ئه‌مريكا و بريتانيا و UN: دڤێت بارزانى بمينيت
ئه‌ڤرۆ نيوز:
پشتى ب دووماهى هاتنا كۆمبوونا پێنج قولى، سه‌رۆكێ ديوانا سه‌رۆكاتيا هه‌رێمێ ژبلى به‌رچاڤكرنا ناڤه‌رۆكا كۆمبوونێ ئه‌ڤرۆ يا پێنج لايه‌نان كو ل سه‌ر 13 خالان رێكه‌فتينه، هه‌ڤده‌م ئاشكه‌را كر كو ئه‌مريكا و بريتانيا و UN راگه‌هانديه كو پێدڤيه مه‌سعود بارزانى وه‌كو سه‌رۆكێ هه‌رێما كوردستانێ بمينيت هه‌تا هه‌لبژارتنێن داهاتى.
فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ بۆ رۆژنامه‌ڤانان راگه‌هاند: “هه‌لويستێ ئه‌مريكا و بريتانيا و UNێ د رێيا وى شاندى را د كۆمبوونا ئێكێ دا ل گه‌ل 16 لايه‌نان و پاشان ژى ل گه‌ل پێنج لايه‌نان گۆتيه كو دڤێت مه‌سعود بارزانى وه‌كو سه‌رۆكێ هه‌رێما كوردستانێ بمينيت هه‌تا كو هه‌لبژارتنێن داهاتى”.
به‌رى نوكه ژى محه‌مه‌دێ حاجى مه‌حمود سكرتێرێ حزبا سيوشاليست ديموكراتا كوردستانێ د چارچۆڤێ پشكداريكرن د به‌رنامه‌كێ تله‌ڤزيۆنى دا راگه‌هاند بوو كو ئه‌مريكا و بريتانيا و UNێ ب پارتێن سياسى گۆتيه كو دڤێت مه‌سعود بارزانى وه‌كو سه‌رۆكێ هه‌رێما كوردستانێ بمينيت”.
