ئه‌ڤرۆ نيوز پۆستێن ئێكگرتوو ل دهۆكێ وه‌رگرتين ئاشكه‌را دكه‌ت
ئه‌ڤرۆ نيوز:
ئەندامەکێ سەرکرداتیا یەکگرتووی ئیسلامی کوردستان راگەھاند کو ئەو ل دۆر حوکمەتا ناڤخوەیی ل پارێزگەھا دھۆکێ ل گەل پارتی ل سەر ھەموو پۆستان رێککەفتن و گۆت:(د ڤان رۆژان دێ ب رەنگەکێ فەرمی راگەھینین).
غازی سەعید ئاشکرا کر کو ئەو ژی نوکە یێ کار ل سەر دەستنیشانکرنا بەربژارێن خوە بۆ پۆستان دکەن.
ژێدەرەکێ باوەپێکری کو نەڤیا ناڤێ وی بەلاڤ بکەین بۆ رۆژناما ئەڤرۆ ئاشکرا کر کو پارتی ل پارێزگەھا دھۆکێ ئەڤ پۆستە یێن داینە یەکگرتوو، رێڤەبەرێن ھەرسێ ناحیێن دەرکار، رۆڤیا و دێرەلوک و دو رێڤەبەرێن گشتی ئەو ژی رێک و پران ل دھۆکێ و دەزگایێ مینا ل زاخۆ و دیسا رێڤەبەری و فەرمانگەھێن: ل زاخۆ باجا دەرامەتی، ئاڤ و سۆلین و خانەنشین، ل دھۆکێ ژینگەە، ئاڤ و سۆلێن، ئاڤا ژێر زەڤی و فەرمانگەھا راگەھاندنا دھۆکێَ، ل سێمێلێ بانک، چاڤدێریا بازرگانی و ڤێتێرنەری، ل ئامێدیێ کارەب، ل شێخان چاندن، ل بەردەرەش رەوشەنبیری و ل ئاکرێ ژی باجا دەرامەتی و کارەب و گەھاندن. ھەروەسا و دو شیرەتکارێن پارێزگەری یێن داینە یەکگرتوو.
