده‌سته‌لاتێن دادوه‌رى يێ كۆمارا ئيسلامى يا ئيرانێ.
هه‌ر د به‌ياننامێ دا هاتيه كو ئه‌مريكا بۆ جارا دووماهيێ بڕيارا پابه‌ندبوونا خوه ب رێكه‌فتنا ئه‌تۆمى ل گه‌ل ئيرانێ بۆ ماوێ 120 رۆژێن دى دايه.
