ئەڤرۆ دێ وه‌رگرتنا ناڤێن کاندیدان بۆ هه‌لبژارتنێن هه‌رێمێ ده‌ستپێكه‌ن
ئەڤرۆ نیوز ، زنار تۆڤی:
كۆمسیۆنا بلند یا هه‌لبژارتن و راپرسیێ ل هه‌رێما كوردستانێ راگه‌هاند، کو ئاماده‌كاریێن هه‌لبژارتنێن په‌رله‌مانێ كوردستانێ د به‌رده‌وامن و ئەڤرۆ دێ وه‌رگرتنا لیستا ناڤێن کاندیدان ده‌ستپێكه‌ت.
د راگه‌هاندنه‌كێ دا كۆمسیۆنا بلند یا هه‌لبژارتن و راپرسیێ ل هه‌رێما كوردستانێ دیار كریە، کو ئەڤرۆ شه‌مبیێ 7.7.2018 دێ ده‌رگه‌هێ تۆماركرنا ناڤێن به‌ربژاران بۆ ئالیێن سیاسی هێته ڤه‌كرن و هەتا 25 ڤێ هەیڤێ دێ یا به‌رده‌وامبیت، پاشی دێ بنگه‌هێن تۆماركرنا ده‌نگده‌ران بۆ پێداچوونا ناڤێن وه‌لاتیان هێنه ڤه‌كرن.
لدوو كۆمسیۆنا هەرێمێ، هەتا نوکە 29 قه‌وارێن سیاسی و سێ هه‌ڤپه‌یمانیا ناڤێن خوه بۆ هه‌لبژارتنێن په‌رله‌مانێ كوردستانێ تۆماركرینه.
دیسا وەسا بریاره کو ل رۆژا 30 ئیلۆنا ئه‌ڤ ساله، هه‌لبژارتنێن په‌رله‌مانێ كوردستانێ بهێنه ئەنجامدان.
