بازرگان دو سترانان تۆماردكەت
هەرهین محەمەد
سترانبێژ (هەوار بازرگان) د دیدارەكێ دا بۆ رۆژنامەیا ئەڤرۆ دیاركر كو ئەڤە دەمەكە ئەو مژوولی تۆماركرنا دو سترانێن نوویە، یا ئێكێ نووكرنا سترانەكا هونەرمەند (پیر داودە) ژمۆزیكێ ب دووماهی هاتیە، سترانا دویێ ژ پەیڤ و ئاوازێن (عومەر ئاغا) نە، هەردو ستران دقوناغا تۆماركرنێ دانە و ل بەرە ل نێزیك بهێنە بەلاڤكرن.
ناڤبری گۆت: هەلبژارتنا من بۆ سترانێ دڤێت پەیڤ و ئاواز هەردو ب هێزبن و ل گەل ئێك ب گونجن و دەمێ گوهدار گوهداریێ دكەن بۆ گوهێ وان یا خۆش بیت و هەردو تەمامكەرێن ئێكن، لەورا گرنگیێ ب هەردویان ددەم، بەلێ هندەك جاران ئێك ژ ئێكێ خۆشتر دەردكەڤیت و گەلەك جاران ئاوازدانەرەك دێ ئاوازەكێ دەتە من و دێ بەمە دەف هەلبەستڤانەكی هەلبەستەكێ بۆ بنڤیسیت، یان هەلبەستێ د بەمە دەف ئاوازدانەری بۆ من ئاواز دكەت و ل دەف من چ جوداهی نینە كیژل دەستپێكێ بیت و یا گرنگ ئەوە سترانەكا خۆش و سەركەفتی بهێتە بەرهەم
وسترانا من ب ناڤێ (دەروی) ل دەف من جوانترین بەرهەمێ منە و چیرۆكەكا خۆش ل پشت هەیە، ژبەركو هونەرمەندێ مەزن شوان شێخانی خودانێ سترانا دەردێ دل بێ دەرمانە و ئەو ستران نێزیكی بیست هەتا بیست و پێنچ سالان ل دەف من بوویە و هەتا كو دەم هاتی من تۆماركر و كلیپكر.
