ئهپل دێ سهرسالا 20ێ جودا گێڕیت
سندس سالح سلێڤانهی
ئهپل دێ ل سالا 2027ێ ب ههلكهفتا بیست سالیا دەستپێکرنا ئایفۆنێ ئاهەنگێ گێریت، کو ئێك ژ گرنگترین رۆژانە د دیرۆکا وێ یا نووژەن دا. راپۆرت ئاماژێ ب وێ چەندێ دکەن کو کۆمپانیا حەز دکەت ڤێ دەرفەتێ بکاربینیت بۆ دەستپێکرنا ئایفۆنەکێ کو ژ بنەڕەتێ جودا بێت ژ مۆدێلێن نوکە. دگەل نێزیکبوونا دەمێ ئاشکراکرنا بەرهەمێن نوو یێن ئهپل، گۆتگۆتک ئاماژێ ب وێ چەندێ دکەن کو ئایفۆن سالا بهێت ب تنێ نووکرنەک نەبیت، بەلکو دێ قووناغەکا نوو دەست پێ کەت ههڤبهركی ب نووترین تلەفۆنێن ئهپل.
ئێك ژ نووترین بەلگەیێن کو ئاماژێ ب دروستییا ڤێ ئەگەرێ دکەن، ژ لایێ یۆگیش برار، یێ زانیارییان بەلاڤ دکەت، ب رێیا هژمارا خۆ یا تویتەری (X) ڤە هاتییە، کو دو وێنە بەلاڤکرینە تێدا شێوهیێ ئایفۆنا داهاتی ژ گۆشەیێن جودا دیار دکەن. ئەڤ دو وێنەیە ئاشکرا دکەن کو تلەفۆن دیزاینەکا چەمیایی یا ژ پێشی و پاشڤە هەیە. دیارە شاشە ژ هەمی چوار لایێن خۆ ڤە کێمەکێ چەمیای یە، ئەڤە ژی دگەل راپۆرتێن بەری نوکە یێن دەربارەی ئایفۆنەکێ کو ب تەمامی ژ جامێ هاتییە چێکرن بۆ کێمکرنا کەنارێن وێ. دەربارەی کامێران ژی، یەکینیا وێ ب شێوەیەکێ ئاشکرا یا ئاسۆیی هاتییە دانان، د جهێ دیزاینێ نوکە یێ ئهپل دا.
