ئەڤ سالە 913 شۆفێر بۆ دادگەھێ ھاتینە رەوانەکرن
ئەڤرۆ نيوز:
د شەش ھەیڤێن دەستپێکێ یێن ئەڤ سالە دا ل سەرانسەری پارێزگەھا دھۆکێ دو ھزار و 588 شۆفێرێن سەرپێچکار ھاتینە زیندانکرن و ژوان ژی پتری 900 شوفێران بۆ دادگەھێ ھاتینە رەوانەکرن.
عەمید فەخری ئەحمەد مەجید، رێڤەبەرێ ھاتنوچوونا پارێزگەھا دھۆکێ بۆ رۆژناما ئەڤرۆ دیار کر کو ژ ئەگەرێ روودانێن ھاتنوچوونێ و سەرپێچیکرنا قانوونێن ھاتنوچوونێ ل سەرانسەری پارێزگەھا دھۆکێ، دو ھزار و 588 شۆفێر د سالا بۆری دا ھاتینە زیندانکرن وگۆت: “ژ ڤی سەرجەمی 913 شۆفێر بۆ دادگەھا دھۆکێ ھاتینە رەوانەکرن”.
ناڤھاتی ئاماژە دا وێ چەندێ کو ئەو شۆفێرێن بۆ دادگەھێ دھێنە رەوانەکرن پتریا وان ئەون یێن کو بێ دەستووری ترۆمبێلێ دھاژوون یان د سەرخوەش بووینە یان ژی مۆبایل ب کارئینایە و بوویە ئەگەرێ پەیدابوونا روودانەکێ، ھندەک جاران ژی ب لەز ھاژووتنا ترۆمبێلێ بوویە ئەگەر شۆفێر رەوانەی دادگەھێ بھێتە کرن، دیسان شوفێر ھەبووینە کو بێی دەستی ترۆمبێل ل زارۆکێ خوە دایە و بوویە ئەگەرێ مرن یان برینداربوونا وی، ئەڤە ژی وەکو ھەموو روودانێن دی دھێتە ھژمارتن سەرپێچی و سکالا ژلایێ رێڤەبەریا ھاتنوچوونێ ل سەر شۆفێری دھێتە تۆمارکرن و دھێتە رەوانەکرن بۆ دادگەھێ ھەتا کو دادگەە ل دووڤ قانوونێ بریارێ ل سەر بدەت.
