ئه‌ڤرۆ كۆنفڕانسه‌ك دێ ل دۆر ده‌قێن ئایینی و كلتۆری هێته گێڕان
ئه‌ڤرۆ نيوز:
بڕیاره ئه‌ڤرۆ رۆژا 21-2-2018ێ كۆنفڕانسه‌كێ به‌رفره‌هێ ئایینی ل دۆر ده‌قێن ئایینی و كلتۆری ل باژێڕێ هه‌ولێرێ بهێته گێڕان و رێكخه‌رێ كۆنفڕانسی ژی دیار كر كو زانایێن هه‌رێما كوردستانێ و ده‌ڤه‌رێ دێ پشكداریێ د ڤی كۆنفرانسی دا كه‌ن و بابه‌تێن گرنگ یێن هزری دێ هێنه گه‌نگه‌شه‌كرن.
د. محه‌مه‌د شاكر، ڕاگرێ كۆلیژا زانستێن ئیسلامی ل زانكۆیا سه‌لاحه‌دین بۆ رۆژناما ئه‌ڤرۆ دیار كر كو بڕیاره ئه‌ڤرۆ ل باژێڕێ هه‌ولێرێ كۆنفڕانسه‌كێ ئایینی بناڤێ ده‌ق و كلتۆر بهێته هێته ئه‌نجامدان كو بۆ ده‌مێ دو رۆژان دێ یێ به‌رده‌وام بیت و گۆت: “هژماره‌كا به‌رچاڤا زانایێن ئایینی و رۆناكبیرێن ناڤخۆ و ژ ده‌رڤه ژی دێ پشكداریێ تێدا كه‌ن و سه‌ره‌رایی ڤێ چه‌ندێ دێ هژماره‌كا زانایێن ناڤدار و زانایێن وه‌لاتێن عیراق و ئوردن و پارێزگه‌هێن دهۆك و هه‌ولێر و سلێمانیێ ژی دێ د ڤی كۆنفرانسی دا ئاماده‌بن”.
ناڤهاتی ئاماژه دا وێ چه‌ندێ كو د چارچوڤێ ئه‌ڤی كۆنفڕانسی دا دێ ب هووری ڤه‌كۆلین ل دۆر ئه‌ڤان ده‌قێن ئایینی هێته‌كرن یێن په‌یوه‌ندی ب هزرێ ڤه هه‌ی، ب تایبه‌تی گه‌له‌ك بابه‌تێن ئایینی هه‌نه د بنه‌ڕه‌ت دا د ئایینی نینن به‌لكو كلتۆره و بووینه ئایین،مینا چێبوونا گرۆپێ تیرۆرستێن داعش كو چو په‌یوه‌ندی ب ئایینێ پیرۆزێ ئیسلامێ ڤه نینه و ب ناڤێ ئایینی ده‌ركه‌فتیه، له‌وڕا كۆنفڕانس دێ پتر ل دۆر بابه‌تێ هزری بیت د ئایینێ ئیسلامێ دا و بووچوونا زانایێن ئایینی دێ لدۆر ڤێ پرسێ هێته وه‌رگرتن.
