ئێكەم گوندێ ل دەڤەرێ هاتیە كێمیابارانكرن گـوندێ برجینـی بوو
سالار محەمەد دۆسكی:
2-4
ئەم چووینە دارا و مە قەتكرن و هەر تشتەكێ گودبا مە ل خزمەتا پێشمەرگەی داب ووین و ئەڤە حالێ هەمیان بوو و ئەم یێ رۆژ ب رۆژ د هژمێرین هەتا دو هەیف ماین و من گۆتێ جەعفەر گۆت بەلێ من گۆتێ ژلایەكی ڤە كەیفا من یا دهێت دێ بینە پێشمەرەگە و دێ چەكی هەلگرین و ژلایەكی ڤە ئەمێ ترسین، جەعفەر گۆتی بۆچی؟ من گۆتێ نوزانم تە كومە نەوەرگرت پێشمەرگە، حەسەنێ سكرتێر گۆت دلێ من یێ شەهدە دەت دێ تڤەنگا دەتە هەوە بەلكو وی تشتەك زانی و مە نەزانی و رۆژەك ما و رۆژا دی ب دووماهی هات مە گۆتێ حەسەن دێ هەرە بێژە خالێ عەلی ئەڤە رۆژەك و مەسێ هەیڤێن خوە دەربازكرن، وچوون و هات و گۆت شەمسەدین جەعفەر كاك عەلی گۆتیە بلا بهێنە ژوور و جەعفەر قەلەمدار بوو رۆژانە نڤیسی كا چەند رۆژ چوون و چەند مان و ئەم چووینە ژوورا خالێ عەلی و مە سلاڤكر گۆت دا بۆ هەوە بێژم مە گۆتێ بەلێ خال عەلی و هەتا وێرێ ژی دلێ مە خوە دقوتا و ئەگەر گۆتبا هەرنە مال ئەڤە هەتكا مە چوو، ئینا خال عەلی گۆت من هوون وەرگرتن وەك پێشمەرگە هند كەیفا مە هات كەوەك ب پەرڤە دا چیتە دەڤێ مە دا و گۆت بەلێ من شەرتەكێ ل گەل هەوە هەی مە گۆتێ كەرم بكە گۆت هەر ژ ڤێگاڤێ هەتا رسقێ مە ل گەل ئێك دا ئێكێ خەلكێ بێتواتێ ئانكو سەر ب هێزێ ڤە رانیە، قەلادزێ، چارقورنە بێژیت شەمسەدین یان جەعفەر شاشیەكا كری دێ هەوە كەمە زیندانێ دا و چەكی ژ هەوە وەرگرم مە گۆتێ دروستە خال عەلی ، ڕابوو كاغەزەك نڤێسی و گۆت هەرنە عومبارا چەكی و بلا دو تڤەنكێن باش بدەنە هەوە و ئەم چووینە عومبارا چەكی گەلەك یا مەزن بوو و گەلەك چەك تێدا هەبوو و هەمی جورێن چەكی و مە گۆتێ خالێ حەسەن چەكێ لاو بدەمە و گەریا بوومە دو تڤەنگێن باش و لاو ژێگرتن و چار رەخت ژێگرتن و ئەم چووینە دوكانا مە دو شیتكێن گول گول ژی بخوە كرین و هەر ئێك ژ مە دو دەرسوەكا سور ژی گرێدا، ئەڤجا گۆتن هوون دێ زێرەڤانیێ گرن چونكە ئەم ب دورستی بووینە پێشمەرگە و عەلی شەعبان دەركەفت ئەم هوو دیتین بەرێ خوە دا مە و گۆتە حەسەنی ئەڤا پێشمەرگا ب جەربینە كا دهشیارن یان نە، رۆژەكێ عەلی شەعبان گازی مە كر و گۆت بۆ هەوە بێژم مە گۆتێ بەلێ خال عەلی گۆت هندی ساخ بم هوون دێ ل گەل من بن و كەیفا مە زێدەتر هات و ئەڤە گۆت چونكە باوەری گەلەك ب مەهات و زانی ئەم گەلەك عاشق و شەیدایێن پێشمەرگاتیێ نە و مە چ شاشی نەكرینە و پەیوەندیێن مە ل گەل هەمی پێشمەرگەی و خەلكێ دەڤەرێ دباشن و ئەم گوهداری فەرمان و رێنمایێن هێزا خوە ینە و گەلەك كەیف ب مەهات و ئەگەر زێرەڤانیا مە چەندی شەڤێ با مە دگرت و ئەگەر ئێك دەركەفتبا تەماشەی مە كربا ئەم د دورست بووین و گەلەك هەبوون ژ خوە ترسیان و هەشت هەیف بوورین ل سەر پێشمەرگاتییا مە دا و مە چ ژ مالێن خوە نەزانین و ئەوا ژی چ دەنگوباسێن مە نەبوون، چونكە هاتن و چوون نەبوو وی دەمی ئامیرێن پەیوەندێن لاسلكی هەبوون و مە گۆتە حەسەنی پەیوەندیێ ب عەلیێ خەلیل بكە ل گەلناسكێ و بلا پەیوەندی ب مالێن مە بكەت و بێژیتێ ئەڤە نوكە پێشمەرگەنە ل بێتواتێ نوزانم پەیوەندی نەچوو یان چ ژێ نەزانی ئانكو پەیوەندی ب گەلناسكێ و هێزا دهۆك نەهاتەكرن، دوڤدا رۆژەكێ دەستردانا مە دەركەفت و گۆت هوون دێ دو هەیڤا مینن و ڤەگەرنە دەواما خوە بۆ 1968 و 1969 و ب دووماهی هات و سالا 1970 دانوستاندن دناڤبەرا شۆڕشا ئیلۆنێ و حوكمەتا ئیراقێ داد روست بوون و ئەم چوووینە باژێرێ سلێمانیێ چار سالان ئەم ماینە ل سلێمانیێ و بتنێ ئەم دو جاران هاتینە دەستیردانێ، ئەم بەردەوام ل گەل عەلی شەعان بووین و دو لەندوڤەر مە هەبوون ئێك یا وی و شوفێرێ وی بوو و ییان دی یا زێرەڤانان بوو و پشتی سالا 1974 سەركردایەتی ل گەل حوكمەتا بەعس پێك نەهاتین ب فەرمانا مەلا مستەفا بارزانی مە خوە ژ باژێران ڤەكێشا و دەمێ ئەم ل سلێمانیێ بەری خوە ڤەكێشین ئەم و لەشكرێ ئیراقێ دناڤ ئێك داب ووین و ئەم هەر دو ب چەك بووین بەلێ وی دەمی شەر نەبوو و ئەم هاتینە بێتواتێ و مە دەست هاڤێتە شەری و شەر ل گەل حوكمەتا ئیراقێ جارەكا دی دەستپێكر، و ئەڤە ئێكەم شەرێ مە بوو ئەم تێدا پشكداربین و شەرێ مە ل هیران و نازلینا بوو و حوكمەتا ئیراقێ لەشكرەكێ مەزن ئینا دەڤەرێ و مە شەرەكێ مەزن كر وێ چەڤێ گەلەك شەهید مەدان و 28 جندی مە ئێخسیركرن و مە دەستێن وا گرێدان و كەسەك ل گەل مە هەبوو بناڤێ زوبێر مە جندی ئینانە سەر كانیكێ و ناڤبەینەكێ مەدیت دەنگێ چەند گولان هات و مە گۆتێ ئەو ج بوو زوبێر گۆت من دو جندی كوشتن و هەڤالێن مە گەلك عاجز بوون و گۆت ئێك گولادی نابیت هوون پاڤێن و ئەگەر هوون پاڤێژن دێ هەوە كوژین و ئەڤە ئێخسیرن نابیت بهێنە كوشتن، سپێدێ ئیڤایێن ئیرانێ وی دەمی ئەم و ئیران ناڤ ئێك دا بووین و هێز ل حاجی عومران و سماقوركێ و كەتیبێن توپا 100 مەتران درێژ بوون و ئەم هاتینە بێتواتێ و نوزانم چ ل وا ئێخسیرا هاتەكرن، شەڤا دوڤدا تەقدمەكا دی هات و دەشتا رووت بوو و مە خوە ڤەكێشا و سێ چار شەرێن مەزن ل وێرێ هاتنەكرن، و ئەم شكەستین و جارا دی تەقدەم مەزن هات چیایێ ماروخی و كاروخی و حوكمەتێ ب فرۆكان و عەبدولرەحمان مە هەبوو توپپچی بوو و سلێمانێ حاجی بدری یا بوو و عەبدولرەحمان وێ شەڤێ شەهید بوو، و مە وێ شەڤێ گەلەك شەهید دان و دیسا مە گەلەك ژوانا ژی كوشتن، گەلیێ دهۆكێ بەردا بوو و عەلیێ خەلیل نەفیكر و ئینا دەف مە و فارس كورەماركی ئامر بەتلیون بوو مال دەف مە لوێرێ و هێزا مام فارس چار شەهید دان و مە پێنچ بۆ شەش شەهیدان دان و حوكمەتێ نڤیا وی چیایی ژ دەستێن مە ئینا دەررێ و هێزا حوكمەتێ گەلەك یا مەزن بوو و ب چەكەكێ هەرە پێشكەفتی هاتبوو دەڤەرێ پا ئەو چار سال بوو رحەتی بوو و حوكمەتێ ئەوا چار سالان گەلەك بەرهەڤی كربوون و هێزا خوە ژ هەمی روویەكی ڤە لێكدا بوو و فەرمان هات و گۆتن مەلا مستەفا بارزانی فەرمان دایە كو دڤێت ئەف چیایە ژ دەستێن حوكمەتێ بهێتە دەرێ و لەشكرێ بەهدینان و سوران پێكڤە هاتن و حوكمەت ب شەڤ نەشێت چ بكەت و هەر وێ شەڤێ پێشمەرگەی ئەو چیا هەمی ژ دوستێن حوكمەتێ ئینادەرێ هەتا گەهشتینە چارقورنە و رانیا و شەرێ مە یێ غەدارێ و تڤەنگێ بوو نەوەكی ڤێگاڤێ شەرێ توپا بوو ل بیرا منە وێ شەڤێ ژی مە پێنچ شەهید دان و چەكێ مە یێ مەزن ئارپیچی و توپا 120 بوو، بەلێ كەتیبێن توپا یێن ئیرانێ ل سماقولێ و چوومان بوون و ئەم هاتینە بارەگایێ خوە و دەستیردان بوومە دەركەفت و ئەم چووین، سپێدێ عەلی شەعبان گازی مەكر و ئەم 13 بۆ 14 زێرەڤانا بووین و بەرپرسا تشتەك دزانی و مە ئەڤێن دی چ نەزانین و گۆت هەرن عومبارێن خوەیێن چەكی ب تەقینن و عومبارێن چەكی ب لوریان عیتاد و چەك تێدایە و جورێن چەكی و ئێزگەی گۆت نسكویا ب شۆڕشێ كەفتی 23/3/1975ێ.
