بابه‌كر زێبارى دێ دو پۆستێن نوو وه‌رگريت
ئه‌ڤرۆ نيوز:
سۆپاسالارێ به‌رێ يێ سۆپايێ عيراقێ دێ ڤه‌گه‌ريته هه‌رێما كوردستانێ و ل هه‌رێمێ دێ دو ئه‌ركێن نوو يێن له‌شكرى پێ هێنه دان.
ب گۆره‌يى نووچه‌كێ مالپه‌رێ فه‌رميێ پارتى ديموكراتى كوردستانێ، بڕياره ئه‌ڤرۆ رۆژا دوشه‌مبى رێكه‌فتى 13ى تيرمه‌ها 2015ێ بابه‌كر زێبارى سۆپاسالارێ به‌رێ يێ له‌شكرێ عيراقێ د رێيا فرۆكخانا نێڤده‌وله‌تى يا هه‌ولێرێ را بگه‌هيته هه‌رێما كوردستانێ.
مالپه‌رێ پارتى به‌حس ل وێ چه‌ندێ ژى كريه كو چه‌ند پێزانين ب ده‌ست وان كه‌فتينه كو زێبارى دێ وه‌كو شيره‌تكارێ له‌شكرى يێ مه‌سعود بارزانى سه‌رۆكێ هه‌رێما كوردستانێ و ئه‌ندامێ فه‌رماندا گشتيا هێزێن چه‌كدار ل هه‌رێما كوردستانێ هێته دامه‌زراندن.
هه‌ر ديسا ب گۆره‌يى پێزانينان ل فرۆكخانا نێڤده‌وله‌تى يا هه‌ولێرێ دێ مه‌راسيمه‌كێ رێزلێنانێ ل سۆپاسالارێ به‌رێ يێ سۆپايێ عيراقێ هێته گرتن.
به‌رى نوكه ل سه‌ر داخوازا مه‌سعود بارزانى سه‌رۆكێ هه‌رێما كوردستانێ ده‌ست ژ پۆستێ خوه وه‌كو سۆپاسالارێ له‌شكرێ عيراقێ كێشا.