باران بارين دێ ده‌سپێكه‌ن
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 22ى شوباتا 2018ێ دهێته پێشبينيكرن ئه‌سمان دێ ئه‌وره‌كێ كێم و باراناوى بيت و ل ده‌ڤه‌رێن چيايى دێ زێده‌تر بيت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن وه‌لاتێ توركيا و فشارێن نزمێن ده‌ريا ناڤه‌راست دهێته پێشبينيكرن ئه‌سمان ئه‌وره‌كێ كێم و باراناوى بيت و ل ده‌ڤه‌رێن چيايى دێ زێده‌تر بيت.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 8 پله بيت و بلندترين پله ژى دێ 16 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ 15كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 10كم دا بيت.
هه‌ر ب گۆره‌ى ڤێ راپۆرتێ، ل رۆژا پێنجشه‌مبى ده‌ڤه‌ر دێ كه‌ڤيته بن گوهۆڕينێن فشارێن نزمێن ده‌ريا ناڤه‌راست كو بۆ ماوێ حه‌فتيه‌كێ دێ ئه‌سمانێ هه‌رێمێ به‌رده‌وام ئه‌ور بيت و باران ب ره‌نگه‌كێ ڤه‌قه‌تيايى و ره‌نگه‌كێ كێم و ناڤه‌ندى ل ده‌ڤه‌رێن جودا باريت و هنده‌ك ده‌مان ژى ئه‌سمان دێ ساهى بيت ل گه‌ل هنده‌ك ئه‌وران و زێده‌تر دێ د ڤان رۆژان كه‌شه‌كێ بوهارى بيت و پلێن گه‌رمێ دێ بنه‌جهـ بن.
