ئەڤرۆ سالڤەگەرا 120 سالیا رۆژنامەگەریا كوردیە
ئەڤرۆ نیوز ، زنار تۆڤی :
ئەڤرۆ ئێكشەمبیێ 120 سال ب سەر بەلاڤکرنا ئێكەم رۆژناما كوردی دا تێپەر دبیت.
ل 22 نیسانا سالا 1898 زاینی و ل سەر دەستێ میقداد مەدحەت بەدرخان ئێكەم رۆژنامەیا كوردی ل قاهیرەیا پایتەختێ مسرێ ب ناڤێ كوردستان دەرچوویە،ئەڤ رۆژنامە د ماوێ پێنج سالاندا ل جهێن جۆدا هاتیە چاپکرن و ب گشتی 31 ژمارە لێ دەرچووینە.
رۆژناما كوردستان هەر ب ڤی ناڤی ل چەند سەردەمێن دیتر دەرچوویە، بەلێ یا گرنگ ئەوە کو بناغێ رۆژنامەگەریا كوردی بەری 120 سالان هاتیە دانان و نوکە ب سەدان رۆژنامە و تەلەڤزیۆن و رادیۆ و گۆڤار و مالپەر و پەیجێن تایبەت ل سەرانسەری كوردستانێ مژۆلی کارێ رۆژنامەگەریێ نە.
مێژوویا رۆژنامەگەریا كوردی 293 سالان پشتی دەرخستنا ئێكەم رۆژنامێ ل جیهانێ دەست پێ دکەت. ئێكەم رۆژنامە ل ئۆكتۆبەرا 1605 ل ئەلمانیا ب ناڤێ Ordinarie Zeitung us دەرچوویە.
