ئەمریکا دێ رۆلێ سەرەکی ھەبیت د ئازادکرنا باژێرێ مووسل دا
ئەڤرۆ نیوز:
ئەندامەکێ لژنا ئێمناھیێ ل پەرلەمانێ عیراقێ ئاشکراکر کو نەبتنێ رێکەفتنا سایکس بێی کو دووماھی ب نەخشێ عیراقێ و سووریایێ و دەڤەرێ ئینا، بەلکو پێکھاتێن ڤان دەڤەران دژین ئێدی ئێکودو نەڤێت و نەشێن ل گەل ئێک بەردەوامیا ژیانێ پێکڤە بکەن.
ھەمان ئەندامێ پەرلەمانی گۆت: گیربوونا گرتنا مووسل بۆ وێ چەندێ دزڤریت کو دڤێت ھێزێن سیاسی ل عیراقێ ئێک بگرن و پێشبینی دکەین دەمەکێ گەلەک کێم دا پرۆسێسا ئازادکرنا مووسل بھێتە بجھئینان، باوەرناکەم پارێزگەھا نەینەوا چو پەیوەندی ب کێشا سەرۆکێ سوریا بەشار ئەسەدی یان ژی گرێدانەک ل گەل (رقا) ڤە ھەبیت، دیسان رووسیا ژی چو پەیوەندی ب ئازادکرنا مووسل ڤە نینە، چونکە ئەمریکا رۆلێ سەرەکی دگێریت.
شاخوان عەبدوللا گۆت ژی : ھێزێن عیراقێ شیانێن گرتنا مووسل بتنێ نینن و دڤێت ھێزێن دەولی رۆلێ خوە بگێرن و دیسا دڤێت نەخشەکێ ب رێک و پێک ھەبیت .
ھەمبەری رێککەفتنا سایکس بیکۆ، ژی، ناڤبری گۆت: راستە رێککەفتنا سایکس بیکو دێ ل دووماھی یا ھەیڤا گۆلانا سالا بھێت دێ ب دووماھی ھێت، لێ دەڤەر بگشتی وەک خوە نەمایە و ھەر ھەموو ھاتیە گوھۆرین و عیراق و سوریا بگشتی ھاتینە گوھۆڕین، نھا چو پێکھاتێن عیراقێ ئێکو دو نەڤێت نە کوردان سنە دڤێن و نە شیعان کورد دڤێن و نە سونا شیعە دڤێن و ھەر ھەموویان ئێک دو نەڤێت و نەڤێن ل گەل ئێک بژین و ئەڤە راستیە و ڤەشارتن نینە و ئەڤە بوویە واقعەک.
ھەمان ئەندامێ پەرلەمانی گۆت: حەشەد شەعبی پشکداریێ دئازادکرنا مووسل دا ناکەت و ھەتا نوکە ل دەر دۆرێن پارێزگەھا رومادی یە، لێ ل بێجێ و ھندەک دەڤەرێن دی ژی ھەیە و نابینم ل چ دەڤەران شەرێ عەرەبێن شیعە و سنە دەست پێکربیت، لێ مەترسی ل سەر چێبوونا ڤی شەری ل پاشەرۆژەکا نێزک ھەیە.
ھەمبەر دیتنا وەلاتێن جیھانێ ژی بۆ پێشمەرگێ کوردستانێ، شاخەوانی گۆت: وەزیرێن رووسی و ئەلمانیا وەلاتێن جیھانێ رۆلێ پێشمەرگێ کوردستانێ بگرنگی دبینن دشەرێ دژی داعشێ و تیرۆرستان دا و ب قارەمانانە دھێتە دیتن و ھەلسەنگاندن.
شاخوان عەبدوللا گۆت” وەتێن جیھانێ سۆزداینە چەکی بۆ پێشمەرگەی بھنێرن و ب فەرمی مە داخاز ژ عیراقێ کریە و ئەگەر چەکی نەدەتە پێشمەرگەی نەچارین ژ وەلاتێن بیانی بخازیتن، شاخەوانی دیارکر کو ل میزانیا سالا بھێت یا عیراقێ پارێ بۆ ھێزێن بەرەڤانیێ ھاتینە تەرخانکرن 21 تڕیلۆن بووینە و نابینم ئەڤە پارەکێ کێم یبت.
